ئازاپ كوچىسىدىكى ئايال 163-قىسىم

_ ھۇ قارانىيەت، سەن بولمىغان بولساڭ بۇ ئىشلار يۈز بەرمىگەن بولاتتى، بالاممۇ چۈشۈپ كەتمەيتتى..

ئۇنىڭ بۇ سۆزىنى ئاڭلاپ جايىمدا تۇرۇپ قالدىم.

_ بالا، چۈشۈپ كەتتىما؟

_ ھەئە. سەن بولمىغان بولساڭ بالام چۈشۈپ كەتمىگەن بولاتتى،_ ئۇ يىغلاشقا باشلىدى،_ سەن بالامنىڭ قاتىلى..

_ بالىنى مەن چۈشۈرمىدىم. بۇ ئىشنىڭ مەن بىلەن مۇناسۋىتى يوق.. بالىنى پاكىز تاپقان بولساڭ بۇنداق بولمايتتى.. بۇنى ئۆزۈڭدىن كۆر..

ئاغزىم شۇنداق دەپ تۇراتتى-يۇ، يۈرىكىم ئېچىشىۋاتاتتى.

_ سېنى ھەرقانچە بولسىمۇ بالامغا قەست قىلىدۇ دېمىگەنتىم..بۇنچە ناچارلىقىڭنى بىلمەپتىمەن..

_ يولدىشىڭ مېنىڭ بالامغا قەست قىلدى، لېكىن بالاڭغا مەن قەست قىلمىدىم..بۇ ئۆزۈڭدىكى مەسىلە..

_ سەن ئۇنىڭغا سۈرەتنى كۆرسەتمىگەن بولساڭ ئىش يوغىناپ كەتمەيتتى.. قاراپ تۇر، بالامغا مۇشۇنداق قىلغىنىڭغا سەن ياخشى كۈن كۆرمەيسەن..

شاگىرتىمنىڭ ئايالى ماڭا غەزەپ كۆزلىرىنى تىكىپ قاراپ قويغاندىن كېيىن ئۆرۈلدى. ئۇ ئۇزاق يىراقلىمايلا ئۇدۇلدىن كەلگەن قوشنامنى كۆردۈم. قوشنام ئۇنىڭ ئالدىغا كېلىپ بىر شاپىلاق ئۇردى-دە، ئۇنى تىللاشقا باشلىدى.

_ سەن بۇزۇقنى بۇ يەرگە كەلمە دەپ نەچچە دېدىم، قايسى يۈزۈڭ بىلەن كەلدىڭ؟ مېنىڭ ئوغلۇمنى سەن مۇشۇ ھالغا چۈشۈرۈپ قويدۇڭ، يولدىشىڭ بولغاندىن كېيىن شۇنىڭ بىلەن ياشىساڭ بولمامدۇ، نېمىشقا مېنىڭ ئوغلۇمغا چاپلىشىسەن..ھۇ يۈزى قېلىن..

_ ھامما گېپىمنى ئاڭلاڭ، بۇ ئىشنى سىزگە چۈشەندۈرەي..

_ مېنىڭ ھېچقانداق گەپ ئاڭلىغۇم يوق. ماڭا ھېچنېمىنى چۈشەندۈرمە، ئوغلۇم دوختۇرخانىدىن چىققاندا باشقا ھېسابنى سەندىن بىراق ئالىمەن..

قوشنام شاگىرتىمنىڭ ئايالىغا ئالىيىپ قويغاندىن كېيىن ئۆيى تەرەپكە قاراپ ماڭدى. ئۇنىڭغا گەپ قىلغۇم بولسىمۇ ئۆزۈمنى زورىغا تۇتىۋالدىم.

ئاستا ئۆيگە كىرىپ سىڭلىم، كاتىپ ۋە دوستۇمنىڭ ئالدىغا كەلدىم.

_ بەك ئۇزۇن يوقاپ كەتتىڭغۇ ئاداش. بىرەر ئىش بولمىغاندۇ..

_ ياقەي. ئىشىك ئالدىدا بىردەم ئولتۇردۇم..

_ دەيدىغان سۆزلەرنى يوللاپ قويسىڭىز مەن ماڭاي..

_ ئىشىڭىز بولسا كېتىۋېرىڭ. مەن توپقا يوللاپ قويىمەن..

_ بولىدۇ، ئەمىسە ئەتە كۆرىشەيلى...

دوستۇم بىلەن كاتىپ چىقىپ كەتكەندىن كېيىن سافادا ئېغىر ئولتۇرۇپ قالدىم. تۇتۇق سىڭلىمنىڭ بالىسىنىڭ چۈشۈپ كەتكەنلىكىنى ئاڭلاپ يۈرىكىم بىئارام بولىۋاتاتتى.

_ ئاچا، ساڭا نېمىش بولدى؟ بايىدىن بېرى سەل بىئارامدەك كۆرىنىسەن..

_ ئۇنىڭ بالىسى چۈشۈپ كېتىپتۇ..

_ كىمنىڭ؟ شاگىرتىڭنىڭ ئايالىنىڭ قورسىقىدىكى بالا چۈشۈپ كېتىپتۇما؟

_ شۇنداق. شۇ كۈندىكى قالايمىقانچىلىقتا بالىسى چۈشۈپ كېتىپتۇ..

_ ئۇ كۈندىكى ئەھۋالدا بالىنى ساقلاپ قېلىش ئاسان ئەمەستى..مەنمۇ چۈشۈپ كېتەمدىكىن دېگەن..

كۆزۈمدىن ئىككى تامچە ياش سىرغىپ چۈشتى.

_ مەن ئەسلى بۇنداق بولىشىنى خالىمايتتىم..

_ ئاچا، بولىدىغان ئىش بوپتۇ، ئۆزۈڭنى ئازابلىما..

_ ئۇلارغا ئۆچلىكىم راست، لېكىن بۇ خاتالىقنىڭ بالىغا تالاپەت يەتكۈزىشىنى خالىمايتتىم.. ئاۋۇ كۈنى ئاچچىقىمدا شۇنداق دېگەن، لېكىن ئۇنىڭ بالىسىنىڭ چۈشۈپ كەتكىنىنى ئاڭلاپ بەك ئازابلاندىم..

سىڭلىم قولۇمنى سىقىمدىدى.

_ قەيسەر بول ئاچا، قەيسەر بول..بۇ بالىنىڭ چۈشۈپ كېتىشىنى سېنىڭ خاتالىقىڭ دېيىشكە بولمايدۇ، ئۇلار ئۆزى بالا تۇرۇپ شۇنداق ئۇرۇشتى، يەنە كېلىپ بۇ قىز بالىسى بولغاندىن كېيىن ئىككى ئەركىشى ئۇرىشىۋاتقان يەرگە بارماسلىقى كېرەكتى..

_ شاگىرتىم ئۇنى زورلاپ ئەكەلگەن بولىشى مۇمكىن..

_ دېمەك سەن بىلەن تېخىمۇ مۇناسىۋىتى يوقكەن..

_ شاگىرتىمغا ئۇ گەپنى مەن دېگەن.. دېمىگەن بولسام بەلكى..

_ ئەمدى پۇشايمان قىلغاننىڭ پايدىسى يوق.. ئۆزۈڭنى كەچۈرۋەتكىن..

_ شاگىرتىم ھۇشسىزكەن..ئاۋۇ ئايالنىڭ ئوغلىمۇ خېلى ئېغىر ئوخشايدۇ..

_ ئاچا، پۇشايمان قىلىۋاتامسەن قانداق؟!

_ بىلمەيمەن. لېكىن ئويلىغىنىمدەك خوش بولمىدىم...

بېشىمنى تۇتۇپ بۇقۇلداپ يىغلاشقا باشلىدىم.

_ ئاچا. ئۇ كۈنى جىيەنىم مەكتەپتىن ھەيدەلگەچكە بېسىمغا چىدىيالماي قارار چىقاردىڭ..يېزىنەم ئىككىمىزمۇ سېنى توسۇشقا سەۋەب تاپالماي قالدۇق..

_ شۇنداق. ئۇلار قىزىمنى خىجىلچىلىقتا قالدۇردى..شۇڭا مۇشۇنداق قىلدىم.. مېنىڭ ئەسلى بىگۇناھ بالىغا ئۇۋال قىلغۇم يوق ئىدى...

_ ئاچا. بۇ يولنىڭ يېرىمىغا كەپ بولدۇڭ. ئەمدى ئارقاڭغا يانالمايسەن..ئۆزۈڭنى ئازابلىما..

ياشلىرىمنى سۈرتىۋېتىپ ئورنۇمدىن تۇرۇپ يۈز كۆزۈمنى سۈرتكەندىن كېيىن سىرتقا قاراپ ماڭدىم.

_ نەگە بارىسەن ئاچا؟

_ شىركەتكە بېرىپ كېلەي..بارمىغىلى خېلى ئۇزۇن بولدى...

_ بولىدۇ.بىخەتەرلىككە دېققەت قىل...

ماشىنا توسۇپ يولدىشىمنىڭ شىركىتىگە يۈرۈپ كەتتىم. ئۇنىڭ شىركىتىدىكىلەرنىڭ ھەممىسى ماڭا ئىگىلىپ سالام قىلىشاتتى.

يولدىشىمنىڭ ئىشخانىسىغا كىرگەندىن كېيىن ئاپتوماتىك ئىشىكنى تاقىغۇزدۇم.

_ بۈگۈن ماللارنى رەتلەيمەن دەۋاتاتتىڭىز..شىركەتكە كەپسىزغۇ..

_ سىزگە بىر گەپنى دېگىلى كەلدىم..

_ نېمە گەپ؟ چىرايىڭىز باشقىچىلا..

_ شاگىرتىمنىڭ ئايالىنىڭ بويىدىن ئاجراپ كېتىپتۇ..

_ مەنمۇ شۇنداق ئويلىغان.. تۈنۈگۈن ئۇ قىز بىر نەچچە شاپىلاق يېدى، ئاۋۇ قوشنىڭىزمۇ بەك ئۇردى، بۇ خىل ئەھۋالدا قورساقتىكى بالىنى ساقلاپ قېلىش بەك قىيىن..

ئېغىر بىرنى خۇرسىنىپ قويدۇم.

_ كۆڭلىڭىز يېرىم بولدى شۇنداقمۇ؟

_ شۇنداق. سىزگە بالا چۈشۈپ كەتسە بولاتتى دېگەن بىلەن، بىر جاننىڭ يوق بولغىنىنى ئاڭلاپ بىئارام بولدۇم..ئىشنى بۇنچە چوڭىيىپ كېتەر دەپ ئويلىمىغانتىم..

_ مەن شۇ كۈنى ھېس قىلغان، ئاغزىڭىزدا شۇنداق دەپ تۇرغان بىلەن كۆزلىرىڭىزدىن يەنە خوشاللىق ئەكس ئەتمىدى..

_ ماڭا ئۆچ بوپ قالدىڭىزمۇ؟!

_ ياق. نېمىشقا ئۆچ بوپ قالغۇدەكمەن..

_ مەن رەھىمسىز، قارا يۈرەك ئادەمگە ئايلىنىپ قالدىم، بىرسىنىڭ بالىسىنى ئەپ قاچتىم، بىرسىنىڭ بالىسىنى چۈشۈرىۋەتتىم..

ئۇ مېنى قۇچاغلىدى.

_ بۇلارنىڭ ھەممىسى سىز خالاپ قىلغان ئىشلار ئەمەس.. ئۇلار سىزنى مەجبۇر قىلدى..

_ نەپرەت ئادەمنىڭ كۆزىنى قارغۇ قىلىپ قويىدىكەن، شۇ كۈنى قىزىمنىڭ يېشىنى كۆرۈپ بەك ئازابلاندىم، شۇڭا ئۇلاردىن ئۆچۈمنى ئېلىشنى ئويلىدىم..لېكىن بۇ نەتىجە مېنى خوشال قىلمىدى..نېمىشقا بۇنداق ياشاشقا مەجبۇر بولۇپ قالىدىغاندىمىز..

_ كۆڭلىڭىزنى بۇزماڭ جېنىم. ئۇلار ئۆزىنىڭ قىلمىشلىرىدىن شۇنداق كۈنگە قالدى..

_ ئاۋۇ ئايالنىڭ ئوغلى بىلەن شاگىرتىمغا نېمىش بوپتۇ؟ بىلدىڭىزمۇ؟

_ شاگىرتىڭىز ھازىر ھۇشسىزكەن.. ئۇ ئايالنىڭ ئوغلى..

_ ئوغلىغا نېمىش بوپتۇ؟ ئادەمنى قورقۇتماڭە..

_ ئوغلىنىڭ بۇرنى سۇنۇپتۇ..قولىمۇ سۇنغاندەك..

_ بۇ؟! ئۇنداق ئەمەستۇ..._ تىترەشكە باشلىدىم.

_ قورقماڭ. ئەرلەر ئۇرۇشقاندا بۇنداق ئىش بوپ تۇرىدۇ...

_ مەن كۆرگەندە شاگىرتىم ئۇنى ئۇرغاندەك تۇراتتى..قانداق بولۇپ شاگىرتىم ھۇشسىز بولغاندۇ..

_ سىز كىرىپ كەتكەندە ئاغىنىسىنىڭ ئاپىسى شاگىرتىڭىزنىڭ بېشىغا بىر نەرسە بىلەن ئۇردى، شۇنىڭ بىلەن ئۇ يىقىلدى..مەن شۇنچە كۈچەپمۇ توسۇپ قالالمىدىم...

بۇقۇلداپ يىغلاشقا باشلىدىم.

_ ئۇنىڭغا ئىچىڭىز ئاغرىۋاتىدۇ شۇنداقمۇ؟!

_ مېنى كەچۈرۈڭ. ئۇنى ياخشى كۆرمەيمەن. لېكىن بۇنداق ئىش يۈز بېرىشىنى ئويلىمىغانتىم..مەن تېخى ئەر-ئايال ئىككىسى ئۇرۇشۇپلا ئىش تۈگەمدىكىن دېگەن..

_ ئەركىشى ئۈچۈن ئايالىنىڭ ۋاپاسىزلىقى، بالىنىڭ ئۆزىنىڭ ئەمەسلىكىدىن ئارتۇق ھاقارەت يوق..ئۇ چىدىماي قالغان گەپ..

_ ماڭا ئۇلار ياتقان دوختۇرخانىنى دەپ بېرەمسىز؟

_ نېمە قىلىسىز، بۇرۇنقى يولدىشىڭىزنى ئىزدەپ بارامسىز؟

_ بۇ ئىشنى مەن تېرىدىم. شۇڭا بېرىپ باقاي..بولامدۇ؟! ماڭا بىر قېتىم رۇخسەت قىلسىڭىز..

يولدىشىم بىردەم ئىككىلىنىپ تۇرۇپ كەتتى.

_ مەن ۋەدە بېرەي، ياتاق ئىچىگە كىرمەيمەن.. پەقەت ئۇلارنىڭ ئەھۋالىنى بىلسەملا بولدى..

يولدىشىم ئادرىسنى ئۈندىدارىمغا يوللىدى.

_ رەھمەت! مېنى قوللىغىنىڭىزغا رەھمەت..

_ مەن بىرگە باراي...

_ بولىدۇ. بۈگۈن بېرىپ باقايلى...

يولدىشىم بىلەن دوختۇرخانا تەرەپكە يۈرۈپ كەتتۇق. ئۆزۈمنىڭ ئۇلار ئۆچ بولۇپ ئۆچ ئېلىشنى پىلانلاپ يەنە يوقلاپ بېرىشىمنىڭ بىر-بىرىگە زىت ئىش ئىكەنلىكىنى بىلەتتىم. لېكىن يۈرىكىمدىكى پۇشايمان مېنى مۇشۇنداق قىلىشقا مەجبۇر قىلىۋاتاتتى.

شاگىرتىم ياتقان قەۋەتكە چىقىپ icu بۆلۈمىنى ئىشىكى ئالدىدا يۈكۈنۈپ ئولتۇرغان دادىسىنى كۆرۈپ يۈرىكىم ئېچىشىپ كەتتى. ئۇ مۈكچىيىپ قالغان بولۇپ بۇرۇنقىدىن ياشىنىپ قالغاندەك كۆرۈنەتتى.

ياشلىرىمنى توختىتالماي قالدىم.

_ ئۇنىڭ دادىسى ياخشى ئادەم ئىدى..مەن ئۇنىڭغا يۈز كېلەلمەيمەن..

_ بېرىپ كۆرىشەمسىز؟

_ قايسى يۈزۈم بىلەن بارىمەن. بولدىلا..

ئۆرۈلۈپ يۈزۈمگە تەگكەن شاپىلاق بىلەن يەرگە چۆچۈپ ئۇدۇلغا قارىدىم.

_ ھۇ نومۇسسىز، بۇ يەرگە نېمە بار دەپ كەلدىڭ؟

_ ھەدە..مەن..

شاگىرتىمنىڭ ئاپىسى يىغلاشقا باشلىدى.

_ ئوغلۇمنىڭ بۇ ھالەتكە چۈشۈپ قېلىشى پۈتۈنلەي سېنىڭ سەۋەبىڭدىن..

_ ئۇنداق ئەمەس..بۇنى مەن قىلمىدىم..

_ سەن ئۆز قولۇڭ بىلەن قىلمىدىڭ، لېكىن باشقىلارغا قول سالغۇزدۇڭ..

_ مېنىڭ بۇ ئىش بىلەن مۇناسىۋىتىم يوق..

_ كېلىنىم ھەممىنى دېدى، سەن ئوغلۇمغا كېلىنىمنىڭ سۈرىتىنى يوللىغاچقا مۇشۇ ئىش يۈز بېرىپتۇ..

_ سۈرەتنى يوللىغىنىم راست، لېكىن مەن ئۇلارنى ئۇرۇشقا سالمىدىم..

_ سۈرەتنى يوللىساڭ ئۇرۇش چىقماي نېمە بولماقچىتى..

_ نېمىشقا؟! نېمىشقا ئۇلار ئۇرۇشۇپ يۈز بەرگەن ئىشنىمۇ مەندىن كۆرىسىز..كېلىنىڭىز ئۆتكۈزگەن خاتالىققا كۆزىڭىزنى يۇمۇپ، يەنە بۇ گۇناھنى مەندە قويىسىز؟

_ سەن قارانىيەت پاسكىنا، مۇشۇ ئىشلارنى تىرىمىغان بولساڭ..ئۇلارنىڭ مۇناسىۋىتى بۇزۇلمايتتى..سەن مېنى فىلىم ئىشلەيسەن دەپ زورلىمىغان بولساڭ كېلىنىم قارشى چىقمايتتى. سەن خەلىق ئالەم ئالدىدا ھەممە ئىشنى دەپ ئوغلۇمنىڭ سۈرەتلىرىنى كۆرسەتمىسەڭ ئىككىسىنىڭ ئوتتۇرىغا زىددىيەت چۈشمەيتتى..

كۈلۈپ كەتتىم.

_ قىزىق ئىش..كېلىنىڭىزنىڭ باشقىلار بىلەن ئارلىشىشىنىڭ سەۋەبىنى مەندە قويىۋاتامسىز؟

_ ئۇنى ئەر-ئايال ئىككىسى ئۆزى ھەل قىلاتتى. يامىنى كەلسە ئاجرىشىپ كېتەتتى..لېكىن سەن سۈرەتكە تارتىپ بۇ زىددىيەتنى چوڭايتتىڭ..ئوغلۇم ھۇشسىز يېتىۋاتىدۇ..

_ مەنمۇ بۇنداق بولىشىنى خالىمايتتىم. ئوغلىڭىز ئاغىنىسىگە قىزىمنى روھىي كېسەل دېگەچكە ئۇ مەكتەپتىن ھەيدەلدى. مەن چىداپ بولالمىدىم..سىلەر يامانلىق قىلساڭلار بولىدۇ..مەن قايتۇرسام بولمامدا؟ نېمىشقا؟ نېمىشقا دائىم سىلەر ھوقۇقلۇق، مەن ئاجىز ئورۇندا تۇرىمەن..

_ سەن يەڭدىڭ. كېلىنىمنىڭ قورسىقىدىكى بالا كىمنىڭ ئىكەنلىكى ئېنىق بولماي تۇرۇپلا چۈشۈپ كەتتى، ئوغلۇم ھوشسىز ياتتى. دوستۇم بىلەن باللىرىمىز سەۋەبلىك ئۆچلىشىپ كەتتۇق. ئوغلۇمنىڭ دوستلىقىمۇ بۇزۇلدى..مۇرادىڭغا يەتتىڭ.._ شاگىرتىمنىڭ ئاپىسى سۆزلىگەنچە ئاۋازلىرى بوغۇلۇشقا باشلىدى،_ سەن بەك رەھىمسىزكەنسەن..قاراپ تۇرۇپ بالىسىنىمۇ دادىسىنىمۇ تەڭ جازالىدىڭ..

«كەچۈرۈڭ» دېمەكچى بولۇپ ئاغزىمنى ئېچىپ توختاپ قالدىم. چۈنكى بۇ سۆزنىڭ مېنى تېخىمۇ ئاجىز كۆرسىتىپ قويىدىغانلىقىنى بىلەتتىم.

_ بولدى، ھېلىمۇ ئىككى كۈندىن بېرى تۈزۈك تاماق يېمىدىڭىز، ئارام ئېلىۋېلىڭ.._ شاگىرتىمنىڭ دادىسى ئاپىسىنى يېتىلەپ ئېلىپ كەتتى. ئۇ بۇ نۆۋەت ماڭا قارايدىغاندەك قىلمايتتى.

_ بولدى. بىزمۇ قايتايلى جېنىم،_ يولدىشىم مۆرەمنى تۇتتى.

ماشىنىغا چىقىپ ئىككىلىمىز ئېغىر ئولتۇرۇپ كەتتۇق.

_ مەن ئىشلارنى بۇ دەرىجىگە بارىدۇ دەپ ئويلىمىغان...

_ ھېچقايسىمىز ئويلىمىغان..ھېلىمۇ سىننى تورغا چىقارمىدىڭىز، بولمىسا ئىش تېخىمۇ چوڭىيىپ كېتەتتى..

_ سىز قىزىمنىڭ مەكتەپتىن ھەيدەلگەندىكى بىچارە ھالىتىنى كۆرمىدىڭىز..ئۇلار ئۇنداق قىلمىغان بولسا مەنمۇ بۇنداق يول تۇتمىغان بولاتتىم..

_ شۇنداق. شۇڭا سىزنىڭكىنى خاتا دېگىلى بولمايدۇ..

_ ئۇ سەن بولغاچقا ئىككىسىنىڭ ئىشى بۇزۇلدى دەيدۇ.._ ئېغىر كۈلۈپ كەتتىم،_ ياخشى ئايال قۇلدەك ئىشلىسىمۇ قېيىن ئاپىسى بىلەن ئېرىگە ياخشى بولالمايدىكەن.. ئۇ ئايال خاتالىقنى كېلىنىدە قويماي مەندە قويغىلى تۇرۇپتۇ، شۇنچە ئىشنى قىلىپمۇ ئۇلارغا ياخشى بولالماپتىمەن..

_ كۆڭلىڭىزنى بۇزماڭ. ئادەم بەك ياخشى بوپ كەتسە شۇنداق ئەستىن ئىتتىك كۆتۈرۈلۈپ قالىدىكەن..

_ شۇنداق. ياخشى ئادەمنىڭ مىڭ قېتىم ياخشىلىق قىلغاننى ئەمەس، بىر قېتىم ئەسكىلىك قىلغاننى ئېسىدە تۇتىدىكەن، ئەسكى ئادەم مىڭ ئەسكى ئىش قىلىپ بىرنى ياخشى قىلسا ھەممەيلەن ئۇنى ماختايدىكەن..

_ شۇنداق. لېكىن مۇشۇنداق بولغىنىمۇ بولدى..ئاراڭلاردىكى تەڭسىزلىكلەر تەڭشەلدى..ئۇ ئايال سىزنى قەدىرلىمەي يامان كېلىنگە ئۇچرىدى. ئوغلىمۇ سىزنى قەدىرلىمەي ۋاپاسىزلىققا ئۇچرىدى. ئاۋۇ قوشنىڭىز قىزىڭىزنى تۆۋەن كۆرگىنىگە ئوغلى دوختۇرخانىدا ياتتى..

_ ئۆچۈمنى ئېلىپ خوشال بولىمەن دەپ ئويلىغانتىم..بۇرۇنقىدىنمۇ ئېغىرلىشىپ كېتىپ بارىمەن..

ئېغىر بىرنى تىنىپ ئۇدۇلغا قاراپ ماشىنىدىن بالىنى كۆتۈرۈپ چۈشكەن دېرىكتور ۋە كاتىپ قىزنى كۆردۈم.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ