作者：沈嘉禄
沪语改写、讲述：金和平
整合：金和平
文字、语音审核：丁迪蒙
编辑：王乙其
往期回顾：
（四）
郑晓风搭李大伟通电话：“老兄，行情哪能啊？”李勒电话伊头讲，“每个人至少一百伐。迭个几年，呒没整数是拿勿出手个。”
郑晓风心里咯登一记，但还是装出副轻松个语气讲：“当然咾，当然咾，行情看涨嘛。”
郑个爷回来了，伊只拿门推到一半，是侧转身体进门个，自从勒屋里养病以后，就一直迭能个轻手轻脚，像煞生了搿种富贵病，就是犯了老大个过失。伊看到了小床浪向个钞票。
郑拿电话挂断，搭爷讲了李老师个事体。
“是个呀，老师有困难末，学生子应该帮一把个。”老郑邪气诚恳个搭儿子讲：“侬晓得伐，我读小学三年级个辰光，生甲肝了，出院之后，医生建议每日天吃瓶牛奶。但是屋里穷呀，订勿起牛奶个。阿拉个班主任晓得了，就拿伊屋里自家订个一瓶牛奶送拨我吃，一吃就是一年呀！”老郑拿床浪向个钞票收拢来，两只手捏捏又掂了掂。“葛么侬明朝就拿去伐，只要用勒正路浪，我是勿会反对个。”
“但是现在行情看涨，每个人至少要出一百块，搿点钞票……”郑好像是平生第一次觉着人情个压力。
“勿会伐？”老郑呆笃笃看牢儿子，反复讲“勿会伐，勿会伐”三个字。“侬想啊，我有趟到郊区参加朋友个婚礼，伊面个乡里乡亲，每个人出三块五块，就好坐到八仙桌浪去吃了，呒没人会得讲侬出得多出得少个。人情、人情，主要是个情字，侬做到情真意切了，葛末事体也就已经到位了呀。
作者：沈嘉禄
讲述：金和平
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
