- شۇنداق ئاپا ، مەن دادام ئىككىڭلارنىڭ تويىمىزدا باش بوپ بىرىشىڭلارنى ئۈمىد قىلىمەن .
- ھەي ما بالىنى، تويۇڭدا بىز باش بولمىساق كىم تۇراتتى ؟ توي خىتىنىمۇ ئىپ بوپسەن، نىمىشقا بۇ ئىشنى بالدۇرراق دىمەيسەن ؟ بىز يا تويغا تەييارلىقمۇ قىلمىساق ؟
- بولدى ئاپا، سىلەر ھىچقانداق تەييارلىق قىلمىساڭلارمۇ بولىدۇ، پەقەت كىلىپ تويغا قاتنىشىپ بەرسەڭلارلا بولىدۇ ، مەن ئەتە ياكى ئۆگۈن ئايرۇپىلان بىلىتىگە قاراپ باقاي، بىلەت بولسا ئىككى كىشىلىك بىلەت زاكاس قىلىپ قوياي .
- بولدى، پۇلنى بۇزۇپ ئايرۇپىلاندا ئولتۇرامدۇق ؟ تويغا جىق پۇل كىتىدۇ، بىز يەنىلا پويىزغا ئولتۇرۇپ بارايلى .
- ۋايۋۇي ئاپا، توي ۋاقتىغا قىستاپ قالىدۇ، سىلەر كەلسەڭلار بىر مۇنچە نەرسە-كىرەك سىتىۋالمىساق بولمايدۇ، گىپىمنى ئاڭلاپ ئايرۇپىلان بىلەن كىلىڭلار، قالغان ئىشلارنى ئۆزۈم بىر تەرەپ قىلىمەن، ھە راست، يۇرتتىن تويلۇق دەپ قالايمىقان نەرسە-كىرەك ئەكەلمىگىن، يەنە تويغا ئاتاپ پۇل يىغىمەن دەپ مال-چارۋا ۋە باشقا نەرسىلەرنى ساتماڭلار، پەقەت ئىككىڭلار كەلسەڭلارلا بولدى .
رەيھان ئانا بۇ بىتۇرۇق ئىشتىن ھەيران بولۇپ، ئادىلەنىڭ ئىيتقان گەپلىرىگە ئىشەنگۈسى كەلمىگەندەك گاراڭ ھالەتتە تۇراتتى .
- ئاپا، ئىيتقانلىرىمنى بىلەلىدىڭمۇ ؟ ئارتۇقچە توي پۇلى تەييارلايمەن دەپ ئاۋارە بولما، مەن توي قىلىدىغان ئادەم بەكلا باي كىشى، ئۇ ھەممە ئىشلارنى ئورۇنلاشتۇرۇپ بولدى، پەقەت كىلىپ تويغا قاتناشساڭلارلا كۇپايە .
- ھە ماقۇل قىزىم .
- ئاپا ئەمسە خوش، مىنىڭ يەنە قىلىدىغان ئىشلىرىم بار ئىدى، دادامغا مەندىن سالام ئىيتىپ قوي .
ئادىلە گىپىنى دەپ بولۇپلا ئالدىراپ تىلفۇننى قويىۋەتتى، ئۇ چوڭقۇر-چوڭقۇر نەپەس ئىلىپ :
- بۇ ئىشلارنى ئاتا-ئانامغا دەپ قويغىنىم توغرا بولدى، نىمىش بولسا ئۇلار كەلگەندە ئالدىرىماي چۈشەندۈرسەم بولىدۇ .
ئادىلە تىلفۇن خاتىرىسىدىن يەنە بىر نۇمۇرنى تىپىپ قارشى تەرەپكە تىلفۇن قىلدى، بىراق قارشى تەرەپنىڭ تىلفۇنى ۋاقتىنچە ئۇلانمىدى .
- ئۇف ، بولدىلا !
ئادىلە ئورنىدىن تۇرۇپ بايا سىتىۋالغان نەرسىلەرنى رەتلىگەچ چۈشلۈك تاماققا تۇتۇندى، بىر چاغدا ئۇنىڭ تىلفۇنى ئەينەك ئۈستەلدە ئىككى سايراپلا توختاپ قالدى ، ئادىلە ئاددىيلا تاماق تەييارلىغاندىن كىيىن كىرىسلوغا كىلىپ تىلفۇنىغا قارىدى :
- شاھيار ؟ ئۇ نىمىگە تىلفۇن قىلغاندۇ ؟… ئادىلەنىڭ خىيالى ئاخىرلاشماي شاھياردىن يەنە تىلفۇن كەلدى .
- ۋەي ؟
- ئادىلە ياخشى تۇرىۋاتامسىز ؟ خىلى ياخشى بوپ قالدىڭىزمۇ ؟
- ياخشى، ئەجەپ بۈگۈن ۋاقتىڭىز چىقىپ تىلفۇن قىلىپ قاپسىزغۇ ؟
- ھە، بۈگۈن كەچتە ۋاقتىڭىز بولسا بىللە تاماق يىگەچ پاراڭلىشايلى دىگەن ؟
- نىمە ؟ نىمە توغىرلىق پاراڭلىشىمىز ؟
- سىز بىلەن مۇھىم بىر ئىش توغىرلىق پاراڭلىشاي دىگەن، ئەگەر خالىسىڭىز كەچتە سىزنى ئالغىلى باراي . ئادىلە ئازراق ئويلىنىپب:
- ماقۇل ، ئەمسە كەچتە پاراڭلىشايلى . ئادىلە تىلفۇننى قويۇپ ئويلىنىپ قالدى :
- بۇ يىگىت يىقىندىن بۇيان مىنى پات-پات ئىزدەيدىغان بولىۋالدى، بىرەر مەقسىدى يوقتۇ ھە ! ئۇنداق ئەمەستۇ ؟ بۇ يىگىت خىلى دۇرۇس يىگىت، ھەرگىزمۇ ماڭا زىيانكەشلىك قىلىدىغان ئىشنى قىلمايدۇ . ئادىلە شۇلارنى خىيال قىلغاچ، تۇيۇقسىز جەۋلاننى يادىغا ئىلىپ يەۋاتقان تاماقنى قويۇپ قويدى .
- جەۋلان بىلەن ئالاقىلاشمىغىلى ئۇزۇن بوپتۇ، ئۇ بەلكىم تا ھازىرغىچە مەندىن رەنجىۋاتقان بولىشى مۇمكىن، توغرا، ئۇ ئالدىنقى قىتىم تىلفۇن قىلغاندا قاھار سوۋغا قىلغان ھىلىقى قاشتىشىنى تىلغا ئالغان ، بەلكىم ئۇ قاشتىشىنىڭ مۇھىم رولى بولىشى مۇمكىن . ئادىلە قاشتىشىنى قانداق يۈتتۈرۈپ قويغانلىقىنى ئويلىدى :
- توغرا ، ئۇ قاشتىشىنى تۇتقۇن قىلىنغان چاغدا چۈشۈرۈپ قويغان ، بەلكىم ھىلىقى غالچىلار ئىلىۋالغاندۇ ؟
ئادىلە شۇلارنى ئويلىغاچ تامىقىنى ئاستا يەپ تۈگەتتى ، كەچتە ئۇ شاھيار بىلەن كۆرۈشۈشكە تەييارلىق قىلىپ كىيىم ئىشكاۋىنى ئاختۇردى ، ئۇ كىيىملەر ئارىسىنى ئاختۇرۇپ بىر يىشىل رەڭلىك، بەل قىسمىدا ئاق رەڭلىك بەلۋىغى بار كۆينەكنى تارتىپ ئالدى ، ئادىلە كۆينەككە ئۇزاق قارىۋەتكەندىن كىيىن :
- دىلمۇرات، سىز بۇ كۆينەكنى ئاخىرقى قىتىملىق تۇغۇلغان كۈنۈمدە ئىپ بەرگەن، بۇنى بىر قىتىممۇ كىيىپ باقماپتىمەن، بۈگۈن بۇنى باشقىلار بىلەن كۆرۈشكەندە كىيسەم كۆڭلىڭىز يىرىم بولماس ھە ؟
ئادىلە ھاۋا سوغۇق بولسىمۇ يەنىلا بۇ يىشىل رەڭلىك يازچە كۆينەكنى كىيىش قارارىغا كىلىپ دەرھال ئۈستىدىكى كىيىم بىلەن ئالماشتۇردى ، ئادىلە تىزىدىن سەللا ئاشقان، بەدىنىگە خۇيمۇ يىقىشلىق كەلگەن بۇ كۆينەكنى كىيىپ ئەينەك ئالدىدا ئۆزىگە قاراپ بىر ھازا سۈكۈتكە چۆمدى :
- بۇ كۆينەك ھەقىقەتەن بەك چىرايلىق ، بۇرۇن نىمىشقىمۇ بىرەر قىتىم كىيىپ باقمىغاندىمەن ؟ بولۇپمۇ سىزدىن ئايرىلىپ قىلىشنى بىلگەن بولسام، بىرەر كۈننى تاللاپ ئالدىڭىزدا كىيىپ باققان بولسامچۇ كاشكى .
ئادىلە كىيىمگە ماس زىبۇ-زىننەتلەرنى تاقاپ، ئۈستىگە گۈللۈك يازچە شار-شار چاپىنىنى كىيدى، ئۇنىڭ بۇ ھالىتى ئىلگىرىكى ساددا قىز ئادىلەنىڭ نەق ئۆزى ئىدى، ئادىلە شاھيارنىڭ تىلفۇنىنى قوبۇل قىلىپلا سومكىسىنى ئىلىپ پەسكە چۈشتى، دەرۋەقە قورۇ سىرتىدا ئالتۇن رەڭلىك ماشىنا ئۇنى ساقلاپ تۇرغان ئىدى ، شاھيار ئادىلەنىڭ دەرۋازىدىن چىقىۋاتقان ھالىتىنى كۆرۈپ ئۇنىڭغا تىكىلگەنچە جىمجىت تۇرۇپ كەتتى ، ئادىلە ماشىنىنىڭ ئالدىغا چىقىپ ئۆزىگە جىمجىت قاراپ تۇرغان شاھيارغا قاراپ :
- نىمە بولدى ؟ ئۈستۈمدىكى كىيىم ياراشماپتىما ؟ دىدى ئۈستى-بىشىغا قارىغاچ .
- يا ياق، راستىنى ئىيتسام بۇ كۆينەكنى كىيىپ باشقىچە بوپ كىتىپسىز ، خۇددى مىنىڭ بىر تونۇشىمغا بەكلا ئوخشاپ قاپسىز .
- تونۇشىڭىز ؟ ئۇ تونۇشىڭىز كىم ؟ راستىنلا تونۇشىڭىزغا ئوخشامدىكەنمەن ؟
- بەلكىم ئوخشىتىپ قالغاندىمەن، بىز ماڭايلى . شاھيار ماشىنىسىنى ھەيدەپ كەچكى شەپەق نۇرى قاپلىغان كەڭ شەھەر قوينىغا سىڭىپ كەتتى .
بەختىيار ئىشلىرىنى تۈگۈتۈپ زىبۇ-زىننەت دۇكىنىغا كىلىپ، ئادىلە ھەم ئۆزىگە ئاتاپ ئالاھىدە ياسىتىلغان ئەتىرگۈل شەكلىدىكى قوش ئۈزۈكنى ئالغىلى كەلدى ، ئۈزۈك پۈتكەن بولۇپ، خىزمەتچى خادىم بەختىيارغا بىر جۈپ ئۈزۈكنى چىرايلىق بولاپ قاچىلاپ بەردى، بەختىيار ئۈزۈكنى ئىلىپ چىقىۋىتىپ، قاھار ۋە لايىقى نادىرە بىلەن يەنە دوقىرىشىپ قالدى ، ئەسلىدە قاھارمۇ لايىقى بىلەن تويلۇق بىر جۈپ ئۈزۈك كۆرگىلى كەلگەن بولۇپ، بەختىيارنىڭ يالغۇز بۇ يەردە تىمسىقلاپ يۈرگەنلىكىنى كۆرۈپ مەسخىرىلىك كۈلدى :
- ئوھۇي، كىمۇ بۇ ؟ بەختىيار ئەپەندىغۇ بۇ ؟ بۈگۈن بولغۇسى ئايالىڭىز بىللە كەلمەپتىغۇ ؟ بەختىيار ئالدىنقى قىتىم جىدەل چىقارغان بۇ يىگىتنى ئىسىگە ئىلىپ تەمكىنلىك بىلەن ئىيتتى :
- يىگىت، چوڭلارغا گەپ قىلغاندا ئەدەپلىكرەك بول، سەن مىنىڭ كىملىكىمنى بىلەمسەن ؟ قاھار قاقاھلاپ كۈلدى :
- نىمە ؟ ماڭا بۇ يەردە مەنسىپىڭنى پەش قىلماقچىما ؟ ئاڭلاپ تۇر، مەنمۇ…
- بولدى، بولدى قىلىڭ !
نادىرە ئۇنى تارتقۇشلىدى، قاھار جىدەل چىقىرىشقا ئالدىراپ نادىرەنىڭ قولىنى سىلىكىۋىتىپ بەختىيارغا نەشتەردەك تىكىلدى :
- ھەي قىرى، سىنىڭ كىم بولىشىڭ بىلەن مىنىڭ نىمە كارىم ؟ سەن شۇ باشقىلارنىڭ لايىقىنى تارتىۋالغان بويتاق قىرىغۇ شۇ…
ئۇنىڭ ئاۋازى يۇقىرى بولغاچقا ئەتراپتىكىلەر ئۇلارغا قاراپ كىتىشتى، بەختىيارنىڭ ئاچچىقى كەلگەن بولسىمۇ ئۆزىنى تۇتىۋىلىشقا تىرىشتى :
- نىرى تۇر ، يولنى بوشات !
ئۇنىڭ قاھارغا ئۇزاتقان قوللىرى كۈچەپ سىلكەشلەر بىلەن كەينىگە ئازراق مۈدۈرۈپ كەتتى، نادىرە ئىشنىڭ چوڭىيىپ كىتىشىدىن قورقۇپ يەنە قاھارغا ئىسىلدى :
- قاھار تىزراق كىتەيلى، باشقىلار قاراۋاتىدۇ، ئۆزىڭىز ھەم مىنىڭ يۈزۈمنى ئاياپ قويۇڭ !
- بۇنداق ئادەملەرنى ئوبدانراق ئەدەپلەپ قويۇش كىرەك .
بەختىيار سەل ئۆزىنى تۈزەشتۈرىۋالغاندىن كىيىن تىلفۇنىنى چىقىرىپ بىرىسىگە تىلفۇن قىلدى :
- ۋەي، ساقچىمۇ ؟
ھە، مەن مىيدەي زىبۇ-زىننەت سودا سارىيدا پىشكەلچىلىككە ئۇچىرىدىم ، بىر لۈكچەك ماڭا قول ئۇزاتتى .
شۇنداق شۇنداق، تىزراق كىلىڭلار .
ئۇنىڭ ساقچىغا تىلفۇن قىلغىنىنى كۆرگەن قاھارنىڭ سەپرايى تىخىمۇ ئۆرلىدى :
- ھى، سەن قىرى تىخى مىنى ساقچىغا مەلۇم قىلغۇدەك بولدۇڭما ؟ مەن سىنى…
ئۇ بەختىيارغا مۇشتىنى كۆتۈرۈپ كەلگىنىچە ئوڭ مەڭزىگە بىر مۇشت سالدى، بەختىيار كەينىگە يىقىلىپ ئوڭ مەڭزى قىپىقىزىل ئاناردەك قىزىرىپ ئىششىپ چىقتى، قاھار ئۇنى تەپمەكچى بولىۋىدى، نادىرە تۇتىۋىلىپ :
- بولدى قىلىڭ، بەك ئاشۇرىۋەتتىڭىز .
- نىمە ؟ مەن ئاشۇرىۋەتتىمما ؟ بۇ قىرى جەۋلاننىڭ قىز دوستىنى تارتىۋىلىپ كۆزۈمگە زادىلا سىغمىدى، ئۇنى ئۇرۇپ يانجىۋەتسەممۇ ئاچچىقىم چىقمايدۇ مىنىڭ ! نادىرە قاھارنىڭ بۇنچە ئالدىراڭغۇ، يەڭگىلتەك مىجەزىدىن بىزار بولۇپ :
- ئەمسە ئۇرۇشۇڭ، مەن كەتتىم .
قاھار ئىشىك تەرەپكە ماڭغان نادىرەنى تۇتىۋىلىش ئۈچۈن نەچچە قەدەم ئىلىشىغا ئىككى نەپەر ئامانلىق ساقلىغۇچى ئۇنى تۇتىۋالدى .
- ھەي، مىنى قويىۋىتىش، مىنى نىمىشقا تۇتىسىلەر ؟
ئۇ ئىككى ئەر ئۇنىڭغا پەرۋا قىلماستىن ئۇنى ئامانلىق ساقلاش ئۆيىگە ئەكىرىپ كىتىشتى، بۇ يەرنىڭ مەسئۇل خادىمى بەختىياردىن كەچۈرۈم سوراپ بۇ ئىشنى ساقچىلارنىڭ بىر تەرەپ قىلىشىغا تاپشۇردى، نەچچە مىنوت ئۆتكەندىن كىيىن ساقچىلار يارلانغۇچى بىلەن قاھارنى ئىلىپ ساقچىخانىغا كىلىشتى، ساقچىلار ئۇلاردىن ئاغزاكى ئىسپات ئالغاندىن كىيىن ھەر ئىككى تەرەپنىڭ ھامىيسى كىلىپ ئۇ ئىككىسىنى ئىپ كىتىشنى ئىيتتى . قاھار جەۋلانغا تىلفۇن قىلىپ ئۆزىنى ئىپ كىتىشىنى ئىيتتى، بەختىيار باشقىلارنى چاقىرماستىن ئادىلەگە تىلفۇن قىلدى .
ئادىلە بۇ ۋاقىتتا شاھيار بىلەن بىرەر تاماقخانا ئىزدەپ كىتىۋاتقان بولۇپ، بەختىيارنىڭ نۇمۇرىنى كۆرۈپ شاھيارغا قاراپ قويدى .
- كىمكەن ؟ ئىلىش بىئەپ بولمىسا ئىلىۋىرىڭ . ئادىلە بىشىنى لىڭشىتىپ تىلفۇننى ئالدى :
- ۋەي بەختىيار ئاكا ؟
- ئادىلە، مەن ھازىر ساقچىخانىدا…
- نىمە ؟! ساقچىخانىدا ؟! نىمىش يۈز بەردى ؟
- بىرسىدىن تاياق يەپ ساقچىخانىغا خاتىرە قالدۇرغىلى كەلگەن، ئىغىر كۆرمىسىڭىز مىنى ئىپ كىتەمسىز ؟
- نىمىشقا شوپۇرىڭىز ياكى خىزمەتچى خادىملىرىڭىزغا ئالغىلى بىرىشنى ئىيتمايسىز ؟
- مىنىڭ سىزنى كۆڭلۈم تارتتى، ھە راست، سىزگە بىرىدىغان سوۋغا بار ئىدى، بەرىبىر سىزنى ئىزدەيتىم . ئادىلە شاھيارغا قاراپ قويغاچ :
- ماقۇل، ئەمسە مەن تاكسى توسۇپ يىنىڭىزغا باراي .
- بولمىسا مەن شوپۇرۇمنى ئەۋەتەي .
- ياق بولدى، مەن سىرتتا ئىدىم ، تاكسى بىلەن بارسام قۇلايلىق .
ئادىلە تىلفۇننى قويۇپ خىجىل بولغان قىياپەتتە شاھيارغا تىكىلدى .
- بەختىيار سىزنى ئالغىلى كىلىڭ دەمدۇ ؟ بولمىسا سىزنى مەن ئاپىرىپ قوياي .
- كەچۈرۈڭ، راستىنلا بارمىسام بولمىغۇدەك .
- ھىچقىسى يوق، ئۇچىرىششىمىز باشقا كۈنى بولسىمۇ بولىدۇ .
- ماقۇل، ئەمسە ئەتە چۈشتە مەن سىزنى تاماققا تەكلىپ قىلاي .
شاھيار سۇس بىشىنى لىڭشىتىپ قويدى، ئۇ ئادىلەنى جىمجىتلا ساقچىخانىغا ئەكىلىپ قويۇپ كىتىپ قالدى ، شاھيار يولدا كىتىۋىتىپ تىلفۇنى تۇيۇقسىز سايرىدى، ئۇ تىلفۇن ئىكرانىغا قاراپ چىرايىنى سەل پۈرۈشتۈرۈپ تىلفۇننى ئالدى :
- ۋەي، نىمىش بولدى ؟
- شاھيار ئاكا، ھىلىقى سىرىق چاچ بايا بىر ئەر بىلەن مارىيۇ كۇلۇبىدىن چىقىپ شەھەر سىرتىغا قاراپ ماڭدى، مەن ئىككى يىگىت بىلەن ئەگىشىپ ماڭدىم .
- توغرا قىپسەن، ئۇنى ئوبدان كۈزەت ، ئامال بار ئۇنى تۇتىۋىلىڭلار، مىنىڭ سەۋىر-تاقىتىمنىڭ چىكى توشتى .
- سىز نىمە قىلماقچى ؟ ھازىر ئۇنىڭ ئالدىدا سالاھىيتىڭىزنى ئاشكارلىسىڭىز خەتەرلىكمىن ؟ شاھيار ئاچچىق كۈلۈمسىرەپ قويدى :
- مەن ھازىر باشقا سالاھىيەتتىكى ئادەم ، ئۇ مىنى تونۇيالمايدۇ، بۇنى ئەمدى ھىس قىلغانكەنمەن، ئۇنى يەنە داۋاملىق كۈزىتىپ ئولتۇرۇشۇمنىڭ ھاجىتى يوق، مەن بىلىشكە تىگىشلىك ئىشلارنى تىزراق بىلىشىم كىرەك، سەن ئۇنى چاندۇرماي باپلاشقا ئامال قىل .
- ما ماقۇل ئاكا .
شاھيار تىلفۇننى قويۇپ مەسخىرىلىك كۈلۈمسىرىدى :
- ئۆلگۈر سىرىق چاچ ، سەن قانۇننىڭ سىرتىدا ئەركىن يايراۋاتقىلى ئۇزۇن ۋاقىت بولدى، ئەمدى سىنى تۇتۇپ ئارقاڭدىكى باش پىلانلىغۇچىنى تاپىدىغان ۋاقىت كەلدى، مەن بارلىق ئىشلارنى تىز سۈرئەتتە بىلىشىم كىرەك ، زادى كىم مىنى قەستلىگەن ؟ مەن زادى كىم ؟ …
شاھيارنىڭ چىرايىدا ئاچچىق بىر كۈلكە ئىپادىسى پەيدا بولدى، شاھيار ئۆيىگە قايتىپ كىلىپلا كۇتۇپخانىسىدا خىزمەتكە چۈشۈپ كەتتى، ئۇ ئۇلانما تورنى ئوچۇق قويغان بولۇپ، بارلىق ئۇچۇر، ھۆججەت ۋە مودا ئىقىمى توغرىسىدىكى خەۋەرلەر ئۇچۇر كۆزنىكىگە كىلىپ تۇراتتى . شاھيار بىر سائەتتىن چوڭراق خىزمەت قىلىپ سەل چارچىدىمۇ، خەلقئارا ئالاقە تورىدىكى ئۇچۇرلار بىلەن شىنجاڭ مودا ئىقىم ئاساسىي خەۋەرلىرى ئۇچۇرىنى بىر قاتار كۆرۈپ چىقتى ، ئۇ يىڭى ھايات شىركىتى بازارغا سالغان كىيىم-كىچەك ئۇچۇرىنى كۆرگەچ، يىڭى ھايات شىركىتىنىڭ ئالدىنقى بىر مەزگىللىك ئۇتۇق قازانغان مۇھىم خەۋەرلىرىنى ئاختۇرۇپ تەپسىلىي كۆرۈپ چىقتى .
- يىڭى ھايات شىركىتى ئىشلەۋاتقان تۈر پىلانى نىمىشقا ماڭا شۇنچە تونۇش بىلىنىدۇ ؟ خۇددى بۇ تۈرنى مەن ئۆزۈم پىلانلىغاندەك شۇنچىلىك تونۇش، ئۇنىڭ ئۈستىگە پىلان لاھىيسىنىڭ يولغا قويۇلۇش ۋاقتىغىمۇ خىلى ئۇزۇن بوپتۇ، ئەجەبا بۇ تۈرنى راستىنلا مەن، ياق، دىلمۇرات تۈزگەن پىلان لاھىيسىمىدۇ ؟ خاتىرەم بالدۇرراق ئەسلىگە كەلگەن بولسا بارلىق ئىشلار ئايدىڭ بولاتتى، يەنە مىنى قەستلىگەن ئادەمنىڭ كىملىكىنىمۇ بىلەلەيتىم…
شاھيار لىۋىنى چىشلىگىنىچە ئاچچىق خىياللارغا ئەسىر بولدى، تۇيۇقسىز ئۇنىڭ تىلفۇنى سايراپ چۆچىتىۋەتتى، ئۇ تىلفۇن ئىكرانىدىكى لالەنىڭ نۇمۇرىغا قاراپ بىر ھازا جىمجىت تۇرۇپ كەتتى :
- لالە، سىزمۇ مەندىن بىر ئىشنى يۇشۇرىۋاتىسىز ؟ مىنىڭ خاتىرەم نىمىشقا تا ھازىرغىچە تولۇق ئەسلىگە كەلمەيدۇ ؟
تىلفۇن سايراپ توختاپ قالدى ، شاھيار يىڭى ھايات توغرىسىدىكى مۇھىم خەۋەرلەرنى ئىزدەشكە كىرىشتى ، ئۇنىڭ كومپىيۇتىر ئۈستىلىدىكى تىلفۇنى يەنە جىغىلداپ سايراشقا باشلىدى، شاھيارنىڭ تىلفۇنغا قاراپ ئىپادىسىز تۇرغان چىرايىدىن لالەنىڭ تىلفۇنىنى ئالغۇسى يوقتەك قىلاتتى، تىلفۇن خىلى ئۇزۇن سايراپ توختىدى ۋە ئارقىدىنلا ئۈندىدارغا ئۇچۇر كەلدى، ئۇچۇر لالەدىن كەلگەن ئىدى :
- شاھيار، سىزنىڭ نىمىگە ئىچىڭىزنىڭ سىقىلىۋاتقانلىقىنى بىلىمەن، بىراق ماڭىمۇ ئازراق ۋاقتىڭىزنى ئاجىرىتىپ قويۇڭ .
شاھيار لالەنىڭ خىتىگە قاراپ بىر ھازا تۇرغاندىن كېيىن ئۇنىڭغا تىلفۇن قايتۇردى، تىلفۇن ھايالشىمايلا ئىلىندى :
- ۋەي شاھيار ، نىمىشقا تىلفۇننى ئالمايسىز ؟ سىزدىن قانچىلىك ئەنسىرەۋاتقانلىقىمنى بىلەمسىز ؟ لالەنىڭ ئاۋازى تىتىرەك ئارلاش چىقىۋاتقان بولۇپ، يىغلاۋاتقاندەك تۇيغۇ بىرەتتى .
- لالە ، مەن خىزمەت قىلىۋاتقان ، تىلفۇننىڭ ئاۋازىنى ئىتىۋەتكەن ، ئۇچۇرىڭىزنى كۆرۈپلا تىلفۇن قايتۇردۇم .
- شاھيار، بىرەر بىسىمىڭىز بولسا ماڭا ئىيتىڭ ، بەلكىم مەن، مەن سىزگە… لالە گىپىنى دىيەلمەي كالتە نەچچىنى ھۆتىلىپ قويدى .
- نىمە بولدىڭىز ؟ زۇكام بوپ قالدىڭىزما ؟ شاھيار لالەدىن ئەنسىرەپ سورىدى .
- ياق ، مەن ، مەن دىمەكچى ، بىز ئىلگىرى شۇنچىلىك ئامراق ئىدۇق ، سىزدىن زادىلا ئايرىلمايتىم ، بىراق ھازىر نەچچە كۈنلەپ تىلفۇنىڭىزنىمۇ ئالالمايدىغان بوپ قالدىم ، كۆڭلۈم بەك پەرىشان .
- كەچۈرۈڭ ، مىنىڭمۇ سىزگە كۆپرەك ھەمراھ بولغۇم بار، بىراق شىركەتتىكى ئىشلار راستىنلا بەك ئالدىراش . لالە ئۇلۇغ كىچىك تىنىپ :
- بىلىمەن، شىركەتتىكى ئىشلاردىن سىرت بىشىڭىزنى قاتۇرىۋاتقان ئىشلىرىڭىز كۆپ، بولۇپمۇ ئىلگىرىكى خاتىرىلىڭىز سىزنى بەكلا بىئارام قىلىۋاتىدۇ .
- نى نىمە ؟ سىز نىمىشقا بۇنداق ئويلاپ قالدىڭىز ؟ دوختۇرمۇ ئىيتتىغۇ ، خاتىرەم ئەمدى مەڭگۈ ئەسلىگە كىلەلمەسلىگى مۇمكىن .
- شاھيار، دۇنيادىكى ئىشلارغا بۇنداق كەسكىن ھۆكۈم چىقىرىشقا بولمايدۇ، بىلىمەن، شىنجاڭغا قايتىپ كەلگەندىن بىرى بەزى ئادەم ۋە مۇھىت سىزگە تولىمۇ تونۇشلۇق بىلىنىپ، ئىچىڭىزدىكى يارىنى قايتا تاتىلاۋاتىدۇ، بۇلارنى مەن تامامەن چۈشىنىمەن، سىزدىن ئۆتۈنۈپ قالاي، نىمە ئىش بولسا ماڭا ئىيتىپ قويۇڭ ، ئەگەر كۈنلەرنىڭ بىرىدە خاتىرىڭىز ئەسلىگە كىلىپ مىنى تاشلىۋىتىدىغان ئىش بوپ قالسا مەن سەۋەبىنى ئالدىن بىلىپ قالاي، بۇ مىنىڭ سىزگە قىلغان ئاخىرقى ئىلتىماسىم بوپ قالسۇن .
- ئەخمەق قىز، نىمىلەرنى ئويلاپ كەتتىڭىز ؟ بۇ قانداقمۇ مۇمكىن بولسۇن ؟ مەيلى خاتىرەم ئەسلىگە كەلسۇن ياكى كەلمىسۇن، ئىككىمىزنىڭ مۇھەببىتى ئۆزگەرمەيدۇ ، مەن يەنىلا سىزنى ياخشى كۆرىمەن . لالە ئۈن سىلىپ يىغلاپ تاشلىدى :
- ماقۇل، ئەگەر مۇشۇ گىپىڭىز چىن بولسىلا، مەن ھەر قانداق ئازاپلارنى تارتىشقا رازى . شاھيار ئۆزىنىڭ لالە ئالدىدا سەل خاتالىشىپ قالغانلىقىنى، ئۇنىڭغا ئازار بىرىپ قويغانلىقىنى ھىس قىلىپ :
- لالە، ھەرگىز يىغلىماڭ ، ماڭا بۇ ھاياتلىقنى تاغام ئىككىڭلار بەرگەن، مەن بۇ ياخشىلىقىڭلارنى مەڭگۈ ئۇنتۇپ قالمايمەن، مەڭگۈ سىزدىن ئايرىلمايمەن . لالە يەنىلا ئۈنسىز تاش تۆكمەكتە .
- بولدى يىغلىماڭ، بولامدۇ ؟ ئەتە سىزنى كۆرگىلى باراي، بىز بىللە چۈشلۈك تاماق يەيلى .
- ماقۇل ، گىپىڭىزنى ئاڭلايمەن .
- ياخشى ، ئەمدى يىغلىماڭ ، قاراڭ، ۋاقىتمۇ بىر يەرگە بىرىپتۇ ، تىزراق يىتىپ ئارام ئېلىڭ ، ھەرگىزمۇ قالايمىقان خىياللارنى قىلماڭ .
- ماقۇل، سىزمۇ شۇ جىنىم .
تىلفۇن ئۈزۈلگەندىن كىيىن شاھيارنىڭ تۇرۇپلا لالەگە ئىچى ئاغرىپ قالدى :
- لالەدە نىمە گۇناھ بولسۇن ؟ ئۇ مىنى يىڭى ھاياتلىققا ئىرىشتۈرۈپ ماڭا يىڭى تۇرمۇش ، ۋە گۈزەل مۇھەببەت ئاتا قىلدى ، مەيلى ئىلگىرى كىمنى ياخشى كۆرگەن بولاي ئۇنىڭغا ئازار بەرسەم بولمايدۇ .
شاھيار سەل چارچىغاندەك بولۇپ تورنى ئىتىۋىتىپ ھوجىرىسىغا كىردى ، ئۇ ئەمدى ياتاي دەپ تۇرىشىغا تىلفۇنى يەنە سايرىدى ، بۇ قىتىم تىلفۇن ئۇرغىنى ئۇنىڭ ئىچكى ئىشلىرىنى بىجىرىدىغان ياردەمچىسى ئىدى .
- ۋەي، قانداق بولدى ؟ سىرىق چاچنى تۇتالىدىڭمۇ ؟
- ياق تىخى ، سىرىق چاچ ھىلىقى ئادەم بىلەن شەھەر سىرتىغا چىقىپ بىر كونا ماي ئىسكىلاتىغا كىرىپ كەتتى، قارىغاندا بىرەر مەخپىي سودا قىلىۋاتقان بولسا كىرەك ، ماي ئىسكىلاتى ئەتراپىدا يەنە ئۈچ ئادەم بار ئىكەن، بىزنىڭ سىرىق چاچنى تۇتىشىمىزغا سەل قولايسىز بولىۋاتىدۇ .
- چۈشەندىم ، ئۇلار نىمە قىلىۋاتىدىكىن ئوبدان كۈزىتىڭلار ، بۈگۈن كىچە ئۇنى قاچۇرۇپ قويساڭلار بولمايدۇ ، ماڭا ئورنۇڭنى ئىيتىپ بەر ، مەن ھازىرلا باراي .
- شاھيار ئاكا، سىز يەنىلا كەلمەي تۇرسىڭىز ياخشىمىكىن ؟ سىرىق چاچ سىزنى تونىۋالسا ئىش چاتاق .
- ئۇنداق بولمايدۇ، ئىلگىرى مەنمۇ ئۇنىڭ سالاھىيتىمنى بىلىپ قىلىشىدىن ئەنسىرىگەن، بىراق ھازىر مەن باشقا ئادەم ، ئۇ مىنى ئۆلدى دەپ ئويلايدۇ، ئالدىدىكى ئادەمنىڭ ئۆزى زىيانكەشلىك قىلغان ئادەم ئىكەنلىكىنى بىلمەيدۇ . شاھيار ئاچچىق كۈلۈمسىرەپ :
- بۈگۈن ئۇنى تۇتۇپ، تۇغۇلغىنىغا تويغۇزىۋىتىمەن .
- ھە ماقۇل، ئەمسە مەن ئورۇن بەلگىلەش سىستىمسىنى ئىچىپ سىزگە ئەۋەتەي .
شاھيار تىلفۇننى قويۇپ سۇخانىغا كىرىپ ئۇيقۇ ئۇچقۇنلىرى ئەسىر قىلغان كۆزلىرىنى قايتا-قايتا چايقىدى ، ئۇ سەل سەگىگەندىن كىيىن چاپىنىنى ئىلىپ ئۆيدىن چىقتىدە، ماشىنىسىنى ھەيدەپ شەھەر سىرتىغا قاراپ ماڭدى .
ئادىلە ساقچىخانىغا كىلىپ ساقچى ئىشخانىسىدا خاتىرە قالدۇرىۋاتقان بەختىيارنىڭ يىنىغا كىردى، بۇ يەردە جەۋلانمۇ بار بولۇپ، ئۇ قاھار ئۈچۈن بەختىيار بىلەن كىلىشىۋاتقان ئىدى، ئادىلەنىڭ كىرىشى بىلەن ئۇلارنىڭ كۆزلىرى ئۇچىرىشىپ قالدى .
- ئا ئادىلە !
- جەۋلان !
ئۇلار بىر ھازاغىچە قارىشىپ جىمجىت تۇرىۋىدى، بەختىيارنىڭ ئاچچىقى كەلگەندەك ئادىلەگە قاراپ ئىيتتى :
- ئادىلە، مەن بۇ يەردە، نىمىگە ھاڭۋىقىپ تۇرىسىز ؟ ئادىلە ئىتتىك ئىسىنى يىغدى :
- ھە بەختىيار ئاكا، يۈزىڭىز قىزىرىپ قاپتىغۇ ؟ زادى نىمىش بولدى ؟ ئادىلە بەختىيارنىڭ مۇز قويىۋالغان يۈزىگە سىنجىلاپ تىكىلدى .
- كۆرمەيۋاتامسىز ؟ ئۆتكەندە توي كۆينەك دۇكىنىدا سىز بىلەن ئۇرۇشقان ھىلىقى تەلۋە ئۇرۇپ مۇشۇنداق قىلىۋەتتى .
- نىمە ؟ قاھار سىزنى قاھار ئۇردىما ؟
ئادىلە ھەيران بولغاندەك جەۋلانغا تىكىلدى ، جەۋلان دۇدۇقلاپ :
- بەلكىم ئۇقۇشماسلىق بولغاندۇ ؟ ئالدىنقى ۋە بۈگۈن يۈز بەرگەن ئىش ئۈچۈن قاھارنىڭ ئورنىدا ئالدىڭلاردا كەچۈرۈم سورايمەن .
جەۋلان بىشىنى تۆۋەن قىلدى ، ئادىلە جەۋلاننىڭ ئۇرۇقلاپ قالغان ياداڭغۇ چىرايىغا قاراپ :
- ھىچقىسى يۇق ، بۇ يا سىزنىڭ قىلغان ئىشىڭىز بولمىسا…
