127،قىسىم
ئەنزەر تەكەببۇرلۇق بىلەن بىر رومكا ھاراق قۇيۇپ،رۇمكىدىكى ھاراقنى چايقىغاچ،سوغۇققانلىق بىلەن سورىدى.
-قايسى دوستىڭىزغا بېرىپ تۇردىڭىز؟ ئابلىكىم ئەپەندىگە؟
تاھىر ئەپەندى ئۇنىڭغا سوغۇققىنە قاراپ قويۇپ، گەپ قىلمىدى.
-شۇكەندە.
ئەنزەر جەزىملەشتۈرگەندىن كىيىن كۈلۈپ قويۇپ يەنە سورىدى.
-ئۇنداقتا تاھىر ئەپەندى، سىز ئابلىكىمنىڭ بۇ ئادەملەرنى نېمە ئىش قىلىشقا بۇيرىغانلىقىنى بىلەمسىز؟
تاھىر ئەپەندى قولىدىكى ھەرىكەتنى توختىتىپ، بېشىنى كۆتۈرۈپ ئۇنىڭغا قارىدى،ئەنزەر دادىسىنىڭ سۇئال نەزىرى ئاستىدا،سالاپەت بىلەن رۇمكىنى كۆتۈرۈپ قىزىل ھاراقتىن بىر يۇتۇم ئىچۋىتىپ ئاندىن ئېغىز ئاچتى.
-ئۇ بۇ ئادەملەرنى شەھىدەنى قوغداشقا ئەۋەتىپتۇ.
تاھىر ئەپەندىنىڭ قوشۇمىلىرى تۈرۈلدى، گەرچە ئۇ ئابلىكىمنىڭ نېمە ئۈچۈن شەھىدەنى قوغدايدىغانلىقىنى بىلمىسىمۇ، لېكىن ئۇ يەنىلا كۈلۈپ قويۇپ،دوستىنىڭ راۋابىنى چېلىشقا باشلىدى.
-ئۇ شەھىدە سېنىڭ بۇرۇنقى بولغۇسى ئايالىڭ ئەمەسمۇ؟ ئۇنى قوغدىسا نېمە بوپتۇ؟
-دەرۋەقە تاھىر ئەپەندى بىزنىڭ ئائىلىمىزنىڭ ئىشلىرىنى ئازراقمۇ چۈشەنمەيدىكەنسىز.شۇنداق بولسىمۇ،مەن سىزدىن ئارتۇق سۇئالدىن بىرنى سوراپ باقاي،سىز شەھىدەنىڭ نىمىشقا چەتئەلگە چىقىرۋىتىلىپ،مەڭگۈ قايتىپ كىلەلمەيدىغانلىقىنى بىلىدىغانسىز.
ئەنزەر شۇنداق دىگىنىچە،كۆزلىرىدىن مۇز ياغدۇرۇپ دادىسىغا تىكىلدى.
-دادا سىز ئېغىز ئېغىزىڭىزغا تەگمەي شاھزاد بىلەن شاھنازنى ياخشى كۆرىمەن،نەۋىرلىرىم بەك تاتلىق دەپ يۈرەتتىڭىز،ئەمما شەھىدەنىڭ نەچچە قىتىم نەۋرىرلىرىڭىزگە قەسىت قىلىپ،ئۇلارنى ئۆلتۈرمەكچى بولغانلىقىنى بىلمەيدىكەنسىز.
تاھىر ئەپەندىنىڭ چىرايى تۇيۇقسىز ئۆزگەردى ! بۇلارنى ئۇ راستىنلا بىلمەيدۇ...
-ئۇنداقتا....
ئۇ ھاڭۋېقىپ تۇرۇپ قالغان ھالدا ئەنزەرگە قاراپ سورىدى.
-ئابلىكىم نېمىشقا مېنىڭ ئادىمىم بىلەن ئۇنى قوغدايدۇ؟
-بەلكىم ئابلىكىم ئائىلىسى بىلەن شەھىدەنىڭ مۇناسىۋىتى باردۇ،ۋە ياكى ئابلىكىم ئائىلىسى شەھىدەنى كۈشكۈرتۈپ شۇنداق ئىشلارنى قىلىشقا بۇيرۇغاندۇ؟
تاھىر ئەپەندىنىڭ چىرايى ئۆڭۈپ سەتلىشىپ كەتتى.بۇ يىللاردا ئۇ ئىزچىل چەت ئەلدە ساياھەت قىلىپ، ھەر قايسى دۆلەتلەرنى ئايلىنىپ، ئەزەلدىن بىر جايدا ئۇزۇن تۇرۇپ باقمىدى.ئابلىكىم بىلەن، ياش ۋاقتىدا دوستلۇقى ياخشى بولغاچقا، ئىزچىل دوست بولۇپ كەلگەن.ئابلىكىم ھازىر نېمە ئىش قىلدى، نېمە ئىش قىلىۋاتىدۇ...ئۇ پۈتۈنلەي خەۋەرسىز ئىدى.
-قارىغاندا بىلمەيدىغان ئوخشايسىز.
ئەنزەر سوغۇق كۈلۈپ گېپىنى داۋام قىلدى.
-شەھىدە نەچچە قىتىم ئەلفىرە بىلەن مېنىڭ قوشكىزەك بالىلىرىمغا زىيانكەشلىك قىلغان،ھازىر ئابلىكىم ئائىلىسى بىلەن شەھىدەنىڭ ئېنىق بولمىغان ئالاقىسى باركەن،ھەتتا ئابلىكىم ئالايىتەن سىزنىڭ قولىڭىزدىن پايدىلىنىپ،بىزنىڭ قوغدۇغۇچىلىرىمىز ئارقىلىق شەھىدەنى قوغداپتۇ.
ئەنزەرنىڭ دىگەن گەپلىرىنى ئاڭلاپ،تاھىر ئەپەندىنىڭ چىرايى تامدەك ئاقىرىپ كەتتى.ئەنزەر رۇمكىسىنى كۆتىرىپ تاھىر ئەپەندىنىڭ رۇمكىسىغا يىنىك سوقۇشتۇرۇپ قويۇپ ئەسكەرتتى.
-شۇڭا،تاھىر ئەپەندى بۇ ئىشلارنى بىلمىگەنىكەن، بۇنىڭدىن كېيىن مەن بىلەن ئابلىكىم ئائىلىسىنىڭ ئوتتۇرىسىدىكى كۈرەشكە ئارلاشماڭ.ئابلىكىم ئائىلىسىدىكىلەرنى دەپ قايتا-قايتا ئەلفىرەنى تەڭلىكتە قويماڭ،ئۇ دىگەن شاھناز شاھزادلارنىڭ باققان ئاپىسى.سىزنىڭ شاھزاد بىلەن شاھنازنىڭ ئۆز بوۋىسى بولغىنىڭىزدىن باشقا ھېچنىمىڭىز يوق.
ئەنزەر شۇنداق دەپلا رومكىنى قولىغا ئېلىپ، ئىچىدىكى قىزىل ھاراقنى بىراقلا ئىچىۋەتتى،ئاندىن ئىستاكاننى قويۇپ قويۇپ، ئورنىدىن تۇرۇپ قوشۇپ قويدى.
-مەن دەيدىغاننى دەپ بولدۇم،تاھىر ئەپەندى ئۆزىڭىز ئالدىرماي باقاسىز.
تاھىر ئەپەندى كالپۇكىنى چىشلەپ، بېشىنى كۆتۈرۈپ ئەنزەرنىڭ يىراقلاپ كېتىۋاتقان قارىسىغا قارىغىنىچە گەپ ئاچتى.
-بىرمۇنچە گەپ ئەگىتىپ،ئەسلىدە تۈنۈگۈن ئەلفىرەنى ئۇرغان ھېلىقى بىر شاپىلىقىم ئۈچۈن ئادالەتنى ياقلىماقچىكەنسەندە؟سەن ئەلفىرەنى ياخشى كۆرۈپ قالدىڭمۇ نىمە؟
ئەنزەر قەدىمىنى توختىتىپ، سوغۇققىنە كۈلۈپ كەتتى.
-مەن ئەلفىرەگە ياردەم قىلىپ ئۇنى قوغدىسام،ئۇنى ياخشى كۆرۈپ قالغان بولامدىم؟ئۇنداقتا دادا، سىز ھەر قېتىم مېنىڭ ئالدىمدا ئارزىگۈلنى زور كۈچ بىلەن قوغداپ، ئۇنىڭ ياخشى گېپىنى قىلىسىز، ئەجەبا، سىز ئۇنى ياخشى كۆرۈپ قالدىڭىزمۇ؟
ئاخىرقى بىر ئېغىز گەپ تاھىر ئەپەندىنىڭ غەزىپىنى قوزغىدى.ئۇنىڭ مۇشتۇمى ئۈستەلگە قاتتىق ئۇرۇلىشى بىلەن ۋاقىراپ كەتتى.
-ئەنزەر! قانداق گەپ قىلۋاتىسەن!مەن ئابلىكىم بىلەن ئۇزۇن يىللىق دوست ! ئۇنىڭ قىزى مېنىڭ قىزىم!ئۇنىڭ ئۈستىگە، ئادەم ئۆلۈپ كەتكەن تۇرسا، بۇنداق گەپ قىلساڭ قانداق بولىدۇ؟
ئەنزەر يىنىك كۈلۈپ ئېغىز ئاچتى.
-ئارزىگۈل راستىنلا ئۆلدىمۇ ياكى ئۆلمىدىمۇ بۇنىسى نامەلۇم،لىكىن...
ئۇ بېشىنى بۇراپ، مۇزدەك كۆزلىرى بىلەن تاھىر ئەپەندىنىڭ يۈزىگە تىكىلگىنىچە دىدى.
- مەن بۇ لوگىكىنى دادامدىن ئۆگەندىمغۇ؟
تاھىر ئەپەندى ئاچچىقتىن نەپىسى قىسىلغىنىچە ۋاقىردى.
-ھايۋان! داداڭغىمۇ مۇشۇنداق گەپ قىلامسەن !
-مەن ھايۋان بولسام، تاھىر ئەپەندى، سىز نېمە؟
ئەنزەر بۇ گەپنى تاشلاپ قويۇپ، پۇتىنى كۆتۈرۈپ كېتىپ قالدى.
ئايرىمخانىنىڭ ئىشىكى تاقالغان شۇ پەيىتتە،تاھىر ئەپەندى غەزەپلەنگەن ھالدا ئۈستەلدىكى تاماقلارنىڭ ھەممىسىنى ئۆرۈۋەتتى.
ئاققۇ كۆلى ياتاق بىناسى.
ئەلفىرە بىر تەرەپتىن سافادا ئولتۇرۇپ رەسىم تاختىسىنى قۇچاقلاپ خىزمەت قىلغاچ، يەنە بىر تەرەپتىن تىڭشىغۇچتىكى ئۈچ بالىنىڭ ۋىچىرلاشلىرىنى ئاڭلىدى.
-بۈگۈن كەچتە شەھلا ئاچام بىزگە ئېتىپ بەرگەن تاماقلار يامان ئەمەس ئىكەن، گەرچە ئاپام ئەتكەن تاماقلارغا يەتمىسىمۇ، لېكىن تەمى يامان ئەمەس .
شاھناز چۈچۈك ئوماق ئاۋازى بىلەن ئاپىسىغا بۈگۈنكى ئىشلىرىنى دوكىلات قىلىشقا باشلىدى.
-ھېلىقى گۈزەلنۇرنىڭ ئەتكىنىدىن كۆپ يېيىشلىك ئىكەن.
بىر چەتتە تۇرغان شاھزاد كۈلۈپ كەتتى.
-ئۇنى بىر دىمە،گۈزەلنۇر ئەتكەن تاماقلار بەلكىم مەن ئەتكەندىنمۇ ئۆتە بەتتام بولىشى مۇمكىن.
ئۇ گېپىنى تۈگىتىپلا يەنە بىر نەرسىنى ئېسىگە ئالغاندەك سورىدى.
-ئاكا،بىلەمسەن،مەن يېقىندا شەھلا ئاچامنىڭ ياردىمىدە يەنە بىر نەچچە خىل قورۇمىنى قورۇشنى ئۆگىنىۋالدىم،كېسىلىڭ ساقايغاندامەن ساڭا ئېتىپ بىرەي.
شاھزادنىڭ گېپى تۈگەپ خىلى ئۇزۇندىن كىيىن، تېلېفوننىڭ ئۇ تەرىپىدىن ئەلزادنىڭ تۆۋەن ئاۋازدا كۈلگەن ئاۋازى ئاڭلاندى.
-نېمە ئۈچۈن كېسىلىم ساقايغاندا ئاندىن يېيەلەيمەن؟
شاھزاد پىخىلداپ كۈلۈپ كەتتى.
-كېسىلىڭ ساقايماي تۇرۇپ،مەن ئەتكەن تاماقنى يىسەڭ كىسىلىڭنىڭ تېخىمۇ ئېغىرلاپ كىتىشىدىن ئەنسىرەيمەن.
ئەلفىرە ئوغلىنىڭ شوخلىقىدىن ئىلاجىسىز ئۇلۇغ كىچىك تىنىپ مېيىقىدا كۈلۈپ سورىدى.
- شۇڭا سەن ئەتكەن تاماق زادى يېيىشلىكمۇ ياكى لاۋزىمۇ؟
شاھزاد بىر ئاز ئىككىلەنگەندىن كېيىن،جاۋاپ بەردى.
-مېنىڭچە چوقۇم يىيىشلىك،لېكىن يەپ بولغاندىن كېيىن ئىچى سۈرۈپ قېلىشى مۇمكىن.
ئەلفىرە بۇ كەپسىز ئوغلىنىڭ جاۋابىدىن بېشىنى چايقىغىنىچە،ئولتۇرۇش ھالىتىنى ئۆزگەرتىپ،بالىلارغا ئەسكەرتتى.
-توققۇزدىن ئېشىپتۇ،بۇرۇنراق ئۇخلاڭلار،بۇنىڭدىن كېيىن مەن سىلەرنىڭ يېنىڭلاردا ئەمەس،شاھناز ئىككىڭلار ئۆزئارا نازارەت قىلىپ، بالدۇرراق ئۇخلاڭلار.
بۇ گەپ چىقىشى بىلەن،ھەممە كۆزنى يۇمۇپ ئاچقۇچە جىمىپ قالدى.بىر ھازادىن كېيىن شاھزاد ئۇلۇغ كىچىك تىنىپ سورىدى.
-ئاپا، سىز راستىنلا ئەنزەرگە ماقۇل بولدىڭىزمۇ، بىزنى خالىغان چاغدا ئىزدەپ كىلەلمەمسىز؟
ئەلفىرە بېشىنى لىڭشىتىتى.
-مەن بۇرۇنمۇ ماقۇل بولغانغۇ،ھىچ ئىش بولمايدۇ.
-لېكىن بۇ قېتىم ئوخشىمايدۇ.
شاھناز ئاچچىقلانغان ھالدا غۇدۇردى.
-بۇ قېتىم ئۆيدە ئادەمنى بىزار قىلىدىغان بىر ئايال بار بولدى !
ئەلفىرە بالىلىرىغا تەسەللىي بىرىش ئۈچۈن ئېغىزىنى ئاچتىيۇ،بىراق نىمە دەپ تەسەللىي بىرىشنى بىلەلمەي قالدى.
-بۇنىڭدىن كېيىن دادام ئۆيدە بولمىسا، ئۇ ئايال چوقۇم بىزنى تەڭلىكتە قويىدۇ.
شاھناز يەنە توختىماي ئاغرىنىۋاتاتتى.
شاھزاد قوشۇمىسىنى تۈرگىنىچە سىڭلىسىغا ئەسكەرتتى.
-شاھناز، ئاپامغا بۇ گەپلەرنى دىگىنىڭنىڭ نىمە پايدىسى، ئاپامنىڭمۇ ئامالى يوق تۇرسا.
-بىراق،مەن ئامال قىلىپ باقاي.
شاھناز بىلەن شاھزاد ئۇرۇشۇپ قالاي دېگەندە، تېلېفوننىڭ ئۇ تەرىپىدىكى ئەلزاد ئۇلۇغ كىچىك تىنىپ قويۇپ،ۋەزىيەتنى ئوڭشىدى.
-خەۋىرىمنى كۈتۈڭلار.
ئاكىسىنىڭ ئىككى ئېغىز سۆزى ئىككى كىچىك بالىنىڭ تاكاللىشش تېمىسى ئاخىرلاشتى،ئەلفىرەمۇ چوڭقۇر نەپەس ئالغىنىچە گەپ قاتتى.
- مەنمۇ ئامال قىلىمەن.
ئۇ يەنە ئىككى قوشكىزىكىگە بىر نەچچە ئېغىز تەسەللى بېرىپ، ئاندىن سەل چارچاپ قالغانلىقىنى ئېيتىپ تېلېفوننى قويۇۋەتتى.
شاھنازنىڭ دېگىنى توغرا.گۈزەلنۇر ئۇلارغا ئىلگىرى تۇتقۇن قىلغان ۋاقىتتىكىدەك مۇئامىلە قىلىشقا پېتىنالمىسمۇ،بىراق بىر ئۆيدە بولغانىكەن،چوقۇم ئۆزئارا سۈركىلىشنى قەستەن پەيدا قىلىپ،ئۇلارنى بوزەك قىلىشى مۇمكىن،ئەنزەر ئۆيدە بولغاندا، بالىلارغا ھۇجۇم قىلىشقا جۈرئەت قىلالمىغان بىلەن، لېكىن ئەنزەر ئۆيدە يوق چاغدىچۇ؟
ئۇ ئۇيان ئويلاپ بۇيان ئويلاپ ئاخىرى يەنىلا چىداپ تۇرالماي ئەنزەرگە تېلېفون قىلدى.
-ئىشىڭىز بارمۇ؟
ئەنزەر ئوڭۇشسىزلىققا ئۇچرىغاندەك قىلاتتى، تېلېفون ئالغاندا، ئاۋازىدىن خاپىلىق چىقىپ تۇراتتى. ئەلفىرە قوشۇمىسىنى تۈرگىنىچە، ئامالنىڭ بارىچە ئۇزۇن گەپنى قىسقا قىلىشقا تىرىشپ گەپ باشلىدى.
-ئېسىمدە قېلىشىچە،گۈزەلنۇر خانىممۇ ئۈنچە-مەرۋايىت لايىھەلەشنى ئۆگەنگەن، توغرىمۇ؟
ئەنزەر ماشىنىنىڭ خۇرۇم ئورۇندۇقىغا يۆلىنىپ،كۆزلىرىنى يۇمدى،ئاۋازىنى يىنىك چىقىرىشقا تىرىشىپ كەيىپىياتىنى بېسىپ تۇرۇپ سورىدى.
-نىمە بولدى
-ماڭا ھازىر ئادەم كېرەك.مېنىڭچە، قايتىدىن خىزمەتچى قوبۇل قىلغاندىن كۆرە،گۈزەلنۇر خانىم شىركەتكە كېلىپ ياردەملەشسۇن.ئۇ سىزنىڭ خانىمىڭىز، چوقۇم شىركەت ئۈچۈن ئويلايدۇ.ئۇنىڭ ئۈستىگە ئىشنى ئەڭ تۆۋەن قاتلامدىن باشلاشمۇ ئۇنىڭ ئەنزەر گۇرۇھىغا قوشۇلۇشىدىكى ئەڭ ياخشى تاللاش.بۇ قېتىمقى تۈر ئاخىرلاشقاندىن كېيىن، مەن بارلىق شان-شەرەپ ۋە تۆھپىنى ئۇنىڭغا ئۆتۈنۈپ بەرسەم، ئۇ بۇ تۈر ئارقىلىق مۇناسىۋەتكە تايىنىپ شىركەتكە كىردى دېگەنلەرنىڭ ئاغزىنى ئېتىۋېتەلەيدۇ.كېيىن سىز ئۇنىڭغا قانداق ئىش ئورنى ئورۇنلاشتۇرماقچى بولسىڭىز، شۇنداق ئىش ئورنى ئورۇنلاشتۇرسىڭىز بولىدۇ.
بۇ ئەلفىرە ئويلاپ تاپقان بالىلارنى قوغداشنىڭ ئەڭ ياخشى ئۇسۇلى. ئۇ ھەر كۈنى بالىلارنىڭ يېنىدا تۇرۇشقا ئامالسىز بولغاندىكىن ئۇنداقتا ئۇ گۈزەلنۇرنى ئۆزىنىڭ يېنىغا باغلاپ قويسا بولىدۇ.
بۇ قېتىمقى تۈرنى ئاز دېگەندىمۇ ئىككى-ئۈچ ئايدا تاماملىغىلى بولىدۇ.شۇنچە ئۇزۇن ۋاقىتتا... ئۇ ھامان ئەنزەرنىڭ بالىسىغا ھامىلدار بولالار؟
ھامىلدار بولالمىغان تەقدىردىمۇ، ۋاقتى كەلگەندە ئۇ شاھزاد بىلەن شاھنازدىن ئايرىلىپ كەتكىنىگە بەك ئۇزۇن بولغانلىقىنى باھانە قىلىپ، ئۇلارنى كۆك ئاسمان داچىسىدىن ئېلىپ چىقىدۇ.
-بۇ قېتىمقى شان-شەرەپ ۋە تۆھپىنى گۈزەلنۇرغا ئۆتۈنۈپ بېرەمسىز؟بۇ سىزگە نىسبەتەن ئانچە ئادىل بولمايدۇ.
بۇ قېتىمقى ئۈنچە-مەرۋايىت تۈرى ناھايىتى چوڭ، ئۇ بۇ تۈرنى ئەنزەر گۇرۇھى قارمىقىدىكى ئۈنچە-مەرۋايىت كەسپىدىكى بىر قېتىملىق قەد كۆتۈرۈش باسقۇچى قىلماقچى.دەسلەپكى تەييارلىقتىن تارتىپ بىر تۇتاش پىلانلاش ۋە كېيىنكى پىلانلاشقىچە ناھايىتى كەسپىي ئورۇنلاشتۇرۇشقا توغرا كېلىدۇ،ئەلفىرەنىڭ مۇشۇنداق ئىقتىدارى بار.ئۇنىڭ ئۈستىگە، بۇ تۈر تاماملانغاندىن كېيىن،ئەلفىرەنىڭ قىممىتى ئەسلىدىكىدىن بىر قاتلام يۇقىرى كۆتىرىلىشى مۇمكىن. بۇنداق پۇرسەتتىن، ئۇ مۇشۇنداقلا ۋاز كەچتىمۇ؟
-ئەينى يىلى گۈزەلنۇر خانىمنىڭ بالىسىنى ئىلىپ كەتكەن ئىشىمغا بېرىلگەن تۆلەم دەپ بىلىڭ.
ئەلفىرە سۇسلا كۈلۈپ گېپىنى داۋام قىلدى.
-سىز بۈگۈن كەچتە گۈزەلنۇر خانىم بىلەن دېيىشىپ بىقىڭ،ئەتە ئۇ شىركەتكە كېلىپ ئىشلىسۇن، مەن ئۇنىڭغا ئەڭ يېنىك خىزمەت ئورۇنلاشتۇرۇپ بېرەي.
-نېمە ئۈچۈن.
ئەنزەر ئۇنىڭ پىكىرىگە قوشۇلمايلا قالماي،يەنە سۇئال سورىدى.
-گۈزەلنۇر بىلەن سىزنىڭ مۇناسىۋىتىڭىز تېخى سىزنىڭ بۇنداق چوڭ تۆھپىنى ئۇنىڭغا ئۆتۈنۈپ بەرگىدەك دەرىجىگە يەتمىگەندۇ.
ئەلفىرە يان تېلېفونىنى چىڭ تۇتقىنىچە سورىدى.
-ئەنزەر ئەپەندى، سىزنىڭچە مەن نېمە ئۈچۈن شۇنداق قىلىۋاتىمەن؟
بەلكىم ئۇنىڭ قايتۇرۇپ سورىشىنى ئويلاپ باقمىغان بولسا كىرەك، ئەنزەر قوشۇمىسىنى تۈرگىنىچە بىرئاز ئويلاندى،ئاندىن مېيىقىدا كۈلۈپ كەتتى.
-سىز ھەرقانچە بولسىمۇ گۈزەلنۇرنى خىزمەت قىلماي،ھەركۈنى ئۆيدە ئولتۇرۇپ شاھناز بىلەن شاھزادنى تەڭ قىسىنچىلىقتا قويمىسۇن دەپ شۇنداق قىلمايۋاتقانسىز؟
ئۇنىڭ جاۋابى ئەلفىرەنىڭ نەپىسىنى سەل-پەل توختىتىپ قويدى. ئۇ ئىزچىل مۇشۇنداق،بەك ئەقىللىق بەك ئۆتكۈر.ئۆزىنىڭ ئويى ھەرقاچان ئۇنىڭ كۆزىدىن قېچىپ قۇتۇلالمايدۇ.ئەلفىرە لېۋىنى چىشلگىنىچە ئىلاجسىز ئىتراپ قىلدى.
-سىز مېنى ئارتۇق خىيال قىلدى دەپلا بىلىڭ.
-لېكىن بۇ ئىشقا....مەن قوشۇلمايمەن.
ئەلفىرەنىڭ كۆزلىرى بىردەمدىلا غۇۋالىشىپ كەتتى، ئۇنىڭ تېلېفوننى تۇتقان قولىمۇ سەل-پەل تىترەشكە باشلىدى.
-ئەنزەر ئەپەندى، مەن بەك كۆپ ئويلاپ كەتكەن بولساممۇ، ئۆزۈمنىڭ ئويلىغىنى بار،لېكىن مەن تۆھپەم ۋە شان-شەرىپىمنى گۈزەلنۇر خانىمغا ئۆتۈنۈپ بېرىشنى خالايمەن، ئەجەبا بۇ سىلەر ئۈچۈن ياخشى ئىش ئەمەسمۇ؟ۋاقتى كەلگەندە ئۇ ئوچۇق-ئاشكارا ھالدا ئەنزەر گۇرۇھىغا بېرىپ يۇقىرى قاتلامدا باشقۇرغۇچى بولسا، باشقىلار ھىچنىمە دىيەلمەيدۇ.
ئەنزەر تېلېفوننىڭ بۇ تەرىپىدە ئورۇندۇققا يۆلىنىپ ، ھورۇنلۇق بىلەن كۈلۈپ كەتتى.
-ئەگەر مەن ئايالىمنى ئەنزەر گۇرۇھىدا خىزمەت قىلدۇرماقچى بولسام، خىزمەتچىلەرنىڭ قانداق ئويلىشى بىلەن كارىم بولامتى.
ئەلفىرە تۇرۇپلا قالدى.
-ئۇ مېنىڭ ئايالىم، مەن ئۇنى قايسى ئورۇندا ئولتۇرغۇزغۇم كەلسە، ئۇ شۇ ئورۇندا ئولتۇرىدۇ،بۇنىڭغا سىزنىڭ شان شەرىپىڭىز تۆھپىڭىزنى ئۆتۈنۈپ بىرىشىڭىزنىڭ ھاجىتى يوق.
شۇ پەيىتتە ئەلفىرە ئۆزىنىڭ نەپىسى توختاپ قالغاندەك ھېس قىلدى. بېشىدا گۈمبۈرلەپ چاقماق چېقىۋاتاتتى.
شۇنداق.پەقەت ئەنزەر خالىسىلا،گۈزەلنۇر ئەنزەر گۇرۇھىغا بېرىپ، قايسى ئورۇندا ئولتۇرغۇسى كەلسە، شۇ ئورۇندا ئولتۇرىدۇ.ئۇ ئەنزەر گۇرۇھىنىڭ لىدىرلىق ئورنىغا چىقماقچى بولغان تەقدىردىمۇ،ئەنزەر خالىسىلا، باشقىلار نېمە قىلالايتتى؟
تۇيۇقسىزلا ئەلفىرەنىڭ ئېسىگە ئۇنىڭ يىڭى توي قىلغان ۋاقىتلىرى كەلدى،ئۇ چاغدا ئۇ تولۇپ تاشقان قىزغىنلىق بىلەن ئەنزەر گۇرۇھىدا خىزمەت قىلىشنى، ئۇنىڭ ياردەمچىسى بولۇشنى، خىزمەت ۋە ئائىلىدە ئۇنى قوللاشنى ئويلىغان ،بىراق ئۇ چاغدا ئەنزەر نېمە دېگەنىدى؟
ئۇ گۇرۇھتىكى باشقا كىشىلەرنىڭ ئاغزىدىن تەپ تارتىمەن دىگەن،ئۇنىڭ راستىنلا ئىقتىدارى بولمىسا، ئۇ ئۇنىڭغا ئەنزەر گۇرۇھىدىن ھېچقانداق خىزمەت ئورنى بەرمەيدىغانلىقىنى دىگەن.
ئۇ يەنە مۇنداق دىگەن:ئەگەر باش لىدىر ئىقتىدارغا قارىمىسا،خالىغان ئادەمنى خالىغان ئورۇنغا ئورۇنلاشتۇرۇپ قويسا،ئۇنداقتا بۇ باش لىدىرنىڭ خىزمەتچىلىرى ئالدىدا ئازراقمۇ ئىشەنچ دەرىجىسى قالمايدۇ.ئۇ چاغلاردا ئۇ دائىم ئۆزىنى پەقەت يېتەرلىك مۇنەۋۋەر بولغاندىلا، ئاندىن ئۇنىڭ يېنىدا تۇرۇپ، ئۇنىڭ سودىسىدىكى قول-قانات بولالايدىغاندەك ھېس قىلاتتى.
ئۇ يەنە ئەخمەقلەرچە ئەنزەرنى ئادىل، دۇرۇس، قەيسەر باش لىدىر دەپ ئويلىغان.ھازىر ئويلاپ باقسا، ئۇ چاغدا ئۇ ھەقىقەتەن بەك ئەخمەق ئىكەن.
-ئەمىسە بولدىلا.
ئۇھ تارتقاندىن كېيىن،ئەلفىرە ھەتتا خوشلىشىپمۇ قويماي، تېلېفوننى قويۇۋەتتى.ئەنزەرنىڭ گېپىنىڭ مەنىسى ناھايىتى ئېنىق بولدى. ئەلفىرە يانفوننى يىغىشتۇرۇپ كېچىچە ئۇخلىيالمىدى.ئۇ گۈزەلنۇرنىڭ كۆك ئاسمان داچىسىدا شاھزاد بىلەن شاھنازنى ئوغۇرلۇقچە تەڭلىكتە قويۇشىنىڭ ئالدىنى ئېلىش ئۈچۈن نۇرغۇن لايىھەلەرنى ئويلىدى. لېكىن ئەڭ ئاخىرىدا، ئۇ ھەممىسىنى بىر-بىرلەپ ئىنكار قىلدى.ئۇ ئۇلارنى پەقەت ئۆزى قوغدىمىسا،بۇ ئاتالمىش پىلانلارنىڭ ھېچقانداق پايدىسى يوق.
بىر كېچە،ئەلفىرە خاتىرجەم ئۇخلىيالمىدى.تاڭ ئاتاي دېگەندە، ئۇ قاباھەتلىك چۈشتىن چۆچۈپ ئويغىنىپ كەتتى.
چۈشىدە گۈزەلنۇر شاھزاد بىلەن شاھنازغا ئاستا خاراكتېرلىك زەھەرلىك دورا بەردى، ئەڭ ئاخىرىدا ئىككى بالا ئورۇقلاپ بىر تېرە بىر ئۇستىخان بولۇپ قالغان ھالدا ئۇنىڭ يېنىغا قايتىپ كەلدى، ئۇزۇن ئۆتمەي تىنقتىن قالدى.
ئەلفىرەكۆزىنى ئاچقاندا، كۆز ياشلىرى ياستۇقنى ھۆل قىلىۋەتكەنىدى.
ئۇ ئۆزى يالغۇز كارىۋاتتا ئولتۇرۇپ، ھۆل ياستۇقنى قۇچاقلاپ، دېرىزە سىرتىدىكى ئەمدىلا كۆتۈرۈلگەن ئاق ئاسمانغا قاراپ، روھى چۈشكۈنلىشىپ كەتتى.بالىلارنى ئېلىپ قېچىپ كەتكۈسى كەپ كەتتى،بىراق ئۇنىڭغا ناھايىتى ئېنىق،ئەنزەرنىڭ بالىسىغا ھامىلدار بولمىسا، ئۇ يەنىلا ھىچقانداق يەرگە قېچىپ كىتەلمەيتتى.ئۇنىڭ ئەلزادتىن ۋاز كېچىشى مۇمكىن ئەمەس.ئەڭ ئاخىرقى بىر مىنۇتقىچە كۈرەش قىلغان تەقدىردىمۇ، ئۇ ئەلزادتىن ۋاز كەچسە بولمايدۇ.
ئەتىگەن سائەت سەككىزدە،ئەلفىرە ھارغىن ھالدا ئىشخانىنىڭ ئىشىكىنى ئاچتى.
-كېچىكىشكە يەنە بەش مىنۇت قالدى.
ئىشىك ئېچىلىشى بىلەن،بىر سوغۇق ئاۋاز ئاڭلاندى. ئەلفىرە قوشۇمىسىنى تۈرگىنىچە ئىختىيارسىز بېشىنى كۆتۈرۈپ قارىشىغا،ئۇنىڭ ئىشخانا ئورۇندۇقىدا، ئۇچىسىغا قىزىل كىيىم كىيگەن، چىرايىدىن مۇز يېغىپ تۇرغان گۈزەلنۇر ئولتۇراتتى.
گۈزەلنۇر ئۇنىڭ ئۆزىگە قاراپ قىتىپ قالغانلىقىنى كۆرۈپ مۈرىسىنى قىسىپ،ھاكاۋۇرلۇق بىلەن ئېغىز ئاچتى.
-سىزنىڭ بۇ ئىشخانىڭىزنى مەن ئالىمەن.
ئۇ گېپىنى تۈگىتىپ،ئەلفىرەنىڭ ئۈستەلگە قويۇپ قويغان بىر نەچچە پارچە لاھىيسىنى ئەلفىرەگە قارىتىپ ئاتتى.
-نەرسىلىرىڭىزنى يىغىشتۇرۇپ ئېلىپ كېتىڭ.بۇ يەر كېيىن مېنىڭ ئىشخانام بولىدۇ.
ئەلفىرە غەزەپ بىلەن توختاپ قالدى.بىر ھازادىن كېيىن، ئۇ كۆزلىرىنى چەكچەيتىپ ھەيران بولۇپ سورىدى.
-سىز ئىشقا كەلدىڭىزمۇ؟
گۈزەلنۇر ئۇنىڭغا ئالايغىنىچە ئاچچىقلىدى.
-قۇرۇق گەپ قىلماڭ!
ئەنزەرگە زادى نىمە ئىش بولغانلىقىنى ئۇمۇ بىلەلمىدى،ئۇ ئۆزىنى چوقۇم ئەلفىرەنىڭ لاھىيە بۆلمىدە ئىشلەپڭ دەپ تۇرۋالدى،تېخى ئىشنى ئەڭ تۆۋەن قاتلامدىن باشلاڭ دىدى،ئۇ ئەسلىدە ئۆيدە ياخشى ئۇخلاۋاتاتتى، ئەتىگەندىلا ئىشقا چاقىرىلدى، ئۇ راستىنلا ئاچچىقتىن يېرىلىپ كىتەي دەۋاتاتتى.
