作者：沈嘉禄
沪语改写、讲述：杭岚
整合：金和平
文字、语音审核：丁迪蒙
编辑：王乙其
往期回顾：
（七）
李老师用特别慈爱个眼神看了一眼郑晓风，“我当然欢喜侬做个贺卡，阿好展示一下啊？”郑晓风觉着浑身个血快要凝固了，立勒讲台前头，伊手脚勿晓得哪能摆。虽然伊勿敢朝许佳怡看，但是心里能够觉着，许勒用特殊个目光看伊。
“几化漂亮个贺卡啊。里向写勒点啥内容？…请接受学生个搿份祝福，希望侬心情好。心情好，身体好……谢谢侬噢，搿是我最需要个安慰，比啥物事侪有效。”老师个声音明显带了眼夸张。伊快要屏勿牢了，逃到自家个座位浪。但是李老师个声音紧紧个跟牢仔伊：“我要趁搿个机会告诉大家，我个心情比任何辰光侪要好，有搿能介个学生，我觉着邪气个幸福。”
大家侪笑了，好像也感染到了老老大个幸福。李老师又老快个朝贺卡瞄了一眼，更加激动个激昂：“郑晓风还有个崇高个理想，做警察，帮我捉牢小偷。我衷心个祝伊成功。”
郑晓风红仔面孔坐勒座位浪，教室里响起热烈个掌声搭仔由衷个笑声，为搿场充满师生情谊个募捐活动增添了一份喜庆个色彩，彻底覆盖了因为老师落脱钞票而搭大家造成个心理阴影。
挨下来就上课了，李老师讲了点啥，伊一句也没听进去。
事后，郑晓风听说，班长曾经想打电话来问伊为啥只送了张贺卡，伊想，要是真打电话来，我哪能回答伊呢？讲“没钞票”？还是“我喜欢”？要么就回答伊“搿是我个风格”。勿好，勿好，迭眼侪勿是最好个回答。要么，应该讲……
天底下，只有老师拨学生子钞票，呒没学生拨老师个道理。但是！郑晓风啊，现在搿个社会，侬看到阿里个老师，会得拨学生子钞票个？
作者：沈嘉禄
讲述：杭岚
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
