تالاغا تويغان ئەر 124-قىسىم

124.قىسىم

بۇ ئايال بەزىدە راستىنلا ھىچنىمىدىن ھىچنىمە يوقلا قىيداپ قالىدۇ-دىسە،ئەنزەر شۇنداق ئويلاپ،ئۇنىڭ ئۈستىلىگە قويۇپ قويغان ناشتىلىققا كۆز يۈگۈرتۈپ،كەيىپىياتى بىرىدىنلا پاراكەندە بولۇپ كەتتى.ئۆزىنى خۇددى مۇشۇ قاراپ قويۇشقىمۇ ئىرىنگەن ناشتىلىققا ئوخشاش،بىر چەتتە تاشلاپ قويۇلغاندەك ھىس قىلدى.

ئۇ قوشۇمىسىنى تۈرۈپ ماڭاي دەپ تۇرغاندا، سىرتتا «پاق» قىلغان ئاۋاز بىلەن تەڭ،ئاندىن گۈلنازنىڭ ھاڭ-تاڭ قالغان ئاۋازى ئاڭلاندى :

- ئەلفىرە باش نازارەتچى ! ئەلفىرە باش نازارەتچى ھوشىدىن كەتتى !

ئەلفىرە ئويغانغاندا، ئۇ دوختۇرخانىدا ئىدى.ئۇنىڭ يېنىدا تۇرغىنى چىرايىدىن ئەندىشە چىقىپ تۇرغان رۇخسار بولدى.

-سىز كېلىپ قاپسىزغۇ؟

ئەلفىرە ئاغرىۋاتقان قوشۇمىسىنى ئۇۋۇلاپ قويغاندىن كېيىن ئورنىدىن تۇرماقچى بولۇپ سورىدى.رۇخسار دەرھال ئۇنى يۆلەپ كارىۋات بېشىغا ئولتۇرغۇزغاچ جاۋاپ بەردى.

-زەپەر ئىككىمىز بۈگۈن ئەتىگەن سەپەرنى ئاخىرلاشتۇرۇپ قايتىپ كەلدۇق، ئۆيگە قايتىشقا ئۈلگۈرمەيلا ئەنزەردىن تېلېفون كېلىپ، سىزنى ھوشىدىن كەتتى دېدى،شۇنىڭ بىلەن ھىچنىگە قارىماي بۇ يەرگە كەلدىم.

ئۇ گېپىنى تۈگىتىپلا ئەلفىرەگە ئاغرىنغان ھالدا قاراپ قويدى.

-ئۇ شەھەرگە كاماندۇرۇپكىغا چىقىپ كىلىپلا،نىمە ئۆزىڭىزنى بۇ ھالغا چۈشۈرۈپ قويدىڭىز؟

ئەلفىرە ئاچچىق كۈلۈپ،چۈشەنچە بەردى.

-كاماندىروپكىغا چىقىش بىلەن مۇناسىۋەتسىز.

رۇخسار ئۇلۇغ كىچىك تىنىپ قويۇپ،چۈشەنگەندەك جاۋاپ بەردى.

-مەن بىلدىم.

ئۇ ئىشىك تەرەپكە قاراپ قويۇپ، سىرتتا ئادەم يوقلىقىنى جەزملەشتۈرگەندىن كېيىن، ئاندىن ئاۋازىنى پەسەيتىپ گېپىنى داۋام قىلدى.

- دوختۇر ماڭا سىزنىڭ تۈنۈگۈن كېچە ياخشى ئارام ئالالمىغانلىقىڭىزنى، يەنە كېلىپ ماغدۇرسىزلىنىپ كەتكەنلىكىڭىزنى، ئەتىگەن تېخى تاماق يېمەي ھوشىڭىزدىن كەتكەنلىكىڭىزنى ئېيتتى.

كىم؟ ئەنزەرما؟

ئەلفىرە بىردەم تۇرۇۋالغاندىن كېيىن،ئىلاجسىز بېشىنى لىڭشىتتى.

رۇخسار كۆزىنى ئالايتىقىنىچە ئاچچىقلىدى.

-ئۇنداقتا ئۇ يەنە سىزنى بۈگۈن ئىشقا بارسۇن دىدىدىما؟بايا مەن كەلگەندە، شىركىتىڭلاردىكى گۈلناز سىزنى ئەتىگەندىلا خىزمەتكە كەلگەندىن بىرى، ئارام ئېلىپ باقمىدى دەيدۇ.

ئەلفىرە قولىنى سوزۇپ ئاغرىۋاتقان قوشۇمىسىنى ئۇۋۇلاپ قويغاچ چۈشەندۈردى.

-تۈنۈگۈن كەچ ئۇ مەست بولۇپ قاپتىكەن، ئويغانغاندا ھېچنېمىنى ئېسىگە ئالالمىغان ئوخشايدۇ، يەنە تېخى مېنى ياخشى ئارام ئالماي خىزمەتكە دەخلى قىلسىڭىز بولمايدۇ دەپ ئەيىبلىدى.شۇنىڭ بىلەن مەنمۇ ئاچچىقىمدا....

-ئاچچىقىلىسىڭىزمۇ بەدىنىڭىزگە چاقچاق قىلامسىز؟

رۇخسار ئىلاجىسىز ئۇنىڭغا بىر قاراپ قويۇپ، قولىنى سوزۇپ ئۇنىڭ قولىنى سىقتى.

- ئەلفىرە، قانداقلا بولمىسۇن سالامەتلىكىڭىزنى ئاسراڭ!ئۆزىڭىزنىڭ قايىتىپ كىلىشتىكى مەقستىڭىزنى ئۇنتۇپ قالماڭ!

ئەلفىرە بېشىنى لىڭشىتتى،ئۇ ئۇنتۇپ قالمىدى.ئۇ ئەنزەرنىڭ بالىسىغايەنە بىرقىتىم ھامىلدار بولۇش ئۈچۈن...ئەلزادنىڭ كېسىلىنى داۋالىتىش ئۈچۈن قايتىپ كەلدى.شۇڭا، ئۇ سالامەتلىكىنى تېخىمۇ ئاسرىشى كېرەك، بولمىسا يەنە بىر كېسەل بالا تۇغۇلسا، ئىش بارغانسېرى ناچارلىشىپ كېتىدۇ.

ئويلاپ مۇشۇ يەرگە كەلگەندە، ئۇ چوڭقۇر نەپەس ئالغىنىچە ۋەدە بەردى.

-بۇنىڭدىن كېيىن ئۇنداق بولمايدۇ.

بەلكىم، ئۇ بۈگۈن ئەتىگەن گۈزەلنۇر بىلەن ئەنزەرنىڭ مۇھەببەتلىك تۇرقىغا قاراپ ئىچى ئاچچىق بولغاچقىمۇ،مۇشۇنداق كاللىسى ئىشلىمەيدىغان ئىشنى قىلىپ قويغان بولسا كېرەك.

رۇخسار يەنە بىر قېتىم ئۇلۇغ كىچىك تىنىپ قويدى.بىر ھازادىن كېيىن، ئۇ تۇيۇقسىز بىر نەرسىنى ئېسىگە ئالغاندەك، يان تېلېفونىدىن بىر پارچە سۈرەتنى ئاختۇرۇپ تاپقاچ دىدى.

-ئىلگىرى بىرەيلەن دوختۇرخانىمىزغا كېلىپ ئارزىگۈلنىڭ خەۋىرىنى تەكشۈرگەنغۇ؟قانداق بولغانلىقىنى پەرەز قىلىپ بېقىڭە، ئىككى كۈن ئىلگىرى مەن ساياھەت قىلىۋاتقاندا، ئىلگىرى خىزمەتتىن ئايرىلغان خىزمەتدىشىم بىلەن ئۇچرىشىپ قېلىپ، ئويلىمىغان يەردىن ئارزىگۈلنىڭ ئىشى توغرىسىدا پاراڭلىشىپ قالدىم، ئارزىگۈل راستىنلا ئىككى يىل ئىلگىرى دوختۇرخانىمىزدا ھۆسىن تۈزەش ئوپېراتسىيەسى قىلدۇرغان ئىكەن !

ئۇ شۇنداق دېگەچ سۈرەتنى ئەلفىرەگە سۇندى.

-ئارزىگۈل دوختۇرخانىمىزغا كېلىپ ناھايىتى كىچىك ئوپېراتسىيە قىلدۇرۇپتۇ، ناھايىتى مۇۋەپپەقىيەتلىك بوپتىكەن، ئۇ تېخى سۈرەتكە تارتىۋاپتىكەن!

ئەلفىرە قاپىقىنى تۈرۈپ،رۇخسارغا ئارزىگۈلنىڭ ۋاپات بولغانلىقىنى ئېيتاي دەپ تۇرغاندا، كۆزى ھېلىقى رەسىمگە چۈشۈپ قالدى... كۆزنى يۇمۇپ ئاچقۇچە كۆزلىرى چەكچىيىپ كەتتى.

ئۇ ھەيرانلىق ئىچىدەرۇخسارنىڭ يان تېلېفونىنى ئېلىپ كۆزىگە ئىشەنگۈسى كەلمىگەن ھالدا سورىدى.

- سىز... بۇنىڭ ئارزىگۈل ئىكەنلىكىنى جەزىملەشتۈرەلەمسىز؟

رۇخسار كۆزىنى ئالايتقىنىچە جاۋاپ قىلدى.

-ئەلۋەتتە.بۇرۇنقى خىزمەتدىشىمنىڭ ئېنىق ئېسىدىكەن،ئارزىگۈل ئەينى چاغدا ئوپىراتسىيە قىلدۇرغاندا، يېنىدىكى كىشىلەرگە يەنە بىر شەھەردىكى ئابلىكىم ئائىلىسىنىڭ ئىشىنى ئېيتقانىكەن، قانداقمۇ ئۇ بولماي قالسۇن؟

رۇخسار ئۇ سۈرەتنى يەنە بىر قېتىم كۆرگەندىن كېيىن ھاياجانلانغان ھالدا،تەئەججۈپلىنىپ قىتىپ قويدى.

-بىراق مېنىڭچە بۇ سۈرەتتىكى ئارزىگۈل گۈزەلنۇرغا ئازراق ئوخشايدىكەن.

ئۇ گېپىنى تۈگىتىپ، تۇيۇقسىز يەنىلا توغرا ئەمەستەك ھېس قىلىپ، دەرھال تولۇقلىدى.

-بۇرۇنقى سىزگە ئازراق ئوخشايدىكەن.

ئەلفىرە قولىدىكى تېلېفوننى تۇتۇپ، بىر ھازاغىچە گەپ قىلالماي قالدى.سۈرەتتىكى ئايال، ئۇنىڭ تەسىراتىدىكى ئالتە يىل بۇرۇنقى ئارزىگۈلگە راستىنلا بەك ئوخشايتتى.قاش-كۆزى ۋە چىرايىدا زور ئۆزگىرىش بولغاندىن كىيىنكى ھالىتى ھازىرقى گۈزەلنۇرغا ئوخشايتتى.

لېكىن، قېرىشقاندەك ئۆلۈپ كەتكەن ئارزىگۈلگە ئازراقمۇ ئوخشىمايتتى. ئۇ كالپۇكىنى چىشلەپ، يانفوننى تۇتقان قولى سەل-پەل تىترەپ كەتتى.

ئۇ ھۆسىن تۈزەش ئوپېراتسىيىسىنىڭ بىر ئادەمنىڭ چىرايىنى ئۆزگەرتەلەيدىغانلىقىنى بىلسىمۇ.ئەمما ئىككى يىل بۇرۇنقى ئارزىگۈل بىلەن ئۇ نەچچە كۈن ئىلگىرى كۆرگەن ئارزىگۈلنىڭ ئازراقمۇ ئوخشايدىغان يېرى يوقلىقىنى بايقىدى.

ئەلفىرەمۇ ھۆسىن تۈزەتكەن ئادەم، ئۇ بىر ئادەمنىڭ چىرايىنى پۈتۈنلەي باشقا بىر مۇناسىۋەتسىز ئادەمگە ئايلاندۇرۇش ئۈچۈن قانچىلىك زېھنىي كۈچ ۋە ۋاقىت كېتىدىغانلىقىنى ئېنىق بىلەتتى.

مۇنداقچە قىلىپ ئېيتقاندا،ئەگەر سۈرەتتىكى بۇ ئارزىگۈل بولسا، ئۆلۈپ كەتكەن ئارزىگۈل چوقۇم يالغان بولىدۇ.ئۇ لىۋىنى چىشلىگىنىچە، ئەينى چاغدايەنە بىر شەھەردىكى ۋاقىتتا ئەنزەرنىڭ ماشىنىدا ئۇنىڭغا دېگەن گەپلىرى قۇلاق تۈۋىدە ئاڭلاندى :

-بۇ ئارزىگۈل، بەلكىم راست ئارزىگۈل بولماسلىقى مۇمكىن.ئۆلۈپ كەتكەن ئارزىگۈل پەقەت بىر قورچاق، ھەقىقىي ئارزىگۈل باشقا ئادەم.

قانداقلا بولمىسۇن، بۇ قېتىم مەن كۆرگەن ئارزىگۈل ئىلگىرىكى يىللاردىكى ئېسىمدە قالغان ئارزىگۈل بىلەن خېلىلا پەرقلىنىدۇ.

مۇشۇلارنى ئويلاپ، ئەلفىرەنىڭ بەدىنى سوغۇق تەرلەپ كەتتى. ئەگەر ئۆلۈپ كەتكەن ئارزىگۈل ھەقىقىي ئارزىگۈل بولمىسا، ئۇنداقتا ئۇ يەنە بىر شەھەردىن ئايرىلىپ ھاقارەت ھېس قىلىپ ئۆزىنى ئۆلتۈرۈۋالمىغان بولاتتى،ئۇنداقتا ئۇنىڭ ئۆلۈش سەۋەبىچۇ...

ئۇنىڭىدىن باشقا ئابلىكىم ئائىلىسى نېمە ئۈچۈن باشقا بىر ئادەمنى ئارزىگۈلنىڭ قىياپىتىگە كىرگۈزىدۇ، ھەقىقىي ئارزىگۈل نەگە كەتتى؟

ئەلفىرە ئۆزىنىڭ يەنە بىر شەھەر ۋە ئارزىگۈلگە مۇناسىۋەتلىك بارلىق ئىشلىرىنى ئويلىدى.

ئەگەر ئارزىگۈل يالغان بولسا،ئابلىكىم بوۋاينىڭ ئۇنىڭغا بولغان ئۆچمەنلىكىمۇ يالغان بولۇشى مۇمكىن.ئۇ كۈنى كەچتە مەردان ئۇنى تۇتقۇن قىلدى، يەنە نەرگىزەنىڭ ئىشى...

ئەلفىرە ئويلىغانسېرى قورقۇنچ ھېس قىلدى.قورقۇش، قالايمىقانچىلىق، گۇمان،ھەر خىل كەيپىيات ئۇنىڭ چوڭ مېڭىسىنى قاپلىۋالغان شۇ پەيىتتە،ئۇنىڭ چىرايى تاتىرىپ كەتتى.

-بىئارام بولۇۋاتامسىز؟

ئۇنىڭ چىرايىنىڭ بارغانسېرى سەتلىشىپ كېتىۋاتقانلىقىنى كۆرۈپ، رۇخسار قوشۇمىسىنى تۈرۈپ، كۆڭۈل بۆلگەن ھالدا سورىدى.

ئەلفىرە كالپۇكىنى چىشلەپ،رۇخسارغا قارىغىنىچە كۆڭلىدىكىنى ئېيتتى.

-ئېيتىڭە،بىر ئادەم يەنە بىر ئادەمنى ئۆزىنىڭ قىياپىتىگە كىرىۋېلىشقا بۇيرۇپ، يەنە پۈتۈن ئائىلىدىكىلەرنى ئۇنىڭغا ماسلاشتۇرۇپ، ئاخىرىدا بۇ سىياقدىشىنى ئۆلتۈرۈشىنىڭ سەۋەبى نېمە؟

رۇخسار مۈرىسىنى قىسىقىنىچە جاۋاپ بەردى.

-بەلكىم باشقا بىر سالاھىيەتكە ئىگە بوپ بولغان بولىشى مۇمكىن، بۇنى سوراپ نېمە قىلىسىز؟

ئەلفىرە كۆزىنى يۇمۇپ ئۇلۇغ كىچىك تىنىپ قويدى، بىر نېمە دېمەكچى بولدى-يۇ، لېكىن ئاخىرىدا يەنىلا ھېچنېمە دېمىدى. بەزى ئىشلارنى رۇخسارغا ئېيتسا، ئۇنىڭغا زىيانكەشلىك قىلغان بىلەن باراۋەر.

يان تېلېفوننى رۇخسارغا قايتۇرۇپ بەرگەندىن كېيىن، ئەلفىرە چوڭقۇر بىرنى تىنىۋىتىپ ئەسكەرتتى.

-بۇ سۈرەتنى يۇيىۋېتىڭ، كېيىن كۆرمىگەن قىياپەتكە كىرىۋېلىڭ.

رۇخسار سۇئال ئىلكىدە قوشۇمىسىنى تۈرۈپ،بىر نېمە دېمەكچى بولغاندا، كېسەلخانىنىڭ ئىشىكى باشقىلار تەرىپىدىن ئېچىلدى،ئىشىك ئالدىدائىگىز بويلۇق ئەنزەر سالاپەتلىك ھالدا تۇراتتى.

-ئويغاندىڭىزمۇ؟

ئەنزەر ئۇنىڭغا بىر قاراپ قويۇپ،قەدىمىنى يۆتكىگىنىچە،مېۋە-چېۋە ۋە قۇۋۋەتلىك تاماقلارنى ئۈستەلگە قويۇپ، رۇخسارغا سوغۇق بىر قاراپ قويۇپ سورىدى.

- دوختۇر نېمە دېدى؟

-دوختۇر ئۇنىڭ بەك ھېرىپ كەتكەنلىكىنى، ئاخشام قانغۇچە ئارام ئالمىغانلىقىنى، ئەتىگەندە تاماق يېمىگەنلىكىنى، يەنە كېلىپ تىرىشىپ ئىشلىگەنلىكىنى، شۇڭا ھوشىدىن كەتكەنلىكىنى ئېيتتى.

ئەنزەر كۈلۈپ قويۇپ سورىدى.

-بەك ھېرىپ كەتتى؟

رۇخسار بۇرنىنى قېقىپ قويۇپ جاۋاپ قىلدى.

-ئەلۋەتتە !ئەنزەر ئەپەندى ئۇ نىمىشقا بۇنچە ھېرىپ كىتىدۇ،بۇنى مەن دەپ بەرمىسەممۇ بولار؟

ئەنزەر بۇ گەپلەرنى كۈلكىلىك ھېس قىلدى.مەيلى يەنە بىر شەھەردە بولسۇن ياكى بۇ شەھەردە بولسۇن، ئۇ ئۇنىڭ جىسمانىي جەھەتتە قىلىشقا تېگىشلىك قانداق خىزمىتى بارلىقىنى ئېسىگە ئالالمايۋاتاتتى.

بىراق، ئۇمۇ رۇخسار بىلەن تالاش-تارتىش قىلىشقا ھۇرۇنلۇق قىلدى.

شۇنىڭ بىلەن ئۇ گەپ قىلمايلا، بىر چەتتىكى ئورۇندۇقتا ئولتۇرۇپ، قۇۋۋەت تاماقنىڭ قاچىسىنى ئېچىپ، ئاق ئۇماچنى رۇخسارغا سۇندى.

-ئۇنىڭغا يېگۈزۈپ قويۇڭ.

-ئەنزەر ئەپەندى، ئەجەبا بۇ ئۇماچنى ئۆزىڭىز ئىچكۈزۈشىڭىز كېرەكمۇ قانداق؟

رۇخسارنىڭ بۇ گېپى چىقىشى بىلەن كىسەلخانىدىكى باشقا ئىككىسى تۇرۇپلا قالدى. ئەلفىرە قاپىقىنى تۈرۈپ، گەپ قىلىشقا ئۈلگۈرمەيلا ئەنزەر يەنە سوغۇق كۈلۈپ كەتتى.

-نېمىشقا ئۇنىڭغا مەن تاماق يېگۈزىمەن؟

رۇخسار كۆزىنى ئالايتقىنىچە سورىدى.

-ئەنزەر ئەپەندى نېمە ئىش قىلغانلىقىڭىزنى ئېسىڭىزدە تۇتالمامسىز؟ سىز...

-رۇخسار

ئۇنىڭ گېپى تېخى تۈگىمەي تۇرۇپلا، ئەلفىرە ئۇنىڭ گېپىنى بۆلۈۋەتتى.ئۇ كارىۋات بېشىغا يۆلىنىپ، چىرايى تاتىرىپ كەتكەن ھالدا رۇخسارغا قاراپ زورىغا كۈلدى.

-سىز ساياھەتتىن قايتىپ كېلىپ ئۆيىڭىزگىمۇ قايتماي، ئۇدۇل مېنى كۆرگىلى كەلگەنىدىڭىزغۇ؟ھازىر ماڭا ھېچ ئىش بولمىدى، سىز ئاۋۋال ئۆيگە قايتىڭ.

رۇخسار ئېغىزىنى ئۈمچەيتىپ قويدى، ئۇ ئەلفىرەنىڭ ئەنزەرنىڭ قىلغان پاسكىنا ئىشلىرنى تىلغا ئالغۇسى يوقلىقىنى بىلەتتى.شۇنىڭ بىلەن ئۇھ تارتقاندىن كېيىن، ئامالسىز ئەلفىرەگە قاراپ خوشلاشتى.

- ئۇنداقتا سالامەتلىكىڭىزنى ئاسراڭ!

ئۇ گېپىنى تۈگىتىپلا ئەنزەرگە زەھەرخەندىلىك بىلەن ئالىيىپ قويۇپ، بۇرۇلۇپلا چىقىپ كەتمەكچى بولدى،«پاق» قىلغان ئاۋاز بىلەن تەڭ، ئىشىك تاقالدى.كېسەلخانىدا ئەنزەر بىلەن ئەلفىرەلا قالغان شۇ پەيىتتە،ئەلفىرە ئۇلۇغ كىچىك تىنىپ قويۇپ، ئەمدىلا رۇخسار كارۋات بېشىدىكى ئىشكاپقا قويۇپ قويغان ئاق ئۇماچنى ئېلىپ، جىمجىت يېيىشكە باشلىدى.

بۇنداق قالايمىقانچىلىقنى باشتىن كەچۈرۈپ، ئۇنىڭ ھەقىقەتەن قورسىقى ئاچقانىدى،ئەنزەرگەپ قىلماي، بىر چەتتىكى ئورۇندۇقتا ئۇنىڭ ئاق ئۇماچ ئىچكەن ھالىتىگە قاراپ ئولتۇراتتى.

ئەلفىرە بىر قولىدا ئۇماچ قاچىسىنى، يەنە بىر قولىدا قوشۇق تۇتۇپ، يېيىشتىن بۇرۇن ئىسسىق ئۇماچنى يېنىك پۈۋلەپ، ئاندىن ئاق ئۇماچنى نازاكەت بىلەن يۇتىۋاتاتتى، ئەلفىرەنىڭ ئۇماچ ئىچكەندىكى ھالىتى ئەينى يىللاردىكى ئەقىدەگە ئازراق ئوخشاپ قالغاچقا،ئەنزەر كۆڭلىدە ئېھتىمال، ئاق كۆڭۈل، مۇلايىم ئاياللارنىڭ ھەممىسىنىڭ ئورتاقلىقى باردۇ؟ دەپ ئويلاپ قالدى.

راستىنلا قورسىقى ئېچىپ كەتكەچكە، ئەلفىرەمۇ بىردەمدىلا تاماقنى يەپ بولدى.ئۇ قۇرۇقدىلىپ قالغان قاچىنى كارۋات بېشىدىكى ئىشكاپقا قويۇپ، ئەنزەرگەسۇس قاراپ ئېغىز ئاچتى، كۆزلىرىدىن بىر ئاز مەسخىرە چىقىپ تۇراتتى.

-خىزمەتنى ھەممىدىن مۇھىم بىلىدىغان ئەنزەر ئەپەندىنىڭ، كېسەلخانىغا كېلىپ مېنى يوقلاشقا قانداق ۋاقتى چىقتىكىن؟ ياكى مېنى ھازىر قايتىپ يىغىنغا قاتناشسۇن دېمەكچىمۇ؟

ئەنزەر ئۇنىڭغا چوڭقۇر قارىغىنىچە، يېنىك كۈلۈپ ئېغىز ئاچتى.

-ئەگەر مەن شۇنداق قىلىڭ دېسەمچۇ؟

-مەن بارمايمەن.

ئەلفىرە ئەسنىگەچ ئىتتىكلا رەت قىلدى.

-رۇخسارنىڭ دېگىنى توغرا، ھېچقانداق نەرسە سالامەتلىكتەك مۇھىم ئەمەس.مەن ئەنزەر ئەپەندىنىڭ خىزمەت ئىقتىدارىمدىن گۇمانلانغانلىقى ئۈچۈنلا، چۈشتىن بۇرۇن يېمەي-ئىچمەي ئىشلىمەسلىكىم كېرەك ئىدى.

ئەنزەر كۆزلىرىنى قىسقىنىچە سورىدى.

-ماڭا قېيداۋاتقانلىقىڭىزنى ئېتىراپ قىلدىڭىزمۇ؟

ئەنزەر ئىككى پۇتىنى ئالماپ ئولتۇرغىنىچە، تېگى كۆرۈنمەيدىغان كۆزلىرىنى ئەلفىرەنىڭ يۈزىگە تىكىپ تۇرۇپ گېپىنى داۋام قىلدى.

-مەن سىزنىڭ ھەر قانداق ۋاقىتتا سالامەتلىكىڭىز بىلەن چاقچاق قىلماسلىقىڭىزنى ئۈمىد قىلىمەن.

ئەلفىرەمۇ كۈلۈپ كەتتى.

-بۇ خوجايىننىڭ خىزمەتچىلەرگە ئېيتقان كۆڭۈل بۆلۈش سۆزىگە ئوخشىمايدىغۇ.

ئەنزەرنىڭ كۆز قارىچۇقى بىردەم قىتىپ قالدى.ئاندىن بىر ھازادىن كېيىن، پەس ئاۋازدا سورىدى.

-سىزنىڭ نەزىرىڭىزدە، سىز بىلەن مېنىڭ ئوتتۇرىمىزدا پەقەت ئىشچى-خىزمەتچىلەر بىلەن خوجايىننىڭ مۇناسىۋىتىلا بارمۇ؟

ئۇنىڭ بۇ كۆزلىرى ۋە ئادەمنى سەل-پەل مەپتۇن قىلىدىغان ئاۋازى ئەلفىرەنىڭ يۈرىكىنى جىددىيلەشتۈرۋەتتى.شۇنچە كۆپ يىل ئۆتۈپ كەتكەن تەقدىردىمۇ،ئۇ ئەنزەرنىڭ بەزىدە ئۆزىنىڭ قەلبىنى ھاياجانغا سالالايدىغانلىقىنى ئېتىراپ قىلىشقا مەجبۇر ئىدى.

بەلكىم بۇ ئۇنى ياخشى كۆرۈپ باققانلىق سەۋەپلىك، ئۇ بىر ئۆمۈر تاشلىيالمايدىغان ناچار ئادەت بولۇپ قالغاندۇ.پەقەت بۇرۇن ئۇنىڭ كۆزىنى مۇھەببەت توسىۋالغانلىقى ئۈچۈن ئۇنىڭغا ئىشەنگەن بولسا،ھازى بۇ ئەرنىڭ ساختا قىياپىتىنى كۆرۈپ يەتكەچكىمۇ،ئۆزىنى توختىتۋالايتتى.شۇنىڭ بىلەن ئۇ مېيىقىدا كۈلگىنىچە،ئەنزەرنىڭ سۇئالىنى ئۆزىدىن سورىدى.

-ئۇنداقتا ئەنزەر ئەپەندىنىڭ نەزىرىدە، سىز بىلەن مېنىڭ قانداق مۇناسىۋىتىم باردۇ؟

كېسەلخانا يەنە بىر پەس سۈكۈتكە چۆمدى.خىلى ئۇزۇندىن كىيىن ئەنزەر ئۇلۇغ كىچىك تىنىغىنىچە جاۋاپ بەردى.

-مېنىڭچە، سىز بىلەن مەن ھېچ بولمىغاندا دوست ھېسابلىنىمىز.

بۇ گەپ چىققىشىغىلا ئەلفىرە كۈلۈپ كەتتى.

ئۇنىڭ راستىنلا ئۇنىڭغا مېنىڭ داشقال ئەر بىلەن دوست بولغۇم يوق دەپ ئېيتقۇسى بار ئىدى،لېكىن ئەڭ ئاخىرىدا، ئۇ يەنىلا ئۆزىنىڭ بۇ ھاياجىنىنى بېسىۋالدى.

-ئەنزەر ئەپەندىگە دوستتەك ھېس قىلدۇرۇش مەن ئۈچۈن شەرەپ.

ئەلفىرە گېپىنى تۈگىتىپ چوڭقۇر بىر نەپەس ئالغاندىن كىيىن،چىرايىنى ئۆزگەرتمەي بۇ تېمىنى ئاخىرلاشتۇرماقچى بولدى .

-ئېسىمدە قېلىشىچە، ئىلگىرى يەنە بىر شەھەردىكى چېغىمدا ئەنزەر ئەپەندى، سىز ئۆلۈپ كەتكەن ئارزىگۈلنى ئارزىگۈلنىڭ ئۆزى ئەمەس، بەلكى سىياقدىشى دەپ گۇمانلانغانىدىڭىز.

ئەنزەر بېشىنى لىڭشىتتى.

- مەن ھەقىقەتەن شۇنداق دېگەن.

ھەم ئۇمۇ ھەقىقەتەن ئادەم ئەۋەتىپ ئىسپات ئىزدىدى.بىراق،ئابلىىكىم ئائىلىسىدىكىلەرمۇ بىكار تەلەپلەر ئەمەستە، ئۇلار مولۇنغا شاھزادىنى تېگىشىش ئويۇنىنى ئويناشقا پېتىنغان ئىكەن، چوقۇم ئىشنى ناھايىتى ياخشى يوشۇرىدۇ. شۇڭا ئەنزەرنىڭ ئادەملىرى ھازىرغىچە ھېچقانداق قىممىتى بار يىپ ئۇچىنى تەكشۈرۈپ تاپالمىدى.

ئەلفىرە چوڭقۇر بىر تىنىۋالغاندىن كېيىن، ئۇنىڭغا بىر قاراپ قويۇپ ئېغىز ئاچتى.

-مەن ھازىر سىزگە ئىشەندىم.

-شۇنداقمۇ؟

ئەنزەر قاپىقىنى تۈرگىنىچە ئەجەبلىنىپ سورىدى.

-نېمىشقا تۇيۇقسىز بۇنى تىلغا ئالىسىز؟

ئەلفىرە كۆزىنى قىسىپ، بىر نېمە دېمەكچى بولغاندا، كېسەلخانىنىڭ ئىشىكى چېكىلدى.ئىشىك سىرتىدا گۈزەلنۇرنىڭ ساختا تاتلىق ئاۋازى ئاڭلاندى .

-ئەلفىرە، سىز ئىچىدىمۇ؟ئاڭلىسام ھوشىڭىزدىن كېتىپسىز، سىزدىن بەك ئەنسىرەپ، ئالايىتەن كۆك ئاسمان داچىسىدىن سىزنى كۆرگىلى كەلدىم.مەن سىزگە ئۇماچ قاينىتىپ ئەكەلدىم، كىرسەم بولامدۇ؟

ئۇنىڭ بۇ ئاۋازىدىن ئەلفىرەنىڭ پېشانىسىدىكى كۆك تومۇرلىرى ئىختىيارسىز سەكرەپ كەتتى،ھەم بىلىپ بىلمەيلا ئەنزەرگە قاراپ قويدى.ئەنزەر چىرايىدا ھېچقانداق ئىپادىسى يوق ھالدا ئورنىدىن تۇرۇپ، كېسەلخانىنىڭ ئىشىكىنى ئاچتى.

-ئەنزەر؟

ئىشىكنى ئاچقان شۇ دەقىقىدە،گۈزەلنۇر ھەيرانلىق بىلەن ئىشىك ئالدىدىكى ئەرگە قاراپ سورىدى.

-سىز... سىزمۇ ئەلفىرەدىن ئەنسىرەپسىزدە، شۇڭا ئالايىتەن ئۇنى يوقلاپ كەلدىڭىزمۇ؟ئەنزەر، سىز شىركەتتىكى خىزمەتچىلەرگە بەك ياخشى مۇئامىلە قىلىدىكەنسىز.

-خىھ، ئۇ مۇشۇ ئىپلاس ئايالغا كۆڭۈل بۆلەمدىكەن !

گۈزەلنۇرنىڭ مۇبالىغلەشتۈرۈپ چىقىرىلغان ئاۋازىدىن كىيىنلا، ئوتتۇرا ياشلىق ئايالنىڭ يىرگىنىشلىك ئاۋازى ئاڭلاندى.بۇ ئاۋاز ئەلفىرەگە بەك تونۇش.بۇ ئۇنىڭ ئۆز ئانىسى... رەھىمەنىڭ ئاۋازى.

-ئەنزەر، سىزمۇ قېينانىڭىزنى سەت گەپ قىلىدۇ دەپ ئاغرىنماڭ، سىزدەك چوڭ خوجايىن، ھازىر شىركەتتە ئىشلىشىڭىز كېرەك، قانداق بولۇپ...بۇ ئايال سىلەرنىڭ شىركەتنىڭ بىر كىچىك خىزمەتچىسى خالاس، سىز خىزمەتچىلەرگە ھەر قانچە ياخشى مۇئامىلە قىلغان تەقدىردىمۇ، دوختۇرخانىغا كىلىپ يوقلاپ كەلمەسلىكىڭىز كېرەك...

بۇ ئاۋاز شەۋكەتنىڭ، ئۇنىڭ ئۆز دادىسىنىڭ ئاۋازى ئىدى. ئەلفىرە كارىۋات بېشىغا يۆلىنىپ، ئۈن-تىنسىز كۆزىنى يۇمدى.گۈزەلنۇر قەستەن ئۆز ئاتا-ئانىسىنى ئېلىپ كەپتۇ.ئۇ گۈزەلنۇرنىڭ قەستەن قىلغانلىقىنى جەزملەشتۈرەلەيدۇ.ئۇ ئەنزەر كېسەلخانىدا ئۇنى يوقلىغىلى كەلگەندە ئۇنى كۆرگىلى كەلدى.يەنە قەستەن رەھىمە بىلەن شەۋكەت ئەپەندىنىمۇ بىللە ئېلىپ كەپتۇ.

مەقسەت...ئۇنى ئۆزىنىڭ ئەڭ يېقىن تۇغقىنىنىڭ ئالدىدا ئوسال ئەھۋالغا چۈشۈرۈپ قويۇش،شۇلارنى ئويلاپ،ئەلفىرە ئۇلۇغ كىچىك تىنغىنىچە، كۆزلىرى يۇمۇلدى.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ