作者：沈嘉禄
沪语改写、讲述：王宇洲
整合：金和平
文字、语音审核：丁迪蒙
编辑：王乙其
往期回顾：
（六）
第二天一早，上课铃声刚刚响过一遍，一个感天动地个仪式就要开始了。
李老师夹牢仔本讲义走进来，朝大家微微个鞠了只躬。还没开口，只看见许佳怡像只弹簧一样，蹦蹦跳跳，跳到了讲台前头，郑晓风看出来了，伊个面孔因为激动而变得红彤彤了。“李老师，侬好！听说侬昨日仔碰着冲手，皮夹子拨偷脱了。现在，侬个开销有眼困难，阿拉全班同学拆觉着邪气勿安。老师，侬是阿拉最最敬爱个人，侬一直搭阿拉讲，要做个有爱心个人，做个乐于助人个人。葛么，侬个困难就是阿拉大家个困难，侬个难过，就是阿拉大家个难过。所以讲，阿拉全体同学自发个捐一片爱心，请侬勿要拒绝阿拉个好意噢。”
许佳怡带头拿了只红包递拨勒李老师。李老师坚决勿收，推了几次，实在推勿脱，只好摆勒讲台浪了。
挨下来，呒没人指挥，也呒没人安排，前头一排同学走到讲台浪之后，下头一排紧紧个跟牢仔上去。每个同学面孔浪向侪有得小朋友再有个真诚个笑，伊拉邪气守秩序，走到讲台前头，拿红包或者信封交到李老师手里向。郑晓风搿记看清爽了，所有红包或者信封浪侪写了名字，许佳怡勒旁边激动个报捐赠数字：一百！两百！李老师对每个同学侪讲了声“谢谢”。
快要轮到郑晓风了，伊突然发现自家心跳加速，甚至于听得到自家心跳个声音，一记一记，短促却是有力，好像还有眼存心搭自家过勿去个调皮，搭仔无法控制个放纵。伊后悔了，应该拿一百块塞到信封里个，贺卡加上仔钞票，迭能再是周到、体面个。但已经呒没退路，轮到伊上台了。郑晓凤定定神，拿起信封走到老师面前，“李老师，我自家做了张贺卡……”伊个喉咙里突然像烧起来一样，伊用力抿出口涎唾水，想要灭脱迭个火，但是，喉咙内壁像煞又长出来老硬个毛刺，戳勒胡咙里邪气勿适意，伊硬劲吐出下半句：“希望侬能够欢喜。”
作者：沈嘉禄
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
