作者：沈嘉禄
沪语改写、讲述：徐慧丽
整合：金和平
文字、语音审核：丁迪蒙
编辑：王乙其
往期回顾：
就勒勒大家七嘴八舌个辰光，广告屏幕像放电影一样,进入了每个人个视线，一眼美女面带微笑列队欢迎邪气疲惫个乘客——原来，列车已经慢慢叫靠站了。车门一开，乘客就像潮水一样翁出来，要是有乘客个皮夹子落脱，搿个也可能是天天侪会发生个事体。刚刚搭女乘客出过主意个人也出站了，大多数乘客侪是旁观者，作为教训，拿自家个背包或者袋袋检查了一遍，皮夹子还勒海，快点囥囥好伐。
但是，超越郑晓风想象个一幕，也用记头发生了。只看见一个中年男个，捉牢仔一个看上去像是外地来个青年人，讲：“侬偷人家个皮夹子了，还想跑啊！”迭个辰光，拨偷脱皮夹子个伊个女个也跟上来讲：“是侬偷个啊？快点还拨我！还拨我嘛就算了，我放侬一条生路，快点还拨我呀！”迭个小青年转过身，想要挣脱中年男个个手：“啥人偷皮夹子？侬看到了是我啊？侬有证据伐？侬覅寻死噢。”就勒迭个辰光，有几个男人一轰而上，拿中年人团团围牢，先是推来推去，挨下来是十几只拳头，雨点一样落勒中年人个头浪搭仔背浪向，有个人还一把拉牢伊个头发，拼命朝下头揿，勿让伊抬头，也勿让伊发声。
“侬哪能还勿走啊！”一个着棕色西装个家伙，对拨偷脱皮夹子个女个大叫了一声，女个别转身就跑开了。
郑晓风勒车厢里，通过窗口，看到了整个一幕。搿是真个啊？啥人是贼骨头？是伊个青年人？还是中年人呢？假使是伊个青年人，为啥偷了物事还敢打人？伊再扫视了一圈车厢里个其他乘客，伊拉明明也看到了一切，但是一只只面孔就像刚刚从冰箱里拿出来一样。只有一个人带有感慨个讲：现在个贼骨头真凶啊！最好覅去惹伊拉，看好自己个袋袋就是了。听了迭个几句感慨，交关人侪点头表示认同。
郑晓风觉着眼前个一切，赛过勒勒演戏，勿应该是真实个，迭个是带了夸张个手法，有得明显个荒诞成份个，一切侪是为了测定伊自家个智商。
圣诞节的欢乐
-MERRY CHRISTMAS-
作者：沈嘉禄
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
