作者：沈嘉禄
沪语改写、讲述：杭 岚
整合：金和平
文字、语音审核：丁迪蒙
编辑：王乙其
往期回顾：
迭个是桩表面浪看上去普通来西个地铁浪乘客皮夹子失窃案，但是案子引发了一连串让人深思个现象。搿就是小说个深度！
郑晓风搭自家商量了蛮多辰光，设计了十几种破案个方法搭仔情节，每一种破案方式侪勿是最最成功个，但是每只关键情节侪引伸出截然勿同个发展线索，引发一两个新人物登场。
呵呵，小说个魅力可能就勒搿搭，伊应该有多重意义个。郑晓风勒网浪看到过有人评论安妮宝贝写个一部网络小说个文章，里向就是搿能讲个。
不过，郑晓风碰着了挑战，写小说、设计情节人物，侪是要有生活体验个呀。郑晓风从来呒没跟警察打过交道， 也呒没跟小偷接触过，所有个构思侪基于自家有限个阅读经验想象，预想当中个破案方式。到了最后，就有雷同化个倾向。小偷作案也是一样个，偷皮夹子嘛，总归是拿手伸到人家个袋袋里，难道还有得用脚去偷物事个小偷？
为了体验生活——搿也是郑晓风从一本书里得到个启发——伊决定去乘地铁，要是齐巧额角头，说勿定真个可以碰着一两个贼骨头，葛末正好看看伊拉哪能寻找目标，哪能掩护同伙，哪能下手，然后哪能逃离作案现场，最终又是哪能拨捉牢个。
郑晓风是放仔学去个，就乘李老师每日天上下班乘个地铁一号线。放学后个四五点钟，也是下班个高峰，地铁里轧得来像只沙丁鱼罐头——搿是一句三流小说家用烂脱了个比喻，但还是邪气贴切，虽然郑晓风还勿晓得沙丁鱼是否好吃。乘客一个个前胸贴后背，气也喘勿过来。李老师每日天搿能介上下班，也真是勿容易个。不过，搿能拥挤个环境，贼骨头勿是同样也是老难下手个嘛，郑晓风实在想象勿出搿眼小贼既要拉牢扶手，又要保持身体平衡，哪能还可以腾出手来伸到人家个袋袋里去呢？
不过，生活总归比小说更加精彩，有一日郑晓风乘到莲花路站，突然听到前头一节车厢里传出声音，是一个女人个惊呼：我个皮夹子没了！啥人偷我个皮夹子啊，快点拿出来呀！郑晓风个神经噌一记绷紧了，总算贼骨头来了！，但是，搿个女人也忒滑稽了伐，人家偷了侬个皮夹子，还会得拿出来还拨侬啊？也有乘客问伊：侬啥辰光发现皮夹子没了？勒阿里一站啊？快点去报案，打110，让110封锁地铁出口，出来个乘客一个一个个查，还怕贼骨头查勿出来？也有人讲迭个做法勿现实，勿可能为了一个人个皮夹子，封锁一条路线个。
圣诞节的欢乐
-MERRY CHRISTMAS-
作者：沈嘉禄
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
