作者：沈嘉禄
沪语改写、讲述：郭咏梅
整合：金和平
文字、语音审核：丁迪蒙
编辑：王乙其
往期回顾：
（十）
慢慢叫，郑晓风发现，自家上课辰光常庄会得心勿在焉，注意力常庄拨窗外头吸引，有人走过去了，卫生间里传出来流水个声音了，或者是有只麻雀飞过去，停勒树梢浪向了。一场春雨以后，树叶勒陌生头就浓绿起来，像塑料做个，拿半透明个阳光抬出来了。
搿眼变化当中个景色，侪让郑晓风觉着心情舒畅。阳光勒对面个屋顶浪移动，伊会得看得像眼乌珠落脱一样。
但是，伊个成绩勒勒直线下降。作文成绩也有老大个退步。原来作文是伊个强项，勒中学班级里老早一直排勒前三名，没一趟落勒第五名后头个，现在呢，老是偏题，乃末扣起分数来就老吃亏了。伊自家也觉着勿可思议，写作前头，伊明明晓得应该哪能写开头个，偏生一动笔就管勿牢自家了。有眼词语句子像是一只只妖精，从魔盒子里跑出来，管也管勿牢，像煞要诚心搭伊捣蛋。等伊发觉勿对，作文字数倒差不多了，辰光已经呒没了。
李老师终于上门家访了，姆妈拉牢李老师个手讲：“老师，对勿起哦，阿拉屋里经济比较推扳，伊个阿伯肾衰竭，每礼拜要血透两趟，调肾脏呢，要等有合适个，就是血型配上了，费用还是高得吓煞人个，阿拉是工薪阶层，阿里凑得起十万廿万啊，医保只好付一部分。我自家有糖尿病，脚节头常庄发麻。单位里效益还勿好，上班职工个工资还勿如人家个退休金。前一抢晓风讲老师个皮夹子拨冲脱了，阿拉也是急得来要死呀……”
作者：沈嘉禄
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
