129.قىسىمئۇ بېشىنى بۇراپ،ئەنزەرگە ھەيرانلىق ئىلكىدە قاراپ ئېھتىيات بىلەن ئېغىز ئاچتى.-مەن... ئەجەبا مېنىڭ تۇققۇنۇم ئىككى ئەمەسمۇ؟ئەجىبا شاھزاد بىلەن شاھنازنىڭ ئىچىدىكى بىرەرى ئۆز بالىسى ئەمەسمۇ؟ئەنزەر ئۇنىڭ ھاڭ-تاڭ قالغان چىرايىغا قاراپ ئاچچىق كۈلۈپ ،ئۆزىنى ھەقىقەتەن بەك كۆپ ئويلاپ كىتىپتىمەن دەپ ئەسكەرتتى.گۈزەلنۇرمۇ تەئەججۈپلەنگەن ھالدا ئۇنىڭغا قاراپ قويۇپ، بۇرۇلۇپلا كېتىپ قالدى.ئاستىنقى قەۋەتتىكى لايىھىلەش بۆلۈمىدە.ئەلفىرەنىڭ بارماقلىرى داكا بىلەن تېڭىلغان ھالەتتە، ئىشخانىنىڭ سىرتىدا تۇرۇپ،گۈلنازغا گۈزەلنۇرنىڭ خىزمەت ئۈستىلىنى تەييارلاپ بىرىشىنى ئېيتىۋاتاتتى.ئۇنىڭ قايتىپ كەلگەنلىكىنى كۆرۈپ، ئەلفىرە پەرۋاسىزلىق بىلەن ئۇنىڭغا قاراپ سېسىق گەپ قىلدى.-سىز مېنىڭ ئىشخانامغا خۇشتار بولمىغاندىكىن، مەن ئۇلارغا سىزگە كەڭرى بىر جاي ئورۇنلاشتۇرۇپ بېرىشنى ئېيتتىم.بۇ بىر نەچچە كۈندە سىز ھېچ ئىش قىلمىسىڭىزمۇ بولىدۇ، لايىھىلەش بۆلۈمىنىڭ ھەر كۈنلۈك خىزمىتىنى پىششىق بىلسىڭىزلا، يېڭى خىزمەتداشلار بىلەن تونۇشسىڭىزلا بولدى.گۈزەلنۇر ئۇنىڭغا بىر ئالىيىپ قويۇپ، كەينىگە بۇرۇلۇپ ئورۇندۇقتا ئولتۇرۇپ،ئاندىن يالغان كۈلكە بىلەن ئېغىز ئاچتى.- ئۇنداقتا ئەلفىرە باش نازارەتچىنىڭ كۆڭۈل بۆلگىنىگە رەھمەت.ئەلفىرە قوشۇمىسىنى تۈرگىنىچە ئۇنىڭغا بىر قاراپ قويۇپ، بۇرۇلۇپلا ئىشخانىغا كىرىپ كەتتى،بىراق ئۇ ئىشخانىغا كىرگەندە گۈزەلنۇرنىڭمۇ ئۇنىڭغا ئەگىشىپ كىرىدىغانلىقىنى ئويلاپمۇ باقمىغان ئىدى.- ئەلفىرەئەلفىرە كەينىگە بۇرۇلۇپ قوشۇمىسىنى تۈرگىنىچە سورىدى.-ئىشىڭىز بارمۇ؟-شاھناز بىلەن شاھزادنىڭ بىرى سىزنىڭ ئۆز بالىڭىز ئەمەس، شۇنداقمۇ؟-نېمىشقا تۇيۇقسىز بۇنى سورايسىز؟-سىز بار ياكى يوق دەڭ.گۈزەلنۇر سەل جىددىيلىكىنى بېسۋېلىپ، چوڭقۇر بىر نەپەس ئېلىۋالغاندىن كىيىن، ئاۋازىنى پەسەيتىپ سۆزلەشكە باشلىدى.- بايا ئۈستۈنكى قەۋەتتە ئەنزەر مەندىن ئەينى يىلى راستىنلا ئىككى بالا تۇغقان تۇغمىغانلىقىمنى سورىدى.ئۇنىڭ گېپى ئەلفىرەنىڭ نەپەس ئېلىشىنى بىردىنلا توختىتىپ قويدى.شامال چىقمىسا دەرخ لىڭىشمىغىنىدەك،ئەنزەر ھەرگىزمۇ بىكادىن بىكاغا بۇنداق سورىمايدۇ، ئۇ بايا ئېلىپ كەتكەن ئۇنىڭ بىلەن ئەلزادنىڭ رەسىمى...بىر خىل قورقۇنچلۇق تۇيغۇ ئۇنىڭ قەلبىنى چىرمىۋالدى، ئەلفىرە لىۋىنى چىشلىگىنىچە،گۈزەلنۇرغا قاراپ سورىدى.-سىز قانداق جاۋاب بەردىڭىز؟-مەن ئەلۋەتتە شۇنداق دەيمەن-دە.گۈزەلنۇر شۇنداق دەپ كۆزىنى ئالايتىپ ،قايتىلاپ سورىدى.-شۇڭا سىز ئەينى چاغدا تۇغقىنىڭىز زادى ئىككى بالىمۇ ئەمەسمۇ؟مەن ئىزچىل بۇ ئىككى بالىنى سىزنىڭ دەپ قارايتتىم، ئەگەر بىرى ئۇنداق بولمىسا، ماڭا قايسىسىنىڭ ئۇنداق ئەمەسلىكىنى ئېيتىپ بېرىڭ !سۆزلەۋېتىپ، ئۇ زەھەرخەندىلىك بىلەن كۆزلىرىنى قىسىپ، ئەلفىرەگە تەھدىد سېلىشقا باشلىدى.-ئەگەر مەن ئاشكارىلىنىپ قالسام، مەنمۇ سىز بىلەن ئىككى بالىڭىزغا ياخشى كۈن كۆرسەتمەيمەن!ئەلفىرە چوڭقۇر بىرنى تىنىۋىتىپ جاۋاپ بەردى.-ئىككى بالا مېنىڭ، خاتىرجەم بولۇڭ!- ئۇنداقتا ياخشى !گۈزەلنۇر ئۇنىڭغا بىرنى ئالىيىپ قويۇپ،چىقىپ كەتتى،ئىشىك يىپىلغان شۇ دەقىقىدە، ئەلفىرە ئورۇندۇقتا ئولتۇرۇپ،ئىشخانىنىڭ ئىشىكى تەرەپكە قاراپ ھاڭۋېقىپ قالدى.ئەنزەر... ئۇ بايقاپ قالدى، توغرىمۇ؟بولمىسا ئۇ قانداقمۇ گۈزەلنۇردىن بۇنداق سوئال سورىسۇن؟ئۇ ئىختىيارسىز ئىككى بىلىكىنى قۇچاقلىدى، بەدىنى بىردىنلا مۇزلاپ كەتتى.ئەگەر ئەنزەر ئەلزادنىڭ مەۋجۇتلۇقىنى بايقاپ قالسا،ئۇ كەينىدە نېمە ئىش يۈز بېرىدىغانلىقىنى ئويلاشقا جۈرئەت قىلالمايتتى،ئەگەر ئەلزادنىمۇ ئۇ تېپىۋالسا، ئۇنىڭ راستتىنلا ھېچنېمىسى قالمايدۇ.بىر چۈشتىن بۇرۇن، ئەلفىرە خۇددى روھى چىقىپ كەتكەندەك يۈردى.ئۇ ئەنزەرنىڭ ئۆزىنى ئىزدەپ قېلىشىدىن ، ئۇنى ئىشخانىسىغا چاقىرىپ، ئۇنىڭدىن نېمە ئۈچۈن بىر بالىنى يوشۇرۇپ قويغانلىقىنى سورىشىدىن بەكلا ئەنسىرۋاتاتتى.ئاخىرى چۈش بولدى، ئۇ ئۇھ دەپ،ئەمدىلا نەرسە-كېرەكلىرىنى يىغىشتۇرۇپ تاماق يېگىلى ماڭماقچى بولغاندا ئەنزەردىن تېلېفون كەلدى.-ئىشخانامغا كېلىڭ.سۈرەتنى ئەسلىگە كەلتۈرۈش ئۇستىسى سۈرەتنى ئەسلىگە كەلتۈرۈپ بولدى،لېكىن، سۈرەت توغرىسىدا سىزدىن سورايدىغان گېپىم بار.گەرچە ئەلفىرەنىڭ ئەنزەرنىڭ قىشىغا پەقەتلا چىققۇسى بولمىسىمۇ، لېكىن ئۇ يەنىلا ئۇنىڭ ئىشخانىسىغا چىقىپ ئىشكنى چەكتى.-كىرىڭ.ئەلفىرە چوڭقۇر بىر نەپەس ئالغاندىن كېيىن، ئىشىكنى ئىتتىرىپ كىرىپ كەلگەچ ئېغىز ئاچتى.-ئەنزەر ئەپەندىئەنزەر ئۇنىڭغا سۇس قاراپ قويۇپ، قولىنى كۆتۈرۈپ ئىشارەت قىلغاچ ئېغىز ئاچتى.-ئولتۇرۇڭ.-بولدى ئولتۇرماي،چۈشلۈك تاماق ۋاقتى بولۇپ قالدى،ئەنزەر ئەپەندى ئىش بولسا قىسقىلا دىسىڭىز.ئۇنىڭ بۇنداق دېيىشىدىكى سەۋەب،ئۇ ئەنزەرنى ئاللىبۇرۇن ئەلزادنىڭ بارلىقىنى بايقاپ قالغان تۇرۇقلۇقمۇ،يەنىلا ئۆزى بىلەن ئويۇن ئويناۋاتقاندەك بىلىندى،ئىش بۈگۈنكى كۈنگە كەلگەندە، ئۇ ھېچنېمىنى ئۆزگەرتىشكە ئامالسىز.ئەگەر ئۇ راستىنلا ئەلزادنىڭ مەۋجۇتلۇقىنى بايقاپ قالغان بولسا......لېكىن ئۇنىڭ بۇ پوزىتسىيەسى ئەنزەرگە نىسبەتەن ئۆزىگە قىيداۋاتقاندەك تۇيۇلدى.-تېخىچە ئەتىگەنكى ئىش ئۈچۈن خاپا بولۇۋاتامسىز؟راست، ئەتىگەندە گۈزەلنۇرنىڭ قىلغىنى بەك ئېشىپ كەتتى.ئۇمۇ پەقەت كۆپچىلىكنىڭ ئالدىدا ئۇنىڭ ئۈچۈن ئاددىيلا بىر نەچچە ئېغىز گەپ قىلدى،لېكىن بۇ يەر قانداقلا بولمىسۇن شىركەت،گۈزەلنۇر قانداقلا بولمىسۇن ئۇنىڭ خانىمى،ئۇنىڭ ئۇنىڭغا يۈز خاتىرە قىلماسلىقى مۇمكىن ئەمەستە.ئەلفىرە بېشىنى كۆتۈرۈپ ئۇنىڭغا قاراپ ئۇنىڭ سۇئالىغا جاۋاپ بەرمەي،قايتىلاپ سۇئال سورىدى.-ئەنزەر ئەپەندى سۈرەتنى ئوڭشاپ بولدۇم دېگەنغۇ، ماڭا دەيدىغان باشقا گېپىڭىز بارمۇ؟ئەنزەر قوشۇمىسىنى تۈرگىنىچە،ئۇنىڭ بۇ سوغۇق مۇئامىلىسىنى يەنە سۈرۈشتۈرۈپ يۈرمەي،ئوڭشاپ بولغان رەسىمنى ئۇنىڭغا سۇندى. ئەلفىرە ئىككى قولى تىتىرىگەن ھالدا رەسىمنى قولغا ئالدى،رەسىمنىڭ ئەسلىگە كەلتۈرلىشى ناھايىتى ياخشى بولۇپ،گۈزەلنۇرنىڭ ئېگىز پاشنىلىق ئايىغى دەسسەپ يىرتىۋەتكەن ئورۇندىن ئازراقمۇ يىرتىق ئىزنى كۆرگىلى بولمايتتى.ھەتتا سۈرەتنى تېخىمۇ چىرايلىق كۆرسىتىش ئۈچۈن، سۈرەتنى ئەسلىگە كەلتۈرۈش ئۇستىسى ھەتتا سۈرەتتىكى ئەلزادنىڭ چىرايىغىمۇ ئۈنۈم قوشقانىدى يەنى ،ئۇنىڭ چىرايىنى سەل قىزارتىپ قويغانىدى،قىزارغان ئەلزادنىڭ رەسىمى شاھزادنىڭ چىرايىغا تېخىمۇ ئوخشاپ قالغانىدى.ئەلفىرە سۈرەتتىكى ئەلزادنىڭ قىزارغان چىرايىغا قاراپ،بىر ئازاپ يۈرىكىنى چۇلغۇۋالدى،بۇرۇن ئەلزاد ئاغرىپ قالمىغان چاغدا...ئۇمۇ مۇشۇنداق جۇشقۇن بالا ئىدى،شاھزادقا ئوخشاش ساغلام، ھاياتىي كۈچكە تولغان، ھەر كۈنى غەم-ئەندىشىسىز ياشايدىغان ئوماق شاكىچىك ئىدى،بىراق ئاغرىپ قالغاندىن كىيىن،ھەممە نەرسە ئۆزگەردى.-سۈرەت توغرىسىدا سىزدىن سورايدىغان بىر ئىش بار،ئۆتكەندە مەن سىزنىڭ ئۆيىڭىزدىكى ئالبۇمدا، شاھزادنىڭ كېسەللەر كىيىمى كىيگەن، كېسىلى ئېغىردەك كۆرۈنىدىغان بىر رەسىمنى كۆرگەنىدىم. ئالبومنى كۆرۈپ بولغاندىن كېيىن،شاھزادنى دوختۇرخانىغا ئاپىرىپ تەكشۈرتتۈم، تەكشۈرۈش نەتىجىسىدە ئۇنىڭ ھېچقانداق كېسىلى يوق چىقتى، شۇڭا مەن سىزنىڭ ئۇ زۇكام بولۇپ دوختۇرخانىدا يېتىپ قالغان دېگەن گېپىڭىزگە ئىشەندىم.ئۇ شۇنداق دېگەچ ئورنىدىن تۇرۇپ، ئەلفىرەنىڭ قولىدىكى سۈرەتنى ئېلىپ، سۈرەتتىكى كىچىك بالىنىڭ بېغىشىدىكى كىسەللەر بىلەيزۈكىنى كۆرسىتىپ سورىدى.-لېكىن نېمە ئۈچۈن ئۇ زۇكام بولۇپ قالغان بولسا، بالنىستتا ياتقان بۆلۈمى قان بۆلۈمى؟ئەلفىرەنىڭ تۇيۇقسىز يۈرىكى بوغۇزىغا قاپلىشىپ قالغاندەك بولۇپ كەتتى،ئۇ كالپۇكىنى چىشلەپ، ئىختىيارسىز رەسىمگە قارىدى،ئەلزانىڭ بېغىشىدىكى بىلەيزۈككە ھەقىقەتەن قان بۆلۈمى دېگەن خەت يېزىلغانىدى.ئىلگىرى ئەلزاد رەسىمدىكى بېغىشىدىكى بىلەيزۈكتىكى قان بۆلىمى دىگەن خەتنى ps تە لاھىيلەپ يوقىتىۋەتكەنىدى،شاھناز تېخى ئاكسىنىڭ ئەستايىدىللىقىنى ماختىغان،ئەمما بۈگۈنكى كۈندە «قان بۆلۈمى» دېگەن بۇ سۆز سۈرەتتە ئېنىق نامايەن بولۇپ تۇراتتى.-سۈرەتنى ئەسلىگە كەلتۈرۈش ئۇستىسى ئەسلىگە كەلتۈرگەن.ئەنزەر ئەلفىرەنىڭ گۇمانىنى كۆرۈپ يەتكەندەك چۈشەنچە بەردى.-ئوڭشىغۇچى بۇ سۈرەتتە ps نىڭ ئىزى بارلىقىنى ئېيتقانىدى،شۇڭا مەن ئۇنى ئەسلىگە كەلتۈرۈشكە بۇيرۇدۇم،نەتىجىدە مۇشۇ ئويلاپ باقمىغان خەتنى كۆرۈپ قالدىم.ئۇ شۇنداق دېگەچ، تېگى كۆرۈنمەيدىغان كۆزلىرى بىلەن ئۇنىڭ يۈزىگە تىكىلىپ قاراپ تۇراتتى، خۇددى ئۇنىڭ بارلىق خىياللىرىنى تېشىپ ئۆتمەكچى بولغاندەك.-نېمە ئۈچۈن شاھزاد پەقەت كىچىك زۇكام تۇرۇپ، قان بۆلۈمىدە يېتىپ داۋالىنىدۇ؟ئەلفىرە كۆزلىرىنى چىڭڭىدە يۇمدى،بىر ھازادىن كېيىن، ئۇ چوڭقۇر بىر نەپەس ئېلىپ كۈلۈپ تۇرۇپ ئىنكاس قايتۇردى.-چۈنكى مەن كىچىك ئىشنى بەك چوڭايتىۋىتىپتىكەنمەن.ئىلگىرى شاھزاد زۇكامداپ بۇرنىدىن قان ئاققان ئىدى، قارىسام ئاق قان كېسىلىگە گىرىپتار بولغان نۇرغۇن بىمارلارنىڭ بۇرنىدىن قان توختىمىغاچقا، ئاخىرىدا ئاق قان كىسىلى دەپ دىئاگنوز قويۇلىدىكەن،شۇڭا مەن ئۇنىڭ بۇنداق ساقايماس كېسەلگە گىرىپتار بولۇپ قېلىشىدىن ئەنسىرەپ، ئۇنى بىۋاستە قان بۆلۈمىگە ئاپىرىپ تەكشۈرتكەنىدىم.ئاخرىدا ھەنىم بولسا،پەقەت ئادەتتىكى زۇكام دەپ دىئاگىنوز قويۇلدى.ئۇ گېپىنى تۈگىتىپ، يالغاندىن مۈرىسىنى قىسىپ قويدى.-قىشتا زۇكام بولۇپ دوختۇرخانىدا ياتىدىغانلار ئەسلىدىنلا بىر قەدەر كۆپ، شۇڭا دوختۇر بىزنى قان بۆلۈمىدە بالنىستتا يېتىشقا بۇيرىدى.ئەنزەر ئىشەنمىگەندەك كۆزلىرىنى قىسىقىنىچە سورىدى.-مۇشۇنداق ئاددىيمۇ؟-ئەلۋەتتە مۇشۇنداق ئاددىي.ئەلفىرە يېنىك كۈلۈپ قويۇپ، ئۇنىڭ قولىدىكى سۈرەتنى تارتىۋېلىپ، بۇرۇلۇپلا چوڭ قەدەم بىلەن چىقىپ كەتتى.ئەنزەر بولسا تۇرغان جايىدا ئولتۇرۇپ، ئۇنىڭ ئايرىلغان قارىسىغا قاراپ، كۆزلىرى قىسىلىپ كەتتى.بايام سۈرەتنى ئەسلىگە كەلتۈرۈش ئۇستازىنىڭ گۇمانى قۇلاق تۈۋىدە ئەكس ئەتتى :-نېمىشقا ياتاق ئورنىنى يوق قىلۋىتىدۇ؟ بىرەر نەرسىنى يوشۇرماقچىمۇ؟ئەنزەر چوڭقۇر خىيال بىلەن كۆزىنى يۇمدى.ئەگەر راستىنلا ئەلفىرە دىگەندەك،بەزى ئۇقۇشماسلىق سەۋەپلىك شۇ ياتاقتا ياتقان بولسا،ئۇنداقتا ئۇنى لاھىيلەپ ياتاق ئورنىنى يۇشۇرۇشنىڭ ھىچقانداق ئورنى يوققۇ،باشقىلار سوراپ قالسا، مۇنداقلا چۈشەندۈرۈپ قويسىلا بولىدغۇ،بىراق ئۇلاردا قېرىشقاندەك ئۇنداق قىلماپتۇ.ئەنزەر شۇلارنى خىيال قىلىپ كۆزىنى ئېچىپ، ئۈستەل ئۈستىدىكى شاھزادنىڭ ئالدىنقى قېتىملىق سالامەتلىك دوكلاتىنى يەنە بىر قېتىم ۋاراقلاپ چىقتى. ئەلفىرە بىلەن شاھزاد ئۇلار...زادى نېمىنى يوشۇرىۋاتىدۇ؟چۈشلۈك تاماقتا ئەلفىرە كۆڭلى جايىدا بولمىغان ھالدا،خالىغانچە مۇنداقلا بىرنەرسىلەر بىلەن قورسقىنى تويغۇزۇپ،ئىشخانىغا قايتىپ ئۇخلىۋالماقچى بولۇپ،ئىشخانىغا كىرگەندە، ئويلىمىغان يەردىن لايىھىلەش بۆلۈمى ئىشخانىسىنىڭ ئىشىكىنى ئېچىپلا رەھىمە شەۋكەت ئەر-خوتۇننى كۆردى.شۇ تاپتا ئەر-خوتۇن ئىككىسى گۈزەلنۇرنىڭ يېنىدا تۇرۇپ، ئۇنىڭ ئۆزلىرى ئەكىلىپ بەرگەن تاماقلارنى يەۋاتقىنىغا سەمىمىيلىك بىلەن قاراپ تۇراتتى.-گۈزەلنۇر، تېتىدىمۇ؟ بۇ سىز ئىلگىرى ئەڭ ياخشى كۆرۈپ يەيدىغان قورۇمىڭىز.-گۈزەلنۇر، ئىلگىرى بىز سىزگە بەك ئاز كۆڭۈل بۆلەتتۇق،چۈنكى سىز بىزنى پەقەت ئەنسىرەتمەيتتىڭىز،شۇنداق بولسىمۇ سىز بىزگە ئاداۋەت ساقلىماي،تېخى ئەنزەر ئەپەندىنى بىزگە ياردەم قىلغۇزدىڭىز.-گۈزەلنۇر، ئەتە نېمە يېگۈڭىز بولسا،بىزگە دەڭ،مەن سىزگە ئېتىپ ئەكىلىپ بىرىمەن.....رەھىمە بىلەن شەۋكەت ئەپەندىنىڭ خۇشامەتچىلىك قىلغان ئاۋازىنى ئاڭلاپ، ئەلفىرەنىڭ قوشۇمىسى سەل-پەل تۈرۈلدى.ھازىرقى گۈزەلنۇر نېمىلا دېگەن بىلەن ئۆزىنىڭ بۇرۇنقى چىرايى، بۇرۇنقى سالاھىيىتىنى ئىشلىتىدۇ،رەھىمە بىلەن شەۋكەت ئەپەندىنىڭ ئۆزىگە شۇنچە قىزغىن مۇئامىلە قىلىۋاتقانلىقىنى كۆرۈپ، ئۇنىڭ كۆڭلى بىردىنلا باشقىچە بولۇپ قالدى.بۇ چاغدا،گۈزەلنۇر كۆزىنى كۆتۈرۈپ، بىر قاراپلا ئىشىك ئالدىدىكى ئەلفىرەنى كۆردى-دە،يۇقىرى ئاۋازدا ئەلفىرە بىلەن سالاملاشتى.- ئەلفىرە باش نازارەتچى ! تاماق يەپ بولدىڭىزمۇ؟ كېلىپ بىللە تاماق يەمسىز، ئاتا-ئانامنىڭ ھۈنىرىنى تېتىپ باقامسىز؟ئەلفىرە قاپىقىنى تۈرۈپ تېخى ئېغىز ئېچىشقا ئۈلگۈرمەيلا،رەھىمە خانىم بۇرنىنى قاققىنىچە رەددىيە بەردى.-ئۇ مەن ئەتكەن تاماقنى يىيىشكە لايىق ئەمەس.-شۇنداق، شۇنداق،گۈزەلنۇر، بۇ تاماقنى ئاپىڭىز سىزگە ئالاھىدە تەييارلىغان.-دادا، ئاپاگۈزەلنۇر ئاۋال ئەلفىرەگە ئاندىن رەھىمە بىلەن شەۋكەتكە قاراپ قويۇپ گېپىنى داۋام قىلدى.- سىلەر بىلمەسلىكىڭلار مۇمكىن.بۇ ئەلفىرە خانقىزنىڭ كىچىكىدىنلا ئاتا-ئانىسى بولسىمۇ، لېكىن ئاتا-ئانىسى ئۇنى ئەزەلدىن ياخشى كۆرمەيدىكەنتۇق.ئۇنىڭ ئۆيىدە يەنە بىر سىڭلىسى باكەن، ئاتا-ئانىسىنىڭ نەزىرىدە پەقەت سىڭلىسىلا بولغاچ،ئۇنىڭغا پەقەتلا ئىتىبار بەرمەيدىكەن،ئاپىسى ئۇنىڭ نېمە يېيىشنى ياخشى كۆرىدىغانلىقىنى بىلسىمۇ، لېكىن ئۇنىڭغا ناھايىتى ئاز ئېتىپ بېرىدىكەنتۇق،ئۇ بەك بىچارە ئىكەن، شۇنداقمۇ؟ئۇنىڭ گېپىدىن بىر چەتتىكى رەھىمە خانىم ئەلفىرەگە سەت ئالىيىپ قويۇپ ئىنكاس قايتۇردى.-بىچارە ئادەمنىڭمۇ ئادەمنىڭ ئۆچلىكىنى كەلتۈرىدىغان يىرى بار،بەلكىم ئۇنىڭ ئاتا-ئانىسىنىڭ قىلغىنى خاتا بولماسلىقى مۇمكىن.ئۇنىڭدەك تۈلكە جىننىڭ، ئاتا-ئانىسىنىڭ ياخشى كۆرىشىگە ئېرىشەلمىگىنىگە خوپ بوپتۇ! ئەلفىرەنىڭ ئىككى قولى يان تەرەپتىكى قوللىرى ئۈن-تىنسىز مۇشتقا ئايلاندى.رەھىمە بىلەن شەۋكەت ئالدىدا،گۈزەلنۇر ئاتا-ئانىسىنى ئۆزىنى ياخشى كۆرمەيدۇ دەپ مەسخىرە قىلدى.ئاتا-ئانىسى بولسا ئىزچىل ئۇنىڭغا ئەگىشىپ،ئۇنىڭغا خوپ بوپتۇ دەۋاتىدۇ، ئەلفىرەگە نىسبەتەن كۆز ئالدىدىكى بۇ كۆرۈنۈش بەكلا كۈلكىلىك بەكلا تېتقىسىز بىلىندى.ئۇ چوڭقۇر بىر نەپەس ئالغاندىن كېيىن، ئىشىك ئالدىدىكى ئۈچ ئادەمنى ئايلىنىپ ئۆتۈپ، ئۇدۇل ئۇنىڭ ئىشخانىسىغا قاراپ ماڭدى.ئۇنىڭ قولى ئىشىكنىڭ تۇتقۇچىغا تەگكەندە، كەينىدىكى گۈزەلنۇر يېنىك كۈلۈپ قويۇپ ،يەنە قەستەن سورىدى.- ئەلفىرە خانقىز مەن بىلەن بىللە يىمەمسىز؟ئاپام ماڭا نۇرغۇن ياخشى يېمەكلىكلەرنى ئېتىپ ئەكەپتۇ، ھەممىسى مەن ئىلگىرى بەك ياخشى كۆرىدىغان نەرسىلەر ئىدى، بىراق مەن يەپ بولالمايمەن.ئۇنىڭ سۆزى خۇددى پىچاققا ئوخشاش ئەلفىرەنىڭ يۈرىكىگە قاتتىق سانجىلدى.ئىلگىرى ئۇ ئەقىدە ۋاقتىدا، رەھىمە بىلەن شەۋكەت ئالا كۆڭۈللۈك قىلاتتى، ئۆيدىكى قانداق نەرسە بولۇشىدىن قەتئىينەزەر، ئالدى بىلەن شەھىدەگە تاللاتقۇزاتتى،تاماقمۇ شۇنداق.ئاغرىپ قالغاندىن باشقا ۋاقىتتا،ئۇنىڭغا ئۆزى ياخشى كۆرىدىغان قورۇمىلىرىنى ناھايىتى ئاز قورۇپ بېرەتتى.ھازىر شەھىدە چەتئەلدە قايتىپ كېلەلمىسىمۇ، بۇ بىر جۈپ ئەر-خوتۇن يەنىلا ئۆزلىرىنىڭ يەنە بىر قىزى بارلىقىنى ئەسلەپ تۇردى.ئۇنى ئاز دىگەندەك،ئۆزىنىڭ سىياقىدىكى بۇ ئايال،ئۇنىڭغا ئاتا-ئانىسىنىڭ كۆيۈنىشىنى كۆز كۆز قىلىۋاتىدۇ.چوڭقۇر بىر نەپەس ئالغاندىن كېيىن، ئەلفىرە گۈزەلنۇرغا كەينىنى قىلىپ، سوغۇق كۈلۈپ ئېغىز ئاچتى.-ئاتا-ئانىڭىز سىز ئۈچۈن كۆڭۈل قويۇپ تەييارلىغان ئىكەن، ئۇنداقتا سىز ئوبدان ھۇزۇرلىنىڭ،ئاپىڭىزنىڭ كۆڭلىنى يەردە قويماڭ!ئۇ گېپىنى تۈگىتىپ ئىشىكنى ئېچىپلا ئىشخانىغا كىرىپ كەتتى.گۈزەلنۇر ئۇنىڭ قارىسىغا قاراپ كۆزىنى سەل-پەل قىسىپ قويدى، كالپۇكىنىڭ بۇرجىكىدە مەمنۇنلۇق كۈلكىسى جىلۋىلىنىپ تۇراتتى.ئەلفىرە قارىماققا تەمكىن، نازاكەتلىك كۆرۈنسىمۇ، لېكىن ئۇ بايا گەپ قىلغاندا، قېتىپ قالغان، تۈپتۈز ئومۇرتقىسى يەنىلا ئۇنىڭ كۆڭلىدىكى خىيالىنى سېتىۋەتتى.گۈزەلنۇر چوكىنى چىشلىگىنىچە تاماق يېگەچ،رەھىمەگە كۈلۈمسىرەپ قاراپ سورىدى.-ئاپا، بۇنىڭدىن كېيىن دائىم شىركەتكە كېلىپ ماڭا تاماق ئەكىلىپ بېرەمسىز؟ئۇنىڭ گېپىىدىن رەھىمەنىڭ كۆزىدە خۇشاللىق جىلۋىلەندى.-ئەلۋەتتە بولىدۇ !مەن ئىلگىرى شەھىدەگىلا كۆڭۈل بۆلۈپ، سىزنىڭ كەيپىياتىڭىز ۋە ئويىڭىزغا سەل قاراپتىمەن، ھازىر بەك پۇشايمان قىلىۋاتىمەن.سىزنىڭ ئاپىڭىز ئېتىپ بەرگەن نەرسىنى يېيىشنى خالغىنىڭىزدىن، مەن... بەك خۇشال بولدۇم !رەھىمە شۇنداق دېگەچ بېرىپ ئۇنى چىڭ قۇچاقلىدى.گۈزەلنۇر گەرچە رەھىمەنى قۇچاقلاپ تۇرغىنى بىلەن قاش-كۆزلىرىدە كۆرۈنمەس بىزارلىق پەيدا قىلدى.بىر ھازادىن كېيىن، ئۇ بېشىنى كۆتۈرۈپ رەھىمەگە قاراپ كۈلۈپ كەتتى.-ئاپا، بۇنداق خۇشال بولۇپ كەتمەڭ،بۇندىن كېيىن بىزنىڭ خۇشال بولىدىغان كۈنلىرىمىز تېخىمۇ جىق...ئۇ شۇنداق دېگەچ ئەلفىرەنىڭ چىڭ يۇمۇلغان ئىشخانىسىنىڭ ئىشىكىگە قاراپ قويدى.مۇشۇنداق قىلىپ كۈنلەر بىر بىرىنى قوغلىشىپ،خىزمەتلەر ئالدىراش بولۇپ كەتتى.شۇنىڭدىن كېيىن توپتوغرا يېرىم ئاي ۋاقىت ئىچىدە ئەلفىرە ئالدىراشچىلىق ئىچىدىلا ئۆتتى.ھەر كۈنى كۆزىنى ئاچسىلا خىزمەت قىلىدۇ، كۆزىنى يۇمسىلا چېرتيوژ لايىھەلەيدۇ.ئەنزەر ئۇنى بىر ئاي ئىچىدە بىر يۈرۈش زىننەت بۇيۇملىرىنى لايىھىلەپ بولۇشقا، يەنە ئۈچ ئاي ۋاقىت سەرپ قىلىپ، لايىھە چېرتيوژىنى ئەمەلىي نەرسىگە ئايلاندۇرۇپ، زاۋۇت بىلەن ماسلاشتۇرۇشقا بۇيرىدى.ئۇ تۆت ئايدىن كېيىن، بۇ ئۈنچە-مەرۋايىت زىننەت بۇيۇملىرىنىڭ بۇ شەھەردە تارقىتىلغانلىقىغا كاپالەتلىك قىلىشى كىرەك،ۋاقىت قىس، ۋەزىپە ئېغىر.يېرىم ئاي ئىچىدە، ئۇنىڭ لايىھە ئارگىنالى دەسلەپكى قەدەمدە شەكىللەندى، قالغان يېرىم ئاي ئىچىدە ئىنچىكە ھالقىلارنى ئىنچىكىلىك بىلەن ئىشلەشكە توغرا كېلەتتى،لېكىن ئەلفىرە ئويلىمىغان يەردىن، ئۆزىنىڭ يېرىم ئايلىق يۈرەك قېنىنى سەرپ قىلىپ لاھيىلەپ چىققان لاھىيسىنى خىزمەتچىلەر بىلەن ئورتاقلاشقاندا، بەزىلەر ئۆرە قوپتى.- ئەلفىرە باش نازارەتچى.گەپ قىلغان ئادەم نازاكەت يەنى ئەنزەرنىڭ ھېلىقى ئايال كاتىپى ئىدى.ئەسلىدە ئۇ ئەقىدەگە ئوخشاپ كەتكەچكە،ئەنزەرنىڭ يېقىن ئايال كاتىپى بولۇشقا ئورۇنلاشتۇرۇلغانىدى.ئەمما گۈزەلنۇر قايتىپ كەلگەندىن كېيىن، ئۆزىنىڭ گۈزەلنۇرغا تەڭ كېلەلمەيدىغانلىقىنى ھېس قىلىپ، تەشەببۇسكارلىق بىلەن لايىھىلەش بۆلۈمىگە كېلىپ، ھەمساۋاق ئاچىسى گۈلنازغا ياردەمچى بولۇشنى ئىلتىماس قىلغان.
