来源：散文精选大全
执笔：话沧海
滬語改写：丁一军
講述：顧衛芳
文字、語音審核：丁迪蒙
編輯：王乙其
往期回顾：冬日暖阳下頭個旧时光（一）
我拿照片擺下來，决定到院子里去走走。院子里阳光邪氣好，风輕輕個，一切侪显得邪氣宁静、美好。我勒院子里漫步，感受阳光洒勒身浪向個温暖、舒适。我看到只小猫懒洋洋個躺勒海，享受搿份难得個温暖；我看到老夫妻手挽手勒散步，伊拉面孔浪有得開心个笑容；我看到小朋友勒院子裏打闹，笑声清脆悦耳，充满童年个欢乐。
搿些，让我想起自家曾经度过个埃些冬天。我也常庒会搭屋里人搭朋友勒阳光下頭度过美好个时光。阿拉一道聊天、打牌、看电影，享受伊份难得个宁静、温馨。埃个辰光，总歸可以勒陪伴當中，寻到心灵个慰籍、力量。
現在，岁月悄然流逝，曾经个旧辰光，也成为了美好个回忆。但是，勒搿个下半天，我再次翻开埃些老书、老照片，再次漫步勒院子里，像煞又回到了美好个老辰光。
老辰光虽然已经远去，但勒我个心里，留下了深深个烙印。伊拉教会我哪能去珍惜身边个人搭事體，去感受生活当中个美好、温暖。伊拉让我明白，无论岁月哪能变，埃份对美好生活个向往搭追求，會永远伴牢我，成为我前行个动力。
我静静个坐勒院子里，享受搿份难得个宁静、温馨。我感激埃些陪我度过美好辰光个人，感激曾经搭我带来温暖、力量个记忆。搿些将永远是我生命當中最宝贵个财富，伊拉會陪牢我，走过未来个每一个冬天。
我再次抬头望天空，阳光已经慢慢叫西斜了，但埃份温暖却仍然留勒我个心浪向。
講述：顧衛芳
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
