تالاغا تويغان ئەر 122-قىسىم

122.قىسىم

-خانىم ھەقىقەتەن سىزگە خەۋەر قىلىشىمنى ئېيتقانىدى.لېكىن مەن سىز سۆزلىشىۋاتقان خىزمەت ئىشىڭىزىغا دەخلى قىلىپ قويۇشتىن ئەنسىرەپ، ئۆز بېشىمچىلىق بىلەن خانىمغىلا ئۇقتۇرغانىدىم.

غوجىدار گېپىنى تۈگىتىپلا ئەنزەرگە تەئەججۈپلەنگەن ھالدا قاراپ سورىدى.

- خانىم سىزگە دېمىدىمۇ؟

مېھمانخانا يەنە بىر قېتىم جىمجىتلىققا چۆمدى.ئەنزەر ئامالسىزلىقتىن ئۇزۇن بارماقلىرى بىلەن ئاغرىۋاتقان قوشۇمىسىنى ئۇۋۇلىغىنىچە غوجىدارغا ئېغىز ئاچتى.

-قايىتىپ ئىشىڭىزنى قىلىڭ.

دەسلەپتىلا گۈزەلنۇرنىڭ ئىككى بالىنى ئىلىپ كىتىشتە چىڭ تۇرغىنى ئەجەبلىنەرلىك ئەمەسكەندە،كىيىن ئۇ ئاققۇ كۆلىدىكى ياتاق بىناسىدا،تۇيۇقسىز قارارىنى ئۆزگەرتىپ، ئەلفىرەنىمۇ ئۆيگە بىللە ئېلىپ كېلىشكە ماقۇل بولدى.ئابلىكىم ئەپەندى بىلەن تاھىر ئەپەندىنىڭ دوستلۇقىنى گۈزەلنۇرلا ئەمەس، ھەتتا ئەنزەر ئائىلىسىدە چاكار بولغان خالىغان بىر خىزمەتكارمۇ بىلىدۇ.گۈزەلنۇر قەستەن تاھىر ئەپەندى كۆك ئاسمان داچىسىدىكى چاغدا، ئەلفىرەنى كېلىشكە كۈشكۈرتىشى...ئەمەلىيەتتە مۇشۇ دەقىقە ئۈچۈندۇ؟

شۇلارنى ئويلاپ، گۈزەلنۇرنىڭ نىمىشقا تاھىر ئەپەندىگە شۇنداق قىزغىن مۇئامىلە قىلىدىغانلىقىغا، ئەنزەرنىڭ كۆڭلىدە جاۋاپ بولدى.

ئەنزەر چوڭقۇر ئۇھسىنىپ قويدى، قاش-كۆزلىرىدە ئىلاجىسىزلىق چىقىپ تۇراتتى.

-شاھزاد.

ئۇ ئەلفىرەنىڭ يېنىدا ئولتۇرغان شاكىچىككە سۇس قاراپ ئېغىز ئاچتى.

-ئاپاڭ بىلەن سىڭلىڭىنى ئېلىپ سىڭلىڭنىڭ ياتىقغا چىقىپ تۇرغىن.

شاھزاد قوشۇمىلىرىنى تۈرۈگىنىچە ئۇنىڭ گېپىنى چۈشەنەلمىگەن نەزەر بىلەن ئۇنىڭغا قارىدى.

-ئۇنىڭغا دەيدىغان نۇرغۇن گەپلىرىمىز بار دىگەنغۇ؟ ئەجەبا مېھمانخانىدا كۆپچىلىككە ئېيتىپ بەرمەكچىمۇ؟

ئەنزەرنىڭ گەپلىرى شاھزادنى بىردەم ھاڭۋاقتۇرۇپ قويغانىدى،بىر ھازادىن كېيىن، ئۇ ئەنزەرنىڭ ئۇنىڭغا ۋە شاھناز بىلەن ئەلفىرەگە يالغۇز تۇرۇش پۇرسىتى بېرىۋاتقانلىقىنى چۈشەندى-دە،خۇشال ھالدا سافادىن سەكرەپ تۇرۇپ، بىر قولىدا ئەلفىرەنى، يەنە بىر قولىدا شاھنازنى تۇتۇپ ئېغىز ئاچتى.

-بىز ماڭايلى!

ئەلفىرە ئۇنىڭ چىرايىدىكى ھاياجانلىق چىراي ئىپادىسىدىن كۈلۈپ كەتتى،ئاندىن بۇرۇلۇپ ئەنزەرگە قاراپ قارغىنىدا،ئەنزەر ئۇنىڭغا قاراپ بېشىنى لىڭشىتىپ، ئۇنى شاھزادقا ئەگىشىپ كېتىشكە ئىشارەت قىلدى.

ئەلفىرە شۇندىلا چوڭقۇر نەپەس ئالغىنىچە،ئىككى قولىدا بىردىن بالىسىنى يىتلەپ، ئىككىنچى قەۋەتتىكى بالىلار ئۆيىگە قاراپ ماڭدى،بىردەمدىلائۈستۈنكى قەۋەتتە بالىلار ئۆيىنىڭ تاقالغان ئاۋازى ئاڭلاندى.مېھمانخانىدا پەقەت ئەنزەر بىلەن سائادەت موماي قالغاندا،موماي سوغۇق چىرايى بىلەن ئەنزەرگە ئالىيىپ خاپا بولۇپلا كەتتى.

-نېمىشقا بالىلارنى ئۇنىڭ بىلەن بىللە ماڭغۇزىسەن؟ئۇ بالىلىرىنى سېغىنغان بولسا، مەنمۇ سېغىنىپ كەتكەن تۇرسام!

ئەنزەر مومايغا مۇنداقلا قاراپ قويۇپ،پەرۋاسىزلىق بىلەن جاۋاپ قىلدى.

-ئىلگىرى نەۋرىڭىزنىڭ بارلىقىنى بىلمىگەن چاغلىرىڭىزدىمۇ، سىز ناھايىتى خۇشال ئۆتكەن ئىدىڭىزغۇ؟

ئۇ گېپىنى تۈگىتىپ، ئۈستۈنكى قەۋەتتىكى يۆنىلىشكە قاراپ قويدى.

-بىزنىڭ ئائىلىمىزگە نىسبەتەن ئېيتقاندا، بۇ ئىككى بالا پەقەت كۈتۈلمىگەن خۇشاللىق، لېكىن ئۇنىڭغا نىسبەتەن....بۇ ئالتە يىللىق مىھر ئۈزۋەتكىلى بولمايدىغان قانداشلىق.

ئۇ ئالتە يىل ئىلگىرى ئەلفىرەنىڭ نېمە ئۈچۈن گۈزەلنۇرنىڭ ئىككى بالىسىنى ئوغرىلاپ كەتكەنلىكىنى بىلمەيدۇ.بەلكىم ئۇنىڭ چۈشەندۈرگىنىدەك،ئۇ توي تۇرمىشىدا مەغلۇبىيەتكە ئۇچۇرغاچقا،شۇڭا بالىلارنى ئوغۇرلىقچە ئەكىتىپ باققان بولىشى مۇمكىن.ئەمما گۈزەلنۇر ئۇنىڭ ئەينى يىللاردىكى خاتالىقلىرىنى كەچۈرۈشنى تاللىغان ئىكەن، ھازىر ئۇنىڭ بالىسى بىلەن ئالتە يىل بىللە ئۆتكەن ھېسسىياتىنى چۈشىنىش كېرەك.

سائادەت موماي تېخىمۇ سەت ئالىيىپ قويدى.

-مەنغۇ بۇ ئىككى بالىنىڭ گۈزەلنۇر ئىككىڭلارنىڭ بالىسى ئىكەنلىكىنى بىلىمەن،بىلمەيدىغانلار تېخى ئەلفىرەنىڭ ساڭا تۇغۇپ بەرگەن بالىسى ئوخشايدۇ دەپ قالغۇدەك.

-موما، قالايمىقان گەپ قىلما!

ئالتە يىل ئىلگىرى، ئۇنىڭ پەقەت ئەقىدەدىن ئىبارەت بىرلا ئايالى بار بولغان،نەدىمۇ ئەلفىرە بىلەن تونۇشقان بولسۇن؟

سائادەت موماي ئاغزىنى پۈرۈشتۈرۈگىنىچە ئاچچىقلىدى.

-ئەجەبا مېنىڭ دېگىنىم خاتامۇ؟سەن ئەلفىرەگە ئۆز داداڭدىنمۇ بەكرەك كۆڭۈل بۆلىدىكەنسەن ! داداڭ ئاچچىقىدا ھوشىدىن كەتكىلى تاس قالسىمۇ، سەن كۆڭۈل بۆلمىدىڭ! ئەكسىچە گۈزەلنۇر.... ئىلگىرى ئۇنىڭ داداڭ بىلەن بۇنچە يېقىن ئىكەنلىكىنى كۆرۈپ باقماپتىكەنمەن،ھازىر ئۆز قىزىدەك بولۇپ قاپتۇ !

ئۇ گېپىنى تۈگىتىپ، ئۆزىنى تۇتۇۋالالماي ئەنزەرگە يەنە ئالىيىپ قويدى.

- ئۈستۈنكى قەۋەتكە چىقىپ داداڭنى كۆرۈپ كەلمەمسەن !

ئەنزەر ئىستاكاننى يەنە بىر قېتىم قولىغا ئېلىپ، ئىستاكاندىكى ئىسسىق چاينى ئىچىپ بولغاندىن كېيىن، ئاندىن ئىستاكاننى قويۇپ ئۈستۈنكى قەۋەتكە قاراپ ماڭدى.ئۇ ئىككىنچى قەۋەتكە چىققاندا،گۈزەلنۇر ياتاق ئۆينى تاقاپ كۈلۈمسىرگىنىچە چىقۋاتقانىدى.

-دادام ئۇخلاپ قالدى.خاتىرجەم بولۇڭ، مەن ئۇنىڭغا تەسەللى بېرىپ قويدۇم، ئۇ ئەمدى سىزگە ئاچچىقلانمايدۇ.

ئەنزەر كۆزلىرىنى قىسىقىنىچە ئېغىز ئاچتى.

-سىزگە دەيدىغان گېپىم بار.

ئۇ شۇنداق دىگىنىچە كىتاپخانىنىڭ قىشىغا كىلىپ ئىشكىنى ئاچتى،گۈزەلنۇرمۇ ئەگىشىپ كىرىپ كەتتى.

-سىز دادەم بىلەن مومامنىڭ كۆك ئاسمان داچىسىدا ئىكەنلىكىنى بىلىپ تۇرۇپ، قەستەن ئەلفىرەنى ئەكەلدىڭىز، توغرىمۇ؟

ئىشىك تاقالغاندىن كېيىن، ئەنزەر ئۇدۇللا گەپنى ئوچۇق قىلدى.

-سىز دادامنىڭ ئابلىكىم بىلەن ئوتتۇرىسىدىكى دوستلۇق تۈپەيلى،ئۇنىڭ كەيپىياتىنى كونترول قىلالمايدىغانلىقىنى ئېنىق بىلىپ تۇرۇپ، بۇ چاغدا ئەلفىرەنى ئېلىپ كەلدىڭىز...مەن تېخى بۇ قىتىمقى يەنە بىر شەھەردىكى كاماندۇرۇپكا جەريانىدا،سىزنىڭ ئۆزىڭىزدىكى خاتالىقنى تونۇپ يىتىپ،ئەمدى ئەلفىرە بىلەن توقۇنۇشۇپ قالمايدۇ دەپ ئويلاپتىكەنمەن،لېكىن يەنىلا بۇنداق قىلىشڭىزنى ئويلىماپتىكەنمەن، مەن خاتالىشىپتىمەن.

گۈزەلنۇر چىشىنى چىڭ چىشلىگىنىچە تۇرۇپلا قالدى،قوللىرىنىڭ تىرناقلىرى گۆشلىرگە پېتىپ كەتكەنىدى،بىر ھازادىن كېيىن، ئۇ لېۋىنى چىشلىگىنىچە،ئەنزەرنىڭ يۈزىگە بىچارىلەرچە قاراپ ئۆزىنى ئاقلاشقا باشلىدى.

-ئەنزەر، نېمە دەۋاتقانلىقىڭىزنى بىلمىدىم.مەن پەقەت دادام بىلەن مومامنىڭ شاھناز بىلەن شاھزادنى كۆرگۈسى بار دەپ ئويلاپتىمەن، ئەلفىرە ئۇلارنىڭ باققان ئانىسى بولغاچ، بالىلار بىلەن كۆرۈشمىگىلى ئۇزۇن بولغاچقا،شۇڭا مەن شۇنداق تەكلىپ بەرگەنىدىم......

ئۇ گېپىنى تۈگىتىپ،ئەنزەرنىڭ بېلىكىنى قۇچاقلىغاچ يىنىك ئەركىلىدى.

-مەن دادام ۋە ئەلفىرەدىن كەچۈرۈم سوراشنى خالايمەن... سىز مېنى ئۇنداق ئەسكى دەپ ئويلىماڭ، بولامدۇ؟

ئۇنىڭ ئاۋازى يىغا ئارلاش چىققاچقا،ئەنزەرنىڭ بەدىنى كۆزنى يۇمۇپ ئاچقۇچە قېتىپ قالدى.بىر ھازادىن كېيىن،ئۇنىڭ ئاۋازىمۇ كەيپىياتىغا ئوخشاش يۇمشاپ سىيلىق سورىدى.

-سىز... ئادەتتە سىز شۇنچە ئەتراپلىق ئويلايدىغان ئادەم، بۇ نۇقتىنى ئويلاپ يېتەلمەمسىز؟

گۈزەلنۇرنىڭ كالپۇكىنىڭ يېنىدا ھىيلىسى ئەمەلگە ئاشقاندەك كۈلكە جىلۋىلەندى.لېكىن ئۇ يەنىلا بېشىنى ئەنزەرنىڭ قوينىدىن چىقارماي، يۈزىنى ئەنزەرنىڭ دۈمبىسىگە چاپلىغىنىچە،ئاۋازىنى ئامالىنىڭ بېرىچە ئۇۋالچىلىققا ئۇچۇرغاندەك چىقىرىپ،يىنىك ئەركىلىدى.

-مەن نەدىمۇ ھەممە ئىشلارنى ئەتراپلىق ئويلايدىغان ئادەم بولاي؟ئەگەر مەن شۇنداق بولغان بولسام، ئىلگىرى ئارزىگۈل خاتا ئىش قىلىپ قويغان چاغدا سەزمەي قالاتتىممۇ، ئۇنىڭ چەت ئەلگە چىقىش ئىشى بىلەن ئۆزىنى ئۆلتۈرۈۋېلىشىنى تېخىمۇ ئويلاپ باقمىغانكەنمەن.

ئۇنىڭ كۆڭلى غەش بولغان ئاۋازى ئەنزەرنىڭ يۈرىكىنى سەل-پەل توختىتىپ قويدى.بىردەمدىن كېيىن،ئۇ ئۇلۇغ كىچىك تىنىپ ، ئۇنىڭ قولىنى ئاستا سىقتى.

-مەن سىزنى خاتا چۈشىنىپ قاپتىمەن.

ھەر قانچە ئېغىر بېسىق،ئىنچىكە ئادەم بولسىمۇ، يېقىن دوستى ئۆزىنى ئۆلتۈرۈۋالسا،ئەقلىنى يوقىتىپ قويۇشى مۇمكىن.

-ئەنزەر

گۈزەلنۇر ئۇنىڭ ئۆزىگە مۇلايىم بولغىنىدىن پايدىلىنىپ، غېرىچقا ئېرىشىپ غۇلاچقا تىكىلىمەكچى بولدى.

-ئاخىرى ئۆز ئۆيىمىزگە قايىتىپ كەلدۇق.

ئۇ سۆزلىگەنسېرى خىجىل بولغاندەك قىزىرىپ كىتىۋاتاتتى.

-مېنىڭ... بۈگۈن كەچتە سىز بىلەن بىللە ئۇخلىغۇم بار،مېنى رەت قىلمايدىغانسىز؟

گۈزەلنۇر تاھىر ئەپەندىنى قانداق ئۇسۇل بىلەن قايىل قىلدىكىن،كەچتە كۆك ئاسمان داچىىسىدا تاماق يەۋاتقاندا،تاھىر ئەپەندى ئەلفىرەنى كۆرگەندە ناھايىتى تەمكىن بولۇپ قالدى.ئۇ چۈشتىكى ھەيۋىسىنى يەرگە ئۇرۇپلا قالماي، ھەتتا تەشەببۇسكارلىق بىلەن ئەلفىرەدىن كەچۈرۈم سورىدى.

- ئەلفىرە خانقىز، مەن ھاياجانلىنىپ كېتىپتىمەن،گۈزەلنۇر ماڭا ئىشنىڭ باش-ئايىغىنى سۆزلەپ بەردى، مېنىڭچە ئارزىگۈل ھەقىقەتەن خاتا قىپتۇ،شۇڭا....

تاھىر ئەپەندى ئەلفىرەنىڭ يۈزىگە ئۇرۇپ چىقارغان شاپىلاق ئىزىغا قاراپ قويۇپ، ئېغىر ئۇھسىندى. .

-سىزدىن كەچۈرۈم سورايمەن.بۇنىڭدىن كېيىن مەن بۇنداق ئەقىلسىزلىق قىلمايمەن.

ئەلفىرە ئۇنىڭدىكى بۇ ئۆزگىرىشلەردىن سەل ھەيران قالدى.لېكىن ئۇ تاھىرنى ياخشى كۆرمىگەن تەقدىردىمۇ، ئۇ يەنىلا ئۆزىدىن چوڭ،شۇڭا ئۇ ئۇنىڭغا قاراپ سوغۇقلا كۈلۈپ قويدى،شۇنداق قىلىپ بۇ ئىشمۇ مۇشۇنداقلا ئۆتۈپ كەتتى.

بەلكىم ئەنزەر بىلەن گۈزەلنۇر بۇ يەردىن ئايرىلغىنىغا بەك ئۇزۇن بولغان بولسا كىرەك،ھەم بۈگۈن بىر ئائىلە كىشىلىرىنىڭ ھەممىسى بارر بولغاچ،غوجىدار تاماق ئۈستلىنى ناھايتى ھەشەمەت بىلەن تەييارلىغانىدى.تاھىر ئەپەندىنىڭ كەيپىياتىمۇ بىر قەدەر ھاياجانلىنىپ،ئەنزەرنى تارتىپ زورلاپ ھاراق ئىچۈرۈشكە باشلىدى.ھاراق ئىچىپ ئاخىرىغا كەلگەندە، تاماق ئۈستىلىدە ئەنزەر،تاھىر ۋە ھالىدىن خەۋەر ئېلىۋاتقان گۈزەلنۇرلا قالدى.كەچ سائەت ئوندىن ئاشقاندا،تاھىر ئەپەندى ئاخىرى يەپ-ئىچىپ تويغاندا ئايرىلىشقا تەييارلىق قىلدى.

بۇ چاغدا ئەنزەر مەست بولۇپ ھوشىدىن كەتكىلى تاس قالغان ئىدى.

-زادى مېنىڭ ئوغلۇمدە-سەن،ھاراق ئىچىشتە يەنىلا ماڭا يەتمەيدىكەنسەن.

تاھىر شۇنداق دەپ قاقاقلاپ كۈلۈپ قويۇپ، قوغدىغۇچىغا ئۆزىنى يۆلەتكۈزگەچ،گۈزەلنۇرغا مەنىلىك قاراپ قويدى.

-ئۇنى ئۈستۈنكى قەۋەتكە ئېلىپ چىقىڭ،سىزنىڭ تەلىپىڭىزنى مەن ئەمەلگە ئاشۇردۇم.

گۈزەلنۇر بېشىنى لىڭشىتىپ ئۇنىڭغا قاراپ كۈلۈپ قويدى.

- رەھمەت دادا.

تاھىر كەتكەندىن كېيىن،گۈزەلنۇر كۈلكىسى بىلەن ئەنزەرنى يۆلەپ بىناغا ئاچىقتى.ياتاق ئۆيدە،گۈزەلنۇر ئەنزەرنى كارىۋاتقا ياتقۇزۇپ، كۆڭلىكىنىڭ تۈگمىسىنى يېشىشكە باشلىدى.ئۇ بۇ قېتىمقى ئەڭ ياخشى پۇرسەتنى قولدىن بېرىپ قويسا بولمايدۇ.

ئەمما گۈزەلنۇرنىڭ ئەندىشىسى يەنىلا يۈز بەردى، ئۇ ئەمدىلا ئۇنىڭ ئىككى تۈگمىسىنى يېشىشىگە،ئەنزەرنىڭ يوغان قولى ئۇنىڭ بېغىشىنى تۇتۋالدى.ئۇ كۆزىنى چىڭ يۇمۇپ، ئەس-ھوشىنى يوقاتقان بولسىمۇ، لېكىن ئېڭى ئادەتتىن تاشقىرى ئېنىق ئىدى.

-سەن كىمسەن؟سەن ئەقىدە ئەمەس، مېنىڭ خوتۇنۇم ئەمەس...

يوقال !

ئۇ ئۇنىڭ قولىنى بىر چەتكە سىلىكىۋەتتى.گۈزەلنۇرمۇ ئۆزىنى باشقۇرالماي گىلەمگىلا يىقىلىپ چۈشتى،قاتتىق ئاغرىقتىن،گۈزەلنۇرنىڭ چىشلىرى غۇچۇرلاپ كەتتى.

ئۇ ئەنزەرنىڭ سەگەك ۋاقتىدا بىللە بولالىمىسمۇ،مەس بولۇپ قالغاندا بولسىمۇ بىللە بولالماسلىقىغا تەن بەرگۈسى كەلمىدى،شۇنىڭ بىلەن ئۇ چوڭقۇر بىر نەپەس ئېلىپ، ئاغرىققا بەرداشلىق بېرىپ ئورنىدىن تۇرۇپ، يەنە بىر قېتىم ئەنزەرنىڭ ئۈستىگە يامىشىپ چىقىپ، ئىككى قولى بىلەن ئۇنىڭ ياقىسىنى يىرتىپ، ئەمدىلا سۆيمەكچى بولغاندا،ئۇنىڭ يوغان قولى يەنە ئۇنى دەل ۋاقتىدا تۇتۋىلىپ سىلكىۋەتتى.

-يوقال !

ئۇنىڭ كۆزى يەنىلا يۇمۇغلۇق ئىدى،بىراق ئېغىزدا توختىماي،ئۇنى ئىنكار قىلۋاتاتتى.

-سەن ئەقىدە ئەمەس ! مېنىڭ خوتۇنۇم ئەمەس !مەندىن يىراقراق تۇر!

گۈزەلنۇر يەنە بىر قېتىم يەردىن ئورنىدىن تۇرۇپ، كارىۋاتتا غەرق مەست بولۇپ، چىرايى قىپقىزىل بولۇپ كەتكەن ئەنزەرگە مىختەك تىكىلىپ قاراپ تۇردى.

ئالدىنقى قىتىم يەنە بىر شەھەردە مەسىت بولۇپ قالغاندىمۇ مۇشۇنداق بولغان،مەسىت بولۇپ خۇدىنى يوقاتقان تەقدىرىدىمۇ،ئۇ يەنىلا ئۆزى بىلەن بىرگە مۇناسىۋەت ئۆتكۈزۈشنى رەت قىلغانىدى.تېلېۋىزىيە تىياتىرىدىكى ھاراق ئىچىپ قالايمىقان ئىش قىلغان ۋەقەلىكنىڭ ھەممىسى يالغانكەن،ھاراق ئىچىپ مەست بولۇپ قالغان،ئەنزەرنىڭ يەنىلا ئازتولا ئەقلى بارئىدى.ھەتتا مەست بولۇپ قالغان ئۇنىڭ سەزگۈ ئەزالىرى سەگەك ۋاقتىدىكىگە قارىغاندا تېخىمۇ روشەن ۋە سەمىمىي ئىدى.

ئۇ ئۇدۇللا گۈزەلنۇرنى ئەقىدە ئەمەس دېدى،گۈزەلنۇر تۇرغان جايىدا چىشلىرىنى غۇچۇرلاتقىنىچە،ئاچچىقتىن يېرىلىپ كىتەي دىگەنىدى،ئەجىبا ئۇ يەنىلا ئالدىنقى قىتمقىغا ئوخشاش، ئەلفىرەدىن پايدىلانمىسا بولمامدۇ....

ئۇ كۆزىنى يۇمۇپ، ئېھتىياتچانلىق بىلەن پايدا-زىياننى دەڭسەپ كۆردى.ئەنزەر ئادەتتە ناھايىتى ئازۋاقىتلاردا ھاراق ئىچىپ ھوشىدىن كېتىدۇ.بۈگۈن كەچتىكى بۇنداق ياخشى پۇرسەتنى ئۇنىڭ ئىسراپ قىلغۇسى يوق.ئالدىنقى قېتىملىق ھاراق زىياپىتىدىن كېيىنكى ئاخشىمى، ئۇ گەرچە ئەلفىرە بىلەن بىللە ياتقان بولسىمۇ، لېكىن سەھەردە ئويغانغاندا، ئۇ ئۇنىڭ بىلەن بىللە بولغان ئوخشايمەن دەپ قالغان،شۇنىڭ بىلەن، ئۇ ئۇنىڭ بىلەن ئاجراشمايلا قالماستىن، ھەتتا ئۇنىڭغا بۇرۇنقىدىن ياخشى مۇئامىلە قىلىدىغان بولدى.

شۇلارنى ئويلاپ،قايتا-قايتا دەڭسەپ كۆرگەندىن كېيىن،گۈزەلنۇر ئاخىرى يۈرەكلىك ھالدا مۇنداق بىر قارارغا كەلدى :

ئۇ بولسىمۇ ئەلفىرەنى تېپىپ كىلىش،ئۇ ۋاقتىنچە ئەنزەرگە ئېرىشەلمىگەن تەقدىردىمۇ،لىكىن ئەنزەر ئۆزى بىلەن بىللە بولغان ئوخشايمەن دەپ قالغان چاغدىكى ئۆزگىرىشلەرنى ئويلىسا... ئۇ ھەرگىز مۇنداقلا ۋاز كەچمەيدۇ،ئۇنىڭ ئۈستىگە،ئەنزەر ئەلفىرە بىلەن مۇناسىۋەت ئۆتكۈزگەندىن كېيىن،ئەلفىرە بىلەن بولغان يېقىنلىقىنى ئېتىراپ قىلىش ئۇياقتا تۇرسۇن، ئەكسىچە ئۆزىگە ياخشى مۇئامىلە قىلىدۇ...ئەجەبا بۇ ئەلفىرە بىلەن ئەنزەرنىڭ مۇناسىۋىتىگە بۆلگۈنچىلىك سالىدىغان ئەڭ ياخشى ۋاستە ئەمەسمۇ؟

ئويلاپ مۇشۇ يەرگە كەلگەندە،گۈزەلنۇر چوڭقۇر نەپەس ئالغاندىن كېيىن، ئوغرىلىقچە ئەنزەرنىڭ يان تېلېفونىنى ئېلىپ،ئەلفىرەگە «كۆرگەندىن كىيىن ئاپتۇماتىك يۇيۋىتىدىغان» ئىقتىدارى بار بىر ئۇچۇرنى يوللىدى.

بۇ ئىقتىدار ئەنزەرنىڭ يان تېلېفونىنىڭ ئالاھىدە ئىقتىدارى،ئۇچۇرنى قارشى تەرەپ ئوقۇغاندىن كېيىن، ئاپتوماتىك يوقاپ كېتىدۇ.بۇ ئەنزەر يوشۇرۇن سودا پائالىيىتى ئېلىپ بارغاندا دائىم قوللىنىدىغان ۋاستە.

بىرىنچىدىن، باشقىلار قۇسۇر تاپمايدۇ، ئىككىنچىدىن مەخپىيەتلىكنى ئاشكارىلاپ قويمايدۇ.ئەمما بۇ خىل ئىقتىدار پەقەت ئەنزەرنىڭ يان تېلېفونىدىلا بار.

بۇ چاغدا ئەلفىرە بالىلار ئۆيىدە شاھزاد بىلەن شاھنازنىڭ نەرسە-كېرەكلىرىنى رەتلەۋاتاتتى.ئىككى كىچىك بالا ئەمدىلا ئاپىسى تەرىپىدىن پەپىلىنىپ ئۇخلاپ قېلىشقانىدى.

كۆك ئاسمان داچىسىغا كېلىپ تۇرمىغىلى بەك ئۇزۇن بولغان بولغاچقىمۇ بالىلار ئۆيى بەك قالايمىقان بولۇپ كەتكەنىدى،شاھنازنىڭ لايىھە رەسىمى ۋە شاھزادنىڭ ئويۇنچۇقلىرى ھەممىلا يەرگە تېرىلىپ كەتكەنىدى.

ئۇ بىر تەرەپتىن شاھنازنىڭ لايىھە خەرىتىسىنى رەتلەپ، يەنە بىر تەرەپتىن ئەڭ يېڭى ئۈنچە-مەرۋايىت لايىھەسىدىن ھۇزۇرلاندى.

شۇنى ئېتىراپ قىلماي بولمايدۇكى،شاھنازغا ئۆزىنىڭ ئۈنچە-مەرۋايىت لايىھەلەش جەھەتتىكى قىزىقىشى ۋە تالانتىنى ئېرسىيەت قالغانىدى، بىر نەچچە پارچە لايىھە گەرچە ناھايىتى ئاددىي سىزىلغان بولسىمۇ، لېكىن ئۇنىڭ ئۆزىگە خاس خاراكتېر ئامىلى بار.

نەرسە-كېرەكلىرىنى يىغىشتۇرۇپ بولغاندىن كېيىن، ئۇ ئۆزىنى تۇتۇۋالالماي شاھنازنىڭ چېرتيوژىنى باشتىن بىر قۇر كۆرۈپ چىقىپ، كىچىك قىزنىڭ چېرتيوژىغا جان كىرگۈزۈدىغان ئويلارنى قېتىپ قويدى،لايىھە خەرىتىسىدىن ھۇزۇرلىنىپ يېرىمىغا كەلگەندە، ئۇنىڭ يانفونى سايراپ كەتتى،بۇ ئەنزەردىن كەلگەن ئۇچۇر ئىدى.

-كۇتۇپخانىغا كىرىڭ.

ئەلفىرە داڭ قېتىپ تۇرۇپ قېلىپ،ئىختىيارسىز ۋاقىتقا قارغىنىدا،كەچ سائەت ئون يېرىم بولغان ئىدى.بۇ ۋاقىتتا ئۇ كۇتۇپخانىغا بېرىپ نېمە ئىش قىلىدۇ؟

-بەك كەچ بولۇپ كەتتى، نېمە ئىش بولسا ئەتە دېيىشەيلى.

ئۇچۇر يوللىنىشىغىلا ئەنزەرنىڭ جاۋابىنى تاپشۇرۇپ ئالدى .

-ئەتە ئۈلگۈرەلمەيمەن، ھازىرلا سىزگە دەيدىغان جىددىي ئىش بار.

ئەلفىرەبىردەم تۇرۇۋالغاندىن كىيىن،گەرچە خالىمىغان بولسىمۇ، لېكىن ئۇ نېمىلا دېگەن بىلەن ئۇنىڭ چوڭ خوجايىنى بولغاچ،شۇڭا چوڭقۇر بىر نەپەس ئالغاندىن كېيىن، يەنىلا ئورنىدىن تۇرۇپ، ئۇخلاش كىيىمىنىڭ سىرتىغا چاپان ئارتىۋېلىپ، پۇتىنى كۆتۈرۈپ بالىلار ئۆيىدىن چىقتى.

بالىلار ئۆيىدىن چىقىشىغىلا، ئۇ گۈزەلنۇرنىڭ كۇتۇپخانىدىن چىققانلىقىنى كۆردى.ئىككەيلەن دوقۇرشۇپ قالغان شۇ پەيىتتە،گۈزەلنۇر ئاۋۋال ھاڭۋېقىپ تۇرۇپ قېلىپ، ئاندىن سوغۇق كۈلۈپ بۇرۇلۇپ چوڭ ياتاق ئۆينىڭ ئىشىكىنى ئېچىپ، «پاق» قىلغان ئاۋاز بىلەن ئىشىكنى ياپتى.

ئەنزەر گۈزەلنۇر بىلەن ئۇرۇشۇپ قېلىپ،ئۆزىنى خىزمەت توغرىسىدا سۆزلىشىشكە چاقىرغانمىدۇ؟

ئۇلار ئىككىسى ئۇرۇشۇپ قالسا،ئۆزىدەك بىر خىزمەتچىدىن ئاچچىقىنى چىقارماقچىمىكنە،ئەلفىرە شۇلارنى ئويلاپ ئۇلۇغ كىچىك تىنىپ قويغاندىن كېيىن، پۇتىنى كۆتۈرۈپ كۇتۇپخانىنىڭ ئالدىغا كېلىپ، يېنىك ئىشكنى چەكتى،جىم،يەنە بىرقىتىم چەككەندىمۇ يەنىلا جىم،ئەلفىرە قوشۇمىسىنى تۈرگىنىچە، يەنە بىر قېتىم چەكتى، يەنىلا ھېچكىم ئىنكاس قايتۇرمىدى.

ئاخىرىدا ئۇ چوڭقۇر تىنىپ قويۇپ، قولىنى كۆتۈرۈپ كۇتۇپخانىنىڭ ئىشىكىنى ئېچىپ ئەنزەرنى چاقىردى.

-ئەنزەر لىدىر ، سىز...

گەپ تۈگىمەي تۇرۇپلا، بىر سايە ئىشىكنىڭ كەينىدىن چىقىپ، ئۇنى قۇچاقلىۋالدى.

«پاق» قىلغان ئاۋاز بىلەن تەڭ، كەينىدىن ئىشىكنىڭ يېپىلغان ئاۋازى ئاڭلاندى.

ئەلفىرە كەينىدىكى ئەرنىڭ تونۇش پۇرىقىنى ھېس قىلىپ، قېشىنى تولغاپ، ئىختىيارسىز ئاۋازىنى تۆۋەنلىتىپ،سورىدى.

-مەست بولۇپ قالدىڭىزمۇ؟

پۈتۈن ئۆي ئىچى ھاراق پۇرىقى بىلەن تولغانىدى...

-ئەقىدە

ئەنزەر كەينىدىن ئۇنىڭ قۇلىقىغا سۆيۈپ تۇرۇپ،ئېغىزئاچتى.

-سىزنى بەك سېغىندىم.

ئەلفىرە مەست بولۇپ ئەس-ھوشىنى يوقاتقان ئەنزەر تەرىپىدىن كۇتۇپخانىدا توپتوغرا بىر كېچە قاپسىلىپ قالدى.سەھەر سائەت تۆتتە، ئەنزەر ئاخىرى گاراڭ ھالدا ئۇخلاپ قالدى.

ئەلفىرە بالىلارنىڭ ئويغانغاندا ئۆزىنى كۆرەلمەسلىكىدىن ئەنسىرەپ، بەدىنىدىكى بىئاراملىققا بەرداشلىق بېرىپ كۇتۇپخانىدىن ئايرىلدى.

ئۇ كەتكەندىن كېيىن، چوڭ ياتاق ئۆينىڭ ئىشىكىنى بىرسى تەرىپىدىن ئاستا ئېچىلىشىغا،كۆزلىرى ئۆچمەنلىك بىلەن تولغان گۈزەلنۇر ئىچىدىن چىقىپ،ئەلفىرە ماڭغان تەرەپكە قارىدى، كۆزلىرى ھەسەتخورلۇق ۋە ئۆچمەنلىك بىلەن تولغانىدى.

ئۇ كۇتۇپخانىنىڭ ئىشىكىنى ئاۋايلاپ ئېچىپ، ئۇيقۇغا كەتكەن ئەنزەرنى يۆلەپ ئۆزىنىڭ ھۇجرىسىغا ئەكىردى.

گۈزەلنۇر ئەنزەرنى كارىۋاتقا قويۇپ قويغاندىن كېيىن، سىيرىپ داۋالاش تاختىسى بىلەن بەدىنىدىكى بىر نەچچە «سۆيۈش ئىزى» نى قىرىپ، ئاخىرىدا ئۇخلاش كىيىمىنى سېلىۋېتىپ،ئەنزەرنىڭ قۇچىقىغا كىردى.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ