ئازاپ كوچىسىدىكى ئايال 164-قىسىم

_ ئۆچۈمنى ئېلىپ خوشال بولىمەن دەپ ئويلىغانتىم..بۇرۇنقىدىنمۇ ئېغىرلىشىپ كېتىپ بارىمەن..

ئېغىر بىرنى تىنىپ ئۇدۇلغا قاراپ ماشىنىدىن بالىنى كۆتۈرۈپ چۈشكەن دېرىكتور ۋە كاتىپ قىزنى كۆردۈم.

_ ۋوي، ئاۋۇ سىزنىڭ دېرىكتورىڭىزغۇ، يېنىدىكىسى سىزنىڭ خىزمەتدىشىڭىز..

_ شۇنداق. ئۇ ھېلىقى كاتىپ قىزغۇ..

_ بۇ قىزنى خىزمەتتىن توختىدى دەۋاتقانتىڭىزغۇ، قانداق بولۇپ؟!

_ ئۇ ماڭا شىركەتتە سىز بولمىسىڭىز ئىشلىگۈم كەلمەيدىكەن ئىستىپا بەردىم دېگەنىدى..ھاھا..خىزمەتداش دېگەنگىغۇ ئىشەنگىلى بولمايدۇ..

_ ئەجەبا ئۇلارغا خەۋەر يەتكۈزگىنى كاتىپمىدۇ..

_ بىلمەيمەن. ئۇنداق بولماسلىقىنى ئۈمىد قىلىمەن..

يولدىشىم بىلەن ماشىنىنى ھەيدەپ ئۆيگە قايتىپ كەلدۇق. دوختۇرخانىدىكى كۆرۈنۈش ھېلىھەم كاللامدىن كەتمەيتتى. شاگىرتىمنىڭ يۈكىنىپ ئولتۇرغان دادىسى، ئازابتا خۇدىنى يوقىتاي دېگەن ئاپىسى..تېخىمۇ ئېغىرلىشىپ كېتىپ باراتتىم.

_ ئاچا، يەنە شۇ ئىشلارنى ئويلاۋاتامسەن؟

_ ھەئە. بايا دوختۇرخانىغا بارغانتىم..ئۇنىڭ دادىسى بىلەن ئاپىسى شۇ يەردىكەن..

_ كۆرۈشتۈڭلارمۇ؟ ئۇلار ساڭا گەپ قىلدىمۇ؟

_ ھەئە. ئاپىسى مېنى تىللىدى. شاپىلاق بىلەن ئۇردى..

_ ھەي! بۇ قىلغىنى قاملاشماپتۇ..

_ ئۇ شاگىرتىمغا سۈرەتنى مېنىڭ كۆرسەتكىنىمنى بىلىپتۇ. ئائىلىمىزنى سەن ۋەيران قىلدىڭ دەيدۇ...

_ كېلىنىنىڭ ۋاپاسىزلىقىنى تىلغا ئالمىدىما؟

_ ئالدى، ھاھا، ئۇ سەن بولمىغان بولساڭ ئىككىسىنىڭ ئارىسىغا سوغۇق چۈشمەيتتى دەيدۇ..

_ كېلىنىنىڭ قىلغىنىنى توغرا چۈشىنىپتۇما؟ ئاجايىپ ئادەملەر بولىدىكەن ھە..

_ توغرا چۈشەندىمۇ بىلمىدىم. لېكىن بارچە خاتالىقنى مەندە قويىۋاتىدۇ..

_ بولدى ئاچا، ئويلىما. خاتالىقنى سەندە قويسىمۇ ئەمدى ئۇلار سېنى ھېچنېمە قىلالمايدۇ..

_ ئۇ سەن يەڭدىڭ. بىز يېڭىلدۇق دەيدۇ..

_ يېڭىلگىنىنى ئېتىراپ قىلغان بولسا بولدى..

_ يەڭدىم. لېكىن يېڭىلدىم..قارىماققا يەڭگەندەك قىلساممۇ لېكىن يۈرىكىم ئېزىلىپ كەتتى..

_ ھېچكىمنىڭ بۇنداق ياشىغۇسى يوق. لېكىن ساڭا ئامال يوق..ئۇلار ئۆزى ساڭا مۇشۇنداق يول تۇتۇشنى ئۆگەتتى.. ئۇلار توختىماي ساڭا يامانلىق قىلمىغان بولسا سەنمۇ بۇنداق قىلمىغان بولاتتىڭ..

_ ھەي..ياشاش تولىمۇ قىيىنكەن.._ ئاستا ئورنۇمدىن تۇرۇپ بېشىمنىڭ قېيىشى بىلەن يەنە ئورنۇمدا ئولتۇرۇپ قالدىم.

_ ئاچا، نېمە بولدۇڭ؟

_ ھېچ ئىش يوق. بۇ نەچچە كۈن چارچاپ قالغان ئوخشايمەن..

بىردەم ئولتۇرىۋالغاندىن كېيىن ئۈچىنچى قەۋەتكە چىقىپ مۈشۈك بىلەن ئويناۋاتقان قىزىمنىڭ يېنىغا كەلدىم.

_ قىزىم بۈگۈن نېمە ئىشلارنى قىلدىڭ؟

قىزىم ماڭا گەپ قىلماي مۈشۈكىنى ئويناۋەردى.

_ قىزىم، ماڭا قارا..

قىزىم بېشىنى تۇتقان قولۇمنى سىلكىدى.

_ قارىمايمەن. مەن ساڭا ئۆچ بوپ قالدىم..

_ نېمىشقا قىزىم؟

_ سەن ماڭا يېنىڭدىن ئايرىلمايمەن دېگەن..لېكىن بۇ نەچچە كۈن مېنى يالغۇز تاشلاپ قويدۇڭ..

_ جېنىم قىزىم. مېنى كەچۈر. ئالدىراش بوپ قالدىم..

_ سەن دائىم ئالدىراش ئاپا..دائىم ماڭا ھەمراھ بولىمەن دەپ ئالداپ قويىسەن..

قىزىمنى قۇچىقىمغا ئالدىم.

_ جېنىم قىزىم. مەن تىرىشمىسام بولمايدۇ..توردا نەرسە ئىشلەپ پۇل تېپىپ سېنى بېقىشىم كېرەك..

قىزىم ماڭا قاراپ تۇرۇپ كەتكەندىن كېيىن ئاغزىنى ئۈمچەيتتى.

_ ساڭا ئائىلە ئوقۇتقۇچىسى تەكلىپ قىپ بېرەيمۇ؟

_ سەنچۇ؟ سەن ماڭا دەرس ئۆتۈپ بەرمەمسەن؟

_ ئۆتۈپ بېرىمەن قىزىم..لېكىن مەن ھەممە دەرسىڭنى تەڭ ئۆتەلمەيمەن. ئائىلە ئوقۇتقۇچىسى تەكلىپ قىلىپ بەرسەم سەن بىلەن تەڭ ئوينايدۇ..دەرسلىرىڭنى ئۆتۈپ بېرىدۇ..قانداق؟!

_ مەيلى. ياخشى بولسا مەيلى..

_ قىزىمغا چوقۇم ئەڭ ياخشى ئوقۇتقۇچىنى تەكلىپ قىلىپ بېرىمەن..

يانفونۇمنى چىقىرىپ ئائىلە ئوقۇتقۇچىسى تەكلىپ قىلىش توغرىسىدا ئېلان بەردىم.

يولدىشىم يانفوننى كۆتۈرگىنىچە يېنىمغا كەلدى. قىزىم مۈشۈكىنى كۆتۈرگىنىچە چىقىپ كەتتى.

_ ماۋۇ ئۇچۇرغا قاراڭ..

يولدىشىمنىڭ تېلىفونىدىكى ئىئانە ئۇچۇرىنى كۆرۈپ ئاچتىم. ئىچىدىكىسى شاگىرتىمنىڭ سۈرىتى ئىدى. چۆچۈپ ئىچىنى ئاچتىم. ئىچىگە شاگىرتىمنىڭ ھازىرغىچە ئۆيى ھەم ماشىنىىسى يوقلىقى چىقىرىلغان بولۇپ، ئىئانە تەلەپ قىلىنغانىدى.

_ بۇ! ئۇ توردا خېلى پۇل تاپقاندەك قىلىۋاتقانتىغۇ..قانداقسىگە ئۆيى ماشىنىسى يوق بولىدۇ..

_ ھەي! بىر نەرسە دېمەك تەس..كىم بىلىدۇ. ماشىنىسى بىلەن ئۆيى ئايالىنىڭ نامىدىمۇ..

_ شۇنداق بولىشى مۇمكىن..

ئېغىر بىرنى تىنىۋەتكەندىن كېيىن يانفونۇمنى چىقىرىپ ئازىراق پۇل ئىئانە قىلىپ قويدۇم.

_ پۇل بەردىڭىز شۇنداقمۇ؟!

_ كەچۈرۈڭ. بۇنداق قىلمىسام بولاتتى، لېكىن بۇ ئىشتا مېنىڭ مەسئۇلىيىتىم بار..

_ مەنمۇ بىر ئاز پۇل قوشۇپ قويدۇم..ھەي..

_ كۈلۈش ياكى يىغلاشنى بىلەلمەيۋاتىمەن.. نېمىشقا ئىشلار بۇنچە مۇرەككەپلىشىپ كېتىدىغاندۇ.. ھەممىنى قىلغان مەن..

_ ئۇنداق ئويلىماڭ. سىز بولمىسىڭىزمۇ بۇ ۋاپاسىزلىق ھامان ئاشكارا بولاتتى..

_ مېنى كەچۈرۈڭ، ئەسلى سىز بىر خاتىرجەم ياشاۋاتقان ئادەم ئىدىڭىز، مەن بىلەن ئارلىشىپلا بۇ مۇرەككەپچىلىككە قوشۇلۇپ قالدىڭىز..

_ ھېچقىسى يوق.. سىز بولمىسىڭىز مېنىڭ ھاياتىم تولىمۇ مەنىسىز ئىدى. ئاپام ئۆلۈپ كېتىپ دادامنىڭ يېنىدىمۇ تۇرمىدىم..سىرتتا ئوقۇپ قايتىپ كېلىپ ئىشقا چۈشۈپ كەتتىم. ھېچقانداق تۇققىنىم بولۇپ باقمىدى.. توي قىلىپمۇ بەختلىك بولالمىدىم. پۇلۇم بولغان بىلەن ھېچقانداق خوشاللىققا ئېرىشىپ باقمىدىم..سىزنى ئۇچرىتىپ مۇشۇ ئىشلار بىلەن يۈرۈپ ئۆزۈمنىڭ يالغۇز ئىكەنلىكىنىمۇ ئۇنتۇپ قالدىم..

_ بۇ ئىشلارنىڭ ھەل بولىشىغا ئاز قالدى، شۇ چاغدا بىرگە ساياھەت قىلىمىز.._ ئۇنىڭ قولىنى تۇتتۇم.

_ شۇ كۈنلەرنى كۈتىۋاتىمەن..سىزنىڭ بالدۇرراق بۇ باش قېتىقچىلىقلىرىدىن قۇتۇلىشىڭىزنى ئۈمىد قىلىمەن..

_ ئادۋوكاتلىق شىركىتىنىڭ ئەھۋالى قانداق؟!

_ ياخشى. شۇنداق ياخشى كېتىۋاتىدۇ..ئاۋۇ دېرىكتور ياردەمچىسى خېلى ياخشى بالىكەن.. ئۇنىڭغا نۇرغۇن ئىشلارنى تاپشۇرۇپ قويدۇم..

_ سىزنىڭ ئۇ شىركەتنى ياخشى ماڭدۇرىدىغانلىقىڭىزغا ئىشىنىمەن..

بېشىم ئاغرىشقا باشلىدى. ئۇنىڭ مۆرىسىگە بېشىمنى قويدۇم.

_ بېشىڭىز يەنە ئاغرىۋاتامدۇ؟

_ شۇنداق. بېشىمنىڭ ئاغرىقى كۈچىيىپ قېلىۋاتىدۇ..

يولدىشىم كۆزئەينىكىمنى ئېلىۋەتتى.

_ كۆزئەينەكنى كۆپ تاقىسىمۇ باش ئاغرىيدۇ..

كۆزئەينەكنى ئېلىۋەتكەندىن كېيىن ئۆيدىكى نۇرغۇن نەرسىلەرنى كۆرەلمەي قالدىم. بېشىمنى كۆتۈرۈپ يولدىشىمنىڭ يۈزىگە قارىدىم. ئۇنىڭ يۈزىنى كۆرىۋاتقان بولساممۇ لېكىن سۇس ئىدى.

_ كۆزىڭىز قانداقراق تۇرىدۇ؟

_ تېخىمۇ ئاجىزلىشىپ كەتكەندەك، سىزنىڭ چىرايىڭىزنى كۆردۈم، لېكىن بەك ئېنىق ئەمەس..ئەمدى كۆزئەينەكنى ئالالمايدىغان ئوخشايمەن..

_ ئەتە ئۆگەن بېرىپ كۆزئەينىكىڭىزنى ئالماشتۇرايلى.. گرادوسى تېخىمۇ يۇقىرىنى ئالايلى..

_ بىركۈنى راستىنلا كۆرەلمەي قالارمەنمۇ..

_ ئۇنداق بولمايدۇ..مەن بۇنىڭغا قاراپ تۇرمايمەن..سىزگە ئەڭ ياخشى كۆزئەينەكلەرنى ئېلىپ بېرىمەن..

كۈلۈپ كەتتىم.

_ ئەگەر كۆز پۈتۈنلەي ئاجىزلىشىپ كەتسە، قانچە يۇقىرى گرادوسلۇق كۆزئەينەك بولسىمۇ بىكار..

يولدىشىم قولۇمنى تۇتتى.

_ كۆزىڭىزنى دوختۇرغا كۆرسىتەيلى.. ئۇنىڭدىن بۇرۇن ھېچنېمىنى ئويلىماڭ..

كەچتە ئەتەي بىر فىلىم سىنارىيەسىنى تورغا يوللىدىم. مۇشۇ ئارقىلىق بەزى ئىشلارنى بىلگىلى بولاتتى.

ئەتىسى سەھەردە كاتىپ قىز بىلەن دوستۇم ئىشىكتىن كىردى.

_ كەلدىڭلارمۇ؟ تۈنۈگۈنكى سىنارىيەنى كۆردۈڭلارمۇ؟

_ كۆردۈم ھەدە..گەپلىرىنىمۇ يادلىۋالدىم..

_ سىز كۆرۈنۈشكە چىقمايسىز، يادلىمىسىڭىزمۇ بولىدۇ..مۇھىمى دوستۇم يادلىشى كېرەكتى..

_ مەنمۇ يېنىدا تۇرىدىغان بولغاندىن كېيىن يادلىۋالدىم.. مۇشۇنداق بولسا تارتىشىمىزغا ئەپلىككەن..

_ شۇنداقمۇ؟! بۇمۇ بوپتۇ..

كاتىپ قىز ماڭا قارىماي ئۈستەل ئالدىغا كەلدى.

_ ماتېرياللار تەييار بوپتۇ ھە.. بەك ياخشى بولدى..

_ شۇنداق. ھەممە نەرسە تەييار. سىڭلىم بالىسىنى تەييار قىلسىلا باشلاپ كېتىمىز..

_ بولىدۇ ھەدە..مەنمۇ بالامنى تەييار قىلدىم..

_ سىزنىڭ بالىڭىزنى سەل تۇرۇپ چىقىرايلى، ئاۋال سىڭلىمنىڭ قىزىنى چىقىرايلى، ئاۋالقىسى قىز بوۋاقلارنىڭ نەرسىلىرى ئىدى..

_ بولىدۇ. مەن ساقلاپ تۇراي.. قايسىسىنى بالدۇر تارتساق مەيلى.._ دېدى كاتىپ قىز ماڭا كۈلۈپ قاراپ. ئۇنىڭ چىرايىغا ئۇزۇنغىچە قاراپ تۇرۇپ كەتتىم. ئۇنىڭ بۇ چىرايىدىن ئەسكى ئادەمگە ئوخشىمايتتى.

«ئەجەبا مەن ئۇنىڭدىن خاتا گۇمانلىنىپ قالغاندىمەنمۇ، لېكىن نېمىشقا دېرىكتور بىلەن قايتا ئۇچرىشىدۇ. بىرەر ئىش بولمىسا نېمىشقا ئۇنىڭ بىلەن قايتا كۆرۈشىدۇ»

_ ئاداش. تاماقنىمۇ بۈگۈن تارتىدىغان ئىش بولسا مەن تەييارلىق كۆرەي..

_ بولىدۇ ئاداش..تاماقنى تەييارلاۋەر..

_ ئاچا. قارا بۇنىڭغا..بۇ بىزنىڭ سىنارىيىمىزگە ئوخشاش ئىشلىگەن نەرسىكەن..بايا تارقىلىپتۇ..

سىڭلىمنىڭ قولىدىكى مېنىڭ بۇرۇنقى سىن قانىلىمدا تارقىتىلغان فىلىمنى كۆردۈم. ئوخشاش مەھسۇلات ۋە ئوخشاش ۋەقەلىك ئىدى.

_ نېمىشقا بۇنداق بولىدۇ..ئوپمۇ ئوخشاش تۇرىدىغۇ..بىر نەرسە بۇنداق تېزمۇ ئاشكارا بولامدۇ..

_ ياقەي. مېنىڭ يازغىنىمنىمۇ باشقىلاردىن دورىغان مەسىلە يوق.. ئىجادىيەت ئوخشاپ قالىدىغان ئىش كۆپ يۈز بېرىپ تۇرىدىغۇ..

زورىغا كۈلۈپ قويدۇم، كاتىپ قىز بالىسىنى ئەركىلىتىۋاتاتتى. لېكىن ئۇ خاتىرجەم ئەمەس ئىدى، قوللىرى تىترەيتتى، بىز تەرەپكە پات-پات قاراپ قوياتتى.

ئۇنىڭغا ھېچنېمە دېمەي كۈلۈپ قويدۇم.

_ مەن ئاپاراتنى تەييار قىلاي، ئاداش ماللارنى ئوتتۇرىغا تىز..

_ مەن سىزگە قارىشىپ بېرەي ھەدە..ئاپراتقا قاراپ بېرەي..

_ بولدى. ئالدىنقى قېتىم كۆزۈم ئېنىق كۆرمىگەن.. بۈگۈن كۆزئەينىكىم بار..ئېنىق كۆرىدۇ..

_ ھە، چۈشەندىم.ئەمىسە مەن قىلىدىغان نېمىش بار؟

_ سىز بالىنىڭ كىيىملىرىنى كەيدۈرۈپ بالىلار ئۇپىسىنى سۈرۈپ بەرسىڭىز بولدى..

_ ھە. بۇمۇ بولغۇدەك..

_ مۇنداق قىلاي. ئۆزىڭىزمۇ چىقىڭ بولمىسا..

_ ھە..مەن..مەن چىقماي تۇرسام بولارمىكىن..

ئۇ فىلىمنىڭ چىقىپ بولغىنىنى بىلگەندىن كېيىن كېكەشلەۋاتاتتى، قوللىرى تىترەپ كۆزلىرى ھەريانغا قارايتتى.

«دېمەك سەنكەنسەندە» دېدىم ئىچىمدە. لېكىن ھازىرنىڭ ئۇنى ئەيىپلەشنىڭ توغرا پەيتى ئەمەسلىكىنى بىلەتتىم.

فىلىمدىن بىر قانچىنى تارتقاندىن كېيىن ئۈستەل ئالدىغا يىغىلدۇق.

_ ۋوي، بىردەمدە چۈشتىن كېيىن بوپ كېتىپتۇ مانا.. خېلى ئىشلەپتىمىز..

_ شۇ شۇ، مەن تاماق ئېتىپ ئېلانغا چىقىپ خېلى جىق ئىش قىلىۋېتىپتىمەن..بۇنداق راۋۇرۇس ئىشلىمىگىلى خېلى كۈنلەر بوپتىكەن..رەھمەت ساڭا ئاداش..

_ ئەرزىمەيدۇ. ھەققىڭنى ھېسابلاپ قويدۇم..ھېلى بەرسەممۇ ياكى ئاي ئاخىرى بەرسەممۇ بولىدۇ..

_ ئۆزۈڭگە قارا ئاداش، قانداق ۋاقىتتا ئەپلىك دېسەڭ شۇ ۋاقىتتا بولسۇن..

دوستۇمغا پۇلنى ئېتىپ قويغاندىن كېيىن تاماق يېيىشكە باشلىدىم.

_ ھەدە، بىز قانداق دېيىشىمىز؟_ دېدى ئۇ ئاخىرى چىداپ بولالماي.

_ سىز بىلەن سەل تۇرۇپ پاراڭلىشاي..يەنە ھەمكارلىشىدىغان باشقا تۈرلەرمۇ بار ئىدى..

_ بولىدۇ بولىدۇ، سىز نېمە دېسىڭىز شۇ ھەدە...

تاماقنى ئالدىرىماي يېيىشكە باشلىدىم. توختاپ قالساملا ئۇنىڭغا غەزەپ كۆزلىرىمنى تىكىشىمدىن قورقاتتىم.

تاماقنى يەپ بولۇپ دوستۇمنى يولغا سالغاندىن كېيىن كاتىپ قىزنى ئايرىم ئۆيگە چاقىردىم.

_ نېمە دېمەكچى ئىكەنلىكىمنى بىلىسىزغۇ دەيمەن..

_ فىلىمنىڭ ھەققىنى دېمەكچىمۇ ھەدە..سىز دېگەندەك بولسۇن..

_ ھاھا..بۇنىڭدىن باشقا ئىشچۇ؟!

_ باشقا ئىش؟ نېمە دېمەكچى ئىكەنلىكىڭىزنى بىلەلمەي قالدىم ھەدە..باشقا يەنە نېمىش بار؟

_ سىزچە باشقا ئىش يوقمۇ، ئۆزىڭىز دەمسىز ياكى مەن دەيمۇ؟

_ سىز دەڭ، مەن بىلەلمەي قالدىم..

_ تۈنۈگۈن سىزنى دېرىكتور بىلەن بىللە كۆردۈم..

_ ھە، شىركەتنىڭ بوغالتىرىنىڭ ئۆيىنى تاپالماپتىكەن..مەن بېرىشىپ بەرگەن، شۇ چاغدا كۆرگەن ئوخشايسىز..بىز بىللە بوغالتىرنىڭ ئۆيىگە بارغان..

_ ھاھا..شۇنداقمۇ؟ بوغالتىرنىڭ ئۆي ئادرىسى ئادەتتە دېرىكتوردا بولىشى كېرەكقۇ؟!

_ لېكىن تاپالماپتۇ. شۇڭا مەن بىرگە باردىم..نېمىش بولدى ھەدە..مەندىن گۇمانلىنىۋاتمىغانسىز..

_ قايسى كۈنى ئىسكىلاتقا بارسام دېرىكتور شۇ يەردىكەن. ئۇ مېنىڭ بالىلار مەھسۇلاتلىرى كىرگۈزمەكچى ئىكەنلىكىمنى بىلمەيتتى، ئايالى تېخىمۇ شۇنداق..بۇ ئىشنى بىرسى ئاشكارلىمىسا ئۇلار قانداق بىلىدۇ..

_ مەن..مەن بىلمەيمەن ھەدە.. مەن دېمىدىم..

كاتىپ قىزنىڭ يېنىغا كېلىپ كۆزىنىڭ ئىچىگە قارىدىم.

_ راست گەپ قىلىڭە..راستىنلا بىلمەمسىز؟

كاتىپ قىز جىددىيلىشىشكە باشلىدى.

_ شىركەتتىن نېمىشقا تۇيۇقسىز ئىستىپا بەردىڭىز..نېمىشقا دېرىكتور بىلەن تۇيۇقسىز بىرگە پەيدا بولىسىز.. بۇنىڭ ھېچقايسىسى سەۋەبسىز ئەمەسقۇ دەيمەن..

_ شىركەتتىن سىز يوق بولغاچقا ئىستىپا بەردىم..دېرىكتور بىلەن بوغالتىرنىڭ يېنىغا بارغان..

_ شۇنداقمۇ؟! ئەمىسە مەن ئۇنىڭغا تېلىفون ئۇرۇپ سوراي...

كاتىپ قىز قولۇمغا ئېسىلدى.

_ ماڭا شۇنچە ئىشەنمەمسىز ھەدە..ئۇنداق قىلماڭ..

_ راست بوغالتىرنىڭ ئۆيىگە بارغان بولسىڭىز نېمىدىن ئەنسىرەيسىز؟

نومۇرنى باستىم. كاتىپ قىز تېلىفونۇمنى تارتىۋالدى.

_ ئۇنداق قىلماڭ، ئۆتۈنۈپ قالاي..ئۇ بالامنىڭ دادىسى..

جايىمدا قېتىپ تۇرۇپ قالدىم.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ