文字、语音审核：丁迪蒙
編輯：王乙其
往期回顾：沪语朗读：转身，遇到秋（上）
走勒秋个路浪，凉风细细，时光走笔，夏已变成回忆了，慢慢叫，身边个风景侪会变成秋天个样子，总有一日，阿拉讲过个闲话，做过个事体，走过个路，侪会变成过往个风景，但搿些曾经入眼入心个美好，却会得一直停留勒心底。
每个季节侪有属于自家个美丽。也许碌碌人生，听几声鸟鸣，闻几处花香，能搭风景不期而遇，搭清风温柔相待，就是慈悲搭仔圆满。
走过夏个喧嚣，就想勒清秋寻份安宁，可能是内心对安稳、温暖个渴望，总歸希望好勒清宁个光阴當中寻个人，浅浅淡淡个爱，讲讲闲话，守一份安宁，就算是勒低处，日脚也是生动個。
季节到了秋天，就像人生走过了青春个华美，经过了时光个沉淀。生活只剩下來一粥一饭个平淡，搭风风雨雨陪伴个温暖。
以前写文章，欢喜用些华丽个词语来装饰要写个，注重美感；现在卻只想用平实个语言，寫一份简单。其实生活，无论曾经多少繁华，侪会回归简单个，就像搿安静个秋，虽然呒没了姹紫嫣红个艳丽，却有得成熟个美感。
总想勒秋风初起个辰光，让心捕捉到一丝清凉个气息，搿能，烦躁个喧嚣就好少眼，心好静眼。佛讲，欲得净土，当净其心，随凡心净，即是净土，如此，若想洁净素雅，先要修心，只有心底清澈了，生活个笔端，就可以挥出别样个韵律。
欢喜搿句閑話：水净香自远，心静花自开。光阴漫长，假使所有个别过，侪可以洁净相忘，未尝勿是一种通透；所有个遇见，侪可以多份澄澈，未尝勿是一种欢喜。
一场秋雨，拿天空汏得像碧玉一樣明澈，心随霏霏细雨，進入秋个梦境；采一片秋叶，咏一首意韵情长，静静個聆听小鸟个鸣叫，秋虫个呢喃。季节流转，终会得留下惆怅搭感怀，一念花开，一念花落，勒秋风裏，轻拾一地阑珊，体味秋个况味，感受秋意绵长。
搿个秋天，愿时光多眼明媚，岁月静好，侬也无恙。
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
