作者：沈嘉禄
沪语改写、讲述：王恒娣
整合：金和平
文字、语音审核：丁迪蒙
编辑：王乙其
往期回顾：
（九）
郑晓风离开人群，走到一只假山后头，伊掂掂李老师塞到伊手里个搿粒金光闪闪个巧克力。一张贺卡调一粒巧克力，两清了？但是，人家是用真金白银买得来个哦。不过，也勿是我硬劲去问人家讨来个呀。当然咾，搿能看来，李老师个人也算可以个。
郑晓风还想起，阿3波勒枕头下头发现了伊张没送出去个钞票之后，曾经责怪过自家。伊歇辰光，阿伯搭伊讲了只故事：
当初我吃仔一年老师屋里个牛奶，最后一天，我个娘——也就是侬前年过世个阿奶——搭我讲，穷归穷，勿好就搿能拿空瓶子还拨人家个，迭个勿合规矩。乃末，阿奶从咸菜缸里，拣了一棵自家腌个咸菜，切得邪气细，又淋了几滴麻油，侪塞到牛奶瓶里。伊搭我讲，去伐，搿能就可以还拨老师了。
“老师收了伐？”“收了，还一直讲谢谢谢谢。我一辈子也勿会忘记脱搿瓶牛奶，我想，老师也会得永远记得搿瓶咸菜个。”
是个呀，一百块、两百块……抵得上交关咸菜了，但是，呒没人会得送咸菜拨李老师个，搿歇，也呒没人家自家屋里腌咸菜了。只有我搭李老师送了贺卡，是我自家画个，本质浪搭咸菜是一样个，难道李老师勿应该永远记得我嘛？
全班同学开始疏远郑晓风，还送了只绰号“警察”拨伊，走廊里，同学一看见就拦牢问伊：“刑警队长，案子啥辰光破啦？”挨下去就哈哈笑、一道逃脱了。
有趟上课，李大伟也叫伊“刑警队长”，郑晓风一把揪牢伊个领口，伊马上改口，“对勿起，对勿起！不过现在做警察，收入蛮高个哦！”
作者：沈嘉禄
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
