作者：沈嘉禄
沪语改写、讲述：牛美华
整合：金和平
文字、语音审核：丁迪蒙
编辑：王乙其
往期回顾：
郑晓风难为情个拿头低下来了，伊勿想看到李老师拿查阅分数个场景再演示一遍。搿忒没意思了，假使要成心出我个洋相，侬就搿能去做伐。在李老师个手刚刚碰着伊份成绩报告单，就缩转去了。郑晓风老感激个看看李老师个手，手指掐里向有一眼白颜色个粉笔灰。
“我现在老后悔个。”李老师突然改用一种慢悠悠个，还带了眼沉重个语调讲了，“伊日天我个真勿应该拿自家迟到个理由告诉大家，要是呒没搿桩事体，一切侪勿会发生，侬个成绩也勿会受情绪个影响。告学生个成绩比起来，我个皮夹子又好算啥？”
“侬只是想解释解释迟到个原因……皮夹子个事体又勿是侬想讲个……”郑晓风像是勒自说自话。
“是呀，我真个后悔煞了。”李老师拉开办公台子个抽屉，拿出几张百元面额个洋红颜色个新版个钞票。郑晓风明白伊要做啥了：“李老师，侬勿要，侬千万勿好搿能个……”
李老师偏生要拿自介家内心深处个闲话讲出来：“搿勿是拨侬个，拿转去交拨侬爷娘，让伊拉买眼补品，搿是我个一片心意，侬勿好拒绝噢。”
郑晓风讲：“覅，覅，阿伯要骂我个，伊肯定勿会收个。我也勿买补品，我勿会买个。”郑晓风急了，伊腾一记立起来，矮凳勒伊他身后头倒下去，嘭个一记，声音老老响个。
李老师拉牢了伊个袖子管，郑晓风捂牢自家个袋袋，勿让伊拿搿钞票塞进来，几次反复之后，李老师放弃了努力：“真个勿收？好伐，老师暂时脱侬保管勒海，侬要是有需要，随时可以来拿。”伊还补充一句：“搿脱同学对我个帮助呒没关系噢。”
作者：沈嘉禄
