131.قىسىمئەلفىرە ئۇنىڭغا قاراشقا جۈرئەت قىلالمىدى.-مېنىڭچە...سىز ۋە شىركەتنىڭ مەنپەئەتىگە دەخلى-تەرۇز قىلغان كىشىلەرگە بۇنداق پوزىتسىيەدە بولماسلىقىڭىز كېرەك.سىز بۇنداق لىڭتاسما ئادەم ئەمەس.سىز زادى نېمە قىلماقچى، تۇيۇقسىز نىمىشقا بۇنچە كەڭ قورساق بولۇپ كەتتىڭىز؟ئەلفىرە چوڭقۇر بىر نەپەس ئالغاندىن كېيىن، بېشىنى بۇراپ قىلچە قورقماستىن ئەنزەرگە قاراپ چۈشەندۈردى.-ئەنزەرئەپەندى،مېنىڭچە ئادەم ياشىغانىكەن،بۇنچە رەھىمسىز،مىھر مۇھەببەتسىز بولسا بولمايدۇ،شەۋكەت نېمىلا دېگەن بىلەن سىزنىڭ قېيناتىڭىز.ئۇ خاتا ئىش قىلغان تەقدىردىمۇ، بۇ سىزنىڭ ئائىلە ئىشىڭىز.سىز بۇ ئىشنى ساقچىلارغا بىر تەرەپ قىلغۇزىمەن دەپ تۇرۇۋالسىڭىز، ئەڭ ئاخىرىدا ئۇ شىركەتنىڭ مۇھىم مەخپىيەتلىكىنى ئاشكارىلىغانلىقى ئۈچۈن تۈرمىدە ياتسا، سىز يۈرىكىدە ئىزچىل مەسىلە بار قېينانىڭىزنىڭ قانداق بولىدىغانلىقىنى ئويلاپ باقتىڭىزمۇ؟ئاخىرىدا ئۇ قولىدىكى ھۆججەتنى ئۇدۇللا ئۈستەلگە سىلكىدى.-بولدىلا، تېگى-تەكتىدىن ئېيتقاندا، بۇلارنىڭ ھەممىسى سىز بىلەن شەۋكەت ئائىلىسىنىڭ ئىشى.مەن پەقەت بىر زىيانكەشلىككە ئۇچرىغۇچى، گەپ قىلىشقا نېمە ھوقۇقۇم بار.ئۇ گېپىنى تۈگىتىپ،چوڭ قەدەم بىلەن چىقىپ كەتتى، ئىشخانىدىكىلەرنىڭ ھەممىسى ھاڭ-تاڭ قېلىشتى.ئېنىقلا...ئېنىقلا ئەلفىرە زىيانكەشلىككە ئۇچۇرغۇچى تۇرسا،شەۋكەتنىڭ ئۆز قىزى گۈزەلنۇر تۇرسا،نىمىشقا ھازىر قاراشقا بۇ ئىككىسىنىڭ ئورنى ئالمىشىپ قالغاندەك بوپ قالىدۇ؟ئەنزەر ئۇنىڭ ئاچچىقلانغان ھالدا كېتىپ قالغان قارىسىغا قاراپ كۆزىنى قىسقىنىچە، كۆزلىرىدىكى نۇرلار بارغانسېرى مۇرەككەپلەشتى. -ئەنزەرگۈزەلنۇر ئۇلۇغ كىچىك تىنىپ قويۇپ، ئۇنىڭ قولىنى سىققاچ،خۇددى ئۇنىڭ كۆڭلىدىكىنى بىلگەندەك ئېغىز ئاچتى.- ئەلفىرە خانقىز نېمىشقا تۇيۇقسىز بىزنىڭ ئائىلە ئىشلىرىمىزغا بۇنچە كۆڭۈل بۆلىدىغان بولۇپ كەتكەندۇ.....ئۇ قاچاندىن باشلاپ بۇنچە كۆڭلى ياخشى بولۇپ كەتتىكىنە؟-مەنمۇ بەك ھەيران قالدىم.ئەنزەرمۇ كۆزلىرىنى ئۇ تەرەپتىن يىغىپ،سۇسلا ئېغىز ئاچتى.-ئەزەلدىن خىزمەت ئىشىنى ئادىللىق بىلەن بىرتەرەپ قىلىشتا چىڭ تۇرىدىغان ئۇ تۇيۇقسىزلا بۇنداق پوزىتسىيەدە بولسا،مەنمۇ كۆنەلمەيۋاتىمەن.ئۇ گېپىنى تۈگىتىپ گۈزەلنۇردىن سورىدى.-ئەكىسچە ئەزەلدىن ئائىلىڭىزدىكىلەرگە شەرتسىز ئىتائەت قىلىپ، ئۇلاردىن ئەندىشە قىلىپ كېلىۋاتقان سىز تۇيۇقسىز ئادالەت يولىدا تۇغقانلىرىڭىزدىن كەچكەندەك تۇيغۇ بەردىڭىز،راستىنلا بەك چۈشۈنىكسىز ئىشلارغۇ بۇ.گۈزەلنۇر تۇرۇپلا قالدى،بىردەمدىن كېيىن، ئۇ كالپۇكىنى چىشلىگىنىچە يۈزى قىزىرىپ ئۆزىنى ئاقلىماقچى بولدى.-مەنمۇ شۇ سىزنى دەپ...ئۇ شۇنداق دىگىنىچە،ئەنزەرنىڭ چىرايىغا ناھايتى ئېھتىيات بىلەن قاراپ قويۇپ،گېپىنى داۋام قىلدى.-ئۇنداقتا، دادامنى ، سىز قانداق قىلماقچى؟ئەنزەر كۆزلىرنى قىسقىنىچە سەل تۇرۋالغاندىن كىيىن ئېغىز ئاچتى.-ئەسلىدىكى پىلان بويىچە بولسۇن،ساقچىغا مەلۇم قىلىمىز....ئەنزەر گۇرۇھىدىن چىققاندىن كېيىن، ئەلفىرە ئۇدۇل ماشىنا توسۇپ ئاققۇ كۆلىدىكى ياتاق بىناسىغا قايتتى.ئۆيگە قايتىپ كېلىپلا ياندىكى يادىكارنىڭ ئۆيىنىڭ ئىشىكىنىڭ ئوچۇق ئىكەنلىكىنى كۆردى،يادىكار ئۆيدە تاتلىق چۈچۈمەل قوۋۇرغا قىلۋاتاتتى.لىفىتنىڭ ئۇ تەرىپىدىكى شەپىنى ئاڭلاپ،ئۇ دەرھال ئېتىلىپ چىقىپ، كۈلۈمسىرىگەن ھالدا ئەلفىرەگە قاراپ ئېغىز ئاچتى.-كېلىڭ، سىزنى ياخشى يېمەكلىكلەرنى يېيىشكە تەكلىپ قىلاي!ئۇ شۇنداق دەپ كۈلۈمسىرىگەن ھالدا ئەلفىرەنى مېھمانخانىغا تارتىپ كىردى.-سىز ئەمدىلا ئەنزەر گۇرۇھىدىن چىقىشىڭىزغا ئەلزاد ماڭا تېلېفون قىپتىكەن،شۇڭا نېمە ئىش يۈز بەرگەنلىكىنى مەنمۇ بىلىپ بولدۇم.ئەلفىرە تۇرۇپلا قالدى،ئۇ ئىختىيارسىز بېشىنى تۆۋەن سېلىپ، بوينىدىكى زەنجىرگە قاراپ سەل ئاچچىقلىغاندەك دىدى.-سەن يەنە ئوغۇرلىقچە زەنجىرنىڭ ئاۋازىنى ئېچىپ،بىزنىڭ يىغىنىمىزنى ئاڭلاپسەندە؟گەپ چىقىپ بىر ھازادىن كېيىن، ئۇ تەرەپتىن «مەن يا سىزنىڭ يىغىن ئېچىش مەخپىيەتلىكىڭىزنى ئاشكارىلاپ قويمىسام» دېگەن ئاۋاز ئاڭلاندى.ئەلفىرە سۈكۈتكە چۆمدى،ئەلزاد ئەزەلدىن ئېغىر،بەك چاقچاق قىلمايدىغان بالا،بىراق ھازىر ئۇنىڭ بۇنداق ئازادە ئىنتوناتسىيە بىلەن بۇنداق شوخ گەپلەرنى قىلىشى، پەقەت ئۆزىنى خۇشال قىلىش ئۈچۈن ئىدى،بىراق بۇ دەقىقىدە ئەلفىرە كۈلەلمىدى.-قارىغاندا ئادەمنى كۈلدۈرىدىغان بۇنداق ئىشلارنى يەنىلا شاھزاد قىلسابولغۇدەك.بىر ھازادىن كېيىن، تېلېفوننىڭ ئۇ تەرىپىدىكى ئەلزاد ئۇلۇغ كىچىك تىنىپ قويۇپ،گېپىنى داۋام قىلدى.-مەن بۈگۈن ئەتىگەن ھېلىقى تۇرغۇن ئېلان قىلغان لايىھە ئارگىنالىنى كۆرۈپ شۇڭا سىزدىن ئەنسىرەپ،دىمەيلا زەنجىرنىڭ ئاۋازىنى ئاچقانىدىم،ئاپا،مەن ھەرگىزمۇ سىزنىڭ شەخسىي مەخپىيەتلىكىڭىزنى تىڭتىڭلىماقچى ئەمەس.يادىكار تاماقنى كۆتۈرۈپ ئاشخانىدىن چىققاچ،ئەلزاد ئۈچۈن گەپ قىلىشقا باشلىدى.-سەن دىگەن ئۇنىڭ ئوغلى تۇرساڭ، ئۇنىڭ مەخپىيەتلىكىنى تىڭتىڭلىغان تەقدىردىمۇ، ئۇ سېنى ھېچنېمە قىلمايدۇ،ئۇنىڭ ئۈستىگە، ئاپاڭدەك ئاسان ئالدىنىپ كىتىدىغانلارغا،ئەگەر ئاز تولا ۋاستە ئىشلىتىپ ئۇنى قوغداپ يۈرمىسەك،ئۇنىڭ كۆڭلىدە بىرە ئىش بولسىمۇ،چوقۇم ئىچىدە سېستىشقا رازىكى بىزگە دىمەيدۇ!ئۇ شۇنداق دىگەچ ئەلفىرەگە چوكىنى سۇندى.-ئاۋۋال تاماق يەيلى، تاماق يەپ بولغاندىن كېيىن قانداق قىلىشنى ئويلايلى.ئەلفىرە چوكىنى تۇتۇپ، ئۈستەلدىكى مەززىلىك تاماقلارغا قارىدى، لېكىن ھەر قانچە قىلىپمۇ ئۇلارنى يىىشكە كۆڭلى بارمايۋاتاتتى،يادىكار ئۇنىڭ ئەس-ھوشىنى يوقاتقان ھالىتىنى كۆرۈپ،قوشۇمىسىنى تۈرگىنىچە،چوكىسىنى قويۇپ،ئۇنىڭ كۆڭۈل تۈگىنىنى يېشىپ قويماقچى بولۇپ ئېغىز ئاچتى.-ئەلفىرە،مەن سىزنىڭ ئۆز دادىڭىزنى تۈرمىدە ياتقۇزۇشقا چىدىمايدىغانلىقىڭىزنى بىلىمەن،لېكىن سىز ئويلاپ باقتىڭىزمۇ، ئەگەر بۇ قېتىم ئەنزەر بۇنداق ئىشقا چىداپ تۇرسا،بۇنداق ئىش يەنە ئىككىنچى قېتىم يۈز بىرىشى مۇمكىن،ۋاقتى كەلگەندە،ئەنزەر گورۇھىنىڭ ئۇچرايدىغان زىيىنى،سىز كۆتىرەلەيدىغان دەرىجىدىن نەچچە ھەسسە ئېشىپ كىتىدۇ،دادىڭىزنى گۈزەلنۇر كۈشكۈرتكەن ياكى كۈشكۈرتمىگەن بولسۇن، ئۇ مۇشۇنداق خاتالىق ئۆتكۈزگەن بولسا، ئۇ چوقۇم بۇ نەتىجىنى قوبۇل قىلىشى كىرەك.ئەلفىرە لېۋىنى چىشلەپ، ئەمدىلا بىر نېمە دېمەكچى بولغاندا، ئۇنىڭ يانفونى سايراپ كەتتى،ئەركىندىن كەلگەنىدى.- ئەلفىرەتېلېفوننىڭ ئۇ تەرىپىدىكى ئەركىننىڭ ئاۋازى سەل تەڭلىكتە قالغاندەك چىقىۋاتاتتى.-شەۋكەت تۇتۇپ كىتىلدى، ئۇنىڭ ئايالى رەھىمە ھوشىدىن كېتىپ دوختۇرخانىغا كىرىپ قالدى،خانىم سىزگە دەپ قويۇشۇمنى ئېيتقانىدى،ئۇ سىزنى شۇنداق كەڭ قورساق بولغاندىكىن بېرىپ ئۇلارنى يوقلاپ قويىشى كىرەك دەيدۇ........ئەلفىرە ئەركىننىڭ گېپى بويىچە بىۋاستە دوختۇرخانىغا بېرىپ رەھىمەنى يوقلىماي،ئاۋال بىۋاستە ماشىنا توسۇپ ساقچى ئىدارىسىگە بارغىنىدا،ساقچى ئىدارىسىدىكى قاراشقا يىڭىلا خىزمەتكە چىققاندە كۆرىنىدىغان ياش ساقچى يىگىت ئۇنى رەت قىلدى.-ئۇ ھازىر سودا جىنايىتىگە چېتىشلىق جىنايەت گۇماندارى يەنىلا سوراق قىلىنىۋاتىدۇ، يوقلاشقا بولمايدۇ.ئەلفىرە بېشىنى لىڭشىتقىنىچە سورىدى.- ئۇنداقتا قاچان يوقلىساق بولىدۇ؟ساقچى يىگىت قول سائىتىگە قاراپ قويۇپ جاۋاپ بەردى.-ئاز دېگەندە ئۈچ-تۆت سائەتتىن كىيىن.-ئۈچ، تۆت سائەت، توغرىمۇ؟ئەلفىرە شۇنداق دەپلا ئۇدۇللا بىر چەتتىكى ئۇزۇن ئورۇندۇقتا ئولتۇردى.-مەن ساقلايمەن.ساقچى يىگىت ھەيرانلىق بىلەن ئۇنىڭغا بىر قاراپ قويغاندىن كېيىن، ھېچنېمە دېمەيلا كېتىپ قالدى. ئەلفىرە ئىزچىل ساقچى ئىدارىسىدە چىڭقى چۈشتىكى قۇياش نۇرىدىن كەچقۇرۇن قاراڭغۇ چۈشكىچە ئولتۇردى.كەچ سائەت ئالتىدە،ساقچى يىگىت ئاخىرى ئۇنىڭ قىشىغا كىلىپ دىدى.-كىرىپ كۆرىشسىڭىز بولىدۇ.ئەلفىرە رەھمەت ئېيتىپ، ساقچىنىڭ كەينىدىن يوقلاش ئۆيىگە باردى. كەلگەن ئادەمنىڭ ئۇ ئىكەنلىكىنى كۆرۈپ،شەۋكەتنىڭ چىرايىدا بىر خىل ھەيرانلىق پەيدا بولدى.چۈنكى ساقچىلارنىڭ دىيىشچە، بىر ئايال سىرتتا ئۇنىڭ بىلەن كۆرىشش ئۈچۈن بىر چۈشتىن كېيىن ساقلاپتۇ.شەۋكەت سوغۇق كۈلگىنىچە ئېغىز ئاچتى.-سىز ئىكەنلىكىڭىزنى ئويلىماپتىكەنمەن، ئەلفىرە باش نازارەتچى مېنى يوقلاپ كېلىشكە شۇنچە ئالدىراپ كېتىپتىغۇ، مېنىڭ مۇشۇ ھالغا چۈشۈپ قالغانلىقىمنى كۆرگىلى كەلدىڭىزمۇ؟گۈزەلنۇر ئۇنىڭغا ئەلفىرەنىڭ لايىھە ئارگىنالىنى ئوغرىلاپ بىرىشىنى ئېيتقاندا، ئۇ ئۆزىگە مۇشۇنداق بىر كۈنىنىڭ كېلىدىغانلىقىنى بىلەتتى،لېكىن ئۇ بۇ كۈننىڭ بۇنچە تېز كېلىشىنى ئويلاپ باقمىغان.كۆچۈرمىكەشلىك توردا ئىلان قىلنىشتىن بۇرۇن،ئەنزەر ئۇنى تۈرمىگە سولىۋەتتى.-مەن ھەقىقەتەن سىزنىڭ كۈلكىڭىزنى كۆرگىلى كەلدىم.ئەلفىرە چوڭقۇر بىر نەپەس ئالغاندىن كېيىن،شەۋكەتكە قاراپ مەسخىرە قىلغان ھالدا گېپىنى داۋام قىلدى.-شەۋكەت ئەپەندى سىزمۇ ئىلگىرى تىجارەت قىلغان ئادەم، گەرچە تىجارىتىڭىز ئانچە چوڭ بولمىسىمۇ، لېكىن سىز قانداقلا بولمىسۇن خوجايىن بولغان ئادەم،سودا مەخپىيەتلىكىنى ئاشكارىلاشتەك بۇنداق غايەت زور خىيم خەتىرى بار ئىشنى بىلىپ تۇرۇپ قەستەن قىلدىڭىز.شەۋكەت ئۇنىڭغا سوغۇققىنە قاراپ كۆز يۈگۈرتكەندىن كىيىن ئېغىز ئاچتى.- ئەلفىرە باش نازارەتچىنىڭ ئالايىتەن بېرىپ مېنىڭ ئۆتمۈشۈمنى تەكشۈرىشىنى ئويلاپمۇ باقماپتىكەنمەن.ھازىر بەك كۆرەڭلەپ كېتىۋاتامسىز؟قىزىمنىڭ ئىرىنى ئازدۇرۇپ،مۇۋاپىقىيەت قازىناي دەپ قالدىڭىز،ئەمدى ئۇنىڭ دادىسىنى تۈرمىگە تاشلىدىڭىز،ئۇنىڭ كۆڭلىنىڭ يېرىم بولىۋاتقانلىقىنى كۆرۈپ،ھەقچان يۈرەكلىرىڭىز يايراپ كەتكەندۇ؟ ئەلفىرە ، سىز مۇرادىڭىزغا يېتەلمەيسىز !ئەنزەر قىزىمنى شۇنچە ياخشى كۆرىدۇ، سىز ھەر قانچە چىرايلىق، ھەر قانچە تەدبىرلىك بولسىڭىزمۇ بىكار !ئەلفىرە سوغۇق نەپەس ئالغىنىچە،ئولتۇرۇش ھالىتىنى ئۆزگەرتىپ گەپ باشلىدى.-سىز راستىنلا ئەنزەرنى ئەقىدەنى ياخشى كۆرىدۇ دەپ ئويلامسىز؟ئەينى چاغدا ئەقىدە ئەنزەرگە ياتلىق بولغاندا قانچىلىك تۆۋەنچىلىكتە ياتلىق بولغانلىقىنى، ئۇنتۇپ قالدىڭىزمۇ؟ئۇ ھىچنىمىگە پەرۋا قىلماي،ھەتتا سىلەردىن يۈز ئۆرۈشكىمۇ قارىماي،ئەنزەرگە ياتلىق بولغان،لېكىن كېيىن ئەنزەر ئۇنىڭغا ھېچنېمە بەرمىدى،شىركىتىڭىز ۋەيران بولدى،ئەنزەر سىلەرگە ياردەم قىلىدىغان پۇلنىمۇ چىقىرىپ بەرمىدى.سىلەرنىڭ قەرزىڭلارنى ئەقىدە ئۆزىنىڭ ئىلگىرىكى ئوقۇش مۇكاپات پۇلى ۋە توردا ئوغرىلىقچە لايىھە سىزىپ تاپقان پۇلى بىلەن ئاز-ئازدىن قايتۇرۇپ بەردى.ئەلفىرە شەۋكەتنىڭ چىرايىنىڭ بارغانسېرى تاتىرىپ كېتىۋاتقانلىقىنى كۆرۈپ،مېيىقىدا كۈلۈپ قويۇپ،قايتىلاپ سورىدى.-سىز ھازىرمۇ يەنە ئەنزەرنى ئۇنى ياخشى كۆرىدىغانلىقىنى جەزملەشتۈرەلەمسىز؟شەۋكەت ئەلفىرەگە چەكچەيگىنىچە، چىشلىرىنى غۇچۇرلىتىپ سورىدى.-سىز زادى قانداق قىلماقچى؟چوڭ قىزىم ئەقىدە ھىلىمۇ بەك بىچارە بولۇپ كەتتى،كىچىكىدىن تارتىپ بىز ئىزچىل كىچىك قىزىمىزغا كۆڭۈل بۆلۈپ،ئۇنىڭغا سەل قارىدۇق،ئۇنىڭغا مۇكەممەل،مۇھەببەتكە تولغان بالىلىق ئاتا قىلالمىدۇق،ھازىر ئىككى بالا ئۇنىڭ بىلەن ئانچە يېقىن ئەمەس،ئەنزەر ئۇنىڭغا بىردەم سوغۇق، بىردەم ئىسسىق مۇئامىلە قىلىدۇ.ئۇ شۇنچە بىچارە تۇرسا، سىز ئۇنىڭ ئەڭ ئاخىرقى بەختىدىن مەھرۇم قىلىپ ئاندىن خۇشال بولامسىز؟دادىسىنىڭ گېپى ئەلفىرەنى بىردەم ئويلاندۇرۇپ قويدى.كىچىكىدىن تارتىپ چوڭ بولغىچە،بۇ ئۇنىڭ شەۋكەتنىڭ ئاغزىدىن ئۆزىگە ئىچ ئاغرىتىدىغان، ئۇنىڭغا يۈز كېلەلمەيدىغان گەپلەرنى تۇنجى قېتىم ئاڭلىشى ئىدى.ئۇ لېۋىنى چىشلەپ، كۆزلىرىنى كۆتۈرۈپ شەۋكەتكە سوغۇققىنە قاراپ ئېغىز ئاچتى.-ئەنزەر ھازىر سىزنى زور سودا مەخپىيەتلىكىنى ئاشكارىلىدى دەپ ئەرز قىلماقچى بولسىمۇ، لېكىن تېگى-تەكتىدىن ئېيتقاندا، سىزنىڭ ئوغرىلىغىنىڭىز مېنىڭ لايىھە رەسىم،ئەگەر مەن سۈرۈشتۈرمىسەم،سىز تۈرمىدە ياتمىسىڭىزمۇ بولىدۇ.ئەلفىرەنىڭ گېپى شەۋكەتنىڭ كۆز ئالدىنى يورىتىۋەتتى.ئۇ ھاياجانلانغان ھالدا ئەلفىرەگە قارىدى.- ئەلفىرە خانقىز، سىز... مېنى قويۇۋەتسىڭىز بولامدۇ؟-سىزنى قويۋەتسەم بولىدۇ،بىراق مەن سىزنىڭ ئىككى جاۋابىڭىزغا موھتاج،بىرىنچى....ئۇ چوڭقۇر بىر نەپەس ئالغاندىن كېيىن، ئۇدۇلدىكى چاچلىرى ئاقارغان ئوتتۇرا ياشلىق ئەرگە تىكىلدى.-ئەينى چاغدا شەھىدە چەت ئەلگە چىقىشتىن بۇرۇن ماڭا بىر ئىشنى ئېيتقانىدى.ئۇ مەن رەھىمەنىڭ بالىسى ئەمەس، سىز بىلەن سىرتتىكى ئايالدىن بولغان بالا دەيدۇ.رەھىمە ئىككىڭلارنىڭ ھەقىقىي ئىككىنچى قىزىڭلارنى سىز دارىلئېتامغا ئاپىرىپ قويۇپ،شەھىدەنى ئۆيگە ئېلىپ كەتكەن ئىشڭىز، بۇ راستمۇ؟يوقلاش ئۆيىدىكى ھاۋا كۆزنى يۇمۇپ ئاچقۇچە جىمىپ قالدى. شەۋكەت بېشىنى كۆتۈرۈپ، ئەلفىرەگە ھاڭ-تاڭ قالغان ھالدا قارىدى، ئاغزىنى نەچچە قېتىم ئېچىپ-يېپىلغان بولسىمۇ، لېكىن بىر بوغۇممۇ سۆز چىقمىدى.بىر ھازادىن كېيىن، ئۇ ئۈنى ئىچىگە چۈشۈپ كەتكەن ھالدا سورىدى.-ئۇ نېمىشقا سىزگە بۇنى دەيدۇ...ئەلفىرە كۆزىنى يۇمۇپ چوڭقۇر نەپەس ئالغىنىچە ئىنكاس بىلدۈردى.-سىز پەقەت ماڭا جاۋاب بەرسىڭىزلا بولىدۇ، راستمۇ ياكى يالغانمۇ؟ئەگەر مەن بۇ ئىشنى گۈزەلنۇرغا ئېيتسام، ئۇنىڭ ئاق كۆڭۈللۈك دەرىجىسى بويىچە، ئەگەر ئۇ سىزنىڭ ئەينى چاغدا ئۆز سىڭلىسىنى سىرتتا تاشلاپ قويغانلىقىڭىزنى بىلسە، سىزنىڭچە ئۇ سىزنى قۇتقۇزۇپ چىقىپ كېتەرمۇ؟شەۋكەتنىڭ چىرايى بىردىنلا تاتىرىپ سەتلىشىپ كەتتى.يەنە ئۇزۇن سۈكۈتتىن كېيىن،ئۇ كۆزلىرنى يۇمۇپ جاۋاپ بىرىشكە باشلىدى.-بۇ ئىشنى دەپ كەلسەم گەپ ئۇزۇن...لېكىن، بالا ئالماشتۇرۇش ئىشىنى مەن ھەقىقەتەن قىلىپ باققان.ئەلفىرەنىڭ يۈرىكى بىردىنلا قاتتىق ئاغرىپ كەتتى.بىر دادىسىنىڭ ئاشىنىسنىڭ قىزى،ئۇنىڭ ئۆز ئانىسىنىڭ 20 نەچچە يىللىق مۇھەببىتىنى ئىگىلىۋالدى،ئۇنىڭ ئۆز ئانىسى رەھىمە ھازىرغىچە ئالدام خالتىغا چۈشۈپ يۈرۈپتۇ،ھەتتا بۈگۈن چۈشتە، ئۇ ئۆز قىزىنى ئوغرىلىقچە ئالماشتۇرغان بۇ داشقال ئەر تۈرمىگە كىرىپ قالغانلىقى ئۈچۈن،ئازاپلىنىپ ھوشىدىن كېتىپ دوختۇرخانىدا يېتىپ قالدى.-سىز بۇنداق قىلسىڭىز ۋىجدانسىزلىق بولدىغانلىقىنى ھېس قىلمىدىڭىزمۇ؟ئايالىڭىزنى نېمە كۆرۈپ قالدىڭىز؟شەۋكەت ئاجىزلىق بىلەن لىۋىنى چىشلىگىنىچە، خېلىغىچە گەپ قىلمىدى.ئەڭ ئاخىرىدا، ئۇ چوڭقۇر نەپەس ئېلىپ، كۆزىنى يۇمغىنىچە ئېغىز ئاچتى.-ئىشقىلىپ مەن تۈرمىدە ياتىمەن، مېنىڭ داۋاملىق يوشۇرۇشقا باھانەم يوق،ئەمەلىيەتتە...ئۇ كۆزنى ئېچىپ چۈشەندۈرشكە باشلىدى.-شەھىدە گەرچە رەھىمەنىڭ ئۆز قىزى بولمىسىمۇ، لېكىن مېنىڭمۇ ئۆز قىزىم ئەمەس،ئۇ چەت ئەللىك باينىڭ قىزى،ئەينى چاغدا دارىلئېتامدىكى كىشىلەرنىڭ ھېلىقى چەت ئەللىك باينىڭ قىزىنى ئېلىپ كەتمەكچى بولغانلىقىنى ئاڭلاپ، كاللام قاتتى،مېنىڭ ئىقتىدارىم يوق، قىزىمنىڭ تېخىمۇ ياخشى تۇرمۇش كەچۈرۈشىنى ئۈمىد قىلىمەن.-شۇڭا سىز باشقىلارنىڭ قىزى بىلەن ئىككىنچى قىزىڭىزنى ئالماشتۇرۇۋەتتىڭىز، توغرىمۇ؟شەۋكەت گەپ قىلمىدى. ئەلفىرە كۆزلىرىنى يۇمىغنىچە،ئالدىدىكى بۇ ئەرنىڭ كۆپ يىللاردىن بۇيان،ئۆزىنىڭ نەزىرىدىكى قەيسەر ۋە پىشقان دادىسى ئىكەنلىكىگە ئىشەنگۈسى كەلمىدى،لېكىن ھازىر...ھەممە يوقىدى،ئۇنىڭ قەلبىدىكى ئوبرازى بىراقلا غۇلاپ چۈشكەنىدى.-بۇ ئىشنى رەھىمە ھازىرغىچە بىلمەيدۇ،ئەمما ئۇ بىلسىمۇ مېنى ئەيىبلىمەيدۇ،قانداقلا بولمىسۇن قىزىمىز ھازىر ھەقىقەتەن ياخشى تۇرمۇش كەچۈرۈۋاتىدۇ....ئەمەلىيەتتە مەن بۇ بىر نەچچە يىلدىن بۇيان ئۆزۈمنى ئەيىبلەپ كېلىۋاتىمەن، لېكىن ئىش يۈز بېرىپ بولدى،باشقا ئامال يوق...ئۇ شۇنداق دەپ بېشىنى كۆتۈرگىنىچە گېپىنى داۋام قىلدى.-سىزنىڭ بۇ سۇئالىڭىزغا جاۋاپ بەردىم،ئۇنداقتا ئەلفىرە خانقىز، سىزنىڭ باشقا بىر سوئالىڭىزچۇ؟ئەلفىرە بىر ئاز ئىككىلەنگەندىن كېيىن كۈلۈپ كەتتى.-يەنە بىر مەسىلە بولسا...رەھىمە ئىككىڭلار ئىزچىل بۇرۇنقى ئەقىدەگە يۈز كېلەلمەيدىغانلىقىڭلارنى ئېيتىۋاتىسىلەر،راستىنلا پۇشايمان قىلىپ، خىجىل بولۇپ، پەقەت مۇشۇ ئۇسۇل ئارقىلىق گۈزەلنۇرغا ياخشىچاق بولۇپ،سىلەرنى ئەنزەرنىڭ قانات ئاستىغا ئېلىشىنى ئويلاۋاتامسىز؟ساقچى ئىدارىسىدىن چىققاندا، ئەلفىرە چوڭقۇر خىيالغا چۆكۈپ كەتتى،قۇلاق تۈۋىدە شەۋكەتنىڭ بايام ئۆزىگە قايتۇرغان جاۋابى ياڭراپ تۇراتتى.-بىز راستىنلا خىجىللىق ھېس قىلدۇق،بىز ئىزچىل ئەقىدەنى پىشىپ يىتلگەن،ئۆزىنىڭ ھالىدىن ياخشى خەۋەر ئالالايدۇ،بىزنىڭ كۆڭۈل بۆلىشىمىزگە مۇھتاج ئەمەس،دەپ ئويلاپ قاپتىمىز،بىز راستىنلا ئۇنىڭغا تولۇقلىما بەرمەكچى،بۇ قېتىمقى ماقالىڭىزنى ئوغرىلاشتىمۇ، مەنمۇ ئۇنى خۇشال قىلىش ئۈچۈن شۇنداق قىلغانىدىم...سىز بايام مەندىن نېمە ئۈچۈن ئاقىۋىتىنىڭ ئېغىرلىقىنى بىلىپ تۇرۇپ يەنىلا قىلدىڭىز دەپ سورىدىڭىز، ئەمەلىيەتتە مەن ئۆز ئىختىيارلىقىم بىلەن ئۇنىڭ ئۈچۈن خەتەرگە تەۋەككۈل قىلغان.ھازىر گۈزەلنۇر بىزدىن ئاسماندىكى يۇلتۇزنى تەلەپ قىلسىمۇ، بىز ئۇنىڭغا تىرىشىپ ئۈزۈپ بىرىمىز،چۈنكى بىز ئىلگىرى ئۇنىڭغا بەك ھەددىدىن ئاشۇرۋىتىپتۇق...ئەلفىرە بېشىنى كۆتۈرۈپ، تۈن پەردىسى قاپلىغان ئاسمانغا قاراپ، تۇيۇقسىز يىغلىغۇسى كەلدى.نېمە ئۈچۈن؟نېمە ئۈچۈن ئۇ ئەقىدە ۋاقتىدا، مەيلى شەۋكەت ئەر-خوتۇن بولسۇن ياكى ئەنزەر بولسۇن، ئۇنىڭغا ئازراقمۇ كۆڭۈل بۆلمەيدۇ.نېمە ئۈچۈن ئۇ ئەلفىرەگە ئايلانغاندا،گۈزەلنۇر ئەقىدەگە ئايلانغاندا، ئۇلار يەنە ئۇنى قىزغىن ياخشى كۆرۈپ، ئۇنىڭ ئۈچۈن بارلىقىنى بېغىشلاشنى خالايدۇ.زادى ئۇنىڭ تەلىيى كاجمۇ ياكى ئۇنىڭ پېشانىسىگە بۇ ئىللىقلىققا ئېرىشەلمەسلىك پۈتۈلگەنمۇ؟- ئەلفىرەتۇيۇقسىز، قۇلاق تۈۋىدە بىر ئەركىشىنىڭ ئاۋازى ئاڭلاندى. ئەلفىرە ئېسىگە كېلىپ، ئىختىيارسىز ئاۋاز چىققان تەرەپكە قارىدى.ئەركىن ھېلىقى تونۇش قارا رەڭلىك ماسېراتىنىڭ يېنىدا، كۈلۈمسىرەپ تۇرۇپ ئۇنىڭغا قاراپ قول پۇلاڭلىتىۋاتاتتى.ئۇنىڭ يېنىدىكى ماشىنىدا، چىرايىدىن مۇز يېغىپ تۇرىدىغان كىلىشكەن ئەنزەر،نىمىگە قاراۋاتقانلىقىنى بىلگىلى بولمايدىغان ھالەتتە،بېشىنى تۆۋەن سالغىنىچە ئولتۇراتتى.ئەلفىرە بىردەم تۇرۇۋالغاندىن كېيىن، پۇتىنى كۆتۈرۈپ ئۇلار تەرەپكە قاراپ كەلدى.-بۇ يەردە سىزنى ئۇچرىتىپ قېلىشىمنى ئويلىماپتىكەنمەن.ئەركىن كۈلۈمسىرىگەن ھالدا ئۇنىڭغا قاراپ،ئاندىن ئوغرىلىقچە ئېڭىشىپ ئۇنىڭ قۇلىقىغا يېقىن كىلىپ چۈشەندۈردى.-بۈگۈن چۈشتە سىزگە تېلېفون قىلغاندا خانىم يېنىمدا ئىدى، شۇڭا مەن سىزگە كۆپ گەپ قىلىشقا ئامالسىز قالدىم،سىز دوختۇرخانىغا بېرىپ ھېلىقى رەھىمە خانىمنى يوقلىدىڭىزمۇ؟ئەلفىرە بېشىنى چايقىدى،-، مەن ئۇدۇل بۇ يەرگە كەلدىم.ئەركىنمۇ بېشىنى لىڭىشتىپ دىدى.-بۇمۇ توغرا،رەھىمە خانىم شۇ كەيىپىياتى جىددىيلىشىپ دوختۇرخانىغا كىرىپ قالغان،بۇ يەردىكىسى ئاندىن ھەقىقى ئىشنىڭ مۇھىم نوقتىسى.
