شاھيار كۆزلىرىنى لالەدىن ئىلىپ قاچتى .
- شاھيار سىزگە نىمە بولدى ؟ ماڭا گەپ قىلسىڭىزچۇ ؟ دوختۇر سىزنىڭ مىڭە قىسمىڭىزنى يارلىنىپتۇ دەيدۇ ، ئەجەبا مىنىمۇ ئۇنتۇپ قالمىغانسىز ؟ لالەنىڭ تىتىرەپ تۇرغان لەۋلىرى شاھياردىن بىر جاۋاپ ئىلىشقا ئىنتىزار ئىدى .
ئىشىك ئىچىلىپ ئادىل ئەپەندى كىرىپ كەلدى ، ئۇ شاھيارنىڭ ھوشىغا كەلگەنلىكىنى كۆرۈپ ئاستا لالە ئىككىسىنىڭ يىنىغا كەلدى .
- شاھيار، ھوشىڭىزغا كەلدىڭىزمۇ ئوغلۇم ؟ بەك ياخشى بولدى . پەرۋاسىز ۋە ئىپادىسىز چىراي، قىزىنىڭ مىشىلداپ يىغلاشلىرى ئادىلنىمۇ سەل گاڭگىرىتىپ قويدى .
- لا لالە، شاھيارغا نىمىش بولدى ؟ ئۇ نىمىشقا ماڭا گەپ قىلمايدۇ ؟ لالە يىغلامسىراپ شاھيارنىڭ بىلىكىگە يۈزلىرىنى ياقتى :
- بىلمەيمەن دادا، شاھيار مىنىمۇ تونۇمىغاندەك قىلىدۇ، گەپ قىلسام جاۋاپمۇ بەرمەيدۇ .
- نى نىمە ؟ ئۇ سىزنى تونۇيالمىدىما ؟ بۇ بۇ قانداقمۇ مۇمكىن بولسۇن ؟ دوختۇر ئۇنىڭ قايتىدىن خاتىرىسىنى يوقىتىش خەۋىپى بارلىقىنى ئىيتمىغان تۇرسا… ئادىل ئالدىراپ قىزنى يانغا تارتىپ شاھيارنىڭ يىنىدا ئولتۇردى :
- شاھيار، شاھيار ئوغلۇم، مىنى تونۇيالمىدىڭىزما ؟ شاھيار بىردىنلا بۇرۇلۇپ ئادىلغا قارىدى :
- ئادىل تاغا، لالە، مەندىن ئەنسىرىمەڭلار، مەن خاتىرەمنى يوقاتمىدىم .
- ئۇف ! بۇ جاۋاپتىن كىيىن ئاتا-بالا ئىككەيلەن بىر-بىرىگە قارىشىپ ئۇھ تارتىشىپ قويدى .
- كەيپىياتىڭىز ياخشى ئەمەسقۇ ؟ بىرەر نەرسىنى خىيال قىلىۋاتامسىز ؟
- باشقا ئىش يوق، تۈنۈگۈن ھادىسسىگە ئۇچىرىغان ئىشلارنى ئويلاپ سەل كۆڭلۈم يىرىم بولىۋاتىدۇ .
- ئەنسىرىمەڭ ، دوختۇر سىزدە چوڭ چاتاق يوق ئىكەنلىكىنى ئىيتتى، سىز ياخشىراق ئارام ئالسىڭىزلا تىزدىن دوختۇرخانىدىن چىقىپ كىتەلەيسىز .
- بەك كەچ بوپ كىتىپتۇ ، سىلەرمۇ قايتىپ ئارام ئىلىڭلار، مەن خىلى ياخشى بوپ قالدىم . لالە دادىسىنى يىنىك نوقىدى :
- دادا، سىز قايتىپ كىتىڭ، شاھيارغا مەن ھەمراھ بولاي .
- ماقۇل، ئەمسە ھەر ئىككىڭلار سالامەتلىكىڭلارغا دىققەت قىلىڭلار .
- بولدى لالە، سىزمۇ تاغام بىلەن قايتىپ كىتىڭ، ئەتە ئىشقا بارىسىز، ئۇيقۇسىز قالسىڭىز بولمايدۇ، دوختۇرمۇ ئىيتىپتىغۇ، مەندە چوڭ چاتاق يوق، ئۆزۈمنىڭ ھالىدىن خەۋەر ئالالايمەن .
- بىراق مەن…
- بولدى لالە، شاھيارنىڭ دىگىنى توغرا، ئەتە ئىشقا بىرىشىڭىز كىرەك، بەلكىم ئۇمۇ يالغۇزلۇققا مۇھتاج، بىز قايتىپ كىتەيلى، ئەتە يەنە كەلسەك بولىدۇ ئەمەسمۇ ؟
لالە ئامالسىز دادىسىنىڭ پىكىرىنى يىرالمىدى، ئۇلار قايتىپ كەتكەندىن كىيىن شاھيار جىمجىت ئولتۇرۇپ خىيالغا پاتتى :
- مەن زادى كىم ؟ چۈشۈمدە بىر قىزنى كۆردۈم ، ئۇ تولىمۇ تونۇش چىراي، ئادىلە ، ئۇ ئادىلە شۇمىدۇ ؟…
شاھيارنىڭ بىشى ئاغرىپ كۆز جىيەكلىرى تالغاندەك بولدىدە، ئاستا كۆزىنى يۇمدى ، شۇ ھامان يەنە شۇ ئىللىق بىر چىراي ئۇنىڭ كۆڭۈل ئىكرانىدا پەيدا بولدى ، شاھيار ئىنچىكىلەپ ھەم تەپسىلىي ئۇنىڭغا قاراپ :
- ئا ئادىلە، ئادىلە… شاھيار بىردىنلا لاپپىدە كۆزىنى ئاچتى.
- توغرا، ئادىلە، ئادىلە شۇ… شاھيارنىڭ ئىچىدىن قايناپ چىققان ئەلەملىك ياشلار كۆزلىرىگە پاتماي قالدى .
- مەن، مەن دەل شۇ دىلمۇرات، مەن ئىككى يىلنىڭ ئالدىدىكى قاتناش ۋەقەسىدە ھادىسسىگە ئۇچراپ ئۆلدىگە چىقىرىلغان دىلمۇرات شۇ… مىنى قەستلىگەن ئادەم… ئۇ تۇيۇقسىز شۇ گەپنى دەپ بولۇپ جىمىپ قالدى .
- بۇ ئىشلار ئىسىمدە قالماپتۇ ، بەلكىم ئادىلە مىنىڭ نىمىشقا قەستكە ئۇچىرىغانلىقىمنى بىلىشى مۇمكىن، خاتىرەم بارا-بارا ئەسلىگە كىلىۋاتىدۇ .
شاھيارنىڭ كۆزلىرىدە سۇس كۈلكە جىلۋىلەندى، ئۇ تىلفۇنىنى ئىزدىدى ، بىراق تىلفۇنى ياتاقتا كۆرۈنمەيتى .
- سىستىرا ! سىستىرا !
شاھيار نەچچە رەت ۋارقىرىدى، بىر چاغدا ئىشىك ئىچىلىپ سىمىزرەك بىر سىستىرا ئايال كىرىپ كەلدى :
- نىمىش بولدى ؟ بىرەر يىرىڭىز بىئارام بولىۋاتامدۇ ؟
- سىستىرا، مىنىڭ تىلفۇنۇم قىنى ؟ تىلفۇنۇم كۆرۈنمەيدىغۇ ؟
- بۇنى مەنمۇ بىلمەيمەن، سىز يارلانغاندا قۇتقۇزۇش ماشىنىسى باشقا نەرسىللىرىڭىزنى ئىلىپ كەلمەپتىكەن، بەلكىم ماشىنىڭىزدا قالغان بولىشى مۇمكىن . شاھيارنىڭ كۆزلىرىدىكى ئۈمىد ئۇچقۇنلىرى بىردىنلا ئۆچكەندەك لاسسىدە بوپ قالدى .
- سىزگە تىلفۇن لازىممىتى ؟ بولمىسا مەن تىلفۇنۇمنى سىزگە ئارىيەت بىرىپ تۇراي . شاھيار بىشىنى چايقىدى :
- بولدى، يىرىم كىچىدىن ئىشىپتۇ ، ھەممە ئادەم ئۇخلاپ بولدى، سىزنى ئاۋارە قىلدىم .
- ئەمسە ياخشى ئارام ئېلىڭ .
سىستىرا چىقىپ كەتتى، شاھيارنىڭ ئۇيقىسى كەلمەي بۇرۇنقى ئەسلىمىللىرىنى قايتىدىن ئويلاشقا تىرىشاتتى، ئۇ ئادىلەنى ئىسىگە ئالالىدى ، ئۇ يەنە بىر شەخىس، يەنى ئابىدەنى تۇيۇقسىز خىيال قىلىپ قالدى :
- توغرا ، ئۇمۇ خىيال بەتلىرىمنىڭ بەزى قۇرلىرىغا ئىز سالغان، لىكىن ئۇنىڭ سىماسى بەكلا تۇتۇق، مىنىڭ ئۇنىڭ بىلەن قانداق مۇناسىۋىتىم بولغۇيتى ؟ ياكى بىز ئادەتتىكى تونۇشمۇ ؟ بۇ ئىشلارنى بىلىش ئۈچۈن ئادىلەگە ئۆزۈمنىڭ دىلمۇرات ئىكەنلىكىمنى دىيىشىم كىرەكمۇ ؟ ياق ! تۇيۇقسىزلا ئادىلەگە بۇ ئىشلارنى ئىيتسام ئۇ چوقۇم بۇنى قوبۇل قىلالمايدۇ ، ئۇنىڭ ئۈستىگە ئۈستۈمدىكى خەتەر تىخى ئۆتۈپ كەتمىدى ، دىلمۇراتنىڭ ھاياتلىقىنى ھىلىقى سىرىق چاچ بىلىپ قالسا ماڭا چوقۇم خەۋپ يىتىدۇ ، ئەڭ ياخشىسى خاتىرەم تولۇق ئەسلىگە كەلگۈچە بۇ ئىشنى ھەممە ئادەمدىن سىر تۇتىشىم كىرەك !
شاھيار چوڭقۇر تىنغىنىچە جىمجىت خىياللار دىڭىزىغا چۆكتى، ئۇنىڭ مىڭە توقۇلمىللىرى ئاستا-ئاستا ئەسلىگە كىلىۋاتقان بولۇپ نۇرغۇن خىيالى سىزىملەر ئۇنى ئۆز ئىسكەنجىسىگە ئالماقتا .
ئادىل بىلەن لالە ماشىنىلىق قايتىپ كىتىۋىتىپ لالە تۇيۇقسىز ئىغىز ئاچتى :
- دادا، بايا شاھيار بەكلا جۆيلۈپ كەتتى . ئادىل قىزىنىڭ سۇلغۇن كەيپىياتىغا قاراپ :
- نىمە دەپ جۆيلىدى ؟
- مەنمۇ ئىنىق ئاڭلىيالمىدىم، ئۇ جۆيلىگەندە بىر نەرسىدىن قورقۇپ كەتكەندەك پۈتۈن بەدەنلىرى تەرگە چۆمۈپ كەتتى . ئادىل سەل ئويلىنىپ قالدى :
- ئۇ بىرەر ئىشنى ئىسىگە ئالغانمىدۇ يا ؟ لالە لاپپىدە دادىسىغا قارىدى :
- دادا، مىڭە توقۇلمىللىرى قايتا ئۆسۈپ چىقامدۇ ؟ ئەگەر شۇنداق بولسا بۇرۇنقى ئەسلىمىللىرى قايتىدىن ئىسىگە كىلەمدۇ ؟ ئادىل بىر پەس جىمجىتلىقتىن كىيىن :
- مىڭە توقۇلمىللىرى قايتا ئۆسۈپ چىقالايدۇ ، بىراق يىڭى مىڭە توقۇلما ھۈجەيرىللىرى يىڭىچە ئوي-خىيال بىلەن شەكىللىنىدۇ ، ئۇنىڭدا ئىلگىرىكى خاتىرىلەر ساقلانمايدۇ، ئەگەر تاساددىبىي يىڭى غول ھۈجەيرىلەر يىڭى بۆسۈش ھاسىل قىلىپ ئىلگىرىكى ئىشلارنىمۇ خىيالى سىزىم ئارقىلىق پەيدا قىلالىسا، بۇ پەن-تىخنىكىدىكى بىر مۆجىزە ھىساپلىنىدۇ ، ياق ياق، بەلكىم بۇمۇ بىر ئىھتىماللىق ، ئىلىم-پەن نۇرغۇن مەسىلىلەرگە مۇتلەق جاۋاپ بىرەلىگەن ئەمەس . ئادىل قىزىغا قارىدى :
- مۇشۇ ئىشتىن ئەنسىرەۋاتامسىز ؟ لالە بىشىنى چايقاپ جىمجىت پايانسىز كوچىلارغا تىكىلدى .
- لالە، ئەگەر شاھيارنىڭ خاتىرىسى ئەسلىگە كەلسە، ئۇ بەلكىم بۇرۇنقى ئەسلىمىللىرى بويىنچە ئۆز تۇرمۇشىنى داۋاملاشتۇرىشى مۇمكىن، بىز توي ئىشىڭلارنى يەنىلا سەل ئارقىغا سۈرۈپ تۇرايلى، مەن كىيىنچە سىزنىڭ ئازاپلىنىشىڭىزنى خالىمايمەن .
لالە ئۈندىمىدى، بىراق ئۇنىڭ قەلبىدىكى چوڭقۇر بىر ئازاپ يۈرىكىنى تىشىپ ئۆتمەكتە ئىدى .
دىليار شىركەتتىكى ئىشلىرى ئالدىراش بولۇپ بۈگۈن كەچ قالدى، ئۇ ئىشتىن چۈشۈپ ماشىنىسىغا چىقىپ تۇرىشىغا تىلفۇنى سايرىدى، تىلفۇن ئىكرانىدا ھىلىقى گىرىمچىك ئايال پەرىدەنىڭ نۇمۇرى لىپىلداپ تۇراتتى .
- بۇ، بۇ ئايال نىمىشقا تىلفۇن قىلغاندۇ ؟
دىليات تىلفۇننىڭ ئاۋازلىق قوڭغۇرىقىنى بىسىۋىتىپ تىلفۇننى يانغا تاشلاپ ماشىنىسىنى ھەيدىدى، تىلفۇن توختاپ بىر مىنۇت ئۆتكەندە يەنە سايرىدى، دىليار سەل ئىچى سىقىلغاندەك تىلفۇننىڭ ئاۋازىنى يەنە ئۆچۈرىۋەتتى ، تىلفۇن ئىككىنچى قىتىم ئۈزۈلگەندىن كىيىن ھايال قالمايلا تىلفۇنغا ئۇچۇر كەلدى ، دىليار تىلفۇن ئىكرانىدىكى ئۇچۇرغا مۇنداقلا كۆز يۈگۈرتتى :
- سىز بىلەن كۆرۈشىمەن، بۈگۈنلا، ئەگەر رەت قىلسىڭىز بەزى ئىشلارنى مەن ئابىدە خانقىزغا دىيىشىم مۇمكىن . دىليارنىڭ كۆز چاناقلىرى يوغىناپ لەۋلىرى ئاچچىقتىن تىتىرەپ كەتتى .
- بۇ، بۇ ئايال تۇيۇقسىز پەيدا بولۇپ زادى نىمە قىلماقچىدۇ ؟ دىليار تىلفۇننى ئىلىپ ئۇنىڭغا ئۇچۇر قايتۇراي دىدىيۇ، يەنە توختاپ قالدى :
- ئۇ مىنى نىمە قىلالايتى ؟ مەن ئۇ ئىشلارنى ئابىدەگە چۈشەندۈرۈپ بولغان، بىراق… ئۇ تۇيۇقسىز ئويلىنىپ قالدى :
- ئۇ ئايال نىمىشقا تۇيۇقسىز پەيدا بولۇپ تۇرمۇشۇمغا پاراكەندىچىلىك سالىدۇ ؟ ئۇنىڭ بىرەر مەقسىدى بارمۇ-قانداق ؟
دىليارنىڭ خىيالىنى يەنە تىلفۇننىڭ سايرىشى ئۇچۇرىۋەتتى، سۇس تىتىرەپ تۇرغان تىلفۇن ئىكرانىدا بايىقى نۇمۇر لىپىلداپ تۇراتتى .
- ئاۋۋال ئىپ باقاي، ئۇنىڭ مەقسىدىنى بىلىش كىرەك .
- ۋەي ؟ دىليار تەمكىن كەيپىياتتا تىلفۇننى ئالدى .
- ياخشىمۇسىز ؟ ئەجەپ تىلفۇننى ئىپ بولالمايسىزغۇ ؟
- سىز كىم ؟ مىنى ئىزدەيدىغان نىمە ئىشىڭىز بار ؟ دىليار قەستەن گەپنى بۇرىدى .
- نىمە ؟ مىنى بىردەمدە ئۇنتۇپ قالدىڭىزما ؟ خې، بىر ئاينىڭ ئالدىدا لايىقىڭىز ئىككىڭلارنى ئايرۇدىرۇم يولىدا ماشىنامغا ئىلىۋالغان، ئەمدىغۇ ئىسىڭىزگە كەلگەندۇ ؟
- ھە، سىز ھىلىقى پەرىدە ئىسىملىك ئاچاشمۇ ؟
- ۋىييەي، مىنى ئاچا دىسىڭىز تازا قاملاشمايدىكەن، نىمىلا دىمىگەن بىلەن بىز بىر كىچە بىللە ئۇخلىغان، بۇنىمۇ ئۇنتۇپ قالمىغانسىز ؟ بۇ گەپ بىلەن دىليارنىڭ لەۋلىرى تىتىرەپ گەپلىرى قولاشماي قالدى:
- سىز سىز زادى مىنى نىمىگە ئىزدىگەن ؟
- ئۇنچە جىددىيلىشىپ كەتمەڭ، سىزنى كۆرۈشۈشكە تەكلىپ قىلاي دىگەن، مىنى رەت قىلماڭ جۇمۇ ! پەرىدە ناز بىلەن كۈلدى . دىليار بىر ئاز سۈكۈتتىن كىيىن :
- ماقۇل، نەدە كۆرىشىمىز ؟
- بىز خالىيراق جايدا كۆرىشەيلى، مەرھابا چايخانىسىدا .
- ماقۇل، يىرىم سائەتكىچە بارىمەن .
دىليار تىلفۇننى قويۇپ ماشىنىنى يولنىڭ چەتتىگە توختاتتى، ئۇ بوغۇزىغا كەپلىشىپ قالغان ئاچچىقنى تەستە يۇتۇپ ئىغىر بىرنى تىندى :
- بۇ ئايالغا زادى نىمە لازىم ؟ پۇل ؟… ياق، ئۇ ئايالنىڭ گىپىدىن قارىغاندا بىرەر مەقسىدى بارلىقى ئىنىق . دىليار ئۇ دىگەن جايغا بىرىش-بارماسلىق توغرىسىدا دىلغۇلا بوپ تۇرغىنىدا تىلفۇنى يەنە سايرىدى .
تىلفۇننىڭ سايراشلىرىدىن بىزار بولغان دىليار نىرىغا تاشلاپ قويغان تىلفۇن ئىكرانىغا تىكىلدى :
- ئابىدە ! دىليار ئالدىراپ تىلفۇننىڭ ئىلىش كۇنۇپكىسىنى باستى :
- ۋەي ئابىدە ؟
- دىليار ۋاقتىڭىز بارمۇ ؟
- ھە، ۋاقتىم بار .
- ئەمسە كۆرىشەيلى، سىزنى تاماققا تەكلىپ قىلاي دىگەن .
- ما ماقۇل، نەدە كۆرىشىمىز ؟
- مەن ھازىر شىركەتتىن ئايرىلدىم ، سىز مەرھابا چايخانىسىغا بىرىڭ، مەنمۇ ئۇدۇل شۇ يەرگە بارىمەن .
- مەرھابا چايخانىسى ؟ دىليارنىڭ ئاغزىدىن بۇ گەپ قانداق چىقىپ كەتكەنلىكىنى ئۇ ئۆزىمۇ تۇيمىغان ئىدى .
- نىمە ؟ باشقا ئىشىڭىز بارمىدى؟ ئۇ يەر سەل يىراقراق، بىراق جىمجىت .
- نىمىدىگەن توغرا كىپ قىلىش بۇ ؟ ياكى ھىلىقى ئايال ئابىدەنىمۇ تەكلىپ قىلغانمىدۇ يا ؟ دىليارنىڭ خىياللىرى كاللىسىنى ئىلەشتۈرمەكتە ئىدى .
- گەپ قىلمايسىزغۇ دىليار ؟
- ھە، مەن ماشىنا ھەيدەۋاتقان، ماقۇل، ئەمسە سىز دىگەن يەردە كۆرىشەيلى .
تىلفۇن ئۈزۈلگەندىن كىيىن دىليار پىشانسىدىن چىققان سوغۇق تەرنى بارمىقى بىلەن سۈرتىۋەتتى .
- بۇ زادى نىمىش ؟ ئەگەر ئۇلار دىيىشىۋالغان بولسا مەيلى ئىدى، ئەگەر ئۇنداق بولمىسا ھىلىقى ئايال بىلەن ئۇچىرىشىپ قالىدىغان گەپ، قانداق قىلسام بولار ؟
دىليار بىر قارارغا كىلەلمەي ماشىنىنى ئاستا قوزغاپ يول تەرەپكە بۇرۇلدى، خىياللار ئىچىدە ئۇ مەرھابا چايخانىسىغا كىپمۇ قالغان ئىدى . كەچكى قۇياشنىڭ ئاخىرىقى نۇرلىرى ئىگىز بىنالارنىڭ ئاراچلىرىدىن كۆزنى چاقنىتىپ ئۆتۈپ كىتەتتى ، دىليار ئالدى تەرەپتىن كۆرۈنۈپ تۇرغان ئۈچ قەۋەتلىك بىنانىڭ يوغان قىلىپ چىرايلىق لاھىيەلەنگەن مەرھابا چايخانىسى دىگەن ۋىۋىسكىسىنى كۆرۈپ ماشىنىنىڭ سۈرئىتىنى سەل ئاستىلاتتى، دىليار چايخانىغا ئۇدۇل كەلگەندە ئەتراپقا بىرەر قۇر نەزەر تاشلىدى :
- قارىغاندا ئابىدە تىخى كەلمىگەن چىغى، مەن ئالدىدا كىرىپ ئەھۋالنى بىلىپ باقاي .
دىليار شۇ خىياللار بىلەن ماشىنىسىنى تاماقخانىنىڭ ئاستىدىكى يەر ئاستى ماشىنا توختىتىش مەيدانىغا ئەكىرىپ مۇۋاپىق جايغا توختاتتى ، دىليار ماشىنىدىن چۈشۈپ تۇرىشىغا قولىدىكى تىلفۇن يەنە سايرىدى، ئۇ تىلفۇنغا قاراپ چىرايىنى پۈرۈشتۈرگىنىچە تىلفۇننى ئالدى :
- ۋەي ! ئۇنىڭ ئاۋازى سەل قوپال چىقىپ كەتكەن ئىدى .
- كىپ بولدىڭىزما ؟ بايا چايخانىنىڭ سىرتىدا سىزنىڭ ماشىنىڭىزنى كۆردۈم . دىليار ئۈندىمىدى، پەقەت كۆڭلىدە :
- بۇ ئايال خىلىدىن بىرى مىنى كۈزىتىپ يۈرگەن بولسا كىرەك، ھەتتا ماشىنامنىمۇ تونىۋاپتۇ، دەپ ئويلىدى .
- گەپ قىلمايسىزغۇ ؟ تىزراق كىرىڭ ، مەن زالدىكى بەشىنچى ئۈستەلدە سىزنى ساقلاۋاتىمەن .
- زال ؟ ئەگەر زالدا بولسا ھازىر كىرىپ ئۇ ئايال بىلەن كۆرۈشسەم ئابىدە ئىنىقلا كۆرۈپ قالىدۇ، قانداق قىلسام بولار؟…
- ۋەي، ۋەي دىليار، گەپ قىلمايسىزغۇ ؟ ئۇ ئايالنىڭ بىۋاستە ئىسىمىنى چاقىرشى دىليارنىڭ تىخىمۇ ئوغىسىنى قاينىتىپ مۇشتلىرىنى تۈگۈلدۈرىۋەتتى .
- ھە، ماشىنامدىن ئازراق كاشىلا چىقىپ قالدى، مەن سەل تۇرۇپ كىرىمەن، ساقلاپ تۇرۇڭ .
دىليار ئالدىراپ تىلفۇننى ئۈزۈپ ئابىدەگە تىلفۇن قىلدى ، ھايال قالماي ئابىدە تىلفۇننى ئالدى:
- ۋەي دىليار، كىپ بولدىڭىزمۇ ؟
- ھەئە كىپ بولدۇم ، سىز نەگە كەلدىڭىز ؟
- مانا، مەنمۇ كىلەي دەپ قالدىم، سىز ئىچىدە مىنى ساقلاپ تۇرۇڭ .
- ھە بولىدۇ ، مەن چايخانىغا كىرگەچ تۇراي .
دىليار تىلفۇننى قويۇپ ئاستا قەدەملەر بىلەن يەر ئاستى ماشىنا توختىتىش مەيدانىدىن چىقتى، ئۇ مەرھابا چايخانىسىنىڭ بىرىنچى قەۋىتىدىكى سىرتقا قاراپ تۇرغان ئەينىكىدىن ئىچىگە قارىدى، بىردىنلا ئۇنىڭ كۆزلىرى ئۆزىگە قاراپ كۈلۈمسىرەپ تۇرغان پەرىدە ئىسىملىك ئايالنىڭ كۆزلىرى بىلەن ئۇچىرىشىپ قالدى ، بۇ ۋاقىتتا دىليارنىڭ چىرايى ئۆزگىرىپ خۇددىي ئالۋاستىنى كۆرگەندەك چىرايى تاتىرىپ كەتكەن ئىدى . پەرىدە سوغۇق دىرىزە توسۇپ تۇرغان چايخانا ئىچىدە ئۇنىڭغا قاراپ قول پۇلاڭلاتتى ، دىليار دەرھال نەزىرىنى يول تەرەپكە يۆتكىدى :
- ئابىدە نىمىشقا تىخىچە كەلمەيدىغاندۇ ؟
ئۇ تەقەززار بولۇپ تىلفۇن ئىكرانىدىكى سائەتكە قارىدى ، ئىككى مىنوتلار ئۆتكەندىن كىيىن ئابىدەنىڭ ماشىنىسى چايخانا ئالدىدا پەيدا بولدى، دىليار ئۇنى كۆرۈپلا قول پۇلاڭلاتتى، ئابىدە كۆز ئىشارىسى بىلەن ماشىنىنى ھەيدەپ يەر ئاستى ماشىنا توختىتىش مەيدانىغا چۈشۈپ كەتتى، دىليار ئارقىسىغا بۇرۇلۇپ بايا پەرىدە ئولتۇرغان ئورۇنغا قارىدى، بىراق پەرىدە كۆرۈنمەيتى .
- نەگە كەتكەندۇ ؟ ياكى ئابىدەنى كۆرۈپ ئۆزىنى سەل چەتكە ئالدىمۇ قانداق ؟
دىليار شۇ خىياللارنى قىلغاچ ئابىدەنىڭ چىقىشىنى ساقلىدى، ھايال قالماي چىرايلىق ياسانغان ئابىدە ئۇنىڭ يىنىدا پەيدا بولدى :
- نىمىشقا ئىچىگە كىرىپ ساقلىمىدىڭىز ؟
- بىز كۆرۈشمىگىلىمۇ خىلى كۈنلەر بوپتۇ، شۇ سىزنى تىزراق كۆرەي دەپچۇ ؟
- يىقىندىن بۇيان گەپكە ئۇستا بوپ كىتىپ بارامسىز قانداق ؟ شىركەت ئىشلىرىڭىز ياخشى كىتىپ بارامدۇ ؟ ئەتىياز پەسىللىك كىيىملەرنىڭ مودا نۇسقىسىنى بازارغا سالىمىز دەپ ئالدىراش بوپ قىلىپ سىز بىلەنمۇ ئالاقە قىلالمىدىم .
- ھىچقىسى يوق، مەنمۇ شىركەت ئىشلىرى بىلەن ئالدىراش، مانا كۆرۈشتۇققۇ ؟ قىنى، ئىچىگە كىرەيلى !
دىليار ئابىدەنىڭ بىلىكىدىن يىنىك تارتىپ چايخانا تەرەپكە ماڭدى، ئۇلار ئىچىگە كىرىپ ئابىدە مۇلازىمەتچىدىن سورىدى :
- ئىسمىم ئابىدە، ئايرىمخانا زاكاس قىلغان . مۇلازىمەتچى كومپىيۇتىردىكى خاتىرىگە قاراپ :
- ھە بىلدىم، بۇياققا مەرھەمەت !
ئۇلار مۇلازىم قىزنىڭ ئارقىسىدىن لىفىت تەرەپكە ماڭدى، دىليار ئەتراپقا تەكشى قاراپ پەرىدەنىڭ يوقلىقىنى كۆردى .
- سىز ئايرىمخانا زاكاس قىلغانما ؟ نىمىشقا ماڭا بالدۇرراق دەپ قويمايسىز ؟ ئايرىمخانىنى ئۆزۈم زاكاس قىلاتتىم ئەمەسمۇ ؟
- ھىچقىسى يوق، قايسىمىز زاكاس قىلساق ئوخشاش، بىز يا يات ئادەم بولمىساق .
ئۇلار بىر-بىرىگە كۈلۈشۈپ قويدى، لىفىت لىككىدە كۆتۈرۈلۈپ ئىككىنچى قەۋەتتە توختىدى، مۇلازىمەتچى قىز ئۇلارنى ئالتىنچى ئايرىمخانىغا تەكلىپ قىلدى :
- خانقىز، بۇ سىز بۇيرۇتقان ئايرىمخانا ، مىھمىنىڭىزمۇ كىپ بولدى، قىنى مەرھەمەت !
مىھمىنىڭىز دىگەن گەپنى ئاڭلاپ دىليارنىڭ پىكىرلىرى چىگىشلەشتى .
- قىنى كىرىڭ !
ئابىدە ھاڭۋىقىپ تۇرغان دىليارنى ئىچىگە تەكلىپ قىلدى، ئۇلار ئايرىمخانىغا كىرگەندە دىليار چاي ئىچىپ ئولتۇرغان پەرىدەنى كۆرۈپ چىرايى ئۆڭۈپ كەتتى .
- دىليار، ئويلىمىغان بولغۇيتىڭىز ؟ بۇ ئاچىمىز ئىسىڭىزدە بارمۇ ؟
ئابىدە زوخ-شوخ بىلەن دىليارغا سۆزلەۋاتاتتى ، پەرىدە ھودۇقۇپ كەتكەن دىليارغا قاراپ ئاستا ئورنىدىن تۇردى ۋە يەڭگىل ئاھاڭدا :
- ۋۇي، يەنە كۆرۈشتۇق، ئابىدەنىڭ لايىقىغۇ سىز ؟ كۆرۈشمىگىلى ئۇزۇن بوپتۇ .
پەرىدەنىڭ دىليارغا سۇنغان قولى ھاۋادا بىر ھازاغىچە لەيلەپ قالدى، ئابىدە جىمجىت پەرىدەگە تىكىلىپ تۇرغان دىليارنى بوشقىنە نوقىدى :
- دىليار، دىليار سىزگە نىمە بولدى ؟ دىليار دەررۇ ئىسىنى يىغدى :
- ھە ياخشى .
دىليار قولىنى تىخىچە ھاۋادا لەيلەپ تۇرغان پەرىدەنىڭ بارمىقىغا مۇنداقلا تەگكۈزۈپ قويۇپ چۈشۈرىۋالدى ، پەرىدەنىڭ چىرايى سەل ئۆزگىرىپ جايىغا كىلىپ ئولتۇردى .
- دىليار، قىنى ئولتۇرۇڭ ! ئابىدە ئۇنى يىنىدىكى ئورۇنغا تەكلىپ قىلدى .
- پەرىدە ئاچا ، لايىقىمنى چاقىرسام كۆڭلىڭىزگە ئالمىغانسىز ھە !
- ياقەي، بەك ياخشى قىپسىز . پەرىدەنىڭ سىنجى كۆزلىرى دىليارغا تىكىلدى :
- مەنمۇ لايىقىڭىزنى چاقىرۋالايلىمىكىن دەپ ئويلىغان . ئابىدە سۇس كۈلۈمسىرەپ :
- ئالدىنقى قىتىم بىزگە ياردەم قىلغان ئىدىڭىز ، رەھمەت ئىيتىشقا ۋاقىت چىقىرالماي رەھمىتىمنى بىلدۈرۈشكە سەل كىچىكىپ قالدىم، شىركەتتە ئىشلار كۆپ، توغرا چۈشىنىڭ .
- كىرەك يوق، سىز دىگەن چوڭ شىركەتنىڭ مەسئۇلى، مەسئۇلىيتىڭىزمۇ ئىغىر ، قارىسام لايىقىڭىز ئانچە ئالدىراش ئەمەستەك قىلىدۇ ، شىركىتىمۇ ئانچە چوڭ ئەمەسكەن .
جانغا تەگكەن بۇ سىسىق گەپلەرگە دىليار لىۋىنى چىشلىگىنىچە سۈكىت ئىچىدە ئولتۇراتتى :
- قارىغاندا بۇ خوتۇن مىنى ھەم ئابىدەنى تەكشۈرۈپ يۈرۈپتىدە ! ئۇنىڭ زادى نىمە مەقسىدى باردۇ ؟ ئابىدە نىمىشقا ئۇنى تاماققا تەكلىپ قىلىدۇ ؟ ئۇ ئايالمۇ مىنى قەستەن تاماققا تەكلىپ قىلىش باھانىسى بىلەن ئابىدەنىڭ ئالدىدا ئوسال قىلماقچى بوپتىكەن، تەلىيىمگە ئابىدە مىنىمۇ چاقىرىپتۇ ، بۇ ئايال ئەمدى يەنە قانداق ھىيلە-مىكىر ئويلاۋاتقاندۇ ؟ دىليار پەرىدەنىڭ پات-پات غەيرى تىكىلىشلىرىدىن بەدەنلىرى تىكەنلەشكەندەك جىمجىت ئولتۇراتتى .
- دىليار، سىز نىمىشقا گەپ قىلمايسىز ؟ مەندىن رەنجىپ قالمىغانسىز ؟ بۇ ئاچامنى چاقىرىپ تۇيۇقسىز سىزنىمۇ بىللە تاماق يىسەك ياخشى بولارمىكىن دەپ ئويلىغان ئىدىم . دىليار بىشىنى كۆتۈرۈپ ئابىدەگە مۇلايىملىق بىلەن تىكىلدى :
- بەك ياخشى قىپسىز، مىنىڭمۇ سىزنى تاماققا تەكلىپ قىلغۇم بار ئىدى، ئەسلى بۈگۈنكى ئۇچىرىشىشنى مەن ئورۇنلاشتۇرغان بولسام ياخشى بولاتتى .
- بولدى، تاماق بۇيرىتايلى، قورسىقىم ئىچىپ كەتتى .
مۇلازىمەتچى كىرگەندىن كىيىن ئۇلار بۇ يەرنىڭ ئالاھىدە تاماقلىرى بىلەن بىرگە داڭلىق ئىسىل چايلىرىدىن بۇيرۇتتى ، تاماقلار چىققاندا ئابىدە چاقىرغان ئىككى مىھماننى تاماققا تەكلىپ قىلغاچ پەرىدەدىن سورىدى :
- پەرىدە ئاچا ، سىز توي قىلمىدىڭىزغۇ دەيمەن ؟ قارىسام بويتاقتەك تۇرىسىز ؟ پەرىدە چوكىسىغا قىستۇرۇلغان گۆشنى تەخسىگە قويۇپ :
- شۇنداق، ھازىرقى يىگىتلەر بەكلا ئىشەنچىسىز، بىر كىچە ھەمراھ بولۇشقىلا يارايدۇ ، ئاياللارنىڭ ھەقىقىي ھىسىياتىنى چۈشەنمەيدۇ .
دىليار لاپپىدە ئۇنىڭ كۆزلىرىگە قاراپ يەنە باشقا تەرەپكە قارىۋالدى .
- پەرىدە ئاچا ، ھەممە ئەر كىشى ئۇنداق ئەمەس، بىز ئاياللار ئۆزىمىزنى قەدىرلەشنى بىلمىسەك ئەرلەرمۇ بىزنى كۆزگە ئىلىمايدۇ، شۇڭا ئۇلارغا بىر كىچىلىك قونچاق بولماستىن، ئۇلارنىڭ ھەقىقىي سۆيگۈسىگە ئىرىشمىگۈچە ئۇلارغا يىقىن يولىساق بولمايدۇ .
- توغرا دەيسىز . پەرىدە پات-پات دىليارغا قاراپ ئۇنىڭ ھازىرقى ئىپادىسىنى كۈزۈتۈپ تۇراتتى :
- ھە راست، قاچان توي قىلىسىلەر ؟ ئابىدە سىڭلىم، توي قىلسىڭىز توي گىرىمىڭىزنى مەن قىلىپ قوياي، چوقۇم بەك رازى بولىسىز .
- ئەللىۋەتتە، ۋاقتى كەلگەندە چوقۇم سىزنى ئىزدەيمەن .
ئۇلارنىڭ بىر-بىرىگە مەنىلىك بىقىشلىرى دىليارنى سەل قورۇندۇرۇپ قويدىمۇ ئۇ تۈزۈك تاماقمۇ يىمەي جىمجىت ئولتۇراتتى.
