作者：沈嘉禄
沪语改写、讲述：刘莉萍
整合：金和平
文字、语音审核：丁迪蒙
编辑：王乙其
往期回顾：
（十一）
李老师有眼动气了：“我来是搭㑚反映伊个学习情况个，迭个覅搭我皮夹子拨偷脱搞勒一道好伐。要是再勿好好叫管管伊，今年考高中就要成问题了。”
晓风阿伯马上认错：“是个是个，搭李老师皮夹子偷脱呒没关系，侪是伊勿争气，搭侬添麻烦了。”
李老师又纠正：“搿勿是麻烦勿麻烦个事体，班主任嘛，最急个就是学生子个成绩，重点中学考勿上，就覅想考重点大学。就算考上大学，要是随便啥个普通大学，毕业之后寻工作也勿是介便当个，大专生现在根本呒没人要。郑伊个成绩再勿上去，葛再是真个麻烦唻。”阿伯马上跟了讲：“是个是个，确实是伊个麻烦。”“㑚要抓紧啊！”李老师临走辰光，人立勒门口，还勒搭伊拉横讲竖讲。阿伯搭家主婆讲：“李老师真好，真负责。”
其实，郑晓风老早已经长得比阿伯高了，假使现在再吃伊生活，大概只好拨邻居看笑话了。爷娘也只好搭伊讲道理，举例子，打比方，为伊个前途摆出了各种可能性。
道理么，郑晓风侪懂个，要是调过来让伊讲，肯定比爷娘会讲得多。前途么，伊也晓得个，到辰光形势哪能发展，现在啥人也讲勿清爽。今朝还勒做生活，明朝就叫侬下岗了，搿种事体还少啊？所以伊勿大考虑前途，伊觉着前途勿是自家好把握个。但是伊晓得，搿歇只好听爷娘个啰嗦，自家要邪气诚恳个点头，勿论啥，好听勿好听侪要答应下来，先让眼门前搿关过脱再讲。
阿伯个毛病越来越重了，姆妈文化程度勿高，郑晓风觉着伊拉老作孽个。李老师也要再寻郑晓风谈一谈了。李老师问郑晓风：“吃茶伐？”伊摇摇头。李老师拿起自家个白瓷茶杯吃了一口。办公室老安静个，其他老师侪勒上课。台子浪作业本堆得老老高，像陆家嘴个高楼大厦一样。李老师邪气亲切个：“趁搿节自修课，我搭侬交流几分钟好伐？”
作者：沈嘉禄
讲述：刘莉萍
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
