作者：沈嘉禄
沪语改写、讲述：陈韵华
整合：金和平
文字、语音审核：丁迪蒙
编辑：王乙其
往期回顾：
(五)
天一记头就暗下来了，门缝里吹进来一阵一阵个冷风，郑晓风淘米烧夜饭，阿伯半躺勒床浪休息，电视也懒得看。郑晓得明朝阿伯又要到医院去做血透了，搿两天伊个面色又发灰了。
姆妈像平常一样急匆匆转来了，心急慌忙个炒了碗小菜。吃饭辰光晓得了搿桩事体，也觉着应该有所表示个，是讲到一百块“起板价”也勿响了。郑晓风心里邪气烦。碗盏摆下来做功课，常庄要分心，平常老容易解个数学题，搿歇辰光像煞存心作对，一个个数字勿晓得迓到啥地方去了，让伊伤透脑筋。
做好功课，伊拿出水彩颜料，拿人家送拨阿伯个贺卡改造一下，做成了一张新个贺卡。伊画了一片丛林，树梢浪有几只小鸟飞过，画个另一边写了几行字：敬爱个李老师：请接受学生个祝福，希望侬心情好。
心情好，身体好，一切就好。
搿真个是邪气有风度个祝贺，呵呵。伊看到贺卡浪还有几行字个位置空勒海，想仔一想又添了句：但愿我能够成为一个神探，捉牢偷侬皮夹子个小偷。 伊伸直手臂，拿贺卡摆到远一眼地方细细叫看看，对自家个作品邪气满意。搿当然是老幽默个咾，风度加幽默，就是成熟男人个表现，侬懂伐？敬爱个李老师。
阿伯拉已经睏着了，还有轻微个昏涂声飘起。伊轻手轻脚个汏清爽毛笔，汏好脚也上床了。伊决定拿一百块留下来。伊勒想象，明朝阿伯从枕头下头发现搿张钞票之后个表情，心里竟然有眼小小个得意了。
作者：沈嘉禄
讲述：陈韵华
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
