بۇزۇقچىلىق ۋە بەدەل
(رومان)
ئاپتورى: مۇ رېن
| 279 | 278 | 277 | ||
| 283 | 282 | 281 | 280 |
(مۇشۇ قىسىم سانلىرىنى باسسىڭىز روماننى ئوقۇيالايسىز، ئەپچاقتا داۋامى بار)
ئالدىنقى قىسىم: بۇزۇقچىلىق (283): ئۇنىڭ بىلەن ئاجراشماڭ
3-بۆلۈم 126-باب: دۇرۇس ئەر
«تۈنۈگۈن كەچتە ساۋ مىڭيىنىڭ دېگىنى توغرا ئىكەن، ۋۇ بو بىلەن ليۇ شياۋيىڭ ھەقىقەتەن نەۋرە ئاچا-ئىنى مۇناسىۋىتىدە ئەمەس، بەلكى ئۇلارنىڭ ھەقىقەتەن ئۇ خىل مۇناسىۋىتى بار ئىكەن!»
ۋۇ بو بىلەن ليۇ شياۋيىڭنىڭ سۆزلىشىش مەزمۇنىنى ئوغرىلىقچە ئاڭلىغاندىن كېيىن، چېن بىڭ جىددىيلىشىپ كەتتى. ئۇ ۋۇ بونىڭ ئۆزى بىلەن ئاجرىشىپ كېتىدىغانلىقىنى ئېيتقانلىقىنى ئاڭلىغاندىن كېيىن، كۆڭلى تېخىمۇ يېرىم بولدى. شۇنداق بولسىمۇ، ئۇ يەنىلا ئۇلارنىڭ مۇناسىۋىتىنى يۈز تۇرانە ئاشكارىلاشنى خالىمىدى.
نېمىلا دېگەن بىلەن، ئۇ ھەقىقەتەن ۋۇ بودىن يوشۇرۇن ئۇۋۇلاش دۇكىنىغا بېرىپ، ئۇۋۇلاش ئۇستىسى ئىزدىدى، جوۋ دوختۇر ئۇنىڭ بۇ قۇيرۇقىنى تۇتۇۋالغاندىن كېيىن، بۇنى تەھدىت ئورنىدا ئىشلىتىپ، ئۇنى ئۆيىگە ئېلىپ كېلىپ باسقۇنچىلىق قىلدى.
گەرچە ئۇ تەشەببۇسكارلىق بىلەن يولدىن چىقمىغان بولسىمۇ، لېكىن جوۋ دوختۇرنىڭ ئاياق ئاستى قىلىشىغا ئۇچراپ بەدىنى مەينەت بولۇپ كەتتى. ئۇنىڭ ئۈستىگە، خوجايىن لىن خاۋتيەننىڭ ئۇنىڭغا ھەقىقەتەن ئويى بار، ئۇنى ھەقىقەتەن پاراكەندە قىلدى، پەقەت ئۆزى يۈز-ئابرويىنى دەپ، ئۇنىڭدىن يۈز ئۆرىمىگەنىدى. بۇ ئىش-ھەرىكەتتىن قارىغاندا، ئۇمۇ ۋۇ بوغا ئاسىيلىق قىلدى.
ئەگەر تۈنۈگۈن كەچتە ساۋ مىڭيىنى رەت قىلىپ، تۇڭلوۋەن كېچىلىك بەزمىخانىسىنىڭ KTV ئايرىمخانىسىغا بېرىپ ئۇنىڭ بىلەن كۆرۈشمىگەن بولسا، كېيىنكى ئىشلار يۈز بەرمىگەن بولاتتى.
ئومۇمەن ئېيتقاندا، ئۇ مەيلى جىسمانىي جەھەتتىن بولسۇن ياكى روھىي جەھەتتىن بولسۇن، ۋۇ بوغا ئاسىيلىق قىلدى، ۋۇ بو بىلەن ليۇ شياۋيىڭنىڭ ئۆتمۈشىنى ئەيىبلەشكە ھېچقانداق ئاساسى يوق.
ئۇنىڭدىن باشقا، گەرچە ۋۇ بو بىلەن ليۇ شياۋيىڭ ئىلگىرى ئاشىق-مەشۇقلاردىن بولسىمۇ، لېكىن ئۇلار ھازىر ھەقىقەتەن نەۋرە ئاچا-ئىنى سۈپىتىدە چىقىشىپ ئۆتىدۇ، يولدىن چىقىپ كېتىدىغان ئىشنى قىلىپ باقمىدى.
ئۇنىڭ ئۈستىگە، ليۇ شياۋيىڭ يەنە تەشەببۇسكارلىق بىلەن ئۇلارنىڭ بالا بېقىشىغا ياردەم بېرىپ، بۇ ئارقىلىق ئۇلارنىڭ خىزمەت ۋە تۇرمۇش بېسىمىنى يېنىكلەتتى.
ئەگەر ئۆزى كونا ئىشنى قايتا تىلغا ئېلىپ، ئۇلارنىڭ ئارىسىدىكى بىر قەۋەت دېرىزە قەغىزىنى تېشىۋەتسە، ئۇنىڭ ۋۇ بو بىلەن بولغان مۇناسىۋىتى راستتىنلا قاتمال ھالەتكە چۈشۈپ قالىدۇ، ۋاقتى كەلگەندە، ۋۇ بو راستتىنلا ئۇنىڭ بىلەن ئاجرىشىپ كېتىشى مۇمكىن. ئۇنداق بولسا ئۆزى زىيان تارتىدۇ.
چېن بىڭ قايتا-قايتا ئويلانغاندىن كېيىن، ئەڭ ياخشىسى يەنىلا ھېچنېمىنى بىلمەيدىغان قىياپەتكە كىرىۋالغان ياخشى دەپ قاراپ، ھەممە ئىشنى ئۆز مەيلىگە قويۇپ بەرمەكچى بولدى.
شۇنىڭ بىلەن، ئۇ ۋۇ بونىڭ ئۆيدىن چىققاندىن كېيىن ئۆزىنى بايقاپ قېلىشىدىن ئەنسىرەپ، پۇتىنىڭ ئۇچىدا دەسسەپ بىخەتەر يولغا كىرىپ، پەلەمپەينى بويلاپ بىر قەۋەتتىن چۈشۈپ، بىنانىڭ ئاستىدىكى لىفىت ئېغىزىدا لېفىتنى ساقلىدى.
بىنادىن چۈشكەندىن كېيىن، چېن بىڭ دۇڭمىي ئولتۇراق رايونىنىڭ ئىشىكى ئالدىدا بىر تاكسىغا ئولتۇردى. ئارقىدىن، ئۇ بىر توكسىكلىت مەخسۇس سېتىش دۇكىنىغا كېلىپ، 3800 يۈەنلىك «يادى» ماركىلىق توكسىكلىتنى تاللاپ سېتىۋالغاندىن كېيىن، توكسىكلىتنى مىنىپ دۇكانغا باردى.
...
ۋۇ بو ليۇ شياۋيىڭغا تېلېفون قىلغاندا، چېن بىڭنىڭ ئىشىك سىرتىدا ئوغرىلىقچە ئاڭلاۋاتقانلىقىنى ئەسلا بىلمەيتتى. ليۇ شياۋيىڭ بىلەن تېلېفوندا پاراڭلاشقاندىن كېيىن، ئۇ ئاددىيلا يىغىشتۇرۇپ، ئۆيدىن چىقىپ، لىفىتقا ئولتۇرۇپ بىرىنچى قەۋەتتىكى ماشىنا توختىتىش مەيدانىغا چۈشۈپ، ئۆزىنىڭ ئاۋدى ماشىنىسىغا چىقتى.
ئارقىدىنلا، ئۇ ئاۋدى ماشىنىسىنى ھەيدەپ شىنيۈەن ئۆي-زېمىن گۇرۇھى شىركىتىنىڭ مۇستەقىل ئىش بېجىرىش بىناسىنىڭ ئالدىدىكى ماشىنا توختىتىش مەيدانىغا كېلىپ توختىدى. ئىشىكنى ئېچىپ ماشىنىدىن چۈشكەندىن كېيىن، ۋۇ بو ئۇدۇل بىرىنچى قەۋەتتىكى زالغا كىردى.
ئالدى سۇپىدىكى خانقىز لو مېيلىڭ ئۇنى كۆرۈپلا، ئالدى سۇپىدىن چىقىپ، ئۇنىڭدىن قىزغىنلىق بىلەن سورىدى.
-ۋۇ دېرىكتور، جاڭ باش مۇدىرنى ئىزدەپ كەلدىڭىزمۇ؟
ۋۇ بو بۇ خانقىزنىڭ ئالدىنقى قېتىم شىركەتكە كەلگەندە ياسالمىلىق قىلغان ھېلىقى ئالدى سۇپا خانقىزىغا ئوخشىمايدىغانلىقىنى، بۇ ئايالنىڭ تولىمۇ كەمتەر كۆرۈنگەنلىكىنى ھېس قىلىپ، بىردىنلا ئۇنىڭغا قىزىقىپ قالدى. شۇنىڭ بىلەن ئۇنىڭغا قاراپ كۈلۈپ تۇرۇپ جاۋاب بەردى.
-شۇنداق، جاڭ باش مۇدىر مېنى ئىشخانىسىغا تەكلىپ قىلغان...
-جاڭ باش مۇدىر ماڭا ئېيتقان، مەن سىزنى بىۋاسىتە ئۇنىڭ ئىشخانىسىغا باشلاپ باراي، مەن بىلەن يۈرۈڭ!-دېدى لو مېيلىڭ ۋۇ بوغا تەكلىپ قىلىش ئىشارىتى قىلىپ.
ۋۇ بو لو مېيلىڭ بىلەن بىللە باش مۇدىرنىڭ مەخسۇس لېفىتىغا كىرگەندىن كېيىن، ئاندىن ئۇنىڭغا تەپسىلىي قاراپ چىقتى. لو مېيلىڭنىڭ چېچى قىسقا، قاشلىرى ئەگرى، كۆزلىرى سۇدەك، قاڭشارلىق، لەۋلىرى نېپىز، نازۇك، قاملاشقان بەش ئەزاسى بىلەن ئۇنى گۈزەل ئايال دەپ سۈپەتلىسە ھەقىقەتەن ئازلىق قىلمايتتى.
ئۇ ئۇچىسىغا بىر يۈرۈش كاستۇم-يوپكا كىيگەن بولۇپ، قارا رەڭلىك كاستۇم چاپانغا ئاق رەڭلىك كۆڭلەك ماسلاشتۇرغان ئىدى، بۇ ئۇنىڭ زىلۋا بەدىنىنى تولۇق گەۋدىلەندۈرگەن ئىدى.
كاستۇمنىڭ ئاستىغا يوشۇرۇنغان كۆكرىكى، ئىنچىكە بەل ۋە دۈمبە قىسمى بىر قەدەر ئالدىن پەرەز قىلغىلى بولىدىغان بولۇپ، ئۇنى مۇكەممەل بەدەن قىياپىتى دەپ تەسۋىرلەشكە بولاتتى، بۇنداق سالاپەت ۋە بەدەن قىياپىتى بىلەن ئۇ ئاساسەن مودېل بولالايتتى.
لو مېيلىڭنىڭ بەدىنىدىن كىشىنى مەستخۇش قىلىدىغان بىر خىل خۇش پۇراق تارالدى، ۋۇ بو ئاياللارنىڭ بۇ خىل بەدەن پۇرىقى، كۆلەڭگىسى، خىيالىي پۇراقنى ياخشى كۆرەتتى.
خۇش پۇراق دىماغقا ئۇرۇلغاندا، ۋۇ بو ئادەت خاراكتېرلىك بۇرنىنى قىسىپ قويدى، لو مېيلىڭ بۇ چاغدا ئېغىز ئاچتى:
-ۋۇ باش دىرېكتور، ئاڭلىسام سىز ناھايىتى تېزلا باش شىركەتكە يۆتكىلىپ خىزمەت قىلىدىكەنسىز، شۇنداقمۇ؟
ۋۇ بو بىردىنلا ئەس-ھوشىنى يىغىپ، قىزىقىش بىلەن سورىدى.
-نېمە؟ قارشى ئالمامسىز؟
-ئەلۋەتتە قارشى ئالىمەن، بۇنىڭدىن كېيىن سىزنىڭ كۆپرەك كۆڭۈل بۆلۈشىڭىزنى ئۈمىد قىلىدىغان تۇرسام، نېمىشقا قارشى ئالمايمەن؟-دېدى لو مېيلىڭ كۈلۈپ تۇرۇپ.
-سىز ئالدى سۇپا خانقىزىلىقىنى بىر ئوبدان قىلىۋاتىسىزغۇ؟ مەن يەنە نېمىگە كۆڭۈل بۆلىمەن؟-دەپ سورىدى ۋۇ بو قىزىقىش بىلەن.
-مېنىڭ ئىسمىم لو مېيلىڭ، ئالىي مەكتەپتە ئوقۇۋاتقان چېغىمدا، ئىقتىساد باشقۇرۇش كەسپىدە ئوقۇغان، شىركەتكە خىزمەتكە قوبۇل قىلىنغاندىن كېيىن، مېنى بۇ يەرگە كېلىپ ئالدى سۇپا خانقىزى بولۇشقا ئورۇنلاشتۇردى، ئۆزۈمنىڭ ئارتۇقچىلىقىنى جارى قىلدۇرالمىدىم...-دېدى لو مېيلىڭ ئۆزىنى تونۇشتۇرۇپ.
-ئالىي مەكتەپنى پۈتتۈرگىنىڭىزگە قانچىلىك ۋاقىت بولدى؟-دەپ سورىدى ۋۇ بو قوشۇمىسىنى تۈرۈپ.
-مەن ئالىي مەكتەپنى پۈتتۈرگىلى بىر يىل بولدى، ئەسلىدە مەن شىركەتكە باش دىرېكتورنىڭ ياردەمچىسى بولۇشقا تەكلىپ قىلىنغان، كېيىن مۇئاۋىن باش دىرېكتور ۋاڭ شياڭدۇڭ ماڭا يوشۇرۇنچە يامان نىيەتتە بولماقچى بولدى، مەن ئۇنىڭغا بويسۇنمىدىم، شۇنىڭ بىلەن ئۇ مېنى ئالدى سۇپىغا يۆتكىۋەتتى...
-ھە، چۈشەندىم، بۇ ئىش مۇشۇ يەرگىچە بولسۇن، بۇ ئىشنى ھەرگىز ھېچكىمگە ئېيتماڭ، بولمىسا ۋاڭ شياڭدۇڭنىڭ قۇلىقىغا يېتىپ قالسا، سىز ئاۋارىچىلىققا قالىسىز!
-ھە، بىلىمەن، مەن سىزنىڭ دۇرۇس ئادەم ئىكەنلىكىڭىزنى كۆرۈپ، سىزنىڭ ئالدىڭىزدا تىلغا ئالدىم، تېخى باشقىلارغا دەپ باقمىدىم!-دېدى لو مېيلىڭ جاۋابەن.
-سىز ماڭا شۇنچە ئىشەنگەن ئىكەنسىز، مەن سىزنىڭ ئىشىڭىزغا قاراپ تۇرسام بولمايدۇ، مەن باش شىركەتكە كېلىپ ئىشلەپ، پۇت تىرەپ تۇرغاندىن كېيىن، ئاندىن سىزگە قانائەتلىنەرلىك جاۋاب بېرەي!-دېدى ۋۇ بو ئەستايىدىللىق بىلەن.
-ۋۇ دېرىكتورغا رەھمەت!
لو مېيلىڭ ۋۇ بوغا مىننەتدارلىق بىلەن كۈلۈپ قويدى. پاراڭلىشىش جەريانىدا، لىفىت 28-قەۋەتكە چىقىپ بولدى. لىفىتتىن چىققاندىن كېيىن، لو مېيلىڭ ۋۇ بونى باشلاپ باش مۇدىر ئىشخانىسىنىڭ ئىشىكى ئالدىغا كەلدى ھەمدە قولىنى كۆتۈرۈپ ئىشىكنى چەكتى.
-ئىشىك ئوچۇق، كىرىۋېرىڭ!
جاڭ شىنيۈەننىڭ ئاۋازى ئىشخانىدىن ئاڭلاندى. لو مېيلىڭ ئىشىكنى ئېچىپ، ئىچىدىكى چوڭ ئىش ئۈستىلىنىڭ ئالدىدا ئولتۇرغان جاڭ شىنيۈەنگە قاراپ دوكلات قىلدى.
-جاڭ باش مۇدىر، مەن ۋۇ باش دېرىكتورنى ئېلىپ كەلدىم!
-ماقۇل، ئىشىڭىزنى قىلىۋېرىڭ!
جاڭ شىنيۈەن لو مېيلىڭغا قول پۇلاڭلاتتى.
-ۋۇ دېرىكتور، مەن چىقاي، سىلەر ئىشىڭلارنى قىلىۋېرىڭلار!-دېدى لو مېيلىڭ ۋۇ بو بىلەن خوشلىشىپ.
-بولىدۇ!
ۋۇ بو بېشىنى لىڭشىتىپ، ئۇدۇل ئىشخانىغا كىردى ۋە ئىشىكنى يېپىپ قويۇپ، جاڭ شىنيۈەندىن سورىدى.
-جاڭ تاغا، ماتېرىيال تەييار بولدىمۇ؟
-تەييار بولدى!
جاڭ شىنيۈەن ئىشخانىنىڭ تارتمىسىدىن بىر ھۆججەت خالتىسىنى ئېلىپ ۋۇ بوغا سۇندى.
-بارلىق تەكشۈرۈپ تەستىقلاش ماتېرىياللىرىنى ئىچىگە سېلىپ قويدۇم، ئىشەنچىڭىز بارمۇ؟
-بۇ يەرگە كېلىشتىن بۇرۇن، مەن يېزنەمگە تېلېفون قىلدىم، ئۇ ماڭا تەستىق ھۆججىتىنى ئېلىپ، ئۇنىڭ ئىشخانىسىغا بېرىپ ئىمزا قويدۇرۇشۇمنى ئېيتتى!-دېدى ۋۇ بو ئەينەن جاۋاب بېرىپ.
-بەك ياخشى بولدى، سىز تەرەققىيات رايونىدىكى يەرنىڭ تەستىق ھۆججىتىنى قولغا كەلتۈرسىڭىزلا، سىزنى شىركەتنىڭ باش دىرېكتورى بولۇشقا ئورۇنلاشتۇرالايمەن!-دېدى جاڭ شىنيۈەن ھاياجانلانغان ھالدا.
ئۇ شۇنداق دېگىنىچە يانچۇقىدىن بىر بانكا كارتىسىنى چىقىرىپ، ۋۇ بونىڭ قولىغا تۇتقۇزدى.
-بۇ كارتىدا 2 مىليون يۈەن نەق پۇل بار، مەخپىي نومۇرى... سىز تەستىق ھۆججىتىنى ئالغاندىن كېيىن، بىۋاستە ساۋ مۇئاۋىن نازىرغا تاپشۇرۇپ بېرىڭ!
-ماقۇل، جاڭ تاغا، كېچىنىڭ ئۇزۇن بولسا، چۈشنىڭ كۆپ بولۇپ قېلىشىدىن ئەنسىرەيمەن، شۇڭا ھازىرلا قۇرۇلۇش نازارىتىگە باراي!
ۋۇ بو بانكا كارتىسىنى ئالغاندىن كېيىن، جاڭ شىنيۈەننىڭ قولىدىكى ھۆججەتنى ئېلىپ، بۇرۇلۇپ ئىشخانىنىڭ ئىشىكى ئالدىغا كەلدى. ۋۇ بو قولىنى سوزۇپ ئىشىكنى ئېچىشىغا، بىر ئايالنىڭ يۇمران بەدىنى ئۇنىڭغا ئېتىلدى.
بۇ يەرنى بېسىپ داۋامىنى ئوقۇڭ: 285-قىسىم
