作者：郁达夫
沪语改写：叶又紅
朗读：王邦基
推荐与审核：丁迪蒙
编辑：王乙其
今年热天老老长个，凌晨搿段辰光大概最适意了。葛就养成习惯，天一亮，大概早浪向四点半左右，我就應该碌起來，或者去睏覺了。
搿是我个生活规律。
但是昨日夜裏睏得早，十一点鈡左右。醒轉来一看，天还嘸没亮，正想再去睏，突然觉著蚊子个嗡嗡声搭仔空气个流动有些特别，勿像是深深個午夜，看表，果然，已经五点鈡了。
碌起来，拿自家弄弄清爽，我走出了烟熏火燎个房间，刚刚跑出楼道，就让秋天介狠狠撞了一記。先是一阵风袭来，像幅邪氣大个裙擺，勿管三七廿一就拿我从头到脚轧了一遍，像捘牙膏一样，立時三刻讓我邪氣畅快。我勒夏天总歸没勒冬天有活力，秋天要先来解决一下，何乐不呢为。
压迫了整整一個夏天个天突然变得老老高，抬头望——无数小白云整整齐齐個排列勒碧碧蓝個天幕上，越看越覺著伊拉调皮，越看越像长勒我心裏个伊些可爱个灵气，我恨勿得拿伊拉轻轻叫抱下来吃两口。我勒天浪看到只面孔。想起伊首老裏八早写个歌，心境已经大勿相同了，人也已经老了交關——人老了？我就一直站勒海看，我要看得伊慢慢叫消失，存放勒我搿搭。
来来往往个人开始多了，有人像我一样看，搿是比较浪漫个，我祝福伊拉；有人奇怪个看我一眼，快步离開，我也祝福伊拉，因为伊拉勒忙碌。生命就是迭能，侬总要做眼啥，或者感受些啥，这两种过程都值得尊敬，勿好怠慢個。
六点钟就老好了，园子门口有汁多味美个肉饅頭，有翠绿個香菜，有豆腐花，還有油条、豆浆，还有大葱烫面油饼。
搿搭層層曡曡个房子，每只窗門后頭儕有故事，或者勒我搿搭发生过，或者是现在我想听个。每个梦游个男人侪搭我一样勿肯消停，每个女人儕撥爱过或者正勒海爱，每个老人儕老丰富，每个小囡儕老新鲜。每只小狗儕邪氣生动，每只鸽子儕邪氣乖巧。
噢，我个北京，昨日子交通管制个北京，今年全国夏季气温最高个北京，用搿能清丽个秋天撞击我神经个北京，拿我个生活彻底弄乱，拿我个故事彻底展开，拿我仔仔細细个铺成功一张再造白纸頭个北京啊！
朗读：王邦基
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
