来源：灼见
作者：儒风君
沪语改写：丁迪蒙
朗读：潘慧芳
编辑：王乙其
哪能个家庭就有哪能个小囡，啥个样子个教育，就有啥个样子个教养。家长个模样，就是小囡个模样。好个家教搭门风，是一个家庭最宝贵个资产，也是子孙后代取之不尽个财富。纵观古今中外，家教搭仔门风，拨了小囡个影响是勿可估量个。
一、善良是最好个家风
古人讲：忠厚传家久，诗书继世长。一个家庭如果善良仁德，可以传承十代以上。
范仲淹家族就是最好个例子。
范仲淹是北宋朝廷重臣，勒伊当官个辰光，救济学子，减少徭役，善行惠泽天下。北宋土地兼并严重，交关豪门大族屋里土地千顷，平民百姓却呒没土地，流离失所。范仲淹建立义田，拿几千亩田作为公益田，让他们免受饥寒之苦。
二、勤劳是立身之本
萧何对汉朝个建立居功至伟。立国之后刘邦拨伊许多良田美宅。但是萧何侪退了回去，反而选了一些贫瘠个土地。伊讲：土地贫瘠可以让子孙勤劳耕种，良田收成好，反而会让小囡好吃懒做，长此以往，萧家迟早要没落个。
反过来看现在，交关家庭拿小囡捧勒手心里，用心呵护，溺爱无度。小囡四体不勤五谷不分，饭来张口，衣来张手，慢慢变得虚荣懒惰，搿一辈子也就完结了。
曾国藩讲：“子侄除读书外，教之扫屋、抹桌凳、收粪、锄草，是极好之事，切不可以为有损架子而不为也。”总想拿最好个物事直接塞到小囡个手里，是勒伤害伊。好个教育，是让小囡懂得辛苦，引导伊学会勤劳搭仔努力，搿再是对小囡最深邃个馈赠。
三、读书是最好个习惯
对于普通人来讲，读书，是最低门槛个高贵。对于一个家庭来讲，读书，是最好个习惯。勒书里，我伲能认识山川大海，世故人情，能开拓眼界，去聆听智者个人生感悟。
河南巩义有个康氏家族，最鼎盛个辰光：“头枕泾阳、西安，脚踏临沂、济南；马跑千里不吃别家草，人行千里全是康家田。”整个家族12代子孙竟然侪是富商官吏。康家个辉煌并勿是来自风水，而是一副对联：
志欲光前惟是读书教子，心存裕后莫如勤俭持家
每一代康家族长，侪拿读书看作重中之重。勉励子孙勿要坐享其成，要读万卷书。尤其重视启蒙教育，单设儿童居，勿惜重金请名师执教，为伊拉今后成为栋梁打下了良好个基础。
读书，是一个家庭最好个习惯，是对一个小囡最好个教育。
朗读：潘慧芳
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
