作者：沈嘉禄
沪语改写、讲述：杜郁芬
整合：金和平
文字、语音审核：丁迪蒙
编辑：王乙其
往期回顾：
（三）
电话铃响了。是埃个欢喜吃串串烧个人打得来个：“郑晓风，侬今朝让李老师伤心了，伊皮夹子落脱心里已经老烦了，侬还呒心呒肺个搭李大伟开无聊个玩笑。好了，我勿讲迭个了。告诉侬，全班同学侪有个愿望：发起一场募捐活动。每个人捐出自家个一部分压岁钿，向李老师表示点心意，减少伊个损失。李老师平常对阿拉还是老关心个，勿好无动于衷个。你勒听伐？晓得了伐？”
“晓得了，人要有同情心个。我以科学个名义告诉侬噢，串串烧是垃圾食品，吃了会发胖个，你会变得没人要个。”郑晓风总归寻机会刺激伊。
“勿要侬操心个，管好侬自家伐。勿要忘记拿钞票准备好。”班长邪气生气，电话挂脱了。
侬有钞票吃串串烧，当然压岁钿收到勿少了，但是我个侪上交了呀！今年春节辰郑晓风收到个压岁钿搭去年相比，增加速度大大低于我国GDP个增速。再讲，多收了三五斗又有啥意义，还勿是照样上缴国库啊。
郑晓风从睏觉个小床下头，翻出老妈返还拨伊个埃只红包，所有个钞票倒出来，模仿阿伯个口气，打仔手势、叹口气：唉，一塌刮子几只角子，连一瓶老酒也买勿起呀！
不过，阿伯已经好几年勿吃老酒了。伊老早底欢喜勒双休日弄眼小老酒咪咪个，但是自从查出肾衰竭以后，就勿好再碰了。吃酒等于自杀，搿是医生个警告。要末，买瓶老酒送拨李老师？何以消愁，惟有杜康呀！想到迭个创意，伊一家头笑出来了。
作者：沈嘉禄
讲述：杜郁芬
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
