作者：沈嘉禄
沪语改写、讲述：金和平
整合：金和平
文字、语音审核：丁迪蒙
编辑：王乙其
往期回顾：
郑晓风个成绩一直朝下跌，最近一次测验，伊个总分名列全年级倒数第一。“让伊就搿能介混到毕业伐，义务教育尽义务，假使毕业考勿及格——我看伊百分之百勿会及格个，就拨伊拿一张肄业证书，也算仁至义尽了。”李老师搿能介搭校长讲。校长讲，看来也只好搿能做了。每个年级侪会出一两个朽木不可雕个学生个，就像工厂出次品一样，是允许存在淘汰率。
就勒迭个辰光，一家杂志社搭校长寄来了一封信。告诉伊，有个叫郑晓风个学生，勒本届全市作文比赛当中，得了初中组一等奖。校长搭李老师侪勿相信，一个成绩介推板个学生，竟然会得获得作文比赛一等奖。但是校长看问题总归要深一眼，伊认为郑晓风个得奖，完全证明本校素质教学个成果，也足以提升我伲学堂个知名度。伊讲：“郑晓风，偏才呀，阿拉对搿种偏才偏科个学生子应该爱护，我甚至有个想法：郑晓风个综合成绩是否可以考虑重新考量？”
郑晓风领到了五百块奖金，交拨爷娘三百块，两百块拨李老师。李老师勿肯要：“事体已经过去了，我现在勿是已经好了嘛？”郑晓风求老师收下来，讲：“我只想搭大家一样对侬好。”李老师笑了：“侬当然跟大家一样对我好咾，我甚至认为侬比有些同学对我更加好，只是我勿好当勒全班同学个面搿能介讲呀，其实，我心里向有数个。”李老师态度坚决，呒没可以商量个余地，郑晓风邪气失望。
同学还是叫伊“刑警队长”，有人落脱了吃饭个磁卡，就要请伊去破案，寻勿到脚踏车搭茶杯了，也要来寻伊。
李老师对教研室里其他老师讲：“现在个学生呒没多少社会阅历，但是一旦写起小说来，就拿社会写得邪气阴暗。侬看，郑晓风笔下头个人物，个个自私，卑鄙，甚至阴险恶劣，搿难道就是伊拉眼睛里个生活真实嘛？”
作者：沈嘉禄
讲述：金和平
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
