編輯：王乙其
为人处事品高低，言谈举止论素质。尊人看本质，敬人看人品。
交关辰光，阿拉会得善良个以为，人讲閑话难听只是因为伊心直口快，人满嘴巴负能量只是因为伊日脚过得勿顺。其实，勒交谈辰光让对方觉着适意，是人最基本个修养。言谈之中最好看出人品。
假使身边个人是搿能样子个，就勿要再深交了。
一、讲閑话难听
侬身边是否有搿能個人：侬电视剧追得开心，伊讲：“搿是拨戆答答个人看个，浪费辰光，覅看唻。”侬着件新衣裳出门，伊瞟一眼：“几钿啊？忒贵唻，勿好看，浪费钞票。”伊总归勒侬开心个辰光泼冷水，勒侬愉悦个辰光搅心情，口无遮拦，出口伤人，毁人心情，还勿自知。
千万覅拿一个人讲閑话难听当做性子直、勿善于讲閑话。=一次、两次还好理解成心直口快，假使趟趟搿能，就只能说明搿个人个情商忒低。
假使有人勒日常交谈中勿照顾侬个感受，甚至于经常要伤害侬，就要趁早敬而远之。
二、传播负能量
侬身边是否有搿能介个人：一开口就是负能量，勿是菜价涨了，就是公交车来得忒慢，晴天抱怨太阳忒晒，落雨天抱怨地浪向忒湿。每日天会得发生交关事体，但是从伊拉个嘴巴里常庄听到侪是坏个。
搿能介个朋友像只负能量收集器，每日天拿源源勿断个坏消息、坏心情输送拨侬，自家过得勿开心也算了，还要拿侬个生活搞得勿适意。生活侪会得有勿如意个，重要个是态度。生活像面镜子，用啥个表情去看伊，伊也就回报阿拉哪能介个神情。
假使用乐观个态度去对待，葛末，交关事体侪会变得勿一样了。真个对侬好个人会得传递微笑搭仔正能量。一日到夜传播负能量个，还是离开伊远一点个好。
三、没几句真閑话
身边是否有特别欢喜吹自家哪能来三，却常庒出洋相；做出交关承诺，但是基本浪是做勿到个人？当面讲一套，转过身是另外一套，侬根本勿晓得伊个閑话里有几句真个。常庄欺骗、满嘴巴谎言个人，绝对没拿侬当朋友。
朋友之间，可以保留自家个小秘密，却勿好有忒多个欺骗。假使勿肯袒露真心，葛末，侬也呒没必要真心对待伊。真诚是交往个基本，没几句真閑话个人，早点看清好。
话语展现人个性情，言谈展现人个品格。愿侬能够仔细甄别，与善为伍。
讲述：牛美华
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
