来源：网络
沪语改写：丁迪蒙
诵读：高仁
后期制作：高仁达
编辑：王乙其
窗门外头个風景讓人愉快。兩邊个樹木連綿勿斷个閃過，田野裡有忙勒海收割麥子个農民，有割倒下来个麥穗，有收割過个淡黃色个麥田。搿種辰光，麥地里特有个淸香隨風飄过來，讓侬神情恍惚，開始回想搭田野有關联个種種溫馨个往事……
天邊，薄薄个雲彩開始著色了，東面个比西面个更加鮮亮。桔紅色个，像少女浴後迎晚風弋起个裙裾。樹木勒流逝，田莊勒旋轉，遙遠个天空懸挂勒海勿動。越是眼门前个物事越容易消逝，伊些遙遠个星辰则永遠勒侬个頭頂閃爍。我突然對眼门前个一切觉着陌生，對我身邊个某些屬性開始產生疑問。爲啥此時此刻我一定要勒搿搭，勒搿部火車浪呢？我本來也可以勒别个地方个，譬如勒北京，勒江南个故鄕，或者搭其他人一樣，勒紐約或者舊金山————我可以勒搿搭，也可以勒伊面，可以存在，也可以勿存在，介许多人侪曾經存在過，现在勿存在了———而現在，我勒搿部火車浪，呒沒親人，呒沒朋友，呒沒我存在過个標志，也呒沒需要我繼續存在个跡象。我个存在或者勿存在勒搿部奔馳个火車浪呒沒絲毫个影響。我覺着自家是搿能个渺小，搿能个無足輕重，只是一個匆匆个過客，從一只特定车站上車了，到另外一只车站下車，列車呢，照常奔馳而去，而我伲自家則永遠堕入忘川，再也呒沒人需要侬，或者呒沒人需要過侬，呒沒人想起侬。侬个奮鬥，侬个憂郁，侬个思想，侬个一切，侪不過是傍晚辰光小樹林裡个一片樹葉，勒晚風当中个一次輕輕叫个顫動。
晚霞慢慢叫个淡下來了，血一樣个夕陽最後露了露面孔，就沒入了雲層当中。氣氛凄涼而悲壯。也許，人个存在並勿表現爲外在个屬性，而是取決於當事人个內心感受。人活勒海，需要得到各種心理浪个體驗。搿種心理个需要也是邪气多樣化个，歡樂、悲傷、憂郁、等待、渴望、沮喪、失望、幸福、痛苦———假使少了一樣，人个心靈就勿夠豐富。我伲應该盡量少个關注是否存在過，而應该全身心个體驗伊些感受過个物事。人假使總归想到末日，就勿可能熱愛身邊个生活，我伲對周圍个一切就會得喪失興味，生活就變成功了湊合搭仔死刑个緩期執行。
列車开過了一座小橋，隆隆之聲像煞是雷鳴。我聽見了時間毫勿猶疑个向前疾行个腳步聲。唯有勒行進当中，我伲再能够觉着時間个力量。我翻了幾頁盧梭个書，看牢仔田野慢慢叫迓到夜色个輕紗後头，一種從未有過个幸福感勒勒撫慰我个眼睛，直到一陣急促个刹車聲拿我驚醒：到上海了。
诵读：高仁
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
