作者：褚半农
沪语改写、朗读：陈全娣
文字、语音审核：丁迪蒙
编辑：王乙其
往期回顾：“莘庄”个“莘”字读啥个音？（上）
“莘”音的来源 葛么，“莘”字个xīn音是哪能来个呢？勿长远前头，闵行区融媒体中心记者符强来办公室采访，要我谈谈迭个问题。我个回答是，迭个读音是老祖宗一代代传下来个，勿可能一歇歇读迭个音一歇歇读伊个音个，因为以前没有普通话，外部对迭个读音个干预可以讲是唔没个。当然，从啥个辰光个老祖宗开始传下来个，迭个要做深入个考证工作，也可能根本寻勿着伊个出处，但是迭个勿影响迭个字个使用，“莘”（xīn）音还要一代代传下去。 “莘”字个xīn音，除了搭辛苦个“辛”字相通外，文献浪唔没更早或过多个记载，从《集韵》推测，最晚勒拉宋代就已经出现xīn个读音，勿然辞书勿会记载到伊。到晚宋起就读xīn音个“莘”字，通过口口相传，一直传承到现在。搿种方法保留古音个方言词语还有勿少，举一个大家熟悉个例子，浦东有条河浜，历史浪一直称“王家浜”，五六十岁以上个原住民也侪晓得迭个“王”勿读wáng，而读yáng音，也是老祖宗一代代传下来个古音。 宋初徐铉勒拉校定《说文解字》个辰光，为“王”添加个反切是雨方切，也就是读yáng，就是说，迭个读音口口相传，流传到现在至少有一千多年了。只是到现代出现了变异，现在“王家浜”已改名为“姚家浜”了。“莘”字另一个读音shēn，起源更早，早在两千多年前个《诗经·小雅》当中就已经搿能写了：“鱼在在藻，有莘其尾”（水藻丛中鱼儿藏，长长尾巴左右摇），《诗经》研究专家程俊英对“有莘”二字个解释是“有莘[shēn]，莘莘，尾巴长长个样子。”（《诗经译注》1985年版，第460页）山东古代有个莘县，现在是山东省聊城市辖县，春秋辰光伊是卫国个莘邑之地，以后名称多变，隋代辰光改为莘县，而“莘县”的“莘”就是要读shēn音个。我伲一直讲“莘莘学子”中个“莘莘”两个字，读音侪是shēn音，伊出自《国语·晋语四》：“周诗曰：‘莘莘征夫，每怀靡及。’”其中“莘莘”两个字字，读音侪是shēn，《辞源》对“莘莘”个解释是“众多貎”。迭个让我伲晓得了一个现实，莘庄个“莘”字在北方是读shēn音个，熟悉shēn音个伊拉来到上海以后，老自然个拿shēn音带过来了。其实，我伲到了外地，也经常有因为勿晓得当地读音而读错脱个，像浙江个台州、安徽个六安唠啥。晓得陌生个地名自家读错了，迭个就老好个，假使晓得并改正了，葛就更加好了。
“莘”音的来源
葛么，“莘”字个xīn音是哪能来个呢？勿长远前头，闵行区融媒体中心记者符强来办公室采访，要我谈谈迭个问题。我个回答是，迭个读音是老祖宗一代代传下来个，勿可能一歇歇读迭个音一歇歇读伊个音个，因为以前没有普通话，外部对迭个读音个干预可以讲是唔没个。当然，从啥个辰光个老祖宗开始传下来个，迭个要做深入个考证工作，也可能根本寻勿着伊个出处，但是迭个勿影响迭个字个使用，“莘”（xīn）音还要一代代传下去。
“莘”字个xīn音，除了搭辛苦个“辛”字相通外，文献浪唔没更早或过多个记载，从《集韵》推测，最晚勒拉宋代就已经出现xīn个读音，勿然辞书勿会记载到伊。到晚宋起就读xīn音个“莘”字，通过口口相传，一直传承到现在。搿种方法保留古音个方言词语还有勿少，举一个大家熟悉个例子，浦东有条河浜，历史浪一直称“王家浜”，五六十岁以上个原住民也侪晓得迭个“王”勿读wáng，而读yáng音，也是老祖宗一代代传下来个古音。 宋初徐铉勒拉校定《说文解字》个辰光，为“王”添加个反切是雨方切，也就是读yáng，就是说，迭个读音口口相传，流传到现在至少有一千多年了。只是到现代出现了变异，现在“王家浜”已改名为“姚家浜”了。
“莘”字另一个读音shēn，起源更早，早在两千多年前个《诗经·小雅》当中就已经搿能写了：“鱼在在藻，有莘其尾”（水藻丛中鱼儿藏，长长尾巴左右摇），《诗经》研究专家程俊英对“有莘”二字个解释是“有莘[shēn]，莘莘，尾巴长长个样子。”（《诗经译注》1985年版，第460页）山东古代有个莘县，现在是山东省聊城市辖县，春秋辰光伊是卫国个莘邑之地，以后名称多变，隋代辰光改为莘县，而“莘县”的“莘”就是要读shēn音个。我伲一直讲“莘莘学子”中个“莘莘”两个字，读音侪是shēn音，伊出自《国语·晋语四》：“周诗曰：‘莘莘征夫，每怀靡及。’”其中“莘莘”两个字字，读音侪是shēn，《辞源》对“莘莘”个解释是“众多貎”。迭个让我伲晓得了一个现实，莘庄个“莘”字在北方是读shēn音个，熟悉shēn音个伊拉来到上海以后，老自然个拿shēn音带过来了。其实，我伲到了外地，也经常有因为勿晓得当地读音而读错脱个，像浙江个台州、安徽个六安唠啥。晓得陌生个地名自家读错了，迭个就老好个，假使晓得并改正了，葛就更加好了。
作者：褚半农
朗读：陈全娣
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
