来源：新民晚报
作者：吉建富
沪语改写、诵读：李群
文字、语音审核与推荐：丁迪蒙
編輯：王乙其
1993年，阿拉几个上海记者到杭州去采访，路浪向勒家大酒店吃中饭，没想到一眼就看到了谢晋，伊坐勒朝里靠墙个台子边浪。勒搿搭好碰到谢晋，真个是缘分啊！
我走过去打只招呼，又搭伊随意聊了两句，谢晋突然想起来问：“西湖景致哪能啊？”我勿晓得伊为啥会提迭个问题，就老实回答：“青山绿水，湖光山色，㜺個。”伊笃悠悠个问：“青山绿水，从色彩浪看是青绿，绿为主色调，搿是一个正常人眼睛里个色彩。假使勿想活了、要轻生个人到西湖边，伊個眼睛里会是啥个色彩呢？”
讲实话，我当时拨谢导问得呆牢，只好根据自家个理解讲：“还是绿颜色呀。”谢导笑了，搿笑声里向还带了几分得意，意思是“看，拨我问牢了伐？”
我勿好意思，问伊唻：“山水个颜色是勿会变个呀，哪能……”谢导收牢笑声，用伊雄浑洪亮个男中音解释：“一个要轻生个人，一定有自家难以承受个痛苦、悲伤、忧愁，从伊个眼睛里看出去，应该是一片灰顏色，朦朦胧胧个灰白色。”我若有所思，茅塞顿开。
视角！搿就是视角呀，每个人看世界、想问题个视角一定有勿同个点，得出个结论必定五花八门。我再三感谢谢导，伊却讲，是随便想想，也是随口问问个。
我搭谢导个埃趟碰头告交谈，受益匪浅。虽已經过去了介许多年，却让我终生难忘。
诵读：李群
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
