来源：魔都白领群
作者：薛理勇
沪语改写、讲述：丁曙立
推荐与审核：丁迪蒙
编辑：王乙其
搿是上海历史博物馆收藏个一张老照片，照片浪有当时写个“南京路盆汤弄口”，同类个照片有交关，照片左侧有路牌，好老清晰个看到中英文“南京路”。盆汤弄是现在南京东路以北个山西南路老底子个名字（南京路以南个山西南路以前叫“昼锦里”），于是，大家儕認爲搿是山西南路南京路个老照片。我用过搿张照片蠻多趟，好朋友随意先生慧眼识珠，通过老照片比对，发现搞错了，搿是张勒南京路山东路朝南拍个老照片。
有了搿个提示再注意到，照片右侧有交关布头招牌，写有“内兴隆号” “内兴隆靴局”“内兴隆鞋庄”咾啥，宣统二年（1910年）《上海指南·卷六·鞋》裏好寻到：“内兴隆，山东路二三四号”；照片放大，马路对面有招牌“马敦仁”，宣统二年《上海指南·卷六·帽》当中同样好寻到，“马敦仁”是爿帽子店，也勒山东路。
张霞是外国人，主持只上海老照片网站，影响邪气大。前两日传了张清末照片，大约摸是1905-1908年拍个，位置勿清爽。比較模糊，像素勿高，不过放大之后大约摸好看到右侧有商业招牌“老锦椿”“马敦仁”，左侧有“千顷堂书籍”。
勒宣统二年《上海指南》裏可以寻到“老锦椿”是爿帽子店，地址是“望平街大有里口”，“千顷堂”是家书局，主要翻印明朝以来个医药书籍，登记地址是“山东路28号”，1920年版《上海商业名录》写得更加清爽：“千顷堂 英租界九江路二八号二九号（山东路，即望平街口）”。
阿拉寻到另外一张“千顷堂书坊”个老照片（见图）搿张照片是立勒九江路山东路口朝西拍个，左侧个围墙就是著名个山东路外国坟山个围墙，右侧个“千顷堂书坊”勒勒九江路搭山东路交叉路口个西北角。
还有，宣统二年《上海指南》记录：“老锦椿（帽庄）望平街大有里口”，勒张上海老地图中可以看到，大有里现在个南京东路搭九江路之间个山东路（望平街）浪，弄堂口坐东朝西，迭能就好晓得，搿张照片是立勒山东路九江路口朝北拍个。
作者：薛理勇
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
