ئازاپ كوچىسىدىكى ئايال 169-قىسىم

دەرۋازا قوڭغۇرىقى بېسىلدى. كۆرستىىش ئەينىكىگە قاراپ ئايال خوجاننى كۆردۈم.

_ ئۇ نېمىگە كەلگەندۇ؟_ دېدى سىڭلىم ماڭا قاراپ.

_ سىلەر ئۈستىگە چىقىپ تۇرۇڭلار..مەن ئۆزۈم پاراڭلىشاي..

دوستۇم بىلەن سىڭلىمنى ئۈستىگە چىقىرىۋەتكەندىن كېيىن دەرۋازىنى ئاچتىم.

_ ياخشىمۇسىز، بىزنىڭكىگە قەدەم بېسىپ قاپسىز..

ئايال خوجايىن كۈلۈپ كەتتىم.

_ بىزنىڭكىگە؟ بۇ ئۆي سىزنىڭ ئەمەسقۇ..

_ بۇرۇن كىمنىڭ بولىشى بىلەن كارىم يوق. ھازىر مېنىڭ..ئىشەنمىسىڭىز ئۆي خېتىنى كۆرسىتىپ قويايمۇ؟!

_ ھاھا..ھاجىتى يوق..

_ نېمە ئىش بىلەن كەلگىنىڭىزنى بىلمىدىم..بىرەر ئىش بارمىتى؟

_ مېنى ئۆيگە باشلىمامسىز؟

_ ئەلۋەتتە باشلايمەن..سىز خالىسىڭىزلا..

دەرۋازىنىڭ يان تەرىپىگە ئۆتۈپ ئۇنى ئىچىگە چىللىدىم.

ئۇ ئۆزىنى چوڭ تۇتقان ھالەتتە ھويلىغا كىردى ۋە ئەتراپقا قارىدى.

_ بۇ ھويلا ئۆز ئىگىسىنى تازا سېغىنغاندۇ ھە..

ئۇنىڭغا گەپ قايتۇرمىدىم. ئۇ ئۆي ئىچىگە كىرىپ يەنە ئەتراپقا قاراشقا باشلىدى.

_ بۇ ئۆينى ئېلىپمۇ يەنە ئۆزگىرىش قىلماپسىز، يەنە شۇ سىڭلىمنىڭ ئائىلە ئەسلىھەلىرىكەنغۇ..

_ بەزى نەرسىلەرنى ئالماشتۇردۇم. بەزى نەرسىلەرنى تازلىدىم..

_ ھاھا..قانداقلا قىلسىڭىز بۇ ئۆيگە يەنە تولۇق سىڭىشىپ بولالمايسىز..

_ سىز نېمە دېمەكچى؟ بۇ ئۆيگە مۇبارەكلەپ كەلدىڭىزمۇ ياكى قارغىغىلى كەلدىڭىزمۇ؟

ئايال خوجايىن ماڭا قاراپ ئېغىر كۈلۈپ كەتتى ۋە سافادا ئولتۇردى.

_ چاي ئەكېلىڭ. مەن چاي ئىچىمەن..

_ مەن ھازىر سىزنىڭ ئائىلە خىزمەتچىڭىز ئەمەس. ئاھاڭنى توغرا قىلىڭ..

_ ھاھا..گەپلىرىڭىزنىڭ قاتتىقلىشىپ كەتكىنىنى..

_ سىزنىڭ ئاھاڭىڭىزغا قاراپ گەپ قىلدىم.. سىز مېھمانغا كەلگەن بولسىڭىز سىزگە چاي قۇيىمەن. ئەگەر بۇ يەرگە ماڭا بېسىم قىلىمەن دەپ كەلگەن بولسىڭىز، مېنى كەچۈرۈڭ. سىزگە قۇيىدىغان چېيىم يوق..

_ ئۆزىڭىزنىڭ بۇرۇنقى ئىگىلىشلىرىنى ئۇنتۇپ قاپسىزدە..

_ شۇ ئىگىلىشتىن بۈگۈنكى كۈنگە ئۇلاشتىم. نېمىشقا قايتا ئىگىلگۈدەكمەن..

_ ھاھا..ياخشى. ياخشى.. لېكىن ئېسىڭىزدە بولسۇن، سۆڭەك مايماق بولسا، مىڭ تۈزلىسىمۇ يەنە قايتا ئىگىلىپ قالىدۇ.. ئوڭشىماق بەك قىيىن..

_ سىز نېمە دېمەكچى؟ مېنىڭ ياخشى كۈن كۆرگىنىمگە چىدىماي قالدىڭىز شۇنداقمۇ؟!

_ بۇ ياخشى كۈن ئەمەس. پەقەت ۋاقىتلىق ئېرىشكەن نەرسە خالاس. سىزگە تەۋە بولمىغان نەرسە ھامان قولىڭىزدىن چىقىپ كېتىدۇ..سىز ھېچنېمە قىلالمايسىز؟

_ بۇنى سىز قارار قىلمايسىز..

_ ھاھا.. بولدى نەق گەپكە كېلەيلى..مېنى يېڭەلمەي، مالنى ھەقسىز تارقىتىش يولىنى تۇتتىڭىزما؟

_ مال مېنىڭ قولۇمدا ھەقسىز قىلامدىم ھەقلىقمۇ بۇ ئۆزۈمنىڭ ئىشى..

_ قاراڭ. سىزگە نەسىھەت قىلاي. بىز بىلەن تەڭلىشىمەن دېمەڭ..سىز بىزنىڭ رىقابەتچىمىز بولالمايسىز..

_ مەن سىلەردىن مۇناسىۋەتنى ئۈزگەن، ئۆزۈڭلار ماڭا چاپلاشتىڭلار..

_ بىز قانداق چاپلاشتۇق. ئىسكىلات دېگەن چوڭ نەرسە ھەرخىل ئادەمنىڭ مېلىنى كىرگۈزىدۇ..سىز ئۇنى يالغۇز كۆتۈرىگە ئېلىۋالمىغان..

_ شۇنداقمۇ؟! ئەمىسە نېمىشقا مەن مال ئالغان زاۋۇتنىڭ ئادرىسىنى كۆچۈرىسىز..

_ مەن سىزنىڭ ئەمەس ھەممە مالنىڭ ئادرىسىنى كۆردۈم..قانچە ئادەم بىزنىڭ مالنى كىرگۈزىۋاتىدۇ دېگەننى تەكشۈردۈم..

_ ھاھا. شۇنداقمۇ؟ سىزنىڭچە بولسا سىلەر بالدۇر مال كىرگۈزۈپ بىز دوراپتىمىزدە..

_ شۇنداققۇ، بولمىسا بىزنىڭ فىلىمىمىز سىزنىڭكىدىن بالدۇر چىقمايتتى..

_ ئارىغا ئادەم قويۇپ مېنىڭ ئىجادىيىتىمنى ئوغۇرلاپ يەنە مۇشۇنداق گەپ قىلىۋاتقىنىڭىز قىزىق..

_ ئىسپاتىڭىز بارمۇ؟

_ ئىسپات كەتمەيدۇ..بۇ سىلەر ھەم ماڭا ئايان ئىش..

_ ھاھا. بوپتۇ. بىلگەن بولسىڭىز بولدى..بىزنىڭ ئەمەلىي كۈچىمىزدە ھەرقانداق ئادەمنى زاۋۇتنى ئۆزىمىزگە قارىتالايسىز.. ئاۋۇ زاۋۇت ماڭا مالنى سىزگە بەرگەندىن نەچچە ھەسسە ئەرزان بەردى..چۈنكى مەن مالنى كۆپ كىرگۈزدۈم..

_ ھەركىم ئۆزىگە تەۋەنى يەيدۇ، ئىشىنىمەن مېنىڭدىن تارتىۋېلىپ يېگەن نەرسەڭلار بىر كۈنى ئاشقازىنىڭلارنى تېشىدۇ..

_ ھاھا..بىز تارتىۋالمىدۇق. سودا ئەسلىمۇ بىزنىڭ ئىشىمىز..سىز پەقەت ئارىدىن قوشۇلۇپ قالغان بىرسى خالاس.. بۇ ئۆي. بۇ سودا، بۇ ھوقۇق، ھېچقايسىسى سىزنىڭ ئەمەس.. سىز قالايمىقان يول بىلەن ئېرىشكەن نەرسە. ھامان ئۆز ئىگىسىگە قايتىدۇ..

_ بۇ مال دۇنيا ھېچكىمگە تەۋە نەرسە ئەمەس، ئەزەلدىن ئۇنىڭ قولىدىن بۇنىڭ قولىغا ئۆتۈپ تۇرىدۇ..كىم بىلىدۇ، بىر كۈنى سىزدىن قولىڭىزدىن پۈتۈنلەيت يوقاپ كېتەمدۇ تېخى..

_ خام خىيالنى ئاز قىلىپ ئەمەلىي ئىش قىلىڭ..قولىڭىزدىكى ئاۋۇ ئاقماس دوستىڭىز بىلەن سىڭلىڭىز سىزگە ھېچنېمە قىلىپ بېرەلمەيدۇ..مېنىڭ شىركىتىمدە نۇرغۇن خىزمەتچى بار..

_ ئۇنتۇپ قالغان ئوخشايسىز..مېنىڭمۇ ھازىر بىر نەچچە شىركىتىم بار.. ئەگەر خادىم سېلىشتۇرساق بەلكى ئىككىمىز تەڭلىشىپ قېلىشىمىز مۇمكىن..

_ ھاھا.._ ئايال خوجايىن ئورنىدىن تۇردى،_ باشقىلارنىڭ چاپىنىدا تەرلەپ گېپىڭىزنىڭ چوڭلىقىنى..

_ مەن تەرلىسەم ئۆزۈمنىڭ يولدىشىنىڭ چاپىنىدا تەرلىدىم. سىزچۇ؟! يولدىشىڭىزغا چاپان سەپ ئۆزىڭىز چاپان سىرتىدا قېلىۋاتىسىز..

ئايال خوجايىن ماڭا ھەيرانلىقتا تىكىلدى.

_ نېمە؟ سىز نېمە دېمەكچى؟

_ ھېچنېمە دېمەكچى ئەمەس..ئۆزىڭىزگە ئۇنچە ئىشىنىپ كەتمەڭ. ماڭا چوڭ سۆزلىگىنىڭىز بىلەن ئۆزىڭىزنىڭ قانچىلىك بىچارە ئىكەنلىكىڭىز ئۆزىڭىزگە ئايان.. ئەگەر راستىنلا پۇل مال سىزنى بەختكە ئېرىشتۈرگەن بولسا بۇنداق يول تۇتمىغان بولاتتىڭىز..

ئۇنىڭ مېنى ئۇرماقچى بولغان قولىنى تۇتىۋالدىم.

_ ئەمدى مېنى ئۇرىمەن دېمەڭ. مەن سىزگە قەرزدار ئەمەس..يەنە بىرنى ئۇرسىڭىز مەن سىزگە بۇنى ھەسسىلەپ قايتۇرۇپ بېرىمەن..

 ئۇنىڭ قولىنى سىلكىۋەتتىم. ئۇ سەنتۈرۈلۈپ جايىدا تەستە توختىدى.

_ بۇ ئۆيگە ماڭا تەنە گەپ قىلغىلى كەلگەن بولسىڭىز كېتىڭ.. سىزنى قارشى ئالمايمەن..

_ ھۇ قەلەندەر..باشقىلارنىڭ بايلىقىغا ئېرىشىۋېلىپلا يوغىناپ كەتكىنىڭنى قارا..سېنىڭ سەۋەبىڭدىن مەن زىيان تارتتىم..سىڭلىم ئاجرىشىپ كەتتى..

_ قانداق؟! سىڭلىڭمۇ مەن تارتقان دەرتنى تارتىپ باقسۇن.. ھازىر مەن سەن بىلەن تەڭ ئورۇندا..مەيلى بۇ مال دۇنياغا قانداق ئېرىشەي، ئىشقىلىپ سەنلەر ماڭا ئۇتتۇردۇڭ..ھاھا..

_ ھۇ پەسكەش، قىزىنىڭ جېنىغا مال دۇنيانى تېگىشىدىغان قەلەندەر.. سەن ئۇتمىدىڭ، مېنىڭ مال دۇنيارىم بولىدىكەن..سېنى يىقىتىمەن..

ئۇنىڭغا يېقىن كېلىپ كۆزىگە تىكىلدىم.

_ سىناپ باق. مېنى يىقىتالىساڭ مەن چوقۇم ساڭا تىز پۈكىمەن..ئەگەر يىقىتالمىساڭ بىركۈنى بېشىڭغا دەسسەيمەن..سەن شۇ چاغدا ماڭا يالۋۇرىسەن...

ئايال خوجايىن چوڭ قەدەملەرنى ئېلىپ ئىشىكتىن چىقىپ كەتتى. دەرۋازىنى ئىچىدىن تاقاپ ئۆيگە قايتىپ كىردىم.

سىڭلىم بىلەن دوستۇم يېنىمغا كەلدى.

_ ۋاھ. ئاجايىپلا بىر مەنزىرىنى كۆردۈم..ئۆمرۈمدە بۇنداق كەسكىن ئۇرۇشقاننى كۆرمەپتىكەنمەن..

_ مەنمۇ شۇ..ئىككى ئايالنىڭ بۇنداق گەپ قىلىشقىنىنى تۇنجى كۆرۈشۈم..

_ سىلەر ئۈچىنچى قەۋەتكە چىقىپ كەتكەنغۇ...قانداق ئاڭلىدىڭلار

_ ئىككىنچى قەۋەتنىڭ پەلەمپىيىدە تۇرۇپ ئاڭلىدۇق...

_ بەزىدە ئادەم ئامالسىز بولۇپ قالىدىكەن..ئۆزۈممۇ بىلىپ بىلمەي بۇ زىددىيەتكە ئارلىشىپ قالدىم...

_ ئۇنىڭ سىڭلىسى ئاجرىشىپ كېتىپتۇما..

_ يولدىشىنىڭ ئۆيى بىلەن شىركىتى يوق بولدى..داۋاملىق ئۆي تۇتىۋەرمەيدۇ دە..

_ ئەر-ئايال پايدا مەنپەئەتتە سىنىلىدۇ دېگەن شۇدە..لېكىن بۇ ئايالنى ئۇنچە ناچار ئەمەسمىكىن دەپتىكەنمەن..

_ مەنمۇ بۇرۇن ئۇنىڭ ياخشىلىقىغا قول قويغان..لېكىن ھەرقانداق ياخشىلىق پايدا مەنپەئەتكە تاقاشقاندا يامانلىققا ئايلىنىدىكەن.. ئۇ سىڭلىسىنىڭ مال دۇنياسىنى تارتىۋالغىنىمغا چىدىماي قالدى..

_ شۇ، سىڭلىسى كاللىسىنى يۇيىۋەتكەن ئوخشايدۇ..

_ مال سېتىشنى توختاتمايلى. بۇ ئايالنىڭ دېگىنىگە بولسىمۇ چوقۇم ياخشى ماڭغۇزايلى..

_ شۇنداق قىلىمىز. ئەمدى ئارام ئېلىڭلار.. قالغان خىزمەتنى ئەتە قىلايلى..

ئۇلار بىلەن خوشلىشىپ يولدىشىمنىڭ شىركىتىگە يۈرۈپ كەتتىم.

_ مەن ئىشتىن چۈشەي دەپ تۇرغان..سىز كەپسىزغۇ..

_ كۆزۈمنى تەكشۈرتەيلى..ئاندىن سىز بىلەن مەسلىھەتلىشىدىغان ئىش بار..

_ بولىدۇ،_ يولدىشىم نەرسىلىرىنى ئېلىپ مېنى كۆز تەكشۈرۈش ئورنىغا ئېلىپ كىردى.

دوختۇر كۆزۈمنى تەكشۈرگەندىن كېيىن ئېغىر تىنىپ كەتتى.

_ قانداق دوختۇر ياخشىلىنىش بارمۇ؟

_ كۆزى بەكلا ئاجىزكەن..كۆزئەينەكنىڭ گىرادوسىنى كۆتۈرەيلى..

كۈنسىرى قېلىنلاپ مېڭىۋاتقان كۆزئەينىكىمگە قاراپ ئۆزۈمنىڭ كۆرەلەيدىغان كۈنلىرىمنىڭ ئاز قالغانلىقىنى ھېس قىلىۋاتاتتىم.

_ ئىشلارنى جىددىي ھەل قىلاي..كېيىنكى كۈنلەردە كۆرەلمەي قالسام ئىشلىرىم توختاپ قالىدۇ..

_ ئۇنداق دېمەڭ. چوقۇم ياخشى بوپ كېتىدۇ..

يولدىشىم بىلەن ماشىنىغا چىقتۇق.

_ ئەتىگەن دېرىكتورنىڭ ئايالى كەلدى..

_ ھاھا، قورققان ئاۋال مۇشت كۆتۈرۈپتۇ دېگەن شۇدە..

_ شۇنداق. ئۇ بىزنىڭ مالنى ھەقسىز تارتقاتقىنىمىزغا چىدىماي قاپتۇ...

_ ئۆزى سىز بىلەن ئوخشاش مال تۇتقاچقا چىدىمايدۇ..

_ ئۇ سەن ماڭا تەڭ كېلەلمەيسەن دەيدۇ..

_ ئۆزىنى چوڭ تۇتقان ئادەم يىقىلسا بەك قاتتىق يىقىلىدۇ..

_ شۇنداق. ئەسلى بۇنچە ئۆچ ئەمەس ئىدىم..يېقىندىن بېرى ئۇنىڭغا بولغان ھۆرمىتىم پۈتۈنلەي يوقاپ كەتتى..

_ مەنپەئەت ئادەملەرنىڭ ھەقىقىي ماھىيىتىنى ئېچىپ بېرىدۇ..

_ شۇنداقكەن. ئەسلى يېقىن دوستلارتۇق. مەنپەئەتكە كەلگەندە دۈشمەنگە ئايلاندۇق..

_ ئەمدى يۈردىكىڭىزدىكى قەرزدارلىق تۇيغۇسىنى يوق قىلىڭ..بۇ مۇناسىۋەتنى سىز ئەمەس ئۇلار بۇزدى..

_ شۇنداق. ئەمدى مال كىرگۈزگەندە سىز دېگەندەك يول تۇتىمەن..

_ چوقۇم قىلالايسىز. مەن ئىشىنىمەن..

_ لېكىن ناچار زاۋۇتنى قانداق تاپىمەن..

_ مال سېلىش توردىكى ئەڭ ئەرزان لېكىن نومۇرى تۆۋەن دۇكاننى تاپىسىز..ئاندىن شۇلاردىن مال كىرگۈزۈم ھېلىقى ئىسكىلاتقا سالدۇرىسىز..

_ ھە راست. بۇ بولىدىغاندەك تۇرىدۇ..لېكىن ئالغانلارغا زىيان بولارمۇ؟

_ شۇڭا بالىلارغا ئۇدۇل زىيان يەتكۈزمەيدىغان مال سېلىڭ، مەسىلەن ئويۇنچۇق دېگەندەك..

_ بولىدۇ. مەن سىناپ باقاي..

ئۆيگە قايتىپ مال سېلىش تورىدىن ئىنكاسى ئەڭ ناچار بولغان زاۋۇتنى تاپتىم-دە، بىر ئاز مال كىرگۈزدۈم ۋە ئالدىنقى ئىسكىلاتقا سالغۇزدۇم. مۇشۇنداق بولغاندىلا ئۇلارنىڭ نىشانىنى ئۆزگەرتەلەيتتىم.

 *                                 *                                 *                                

بىر ھەپتە ئۆتۈپ كەتتى يېڭى مېلىم كەلگەن كۈنى ئىسكىلاتقا باردىم. ماشىنىنى ئەتەي ئىسكىلاتتىن يىراق جايدا توختاتقۇزۇپ ئۆزۈم دەرىزە ئالدىغا كەلدىم. دېرىكتور بىلەن ئايال خوجايىن يەنە ماللارنى خاتىرلەۋاتاتتى.

_ ئۇلار يەنە مېنىڭ مېلىمغا كۆز تىكىپتۇ..

_ شۇنداق.. مەن سىزگە دېگەنغۇ..سىز قانداق يول تۇتسىڭىز ئۇلار سىزنىڭ يولىڭىزنى توسۇشقا تىرىشىدۇ..

يىراقتا تۇرۇپ ئۇلارنىڭ قايتىشىنى كۈتتۇق. ماشىنا قايتىپ چىققاندىن كېيىن ئىسكىلات ئىچىگە كىردۇق. ماللار بايىقى بۇزۇلغان ھالەتتىن ئەسلىگە كەلتۈرۈلگەن بولۇپ، ھېچكىم بۇ ماللارنىڭ باشقىلار تەرىپىدىن تەكشۈرۈلگەنلىكىنى بىلمەيتتى.

ماللانى بېسىپ ئۆيگە قايتىپ كەتتۇق.

_ ۋاي. بۇ يېڭى ماللاركەنغۇ..

سىڭلىم ماللارنى قولىغا ئالغاندىن كېيىن ماڭا قارىدى.

_ ئاچا. بۇ بۇرۇنقى ماللار ئەمەسقۇ..

_ بۇرۇنقى تۈردىكى ماللار يېقىندا كېلىدۇ.. بۇ يېڭى ماللار..

_ چۈشەندىم. كۆرۈپ باقاي..

سىڭلىم بىر ئويۇنچۇقنى ئېلىپ بىردەم تۇتىشى بىلەن قولىدا سۇندى.

_ بۇ؟! سۇنۇپ كەتتىغۇ..قانداق ساتىمىز؟ سۈپىتى بەكلا ناچاركەن..

_ ساتمايمىز..مۇشۇنداق تۇرىدۇ..

_ ئەمىسە نېمىشقا كىرگۈزدۇق؟

_ بۇنى كېيىن بىلىپ قالىسەن..

سىڭلىم بىلەن خوشلىشىپ قىزىم بىلەن ئائىلە ئوقۇتقۇچىسىنىڭ يېنىغا كىردىم.

ئائىلە ئوقۇتقۇچىسى قىزىمغا تولىمۇ ئەستايىدىللىق بىلەن دەرس چۈشەندۈرىۋاتاتتى. ئۇنىڭغا قاراپ ئۆزۈمنىڭ ئايال خوجايىننىڭ بالىسىغا دەرس ئۆتكەن ۋاقتىم ئېسىمگە كەپ قالدى. قىزىمنىڭ بېشىنى سىيلاپ قويۇپ. كېيىنكى پىلانلارنى يېزىشقا كىرىشىپ كەتتىم. ھازىرقى مەن جەڭ مەيدانىدىكى ئەسكەرگە ئوخشايتتىم. بىردەم بىخەستىلىك قىلسام قارشى تەرەپكە ئۇتتۇرىشىم مۇمكىن ئىدى. شۇڭا ھەر ۋاقىت تەييارلىقتا تۇراتتىم.

 كەچتە قىزىمنى ئۇخلىتىپ قويۇپ يولدىشىمنىڭ يېنىغا قايتىپ كىردىم.

_ ئائىلە ئوقۇتقۇچىسى قىزىمىزغا خېلى ياخشى تەسىر بەرگەندەك قىلامدۇ قانداق؟!

_ شۇنداق. ھېچ بولمىسا ئادەمنى توغرا تېپىپتىمەن..ئۇ شۇنداق ياخشى ئۆتىدىكەن...

_ ئەتە ئۆگەن قىزىمىزنى دوختۇرغا بىر كۆرسىتىپ باقايلى..

_ مەنمۇ شۇنداق ئويلاپ قالدىم.. ئەھۋالى ياخشىلانغان بولسا تېخى ياخشى..

يولدىشىمنىڭ مۆرىسىگە بېشىمنى قويۇپ ئۇخلاپ قالدىم. سەھەردە سىڭلىمنىڭ ئىشىكنى قاتتىق چېكىشى بىلەن كۆزۈمنى ئاچتىم.

_ ئاچا. قارا بۇلار بىز كىرگۈزگەن مالنى ساتقىلى تۇرۇپتۇ..

_ ھاھا.. ياخشى..ئويۇن ئەمدى باشلاندى..

_ بۇ؟! سىڭلىم ماڭا ھەيرانلىقتا قارىدى..ئەجەبا..

_ بۇ ئىشنى ئۆزىمىز مۇشۇنداق پىلانلىغان، ئۇلار بەرىبىر بىز كىرگۈزگەن مالنى كىرگۈزۈپ ساتىدۇ..شۇڭا ناچار مال كىرگۈزگەن..

_ ۋاھ..ۋولمىسقۇ سەن..

_ مەن قارىسام ئۇلار خېلى كۆپ كىرگۈزگەندەك قىلىدۇ.. ھاھا.. ياخشى بولدى..

ئاڭلانغان ۋاراڭ چۇرۇڭ بىلەن سىڭلىمغا ئەگىشىپ پەسكە چۈشتۈم. دەرۋازى ئالدىغا بىرمۇنچە ئادەم يىغىلىۋالغان بولۇپ ئوتتۇرىسىدا دادام يەردە ئولتۇراتتى.