ཕལ་སྐད་སྲོང་པོས་སློབ་དཔོན་ལ་བསྟོད་པ།
འཁྱམས་པོས།
ཀ་བ་གདུང་ལྕམ་མེད་པའི་སློབ་ཁང་ནང་། །
ཁ་ཞེ་གཉིས་མེད་སློབ་དཔོན་ཁྱེད་དང་མཇལ། །
ག་དུས་ཡིན་ཡང་ང་ཚོའི་ཆེད་དུ་བརྩོན། །
ང་ཅག་ཁྱེད་དང་མཇལ་བ་བསོད་ནམས་ཆེ། །
ཅ་གས་བསྐྱངས་པའི་མི་ལུས་རིན་ཆེན་ཡང་། །
ཆ་རྫོགས་ཟླ་བ་བཞིན་དུ་སློབ་གསོར་འབུལ། །
ཇ་མངར་ལྟ་བུའི་མངར་ཁའི་བྱམས་བརྩེའི་ཁྲོད། །
ཉ་ཉུང་བསྲེས་འདྲའི་བློ་ཡིས་ཐེ་ཚོམ་སེལ། །
ཏ་ཐ་ག་ཏའི་གསུང་རབ་དཔྱིས་ཕྱིན་པས། །
ཐ་མལ་ང་ཚོའི་རྨོངས་པ་དག་སེལ་གྱིས། །
ད་ཆར་ཤེས་བརྩོན་བློ་ཁ་ཅུང་ཟད་སྐྱེས། །
ན་ཆུང་ཡོན་ཏན་རྒྱན་པས་ཉིད་ལ་གུས། །
པ་ཊ་ལྟ་བུའི་རིག་ཚན་སྣ་མང་ཁྲོད། །
ཕ་མ་ལྟ་བུར་སྐྱོང་མཁན་བཤེས་གཉེན་ཁྱེད། །
བ་གླང་ལྟ་བུའི་དབང་རྟུལ་ཁྱུ་ཚོགས་ལ། །
མ་ལོའི་བྱམས་བརྩེས་སྐྱོང་མཛད་ཁྱེད་ལ་འདུད། །
ཙ་ན་ཡིན་ཡང་མིག་མདུན་སློབ་མའི་ཚོགས། །
ཚ་གདུང་མུན་སེལ་འཆི་མེད་བདུད་རྩི་ཡིས། །
ཛར་ཛོར་རྨོངས་པའི་དྲི་མ་དྲུང་ནས་བཀྲུས། །
ལྦ་ལེར་བསམ་ན་ཐམས་ཅད་ཁྱེད་ཀྱི་དྲིན། །
ཞ་བོས་ཞ་རིལ་འཁྲིད་པ་མ་ཡིན་བཞིན། །
ཟ་ཉལ་འགྲོ་འདུག་བཞི་ཡི་སྤྱོད་པ་བསླབ། །
འ་འུར་གཟིགས་མོའི་རྣམ་ཐར་མི་ལྡན་ཡང་། །
ཡ་རབས་སྤྱོད་ཚུལ་བསླབས་པས་ཀུན་ཏུ་དགེ །
ར་ས་ཆོས་ཀྱི་ཞིང་ཁམས་འདི་ཡི་ནང་། །
ལ་ལུང་ཀུན་ནས་མྱུལ་བའི་སློབ་མ་ལ། །
ཤ་ཞེན་ཚད་མེད་སྐྱོང་བའི་སློབ་དཔོན་ཉིད། །
ས་བོན་སྐྱོང་མཁན་བླ་མར་སྒོ་གསུམ་འདུད། །
ཧ་ཅང་སྙན་པའི་ཚིག་རྒྱན་མེད་ན་ཡང་། །
ཨ་མ་ལྟ་བུའི་བཤེས་གཉེན་ཁྱེད་ལ་འདུད། །
འཁྱམ་པོས་བགྲོ་གླེང་ཇ་ཁང་དུ༢༠༢༤ལོའི་མཐོ་གསུམ་མཉམ་རྒྱུགས་གཉིས་པའི་འཚོལ་དཔྱད་ཀྱི་དྲི་བར་དམིགས་ནས་སློབ་མར་ཅུང་ཟད་གོ་བདེའི་ཚུལ་གྱིས་སྦྱར།
འཕྲིན་སྟེགས་འདིར་དོ་ཁུར་གནང་བ་དང་བརྒྱུད་བསྐུར་གནང་བར་བཀའ་དྲིན་ཆེ་ཞུ།
མཐོ་འབྲིང་བོད་ཡིག་དཔྱད་གཞི་ཀུན་གྱི་ཨ་མ།
༄༅། །སློབ་ཆེན་བདེ་བགྲོད་ལམ་གསར་ལས་བཏུས། མཐོ་རྒྱུགས་རྒྱུགས་དཔེ།
《སློབ་ཆེན་བདེ་བགྲོད་ལམ་གསར》ངེས་པར་དགོས་མཁོ་ཆེ་བས་འབྲེལ་བ་གནང་ཤོག
གསར་དུ་བསྒྲིགས་པའི《མཐོང་བ་མྱོང་གྲོལ》མཚམས་སྦྱོར་སྟབས་བདེ།
