作者：沈嘉禄
沪语改写、讲述：茅赢之
文字、语音审核：丁迪蒙
编辑：王乙其
（一）
上课铃声响了两遍，学生仔侪勒教室里向坐好了，李老师却呒没准时进来。早浪向个太阳光照勒课桌浪，细细密密个灰尘勒阳光里向开心个跳舞，像煞受到了叽叽喳喳一片嘈杂声个怂恿。
一个男生吹了记口哨，教室一记头安静了。李老师——一个年近五十、腰围明显变粗个女教师，头发有点乱，面孔个神色带勒眼慌张，拿手浪向个粉笔盒子搭仔讲义朝讲台浪一掼：“对勿起噢，今朝老师碰着桩触霉头事体，轧地铁个辰光皮夹子拨冲手充脱了。报警，但是探头里向看勿到小偷，葛就勿会有结果了。葛咾……迟到了。”老师还补了句：“搿是我昨日子刚刚领个工资哎。”
郑晓风看出来了，迭个辰光个李老师，眼睛有点红——搿是伊第一趟勒全班同学面前介软弱哎。不过呢，伊马上就控制牢了自家个情绪：“但愿我个迟到对大家影响勿大。阿拉上课伐，请大家拿书翻到十三页，今朝讲李白个诗……”
李大伟凑近郑晓风个耳朵：“侬晓得皮夹子是啥人偷个伐？是㑚爷偷个哎。”
郑晓风回敬了伊句：“覅谦虚了，㑚爷再是老司机唻。” “郑晓风，侬勒嘀咕点啥，让我听听可以伐？”
教学经验丰富个李老师个眼睛像只探照灯，刷，一记头就锁定了伊拉。 班长、女生许佳怡回过头来，搭郑晓风讲：“老师心情已经老勿好了，侬还搿能样子去烦伊。人要有点同情心个，晓得伐？”郑晓风瞪仔伊一眼。
作者：沈嘉禄
讲述：茅赢之
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
