ئازاپ كوچىسىدىكى ئايال 166-قىسىم

تۇيۇقسىز دەرۋازا قوڭغىرىقى بېسىلدى. كۆرسىتىش ئەينىكىدىن قاراپ ناتونۇش بىر ياش قىزنى كۆردۈم.

_ بۇ كىم ئەمدى؟ تونامسەن؟

_ ياق. سەن مۇشۇ يەردە تۇرۇپ تۇر..مەن چىقىپ كىرەي..

دەرۋازا ئالدىغا چىقىپ قىزغا قارىدىم.

_ ياخشىمۇسىز كىمنى ئىزدەيسىز؟

_ ۋوي. ھەدە بۇ سىزكەنسىزغۇ..

_ مېنى تونامسىز؟

_ شۇنداق تونۇيمەن. مېنى تونىمىدىڭىزما؟

_ ياق. ئېسىمگە ئالالمىدىم..

_ سىز تورغا ئېلان بېرىپتىكەنسىز، ئائىلە ئوقۇتقۇچىسى توغرىلىق..

_ شۇنداق. ئۆيگە كىرىڭ..

ئۇنى ئۆيگە باشلىغاندىن كېيىن ئالدىغا قەھۋە قويدۇم.

_ ئائىلە ئوقۇتقۇچىسى ئىزدەيمەن دەپ ئېلان بەرگىنىم راست..لېكىن سىز مېنى قانداق تونۇيسىز؟

_ ئىككىمىز بۇرۇن كۆرۈشكەن ھەدە..ئېسىڭىزدە بارمۇ؟

_ شۇنداقمۇ؟! ئېسىمگە ئالالمىدىم..نەدە كۆرۈشكەن؟

_ ساقچى ئىدارىسىدە..مەن سىز كۆۋرۈكتىن سەكرىگەن سىننى تورغا تارقاتقان..

_ ھە! شۇنداق ئىش بولغان ئىدى..ئېسىمگە كەلدى..

_ سىز بىلەن بۇنداق ئۇچرىشىپ قېلىشىمنى ئويلىماپتىكەنمەن..سىزگە كۆپ رەھمەت..

_ ماڭا نېمىگە رەھمەت ئېيتىسىز؟!

_ سىز مېنى ئەرز قىلىشتىن ۋاز كەچمىگەن بولسىڭىز مېنىڭ بۇنداق ئۆگىنىش پۇرسىتىم بولمىغان بولاتتى..

_ ھە، ئۇ بەك چوڭ ئىش ئەمەس سىڭلىم، بۇنداق تەكەللۇپ قىلماڭ..

_ ياق. سىز مېنى توردا ئۆسەك سۆز تارقاتتى دەپ ئەرز قىلىشقا يوللۇقتىڭىز لېكىن سىز ۋاز كەچتىڭىز..شۇنىڭ بىلەن مەن ئۆرلەپ ئوقۇپ ئوقۇتقۇچىلىق لاياقەت كېنىشكىسىنى ئالدىم...

_ ھاھا.. بۇنىڭ مەن بىلەن ئالاقىسى يوق..قارىسام كىچىككەنسىز يولىڭىزنى توسۇپ قويغۇم كەلمىدى خالاس..

_ لېكىن سىزگە رەھمەت ئېيتىمەن. سىزدەك كەڭ قورساق ئادەمنى كۆرۈپ باقماپتىكەنمەن..

_ ھېچقىسى يوق. ئەمدى شۇ چاغدىكى قارارىمدىن خوش بولىۋاتىمەن. مانا بىر ئوبدان خىزمەتنى قىلىۋېتىپسىز..

_ مەن بالىلار پىسخىكىسى ئۆگەندىم..

_ شۇنداق ياخشى كەسىپنى ئۆگىنىپسىز..

_ بالىڭىزنى پىسخىكىسى سەل ئاجىز دەپتىكەنسىز.. شۇڭا كېلىشىم..

_ بۇنى سىزگە قانداق دېيىشنى بىلمىدىم..قىزىم ئەمەلىيەتتە ساق..لېكىن..

_ ئۇنىڭغا بىرەر ئىش بولغانمۇ؟

_ ئارلىقتا ئۇنى باشقىلار ئەپ قېچىپ كېتىپ، پىسخىكا توسالغۇسى پەيدا بولدى.. شۇڭا دەرس بىلەن پىسخىكىنى تەڭ ئەپ ماڭىدىغان ئوقۇتقۇچىغا ئېھتىياجلىق ئىدىم..

_ مەن قىز بىلەن كۆرۈشۈپ باقاي ھەدە..كىم بىلىدۇ مېنىڭ ياردىمىم تېگەمدۇ تېخى..

ئۇنى قىزىمنىڭ ياتاق ئۆيىگە ئېلىپ كىردىم.

_ ۋوي. نېمانداق چىرايلىق قىز بۇ

ئۇ قىزىمنىڭ يۈزىنى سىيلىدى. قىزىم مېنى قۇچاغلىدى.

_ ئاپا، ئۇكىم؟

_ قورقما قىزىم، ئۇ سېنىڭ ئائىلە ئوقۇتقۇچۇڭ..

قىزىم ئاستا ئۇنىڭغا قارىدى.

_ قورقماڭ چىرايلىق سىڭلىم. مەن سىزگە زىيان يەتكۈزمەيمەن..

قىزىم بىردەم تۇرۇپ كەتكەندىن كېيىن ئۇنىڭ يېنىغا باردى.

_ مۈشۈكىڭىز بەك ئۇماقكەن. مەن بىللە ئوينىسام بولامدۇ؟

_ ماقۇل..بولىدۇ، لېكىن ئۇنى مىجىقلىماڭ ھە..

_ ھاھا..بولىدۇ، چوقۇم يېنىك تۇتىمەن..

ئۇ قىزىمنىڭ مۈشۈكىنى تۇتتى، قىزىم بىردەم ئىككىلەنگەندىن كېيىن ئۇنىڭغا قاراپ كۈلدى.

_ ئۇنداق تۇتمايسىز، مۇنداق تۇتىسىز..

قىزىم خېلى ئېچىلىپ قالغاندەك تۇراتتى. سىڭلىم يېنىمغا كەلدى.

_ بۇ كىم؟

_ ئائىلە ئوقۇتقۇچىلىق قىلغىلى كەپتۇ..

_ ۋوي. ياخشى بوپتۇغۇ..ئەمىسە مەن چىقىپ تاماق قىلاي..

ئائىلە ئوقۇتقۇچىسىنى بىرىنچى قەۋەتكە ئەپ چۈشتۈم.

_ قارىسام قىزىم بىلەن خېلى چىقىشىپ قالغاندەك تۇرىسىز..

_ ئۇنىڭ مىجەزى بەك ياخشىكەن، قارىسام پىسخىكىسى بىنورمالدەك قىلمايدۇ..

_ بەزى بەزىدە قورقۇپ كېتىپ ۋارقىراپ قالىدۇ..ئادەتتە ياخشى..كۈندە يەيدىغان دورىسى بار..

_ چۈشەندىم ھەدە.. مېنىڭچە مەن ئۇنىڭغا ياردەم قىلالايمەن..

_ شۇنداق قىلالىغان بولسىڭىز تولىمۇ ياخشى بولاتتى..

_ باشتا سىناپ بېقىش مەقسىتىدىلا كەلگەن، كېيىن سىزنىڭ قىزىڭىز ئىكەنلىكىنى بىلىپ ئۇنىڭغا ياردەم قىلغۇم كەلدى..مۇمكىن بولسا ماڭا پۇرسەت بەرسىڭىز،_ ئۇ سومكىسىدىن كېنىشكىسىنى چىقاردى،_ مانا بۇ مېنىڭ كېنىشكەن كۆرۈپ بېقىڭ.

ئۇنىڭ ئوقۇتقۇچىلىق كېنىشكىسىنى كۆرۈپ كۆڭلۈم جايىغا چۈشتى.

_ كىچىك تۇرۇپ كېنىشكە ئەپ بوپسىز مانا.. بولىدۇ..ئەتىدىن باشلاپ كېلىپ سىناپ بېقىڭ..

_ رەھمەت. سىزگە كۆپ رەھمەت.. ئەمىسە مەن ئەتىدىن باشلاپ كېلەي..

قىز چىقىپ كەتكەندىن كېيى سىڭلىم يېنىمغا كەلدى.

_ قاراپ تۇرۇپلا قوشۇلىۋاتىسەنغۇ.. ئۇنى تولۇق چۈشىنىپ بىر نەرسە دېسەڭ بولاتتى..

_ بۇ قىز ئەينى ۋاقىتتا مەن كۆۋرۈكتىن ئۆزۈمنى تاشلىغاندا سىننى تارتىپ تارقاتقان قىز شۇكەن..

_ ئەمىسە تېخىمۇ بولمايدىكەنغۇ..نېمىشقا ئۇنى تاللايسەن..

_ شۇ چاغدا ئۇنى تاپقان ئىدۇق. لېكىن بەك كىچىككەن، شۇڭا مەن ئەرز قىلىشتىن ۋاز كەچكەنتىم.. ئۇ بۇ ئىشتىن كېيىن ئوقۇپ كېنىشكە ئاپتۇ..

_ ئىشقىلىپ قاچانلا بولسا باشقىلارنى كەچۈرۈپلا يۈرىسەن..

_ مەيلى، پۇرسەت بېرىپ باقايلى، قارىسام قىزىم بىلەن خېلى چىقىشىپ قالغاندەك تۇرىدۇ..قىزىم خوش بولىدىغانلا ئىش بولسا مەيلى..

_ بايىقى گەپنى دېيىشەيلى، زادى قانداق ئىشكەن دېگىنە..

_ كاتىپ قىز دېرىكتورنىڭ بۇيرۇقى بىلەن مېنىڭ يېنىمغا كەپتۇ..دەپ بولدۇمغۇ..

_ بۇنداق ئاددىيلا ئەمەستۇ..چوقۇم باشقا ئىش بار..

_ باشقا نېمىش بولماقچىدى..شۇ ئىش خالاس..

_ مەن ئۇنىڭ بىرسى بىلەن ئۇزۇن پاراڭلاشقىنىنى ئاڭلاپ قالدىم، يولدىشى ئەمەستەك قىلىدۇ، چۈنكى ئۇ خېلى ئۇزۇن پاراڭلاشقاندىن كېيىن تېلىفوننى قويۇشى بىلەن يولدىشى تېلىفون قىلدى..قوپال گەپ قىلىپلا قويىۋەتتى..مەنچە ئۇ ئۇنچە ئاددىي قىز ئەمەسكەن..

_ يامانلىقىڭنى قارا. بىلىپ قاپسەن، ئۇنىڭ ئارلىشىۋاتقان ئادىمى دېرىكتوركەن..

_ ئەمىسە بالىچۇ، بالا كىمنىڭكەن؟

_ دېرىكتورنىڭكەن..

_ مەن باشتىلا غەلىتىلىك ھېس قىلغان..ئەگەر يولدىشىنىڭ بالىسى بولسا دائىم بالىسىنى يالغۇز ئېلىپ يۈرمەيتتى، يەنە كېلىپ ھەر قېتىم بالىسىغا گەپ قىلسا داداڭنىڭ يېنىغا كېتىشكە ئاز قالدى دەيدۇ. مەن باشتىلا گۇمان قىلغان..

_ قانداق قىلىمىز، بۇ دۇنيانىڭ ئىشلىرى شۇنداق مۇرەككەپكەن..

_ دېمەك بۇ ساراڭ قىز دېرىكتور ئۈچۈن ساڭا ئاسىي بوپتۇدە..

_ شۇنداق. ئۇ نادان قىز دېرىكتورنى ئايالى بىلەن ئاجرىشىپ ئۆزى بىلەن توي قىلىدۇ دەپ ئويلايدىكەن..

_ راستىنلا نادانكەن، قايسى ئەركىشى ئۆزى ئۈچۈن قۇربانلىق بەرگەن ئايالنى ئالغان..

_ شۇ ئەمەسمۇ، مەن شۇنداق دېسەم، تاللىشىمغا پۇشايمان قىلمايمەن دەيدۇ.. قانداق ياشىسا مەيلى ئەمدى مېنىڭ كارىم يوق..

_ ئۇنى مۇشۇنداقلا قويىۋەتتىڭما؟

_ 40تىن چىقىش پۇلى بىلەن سىر ئاشكارلىغانلىق تۆلىمىنى ئالدىم..

_ ۋۇي. مەن تېخى سېنى ئىچى ئاغرىپلا بولدى قىلدىمىكىن دەپتىمەن..

_ مەن ساخاۋەتچىلىكنى توختاتتىم. ئەرزىمەس ياخشىلىقنى ئەمدى قىلمايمەن. ئۇنىڭ يولدىشىغا ۋاپاسىزلىق قىلىپ تاپقان بالىسىنىڭ بېقىنىش ھەققىنى نېمىشقا مەن كۆتۈرگۈدەكمەن. ئۇنىڭ ئۈستىگە بالىنىڭ دادىسىنىڭ پۇلى بار تۇرسا..

_ شۇنىڭ بىلەن ئۇ قايتۇردىما؟

_ شۇنداق. قايتۇرماي قالاتتىمۇ..

_ دېمەك يېنىدا پۇلى باركەن..

_ شۇنداق. قىزىق ئىش..پۇل يوق دەپ دەرت تۆككەن ئادەمنى قىستىساڭ ئەسلى يېنىدىن پۇل چىقىدىكەن. ھەقىقىي بىچارە ئادەم ئۇلارغا ئىشەنگەن، ئىچ ئاغرىتقان بىزكەنمىز..

_ ھەي، بۇ قىز راستىنلا بەك دۆتكەن..

_ ئۇ تۇغقان كۈنى يولدىشغا ئۆچ بوپ كەتكەنتىم، ئەمدى ئويلىسام يولدىشى بەك بىچارىكەن. ھازىرغىچە بۇ بالىنىڭ ئۆزىنىڭ ئەمەسلىكىنى بىلمەيدىكەن..

_ ھەي، ئۇ ئەر ئەمدى قانداق قىلار..

_ بۇ ساراڭ قىز، دېرىكتور پۇل تېپىپ ئايالىنىڭ پۇلىنى قايتۇرغاندىن كېيىن مەن ئاجرىشىپ ئۇنىڭ بىلەن توي قىلىمەن دەيدۇ..

_ دۇنيادا ئاجايىپ دۆت ئاياللار بولىدۇ جۇمۇ..

_ بىزمۇ شۇ دۆت ئاياللاردىن كەلگەن ئەمەسمۇ، ئۇمۇ بىر كۈنى بۇرنىغا يەيدۇ.. ئۆزى ئاجرىشىپ دېرىكتور ئاجراشمىغاندا پۇشايمان قىلىدۇ..

_ شۇ..شۇ، مېنىڭچىمۇ ئۇ دېرىكتور ئۇنى ئالمايدۇ. بۇ دېرىكتور ئەينى ۋاقىتتا دوستۇم ئىككىمىزگىمۇ پۇل خەجلىگەن..ئۇ پۇل خەجلەيمەن دېسە قىزلار كۆپ..

سىڭلىم گەپنى دەپ بولۇپ مېنىڭ سەت قارىشىم بىلەن توختاپ قالدى.

_ سەنمۇ ئۇنىڭ دامىغا چۈشكىلى تاس قالغانتىڭ..

_ شۇنداق. ھېلىمۇ سەن توسۇپ قالدىڭ..

_ ساڭا دېسەم بەزىدە ئۇنىڭ ئايالىغا ئىچىم ئاغرىپ قالىدۇ..گەرچە ھازىر ئۇنىڭ بىلەن دۈشمەنلىشىپ كەتكەن بولساقمۇ، لېكىن يەنە ئۇنى ئويلاپ قالىمەن..

_ شۇنداق، ئۇ ئايالنىڭ پۇل دېسە پۇلى چىراي دېسە چىرايى باركەن، لېكىن يەنىلا يولدىشىنىڭ كۆڭلىگە ئېرىشەلمەپتۇ..

_ شۇ ئەمەسمۇ، دېرىكتورنىڭ يارىشىۋېلىپمۇ يەنە ئۇ قىز بىلەن ئارلاشقىنىنى بىلگەندىن كېيىن ئايالىغا تېخىمۇ ئىچىم ئاغرىپ كېتىۋاتىدۇ..

_ ئارلاشما ئاچا، ئۇ ئايال مېنىڭچە يولدىشىنى سەندىن بەكرەك چۈشىنىدۇ.. ھازىر ئىككى بالىسى بار، ئۇلار ئاجراشمايدۇ..ئۇ ئادەممۇ ئارلاشقان قىزلارنى ئالمايدۇ..

_ شۇنداق بولسىكەن..

سىڭلىمنى ئۆيدە قويۇپ يەنە ھويلىدىكى ئورۇندۇقتا ئولتۇردۇم. شاگىرتىمنىڭ ئىئانە يىغىش ئۇچۇرى تېخىچە تارقىلىۋاتاتتى. راستىمنى دېسەم ئۇنىڭ ياتقان ھالىتىنى كۆرۈپ يۈرىكىم ئېچىشىۋاتاتتى. تۇيۇقسىز ئەينى يىلى ئۇنىڭ مەن ئۈچۈن باشقىلار بىلەن ئۇرۇشۇپ دوختۇرخانىغا كىرىپ قالغىنى ئېسىمگە كېلىپ قالدى. ئۇ ئەسلى ياخشى ئادەم ئىدى، نۇرغۇن ياخشى ئەرلەر ئۆزى ياخشى كۆرگەن ئايال بىلەن توي قىلغاندىن كېيىن ئائىلىسىدىكىلەرنىڭ قارشى تۇرۇشى، ئەتراپىدىكىلەرنىڭ يامان گەپلىرى، سېلىشتۇرۇشى تۈپەيلىدىن ئەسكى ئادەمگە ئۆزگىرىپ قالاتتى. ھازىر ئۇنىڭ بىلەن دۈشمەنگە ئايلانغان بولساقمۇ لېكىن ئۇنىڭ ئەسلىگە كېلىشىنى ئۈمىد قىلىۋاتاتتىم. تۇيۇقسىز ئايال خوجايىننى ئويلاپ قېلىۋاتتىم. ئۇ گەرچە سىڭلىسىنى دەپ ماڭا نۇرغۇن قاتتىق گەپ قىلغان بولسىمۇ، لېكىن ئۇنىڭ تولىمۇ يالغۇز ئىكەنلىكىنى بىلەتتىم. ئۇمۇ ئەسكى ئايال ئەمەس ئىدى. ئەگەر ئىككىمىزنىڭ ئارىسىدا سىڭلىسى ۋە بۇرۇنقى يولدىشىم بولمىغان بولسا بەلكى ياخشى دوست بولۇپ ئۆتۈپ كېتىشىمىز مۇمكىن ئىدى. بۇ دۇنيادىكى نۇرغۇن ياخشى مۇناسىۋەتلەر شۇنداق بىر نەچچە توغرا بولمىغان ئادەمنىڭ ئارىغا چۈشۈشى بىلەن بۇزۇلۇپ كېتەتتى.

يولدىشىم دەرۋازىدىن كىرىپ يېنىمغا كەلدى.

_ يەنە يالغۇز ئولتۇرۇپ كېتىپسىزغۇ..

_ ئوي ئويلاپ ئولتۇردۇم..سىزمۇ بىردەم ئارام ئېلىڭ..ئىشلەپ چارچاپ قالغانسىز..

يولدىشىم ئۇدۇلۇمدىكى ئورۇندۇقتا ئولتۇردى.

_ خۇش خەۋەر..شاگىرتىڭىز كۆزىنى ئېچىپتۇ..

_ شۇنداقمۇ؟! بەك ياخشى بوپتۇ..

_ لېكىن..

_ لېكىن نېمە؟ بىرەر ئىش بوپتۇما؟

_ گەپ قىلالماس بوپ قاپتۇ..

_ ۋاي نېمە دەيدىغانسىز..بۇ..بۇ قانداق بولۇپ..._ ئىچىمدىن ئېتىلىپ چىقىپ كېتەي دېگەن ياشنى زورىغا تۇتىۋالدىم.

_ بەلكى ھازىرچە شۇنداق بولىشى مۇمكىن، دوختۇر بۇ ۋاقىتلىق ئەھۋال دەيدۇ..

_ سىز دوختۇرخانىغا باردىڭىزما؟

_ ياق. شۇ دوختۇرنىڭ نومۇرىنى يېزىۋالغانتىم..شۇ كىشىدىن سورىدىم..

_ ھەي، ئۆزۈمنىڭ قىلغان قاراملىقىمغا پۇشايمان قىلىۋاتىمەن...

_ بولىدىغان ئىش بولدى، ئەمدى پۇشايمان قىلغاننىڭ پايدىسى يوق..دوختۇر بىر نەچچە كۈن قارايمىز، بەلكى تىلى ئەسلىگە كېلىشى مۇمكىن دەيدۇ..

_ مەنمۇ سىزگە بىر چوڭ خەۋەرنى دېمەكچى..

_ نېمە خەۋەر؟

_ مالنىڭ ئىشىنى كاتىپ قىزنىڭ دېگىنى راستكەن..

_ مەنمۇ ئويلىغانتىم، ئۇ قىزغا قارىسام دېرىكتورىڭىز بىلەن بەك يېقىندەك تۇرىدۇ..

_ يالغۇز يېقىنلا ئەمەسكەن

_ ئەجەبا؟

_ بالىمۇ دېرىكتورنىڭكەن..ئۇلار ئارلاشقىلى ئۇزۇن بوپتۇ..ئۇ دېرىكتورنىڭ بۇيرۇقى بىلەن مېنىڭ يېنىمغا خەۋەر يەتكۈزگىلى كەپتۇ..

_ شۇ چاغدا دوختۇرخانىدا يېتىپ قارىغىلى تاس قالغانتىڭىز..مەن دېدىمغۇ، ھەممە ئادەمنىڭ يىغىسىغا تەڭ يىغلايمەن دەپ ئويلىماڭ دەپ..

_ دېگىنىڭىز راستكەن..ئەسلى ئۇنىڭ ئۇ كۈنگە قېلىشى ھەقكەن..يولدىشى بىلەن قېيىن ئاپىسى ئۇنى ئەمەس، ئۇ يولدىشى بىلەن قېيىن ئاپىسىنى ئالداپتۇ..

_ شۇڭا ھەرقانداق ئادەمگە بىر قاراپلا ئىچىڭىزنى ئاغرىتىپ كەتمەڭ. سىز كۆرگىنىڭىزنىڭ ھەممىسى راست بولىشى ناتايىن، ئۇ دېرىكتورىڭىزمۇ سىز ئويلىغاندەك دۇرۇس ئادەم بولىشى ناتايىن..

_ شۇنداق. ئەمدى ھېچكىمگە ئۇنداق ئاسان ئىشىنىپ كەتمەيمەن..

_ قورسۇقۇم ئېچىپ كەتتى. تاماق بارمۇ؟

_ بار، بايا سىلىم تاماق قىلغان..

_ يۈرۈڭ تاماق يەيلى..

يولدىشىم تۇرغاندىن كېيىن يانچۇقىدىن چۈشۈپ قالغان پورتمالنى ئېلىپ توۋلىماقچى بولۇپ ئۈستىدىكى بوۋاينىڭ سۈرىتىنى كۆرۈپ تۇرۇپ قالدىم. بوۋاينىڭ سۈرىتىنى قولۇمغا ئېلىپ ئاستىدىكى رەڭسىز سۈرەتنى كۆردۈم. سۈرەت بىر ئەر بىلەن بىر ئايالنىڭ سۈرىتى بولۇپ، ئەر بوۋايغا ئوخشاۋاتتى.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ