来源：散文精选大全
执笔：话沧海
滬語改写：丁一军
講述：顧衛芳
文字、語音審核：丁迪蒙
編輯：王乙其
勒勒搿能样子一个清朗个冬天个下半日，阳光透过薄薄个云层，轻柔个洒落下来了，拨寒冷个冬天带来了一眼难得个温暖。我坐勒窗門口，手里向捧仔杯热烔烔个茶，勒勒享受搿份安静搭仔适意。窗門外头，是片拨阳光染得金黄个景致，树枝勒微风里轻轻叫个摇晃，好像也勒享受难得个冬天個暖阳。
我个眼光无意当中落到边浪个书架浪，伊面堆满了岁月个痕迹——一本本发黄个老书，一张张发黄个老照片，静静叫个躺勒海，像煞勒讲老早个故事。于是，我决定勒搿个温暖个下半日，翻开埃些尘封个记忆，让思绪跟牢阳光一道，飘回到遥远个辰光。
我轻轻叫拿下来本书，搿是母亲年轻辰光最欢喜个《红楼梦》。封面磨坏脱些了，纸头也有眼发黄，但每页紙頭侪有老淡个墨香勒散发。我翻开书，像煞好听到母亲年輕辰光读书个声音：轻、温柔、還老有感情个。母亲常庄勒冬日個下半天，坐勒窗門口，边晒太阳边读书，我就靠勒伊身浪，听伊讲书浪向个故事。埃个辰光，我虽然还勿大懂书裏向个深刻意思，但是埃份温馨搭仔幸福，却是深深个勒我心裏打下了烙印。
除脫老书，书架浪还摆勒勿少珍贵个老照片。我拿了一张，照片浪是我，一个稚嫩个儿童，穿仔厚棉袄，戴頂绒线帽立勒雪地里，笑得邪氣甜。阿拉埃个辰光个住勒只小院子里。冬天，院子里有厚厚叫个雪。我搭小朋友勒雪地里打雪仗、堆雪人，白相得老开心个。埃个辰光个冬天虽然冷，但是有屋里人个陪伴，所以充满了温暖搭幸福。
又拿起张照片，埃是我搭一群好朋友勒大学校园里，坐勒棵大树下头伏太阳、聊天。埃个辰光阿拉青春年华，对未來充满憧憬、期待。阿拉一道讨论梦想、谈論爱情，分享快乐搭忧伤。冬天虽然冷，因为有彼此个相伴，所以并勿觉着孤单。埃个辰光，阿拉可以从彼此个眼光里，看到对未来个向往、還有勇气。
講述：顧衛芳
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
