作者：郑自华
沪语改写：丁曙立
讲述：黄燕琼
审核、指导：丁迪蒙
编辑：王乙其
我住个搿幢楼房，下頭就是平凉公园。
平凉公园是微型公园，小巧玲珑，却也别有风味。推开窗门，一片桃红柳绿，真是一种享受。最开心个是，叽叽喳喳个鸟鸣声传过来，忽高忽低，忽远忽近，就像交响乐一样。迭天散步到公园，齐巧碰到书友老吴。伊写一手漂亮个毛笔字，没想到还特别欢喜养画眉，养了廿多年了，对养鸟邪气有心得。
勒遛鸟个架子浪，挂仔几十只鸟笼，鸟个主人，有个立勒鸟笼对過，勒得意个欣赏；有个坐勒亭子里，老認真个刷手机。我发现个奇怪现象，有个鸟笼、笼衣罩勒海，裹得邪氣严实，有个鸟笼、挂得老老远，有点脱离“群”个味道。
老吴讲，当今社会人以群分，其实鸟也群分個，画眉尤其是迭能。我勿理解，老吴讲，画眉“群”等级森严，阿拉搿搭个几十只画眉、其实就是一只“群”。每日天來遛鸟，就是让鸟勒“群”里见面、开会、发言、交流。
画眉群是流动个，勿是一成勿变个，经常会得有“新鸟”加进来，有辰光还有“生头” 进来。“生头”又叫“呒没出花个鸟”，就是勿叫个鸟， “生头”进来一定要拿笼衣遮好，還要挂得老老远，搿说明还勿好入群，要接受考验，得到大家认可。
老鸟看见有“新鸟”“生头”加入，就勿停个叫，像煞是勒训閑话：“我是‘群主’，搿搭是我个地盘，侬勿许讲闲话！”搿种考验竟然要长到兩、三年！搿段辰光里，“新鸟”要得到“老鸟”认可，“老鸟”个威嚴觉着差勿多了，就逐步放开政策，角落头裏个“新鸟”，也慢慢叫由里向外移动，笼衣从一扇窗門开始解禁，见见阳光，熟悉一下环境，顺帶便拜见各位“前辈”，轻声轻气个哼兩声，算是“小生搿搭有礼了，”“新人初来，請多多包涵，”假使声音忒响，“老鸟”要“发调头”個，予以“黄牌警告”。搿个比现实生活當中个群要严得多。
老吴讲，“画眉群”个群主有邪氣高个权威，因为群主勿是民主推荐个，是打出来个，是所謂“枪杆子里建个”！
作者：郑自华
讲述：黄燕琼
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
