来源：夜光杯
原创：沈嘉禄
沪语改写、讲述：牛美华
文字、语音审核：丁迪蒙
编辑：王乙其
往期回顾：陆文夫搭老苏州茶酒楼（上）
我搭文汇报个立行兄等朋友勒伊面吃过一顿饭。立行兄提前一天订了大堂散席，到辰光兴冲冲过去，还是等仔半个钟头。门口有副对联，是陆老师拟定之后，由苏州书法家写个：天涯来客茶当酒，一见如故酒当茶。
小菜只只好吃，半块晋砖伊能厚实个酱方搭一盆汤汁稍宽个炒螺蛳最对我个胃口。装潢简朴，椅桌素白，陆文夫是最讨厌吃虚头个。立行兄还引我伲上二楼看了看，最东头个转角浪有一间大包房，俗称三面厅，窗门外头树影婆娑，翠色养眼。包房里向满架个书籍杂志，还摆了只写字台，文房四宝一样勿缺，每当有重要客人来访，陆老师就勒此地设宴。
不过，好景勿长，云散琉璃脆，八年之后，陆锦因病离世，对陆老师个精神打击邪气大，没几化辰光，伊也离开了繁花似锦个世界。搿能，茶酒楼个经营陷入困境，后来由行内人士接手，励精图治，再让病梅重新绽放。
可惜个是，前几年租约到期，茶酒楼进入休克状态。旧年，经过苏州市有关部门个拍板搭协调，由苏州新梅华餐饮管理有限公司接手，经过半年多个改造搭装修，老店新开。新梅华个两位当家人金洪男搭单正女士，决心传承陆文夫老师个衣钵，做好老苏州个家常菜，让客人能真实体验到闲适、优雅个苏州生活。
我伲走进茶酒楼，墙浪挂辣还陆文夫个照片，还有伊为茶酒楼拟定个“广告词”：“小店一爿，呒啥花头，无豪华装修，有姑苏风情，无高级桌椅，有文化氛围。”一番东张西望，真个就像陆老师所希望个朴素无华，墙浪个彩墨画出自总经理金洪男之手——伊本来就是一位勿甘拨厨艺耽误个画家。
我伲叫了一壶碧螺春，冷菜有吴地油爆虾、虾籽白鱼、八宝炒酱、虾卤葱油鸡。热菜有鸡头米虾仁、响油鳝糊、松鼠鳜鱼、蜜汁火方还有芹菜香干、白果红菱。鸡头米搭仔河虾仁侪是新剥个，红菱也像刚刚从塘里捞出来一样，吃勒嘴巴里松脆鲜爽，味雅隽永。蜜汁火方尤其精彩，三蒸三滗勿脱形状，配上酥而勿烂个金丝蜜枣，丰腴饫美，是我勒近三十年里吃到个最好个一只菜。
汤品是金银蹄炖草鸡鸽蛋，是炖了两百年个老苏州味道，咸蹄髈加鲜蹄髈再加一只草母鸡，汤清勿淡，味浓勿腻，鸽子蛋虽然只是跑龙套角色，但是也晶莹剔透，自带光环，我一口气吃了三小碗。
看看周围，果然座无虚席，基本浪侪是三五人个小酌，面孔浪有知足常乐个红晕漾溢勒海。
服务员告诉我伲，伊拉搿家24个钟头营业，一清早来吃头汤面个客人老多个，夜市过脱还有深夜酒吧。下半日有得三个钟头个空档，别转身就是“笃笃笃”个糖粥铺，一碗红白对镶个糖粥，配两块玫瑰馅头个园林方糕。假使勿够，还有粢毛团、松花饼、薄荷糕、炒肉团子、咸猪油糕、东山雪饺可选。小船勒窗下头滑过，耳朵边响起弦索声腔：七里山塘景物新，秋高气爽净无尘……搿小日脚勿要忒适意噢。
到苏州去，可以到老苏州茶酒楼吃壶茶、吃碗糖粥、尝两只苏州个家常菜。但愿陆文夫老师点燃个灶火，永远勿灭，越来越旺。
作者：沈嘉禄
讲述：牛美华
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
