作者：沈嘉禄
沪语改写、讲述：金和平
整合：金和平
文字、语音审核：丁迪蒙
编辑：王乙其
往期回顾：
郑晓风长长个吐出了一口气，看了一眼窗外头个星空，继续写下去：
侬勿会想到伐，老师也跟了跳仔下去。大家倒吸一口冷气，反而像退潮一样散开来了。
老师对自家个学生讲：侬必须上去，快点上去，人生个路还长啊，侬要一步一步走好。
搿辰光，车灯照亮了老师个面孔，邪气坚定，又邪气慈祥。老师眼睛里闪出像天使一样纯净个光芒，搿光芒越来越亮，拿伊个头发也染成了黄金色，老师个面孔金光闪闪，无比美丽。
站台老老高个，差勿多有一个人胸口迭能高，小贼试了试，爬勿上去。搿辰光老师拿腰弯下来，让小贼踏勒伊个肩胛爬上去。
小贼爬上去了，进站个列车已经靠得邪气近了，甚至看得清驾驶员邪气惊慌个面孔了。老师朝小贼伸出手，讲：来，拉我一把。小贼拿手伸出了来，拉牢老师个手，搿是只中年女性个手，已经呒没啥肉感了，干枯得像树根一样，再讲，搿歇还是冰冰瀴个，但是搿只手老有力道个。小贼拿搿只手拉牢了，自家个手却一直勒抖勿停。就勒列车顶仔一股强风撞过来个一刹那，伊就像看到一只老老大个白鹤，从眼门前飞走了……
郑晓风扑到台子浪，“哇”个一声哭出来了。
小说写好了，伊勿晓得哪能介再好发到网浪向去，屋里呒没电脑，阿伯讲过，等伊考上仔大学以后再买。假使到网吧里发，首先要打成电脑稿，迭个侪是需要辰光，需要钞票个。
一只偶然个机会，郑晓风听说有家杂志正勒举办一个全国性个中学生作文比赛，伊就拿迭篇小说寄过去了。为了争取更大个机会，伊勒标题下头标了只括号，写了“侦探小说”四个字。
作者：沈嘉禄
讲述：金和平
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
