ئۆيگە كىرىپ ئەتراپقا قارىدىم. ئۆي شۇنداق چوڭ بولسىمۇ لېكىن مېھىرسىز سوغۇق بىلىنىۋاتاتتى. سىڭلىم بىلەن بالىسىنىڭ سايىسى يوقاپ باشقىچە قۇرۇغدىلىپ قالغانىدى. دەرۋازا بېسىلىپ دوستۇم كىردى._ ئاداش. سەت بولدى، ئەتىگەن سەل ئالدىراش بولۇپ، كېچىكىپ قالدىم.ئۇ قىزىرىپ كەتكەن كۆزلىرىمگە قاراپ تۇرۇپ قالدى._ يەنە نېمىش بولدى ئاداش. بىرەر كۆڭۈلسىزلىك بولدىمۇ؟_ ھېچنېمە..ھېچ ئىش بولمىدى،_ يەنە ئىككى تامچە ياش يۈزۈمنى بويلاپ چۈشتى._ سىڭلىڭ قېنى؟ كۆرۈنمەيدىغۇ.._ كەتتى.. ئاكىسى ئەپ كەتتى.._ بىرەر ئىش بولمىغاندۇ ئاداش..نېمىشقا تۇيۇقسىز ئەپ كېتىدۇ.._ ئاكىسى ئۇنىڭ ئاجرىشىپ كەتكىنىنى بىلىپ قاپتۇ..شۇنىڭ بىلەن سڭلىسىنى ئەپ كەتتى.. ئۇ بۇ يەردە تۇرساڭ يامان يولغا ماڭىسەن دەيدۇ..ھاھا.. مەن ئۇنىڭ يامان يولغا باشلاپ كېتىدىكەنمەن..دوستۇم مېنى قۇچاغلىدى._ جېنىم ئاداش. ئەركىشى بەزىدە شۇنداق قاتتىق گەپ قىلىدۇ. كۆڭلۈڭگە ئالما.._ مەن..بەك تىرىشتىم ئاداش.. ياخشى ئادەم بولۇشقا شۇنداق تىرىشتىم..لېكىن شۇنچە قىلىپمۇ ھېچكىمگە ياخشى بولالمىدىم..تولىمۇ چارچاپ كېتىۋاتىمەن.._ سەن ماڭا مەڭگۈ ياخشى..سەن شۇنچىلىك ئاقكۆڭۈل دىلى دەريادەك كەڭرى ئايال.._ مەن بەلكى ئۇنچە ياخشى بولمىسام كېرەك..بولمىسا شاگىرتىم گاچا بوپ قالمايتتى.. سىڭلىم ئاجرىشىپ كەتمەيتتى.. قىزىم روھىي كېسەل بولۇپ قالمايتتى.._ شاگىرتىم گاچا بولۇپ قالمايتتى؟! نېمە ئىش بۇ؟ ئۇ گاچا بوپ قاپتۇما؟_ ھەممىنى قىلغان مەن.. ئۇنىڭغا ئايالىنىڭ بۇزۇلغان ئىسپاتىنى كۆرسەتكەن. شۇنىڭ بىلەن ئاغىنىسى بىلەن ئۇرۇشۇپ ئىككىلىسى يارىلاندى.._ قانداق قىلىمىز ئاداش. بەزى ئىشلار ئىختىيارىمىز ئەمەسكەن.._ ئۇلار قىزىمنى مەكتەپتىن ھەيدىگۈزىۋەتتى..قىزىمنى كېسەل دەپ كەمسىتتى..شۇنىڭ بىلەن ئاچچىققا چىدىماي شۇنداق قىلىشقا مەجبۇر بولدۇم.. ئەسلى مېنىڭ بۇنداق قىلغۇم يوق ئىدى...ئاۋازىمنى قويۇپ يىغلىۋەتتىم._ كۆڭلۈڭنى بۇزما ئاداش..ئۇلارمۇ ئۆزىنىڭ قىلغانلىرىغا چۇشلۇق كۈن كۆردى.. بۇنى ئۆزۈڭگە يۈكلىۋالما..سەن بۇنداق يول تۇتمىساڭمۇ ھامان زىيان تارتقان بولاتتى..._ شۇنداق چارچاپ كېتىۋاتىمەن..بۇ يەردىن كەتكۈم بار..بۇ ئىشلارنى ئۇنتۇپ كەتكۈم بار.._ چارچىغان بولساڭ ساياھەت قىلىپ كەل..كاللاڭنى ئارام ئالدۇر..ھېلىمۇ بەك كۆپ ئىشلارنى بىر تەرەپ قىلدىڭ، سېنىڭ ئورنۇڭدا باشقىلار بولسا چىدىمىغان بولاتتى..دوستۇمنىڭ قولىنى تۇتتۇم._ ئاداش، ھازىر يېنىمدا ماڭا يېقىن تۇرىدىغان ئايالدىن بىر سەن قالدىڭ.._ خاتىرجەم بول. مەن يېنىڭدىن كەتمەيمەن..ھەرقانداق ئىش بولسا سەن بىلەن بىرگە ماڭىمەن..ياشلىرىمنى سۈرتىۋېتىپ كۆزئەينەكنى ئېيتىپ تاقاپ ئاپراتنىڭ ئالدىغا كەلدىم._ فىلىمنى داۋاملاشتۇرايلى، ھازىر پەقەت ئىككىمىز بار..شۇڭا تېخىمۇ تىرىشمىساق بولمايدۇ.._ بولىدۇ ئاداش..مەن ساڭا ماسلىشىمەن..دوستۇم ئېكران ئالدىغا كەلدى._ دوستلار ياخشىمۇسىلەر، بۈگۈن سىلەرگە يېڭى تاماق ئېتىشنى ئۆگىتىمەن..چوڭ بولۇش بىزگە تۆكۈلىۋاتقان ياشنى سۈرتىۋېتىپ يەنە قايتا كۈلۈپ تۇرۇپ قىيىنچىلىقلارغا يۈزلىنىشنى ئۆگەتكەنىدى. بارا-بارا ئۆزۈمنىڭ ھەسرەتلىنىپ ياش تۆككۈدەك ۋاقتىمنىڭمۇ قالمىغىنىنى ھېس قىلىۋاتاتتىم.دوستۇمنى ئۇزۇتۇپ قويغاندىن كېيىن قىزىمنىڭ ئائىلە ئوقۇتقۇچىسى قىزىمنى يېتىلىگىنىچە چۈشتى._ ھەدە. سىز قىزىڭىزنىڭ ئوقۇشىنى سىناپ باقسىڭىز بولىدۇ..مېنىڭچە خېلى ئۈنۈمى بولدى. قىزىڭىز بەكلا ئەقىللىقكەن. دەرسنى شۇنداق تېز ئۆگىنىۋالدى..قىزىمنىڭ بېشىنى سىيلاپ قويدۇم._ شۇنداق. مېنىڭ قىزىم شۇنداق ئەقىللىق.._ مەن ئەتە يەنە كېلىمەن.. ئاندىن.._ بىلىمەن. ئەتە كەلگەندە ھەققىڭىزنى دېيىشەيلى، سىناق ۋاقتىڭىز تۈگىدى.._ رەھمەت ھەدە.. مەن ماڭدىم..قىزىمنىڭ ئائىلە ئوقۇتقۇچىسىنى ئۇزۇتۇپ قويغاندىن كېيىن ئۇنى قۇچىقىمغا ئولتۇرغۇزدۇم._ ئوقۇتقۇچۇڭ ياخشىمىكەن قىزىم.._ ھەئە..بەك ياخشىكەن..قورسىقىم ئېچىپ كەتتى..ھاممام قېنى.._ ھە..ئۇ..بىر ئىش بىلەن بىر يەرگە كېتىپ قالدى..بىر مەزگىلدىن كېيىن كېلىدۇ.._ يالغان. ئۇ كەتتى شۇنداقمۇ؟_ نېمىشقا بۇنداق دەيسەن..ئۇ كېلىدۇ.._ مەن سىلەرنىڭ گېپىڭلارنى ئاڭلىدىم..ئۇ كەتتى.._ ئۇ كېلىدۇ قىزىم..پەقەت.._ ئۇكامنى سېغىنىپ كېتىدىغان بولدۇم.._ مەن ساڭا يەنە بىر مۈشۈك ئەپ بېرەي، مۈشۈكلىرىڭ جىق بولسا زېرىكىپ قالمايسەن.._ ماقۇل ئاپا،_ قىزىم ئاستا ئورنىدىن تۇرۇپ ئۈستى قەۋەتكە چىقىپ كەتتى. ئۇ ئائىلە ئوقۇتقۇچىسى بىلەن جىق پاراڭلاشقاندەك قىلسىمۇ، ماڭا قىلىدىغان گېپى ئازلاپ قېلىۋاتاتتى.تېلىفوننى ئېچىپ دادام بىلەن چىققان سىنغا قاراپ باقتىم. سىن ئاستىدىكى ناچار ئىنكاسلا كۆپىيىپ كەتكەن بولۇپ، مېنى بىرمۇ ئادەم ياخشى دېمەيۋاتاتتى. ئىشلىرىم ياخشىلانغاندەك قىلسىمۇ لېكىن ھامان يامانلىقلار يۈز بېرىپ تۇراتتى.يولدىشىم كېلىپ سافادا ئولتۇردى._ بۈگۈن تاماق ئەتمىگەندەك قىلامسىلەر نېمە؟_ ئەتتۇق. فىلىمگە تارتىپ بولۇپ ئاشخانىدا قويدۇم.._ نېمىش بولدى؟ كۆڭلىڭىز بىئارامدەك تۇرىدىغۇ.. ھە راست..سىڭلىڭىزچۇ.. ئۇ يوق بولغاچقا تاماقنى ئۈستەلگە تىزماپسىزدە..ئۇنى ساقلاۋاتامسىز؟_ ئۇ كەتتى. ئەمدى كەلمەسلىكى مۇمكىن.._ كەتتى؟ نېمىشقا؟ نەگە كەتتى؟_ ئاكىسى ئەپ كەتتى..ئەمدى بۇ ئۆيگە قايتا ئاياق باسمايدۇ دەيدۇ.._ نېمىشقا ئەمدى؟ نېمىشقا تۇيۇقسىز ئەپ كېتىدۇ.._ ئۇنىڭ ئاجرىشىپ كەتكىنىنى بىلىپتۇ.. يولدىشى دەپ بەرگەن ئوخشايدۇ.._ ھەي..ئاكىلار شۇنداق بولىدۇ. سىڭلىسىنىڭ دەرت تارتىشىغا چىدىمايدۇ.._ شۇنداق. ئۇ دېگەن سىڭلىسىنىڭ ئاكىسى، ئۇلار ئىككىسى ھەقىقىي بىر قورساق تۇققان.._ ئۇنداق دېمەڭ. سىز ئۇلارنىڭ ئاچىسى.._ مېنىڭ دادام باشقا.. يەنىلا ئوخشىمايمەن..ئۇ سىڭلىسىنى مېنىڭ يامان يولغا باشلاپ كېتىشىمدىن قورقۇپ ئەپ كەتتى..سەن سىڭلىمدىن پايدىلاندىڭ..سەن كاللىسىنى يۇيۇپ ئاجراشتۇردۇڭ دەيدۇ..ھاھا.._ ئەركىشى ئاچچىقى كەلگەندە شۇنداق خاتا سۆزلەيدۇ جېنىم..كۆڭلىڭىزگە ئالماڭ.._ بەلكى شۇنداقتۇ.. ئىشقىلىپ مەن بىر ئۆمۈر ھېچقانداق ئادەمگە ياخشى بولالمايمەن..كاتىپغا كۆيۈنگەنتىم ئۇ ماڭا خائىنلىق قىلدى..سىڭلىمغا كۆيۈنگەنتىم ئاكىسى مېنى خاتا چۈشىنىپ بارلىق ياخشىلىقىمنى يوق قىلدى..بۇرۇنقى يولدىشىمنىڭ بالىسىغا كۆيۈنگەنتىم، ئۇلار مېنىڭ قىزىمنى كېسەل قىلىپ قويدى.. ئايال خوجايىننىڭ بالىسىغا كۆيۈنگەنتىم، ئاخىرى مېنى قەلەندەر دەپ بارلىق ئەجرىمنى يوق قىلدى..مەن بۇ ئۆمرۈمدە باشقىلارغا ياخشى بوپ بولالمايدىغان ئوخشايمەن..بەك چارچاپ كېتىۋاتىمەن.._ ئۆزىڭىزگە بېسىم قىلىۋالماڭ..مەن سىزنى مەڭگۈ يامان قىلمايمەن.. سىز مەن ئۈچۈن شۇنداق پاك ھەم دىيانەتلىك ياخشى ئايال.._ توردىكى فىلىمنى كۆرۈپسىزغۇ.._ شۇنداق.. كۆرۈپ بەك ئاچچىقىم كەلدى..لېكىن قولۇمدا شىركەتنىڭ ئىشى بولغاچقا كېلەلمىدىم.._ ھەركۈنى كېلىشىڭىزنىڭ ھاجىتى يوق.. بەزى ئىشلارنى چوقۇم ئۆزۈم ھەل قىلىشىم كېرەك.._ ئۇنىڭغا قانچە پۇل بەردىڭىز؟_ نەق پۇلدىن ئاران 100يۈەن باركەنتۇق، شۇنى بەردىم.._ ئاز بوپ قاپتۇ..مەن ئەتە يەنە بىر ئاز نەق پۇل ئەكەپ بېرەي.._ كارتامدا پۇل بار ئىدى، لېكىن بەرگۈم كەلمىدى.._ نېمىشقا؟ بەرسىڭىز ۋاقىتلىق بولسىمۇ سىزنى ئاۋارە قىلمىغان بولاتتى.._ ئۆزۈمنى پەقەتلا قايىل قىلالمايۋاتىمەن..نېمىشقا كىچىك ۋاقتىمدا ئىگە بولماي، مەن پۇل تاپقاندا ماڭا ئىگە بولىۋالىدۇ..نېمىشقا ماڭا كىچىك ۋاقتىمدا بېرىشكە تېگىشلىك مېھىرنى باللىرىغا بېرىپ، ئەمدىلىكتە مېنى ئۇلار بىلەن تۇققان بولۇشقا زورلايدۇ.._ بۇ قىلغىنى خاتا. لېكىن قانداشلىق دېگەن نەرسىنى يوقاتماق تەسكەن.._ سىزنىڭ ئاكىڭىزنىمۇ سىز ئېتىراپ قىلمايمەن دەپ ئېتىراپ قىلمىدىڭىز.. مەن نېمىشقا ئۇنداق قىلالمايمەن.._ چۈنكى ئۇ مېنىڭ ئۆزىنىڭ ئىنىسى ئىكەنلىكىمنى بىلمەيدۇ. لېكىن سىزنى ئۇلار بىلىدۇ..شۇڭا.._ كىچىكىمدىن دادا مېھرىنى كۆرمەي چوڭ بولدۇم. نۇرغۇن قېتىم ئۇنىڭ بالىسىنى ئەگەشتۈرۈپ ماڭغىنىنى، نەرسىلەرنى ئەپ بەرگىنىنى كۆرەتتىم..لېكىن ئۇ مېنى بىرەر قېتىممۇ سىرتقا ئەگەشتۈرۈپ چىقىپ باقمىغان..بىرەر قېتىم مومامنىڭ ئۆيىگە مېنى ئىزدەپ كەپ باقمىغان.. مەن بۇ نەپرەتنى پەقەتلا يوقىتالمايۋاتىمەن.._ مېنىڭ ئاۋۇ دېرىكتورىڭىزغا بولغان نەپرىتىممۇ دەل مۇشۇنداق. ئۆزۈمنى ئۇنى كەچۈرىۋېتىشكە پەقەتلا قايىل قىلالمىدىم..بۇرۇنقى ئىشلارنى ئويلىساملا ئۇنىڭغا ئۆچ بوپ كېتىمەن.._ ئادەمنىڭ كىچىكىدە يۈرىكىدە پەيدا بولغان داشنىڭ يوقىمىقى بەك قىيىنكەن.. ئۇنى چوڭ بولۇپ قانچە تىرىشساقمۇ يوقىتالمايدىكەنمىز..چوڭ بولدۇق دەيدىكەنمىز..لېكىن شۇ كىچىكلىكىمىزدىكى تۇرمۇشنى داۋام ئېتىدىكەنمىز، ئۆزگەرگەندەك قىلساقمۇ، لېكىن يۈرىكىمىزدە يەنە كىچىك ۋاقتىمىزدىكى ئۆزىمىز بولۇپ ياشايدىكەنمىز.._ شۇنداق..مەنمۇ بالىلىقىمنى ئۇنتۇپ قالسامكەن دەيمەن..شۇنداق بولغاندا مەن ھېچكىمگە ئۆچ بولمىغان بولاتتىم..ئۇنىمۇ ئاكام دەپ قارىغان..مېھىر بېرىپ بىللە ياشىغان بولاتتىم..ئىككىمىز بىر-بىرىمىزگە قاراپ تۇرۇپ كەتتۇق. بارا-بارا بىر-بىرىمىزنىڭ يۈرىكىگە ئورناۋاتاتتۇق. قارشى تەرەپنىڭ يۈرىكىدە تۇرۇپ ئازابلارنى يوق قىلىشقا تىرىشاتتۇق-يۇ، لېكىن ئازابلارغا غەرق بولىۋاتاتتۇق.* * * بىر ھەپتە ئۆتۈپ كەتتى. تاماق سىن قانىلىرىمىزغا ئېلان ئېلىشقا باشلىدۇق. ئىنكاسلار ياخشى بولۇپ دوستۇمنى تونۇيدىغانلار كۆپىيىۋاتاتتى. ئۇنىڭمۇ كەيپىياتى كۈندىن كۈنگە ياخشىلىنىۋاتاتتى._ ئاداش. يولدىشىم كەيپىياتىمۇ ياخشىلىنىپ كەتتى..ھازىر ماڭا بۇرۇنقىدەك تەنە گەپ قىلماس بولدى.._ سەن شۇنداق تىرىشىۋاتساڭ ئەلۋەتتە خوش بولىدۇ-دە.._ شۇنداق شۇنداق..ھازىر كەيپىياتىممۇ بەك كۆتۈرۈلۈپ كەتتى..سېنىڭ دۆلىتىڭ بىلەن خېلى پۇللۇق بوپ قالدىم مانا..دوستۇمنىڭ كۆزلىرىدىن ئۈمىد ئەكس ئېتىپ تۇراتتى._ ئۆزىگە ئىشەنگەن ئايال ئەڭ چىرايلىق..كۈندىن كۈنگە چىرايلىق بوپ كېتىپ بارىسەن.._ ھەراست. ساڭا بىر نەرسىنى كۆرسىتەي..دوستۇم يانفونىنى چىقىرىپ دېرىكتور بىلەن ئايال خوجايىننىڭ سىن قانىلىنى ئاچتى._ كۆردۈڭمۇ ئاداش. ماۋۇ ناچار ئىنكاسلارنى...يېغىپ كېتىپتۇ..ھەممىسى ئۇلارنىڭ مېلىنى تىللاۋېتىپتۇ..نۇرغۇن مالنى قايتۇرىۋېتىپتۇ.._ شۇنداقمۇ، ئەسلىمۇ مۇشۇنداق بولماقچىتى.._ بىزنىڭ مالنى ئوغۇرلاپ ساتقىنىغا ئۆزى زىيان تارتقىلى تۇرۇپتۇ.._ شۇ، مەن تاللىغان مالنى تاللايمەن دېگەننىڭ جازاسى مۇشۇ..._ ئاداش يېڭى ماللارنى قانداق قىلىمىز؟ ھازىر بالا مودىل يوق.._ سېنىڭ بالاڭ بىلەن مېنىڭ قىزىمنى چىقىرىمىز..بوۋاقلارنىڭكىنى قولىمىزدا تۇتۇپ چىقىرىمىز.._ ھەي، ئىككى بوۋاقنىڭ ئانىلىرى كېتىپ قالدى..بولمىسا.._ يوقنىڭ غېمىنى قىلمايلى..ئۆزىمىز قىلالىغۇدەك دائىرىدە تىرىشساقلا بولدى..توردىكى ھەرخىل سىنلارغا قاراپ باقتىم. نۇرغۇن ئانىلار ئۇلارنىڭ ئويۇنچۇقلىرىنى قولىغا ئېلىپ تىللاۋاتاتتى. دۇكىنىنىڭ دەرىجە يۇلتۇزىمۇ ئاران ئىككىگە چۈشۈپ قالغانىدى.مەمنۇنلۇق بىلەن كۈلۈمسىرەپ قويدۇم.يېڭى زاۋۇتتىن كىرگۈزگەن مالنى باشقا ئىسكىلاتتىن ئالدىم-دە، دوستۇم بىلەن ئېلانىنى ئىشلەشكە كىرىشپ كەتتىم._ ئالدىنقى قېتىم ھەقسىز مال ئالغان ئاتا ئانىلار زاكاس چۈشۈرۈپتۇ ئاداش.._ شۇنداق. مەن قارىساممۇ كۆپىنچىلىرى بۇرۇنقى خېرىدارلاركەن.._ دېمەك ھەقسىز تارقاتقان مالنىڭ پايدىسى بوپتۇ.._ قارا، دەرىجە يۇلتۇزىمىزمۇ بەشكە كۆتۈرۈلۈپتۇ.._ ئوف. تىرىشقىنىمىزنىڭ ئاخىرى نەتىجىسى چىقتى.._ شۇنداق. داۋاملىق تىرىشساق تېخىمۇ كۆپ پۇل تاپالايمىز..تۇيۇقسىز سىرتتىن ئاڭلانغان ۋاراڭ چۇرۇڭ بىلەن يەنە دەرۋازا ئالدىغا كەلدىم. دادام يەنە بۇرۇنقى ئادىتى بويىچە يەردە ئولتۇراتتى._ ئاداش..بۇ داداڭغۇ.._ شۇنداق..ئۇ يەنە كەپتۇ..دوستۇمنى ئۈستىگە چىقىرىۋېتىپ يەنە دەرۋازا ئالدىغا چىقتىم._ قىزىم ماڭا قارىمىدى..ئۇ مېنى يەنە ھەيدەپ چىقاردى.._ ساڭا زادى نېمە كېرەك؟ نېمىشقا بۇنداق قىلىسەن،_ دېدىم ئۇنى يۆلەپ._ مەن بىلەن كارىڭ بولمىسۇن. بەرىبىر سەن ماڭا قارىمىغاندىن كېيىن مۇشۇ يەردە ئولتۇراي..ئېغىر بىرنى تىنىۋەتكەندىن كېيىن ئۇنى يەنە ئۆيگە ئېلىپ كىردىم._ سەن زادى نېمە قىلماقچى؟ نېمىشقا بۇنداق قىلىۋېرىسەن؟ مېنى دۇنياغا يامان قىلىپ ئاندىن توختايسەن شۇنداقمۇ؟!_ شۇنداق. شۇنداق قىلىمەن..چۈنكى سېنىڭ ماڭا قارىمىغىنىڭ راست.._ ئۆزۈڭنىڭ باللىرى بارغۇ..نېمىشقا يەنە ماڭا يۆلىنىۋالىسەن.._ ئۇلارنىڭ سەندەك كۆپ پۇلى يوق.._ ساڭا پۇل بەردىمغۇ.._ 1000 يۈەن نېمىگە يېتەتتى. مۇشۇنداق چوڭ داچاڭ تۇرۇپ 1000 يۈەن بەرگىنىڭ مېنى كۆزگە ئىلمىغىنىڭ.._ مېنىڭ پۇلۇم بىلەن باللىرىڭنى باقىدىغان تۇرساڭ، نېمىشقا ساڭا كۆپ پۇل بەرمىگۈدەكمەن.._ بوپتۇ. بەرمىسەڭ مەيلى. ئەمىسە مەن كۈندە ئىشىك ئالدىڭدا يىغلاپ سېنى خالايىققا سازايە قىلىمەن..شۇ چاغدا بېرىسەن..دەرۋازا قوڭغىرىقى توختىماي بېسىلىشقا باشلىدى. ئېكراندىكى ئائىلە ئوقۇتقۇچىسىنى كۆرۈپ ئېچىش كۇنۇبكىسىنى بېسىۋەتتىم._ بۈگۈن بىر ئاز ئىشىم بارئىدى. شۇڭا كېچىكىپ قالدىم ھەدە.._ ھېچقىسى يوق..قېنى كىرىڭ..ئائىلە ئوقۇتقۇچىسى سافانىڭ ئالدىغا كېلىپ دادامنى كۆرۈپ تۇرۇپ قالدى._ سىز؟!دادام چۆچۈپ ئورنىدىن تۇرۇپ كەتتى.
