ئازاپ كوچىسىدىكى ئايال 165-قىسىم

_ ئۇنداق قىلماڭ، ئۆتۈنۈپ قالاي..ئۇ بالامنىڭ دادىسى..

جايىمدا قېتىپ تۇرۇپ قالدىم.

_ بالامنىڭ دادىسى؟! بۇ قانداق گەپ؟!

كاتىپ قىز ئالدىمدا تىزلاندى.

_ مېنى كەچۈرۈڭ ھەدە..مەن نەسىھىتىڭىزنى ئاڭلىمىدىم..

_ قانداق گەپ بۇ..سىز توي قىلغانغۇ، بالىڭىز توي قىلغاندىن كېيىن بويىڭىزدا قالغان..

كاتىپ قىز ئۆزىنى ئۇرۇشقا باشلىدى.

_ مەن ئادەم بولمايدىغان بۇزۇق..مېنى كەچۈرۈڭ..

_ ياق ياق..توختاپ تۇرۇڭ، مەن پەقەت قۇبۇل قىلالمىدىم..توي قىپ بولۇپمۇ دېرىكتور بىلەن ئارلاشتىم دېمەيدىغانسىز..

_ بىز تولۇق ئايرىلىپ باقمىدۇق...

_ نېمە؟! تولۇق ئايرىلىپ باقمىدۇق؟!

بېشىم ئايلىنىۋاتاتتى. بۇ يېقىنقى كۈنلەردە ئاڭلىغان مېنى ئەڭ ھەيران قالدۇرغان خەۋەر ئىدى.

_ مېنى كەچۈرۈڭ ھەدە..سىزنى ئالداپ كەلدىم. دېرىكتور توي قىلغاندىن كېيىنمۇ بىز ئايرىلىپ كەتمىدۇق..ئۇ ئايالى بىلەن توي قىلىشى پەقەت دادىسى بىلەن ئوغلى سەۋەبىدىن ئىكەنلىكىنى، يۈرىكىدە مېنى ياخشى كۆرىدىغانلىقىنى دېدى..شۇنىڭ بىلەن ئايرىلىپ كېتەلمىدىم..

_ ئاھ..مەن نېمە دېيىشنى بىلمەي قالدىم..بۇنداقمۇ ئىش بولامدۇ؟! سىز ماڭا ئۇلارنىڭ مۇھەببىتىدىن تەسىرلەندىم، دېرىكتوردىن ۋاز كەچتىم دېگەنغۇ..

_ باشتا ۋاز كېچىشنى ئويلىغىنىم راست.. لېكىن ئۇ توي قىلغاندىن كېيىنمۇ مېنى توختىماي ئىزدەپ تۇردى شۇڭا.. مېنى توغرا چۈشەنگەن بولسىڭىز..

_ ئاھ..مەن نېمە دېيىشنى بىلمەي قېلىۋاتىمەن..مېنى توغرا چۈشىنىڭ دەمسىز؟! مەن قانداق توغرا چۈشىنىمەن..نېمىنى توغرا چۈشىنىمەن..ئىككىڭلارنىڭ ناتوغرا مۇناسىۋىتىنىما؟

_ مەنمۇ بۇنداق بولىشىنى خالىمايتتىم ھەدە..ئاياللار ھېسسىياتنىڭ قۇلىكەنمىز..

_ ئۆزىڭىزنىڭ خاتالىقىنى بارلىق ئاياللارغا يۈكلىمەڭ..يولدىشىڭىزغۇ..يولدىشىڭىز بىلمەمدا؟ دېرىكتورنى شۇنچە ياخشى كۆرىدىغان ئادەم نېمىشقا توي قىلىسىز؟! نېمىشقا؟...

_ دېرىكتورنىڭ تويىدىن چىقىپ ھازىرقى يولدىشىم بىلەن تونۇشۇپ قالدىم. ئۇنىڭغا قىزىقىپ قالغىنىم راست، لېكىن دېرىكتورنى ياخشى كۆرگەندەك ياخشى كۆرەلمىدىم..ئارلىشىپ دېرىكتورنى ئۇنتۇپ كېتەي دېگەن. لېكىن ئۇنتۇپ كېتەلمىدىم. دېرىكتورمۇ ئاجراشمىدى، لېكىن مەن چوقۇم بىر ئادەم بىلەن توي قىلمىسام بولمايتتى شۇنىڭ بىلەن ئالدىراپ ئۇنىڭغا تەگدىم..

_ ئاھ..مەن راستىنلا دۇنيادىن ھەيران قېلىۋاتىمەن.. ئاڭلىمىغان گەپلەرنى ئاڭلايدىكەن كىشى..

تۇيۇقسىز كاتىپ تۇققان كۈنى دېرىكتورنىڭ بەرگەن پۇلى ئېسىمگە كېلىپ قالدى.

_ ئۇ ئەتىگەن يېنىمدا پۇل يوق دېگەنتى،ماۋۇ پۇلنى ئۇنىڭ داۋالىنىش پۇلىغا تۆلەيلى..ئۇنىڭ بۇ يەردە تۇققىنى يوق، پۇل چىقارغۇدەك ئاپىسىمۇ يوق، يولدىشىنىڭ تېلىفونى ئېتىك بولسا، دېمەك پۇل تۆلىگۈدەك ئادىمى يوق..

_ يولدىشىم بالىنىڭ ئۆزىنىڭ ئەمەسلىكىنى بىلمەيدۇ.. دېرىكتور بالىغا ئىگە بولىمەن دېدى..دېرىكتور ئىشىنى تۈگەتسىلا ئاجرىشىپ مەن بىلەن توي قىلىدۇ..

_ ھاھا...ھاھا.._ ئاچچىقتا كۈلۈپ كەتتىم،_ ئادەمنىڭ كۆڭلىنى ئېلەشتۈردىڭىزغۇ.. سىزنى خېلى مەيدانى بار پاكىز قىز دەپ ئويلايتتىم.

_ مېنى كەچۈرۈڭ ھەدە..مېنىڭمۇ بۇنداق قىلغۇم يوق ئىدى..

_ ساراڭمۇسىز، ئۇ سىزنى ئالمايدۇ خاتىرجەم بولۇڭ..بالىڭىزنى ئېتىراپ قىلسىمۇ سىزنى ئېتىراپ قىلمايدۇ.. بۇ يالغۇز سىزنىڭ خىيالىڭىز خالاس..

_ ئۇنداق ئەمەس، ئۇ ئايالىنى ياخشى كۆرمەيدۇ، لېكىن ئايالى شىركەتنىڭ پايچىكى، شىركەت زىيان تارتقاندا ئايالى پۇل قوشۇپ بەرگەن. يەنە كېلىپ بالىسى بىلەن دادىسىنى ساقايتىش ئۈچۈن ئايالى بىلەن يارىشىشى كېرەك. شۇڭا شۇنداق يول تۇتتى..ھازىر دادىسى كېتىپ قالدى. بالىسىنىڭ كېسىلىمۇ ساقايدى. بىر ئاز پۇل تېپىپ شىركەتنى يۆلىۋالسىلا ئايالىدىن ئاجرىشىدۇ، مەنمۇ يولدىشىمدىن ئاجرىشىپ كېتىمەن. بەرىبىر ئۇنىڭ بىلەن ئارىمىزدا مۇھەببەت يوق..

_ ھاھا..تولىمۇ نادان ھەم دۆت قىزكەنسىز.. راستىنلا ھەيران قالدىم..

_ نېمە دېسىڭىز مەيلى، مەن ئۇنىڭ مېنى ياخشى كۆرىدىغانلىقىغا ئىشىنىمەن..

_ سىز ساراڭمۇ، بالىسى بىلەن دادىسىنى ساقايتقۇسى بولسا ھەرخىل يول بار، بۇرۇنقى ئايالى بىلەن يارىشىشنىڭ ھاجىتى يوق. ئۇلارنىڭ ئارىسىدا مۇھەببەت بولمىسا ھەرگىز ياراشمايدۇ..

_ ياق. ئۇ ئايالىنى ياخشى كۆرمەيدۇ. ماڭا شۇنداق دېگەن..

_ ئەركىشى قىزلارنى ئالداش ئۈچۈن شۇنداق دەيدۇ..ھېچقانداق ئەركىشى قىزبالىغا مەن ئايالىمنى ياخشى كۆرىمەن دېمەيدۇ، مۇشۇ گەپكىمۇ ئىشەندىڭىزما؟

_ ئىشىنىمەندە ئەلۋەتتە..ئايالى باي بولغان بىلەن يېشى چوڭىيىپ قالدى..دېرىكتور ئۇنى ياخشى كۆرمەيدۇ لېكىن ئىككىسىنىڭ پۇل ئالاقىسى بولغاچقا ئامال يوق ئۆي تۇتىۋاتىدۇ..

_ شۇڭا، سىز ئۇنىڭ ئاجرىشىشىنى كۈتىۋاتىسىز شۇنداقمۇ؟! ئەمىسە نېمىشقا شىركەتتىن ئىستىپا بېرىسىز؟

_ بۇ..مەن..

_ دۇدۇقلايسىزغۇ؟! مەن دەپ بېرەيمۇ، چۈنكى سىز ئىستىپا بەرمىدىڭىز..سىز پەقەت ئۇنىڭ غالجىلىقىنى قىلىپ مەن تەرەپتىن خەۋەر ئىگەللەپ ئۇنىڭغا يەتكۈزمەكچى..

_ ئۇ..ئۇنداق ئەمەس ھەدە.. شىركەتتە تۇرسام ئۇنىڭ ئايالى كېلىدۇ..ئەپسىز..

_ ھاھا..بۇ باھانىڭىز پەقەت قاملاشمىدى. ئۇنىڭ ئايالى بۇرۇنمۇ كېلەتتى، نېمىشقا سىز تۇغۇتتىن چىققاندىن كېيىن قورقىدىغان بولۇپ قالدىڭىز..

_ چۈنكى..

_ بەرىبىر مەن بىلىپ بولدۇم. راست گەپنى قىلىڭ..بولمىسا بۇ يەردىن مۇشۇنداق چىقىپ كېتىمەن دېمەڭ..ھەممە ئىشنى ئۇنىڭ ئايالىغا دەيمەن..

_ ئۇ سىزنى شىركەتتىن كەتكۈزىۋەتكەندىن كېيىن شىركەتنىڭ سودىسى ياخشى بولماپتۇ..ئۇ سىزنىڭ سودا پىلانىغا ئېپىڭىز بارلىقىنى بىلىدۇ، شۇڭا مېنى سىزنىڭ سودا پىلانىڭىزنى بىلىشكە ئەۋەتتى..پەقەت يېنىڭىزدا تۇرغاندىلا ئاندىن سىزنىڭ پىلانىڭىزنى بىلەلەيتتىم..

ئۇنىڭغا ئۇزۇنغىچە تىكىلىپ تۇرۇپ كەتتىم، ئۇ كۆزلىرىنى مەندىن قاچۇراتتى.

_ گەرچە تىلىمغا ئالغۇم بولمىسىمۇ، لېكىن مەن سىز خىيانەت قىلغۇدەك يامانلىق قىلىپ باقمىدىمغۇ..

_ شۇنداق. سىز ماڭا يامانلىق قىلمىدىڭىز ھەدە..ياخشىلىق قىلدىڭىز..

_ شۇڭا، ياخشىلىقىمغا مۇشۇنداق جاۋاب قايتۇرىسىز شۇنداقمۇ؟!

_ مېنى كەچۈرۈڭ، مەن شىركەتتىن مائاش ئالىمەن. بالامنىڭ چىقىملىرىنىمۇ دېرىكتور كۆتۈرىدۇ، ئۇنىڭ دېگىنىنى قىلمىسام بالام بىلەن ئىككىمىزنىڭ كۈنىمىز تەسلىشىدۇ..

_ ھاھا...ھاھا....باققان ئىت پۇتىنى چىشلەپ توكۇر قىپتۇ دېگەن شۇدە..

_ ھەدە، مېنى كەچۈرۈڭ.. مېنى كەچۈرۈڭ..مېنىڭ ئۇنداق قىلغۇم يوق ئىدى..مۇشۇنىڭغا مەجبۇر بولدۇم..ئۇ پۇلنى كۆپ تاپسا بالام بىخەتەر چوڭ بولىدۇ..

_ سىز بىر ساراڭ. بىلەمسىز؟ كاللىسى ئىشلىمەيدىغان دۆت ساراڭ..

_ نېمە دەپ تىللىسىڭىز مەيلى..

_ ئۇ سىزنىڭ پىلانىڭىزنى ئايالى بىلەن تەڭ قىلىۋاتىدۇ..ئۇ ئايالىدىن ئاجرىشىشنى ئويلاپ باقمىدى..سىزنى ئارىغا سېلىپ ئەھۋال ئىگەللەپ تاپقان پۇلنى ئايالى بىلەن بىللە خەجلىمەكچى، ھاھا..ئۇنىڭ كېيىنكى پىلانىدا سىز يوق..

_ مەن بولمىسام مەيلى، پەقەت بالام بولسىلا بولدى..

_ ئۇنىڭ ئىككى بالىسى بار، بىرسى قىز بىرسى ئوغۇل..سىزنىڭ بالىڭىزغا ئېتىراپ قىلمىسىمۇ بولىۋېرىدۇ..شۇنى ئويلاپ باقتىڭىزمۇ؟ ئۇ سىزگە ئازىراق پۇل خەجلەپ كۆپ پايدىغا ئېرىشەلەيدۇ، كېيىن سىزنى تاشلىۋەتسە بولىدۇ..سىز نېمىلا دېسىڭىز بىكار چۈشەندىڭىزمۇ..پۇلدار ئەركىشىنىڭ قورسىقىدىكى غەرەزنى سىز چۈشەنمەيدىكەنسىز..

_ مەن قىلغىنىمغا پۇشايمان قىلمايمەن.. سىزگە يۈز كېلەلمەيدىغانلىقىمنى بىلىمەن..لېكىن مەن ئۇنى ياخشى كۆرىمەن..شۇڭا بۇ قىلغانلىرىمنى ئەرزىيدۇ دەپ قارايمەن..

_ بولىدۇ، ئۇنداق بولسا دېرىكتور بىلەن بىرگە ياشاڭ..مەن سىزنى يېنىمدا تۇرغۇزالمايمەن..

ئۇ ئاستا ئورنىدىن تۇردى.

_ بولىدۇ ھەدە، مەن سىزگە يۈز كېلەلمەيمەن. مېنى كەچۈرۈڭ..

ئۇ ئىشىك تەرەپكە قاراپ ماڭدى.

_ توختاڭ..

ئۇ ماڭا ئۈمىدلىك كۆزلىرىنى تىكتى.

_ 40تىن چىقىش ھەققىڭىز 10مىڭ سىرنى ئاشكارلاش ھەققىمىز 5مىڭ پۇلنى بېرىپ مېڭىڭ..

_ بۇ؟! سىز ماڭا ياردەم قىلىمەن دېگەنتىڭىز...

_ ياردەم قىلغاندا سىزنى ئۆزىنىڭ يولدىشىنى تۇغدى دەپ ئويلىغان...قېيىن ئاپىڭىز ئوغلۇمغا ئوخشايدىكەن دېگەنتى، مەن راستىنلا يولدىشىنىڭ بالىسىمىكىن دەپتىمەن..ھازىر بۇ بالا دېرىكتورنىڭكەن، شۇڭا 40تىن چىقىش ھەققىڭىزنى ئۇ بېرىشى كېرەكتى..

_ ئۇ دوختۇر پۇلىنى بېرىپتىكەنغۇ..

_ دوختۇر پۇلىنى بېرىش بەرمەسلىكىنىڭ مەن بىلەن مۇناسىۋىتى يوق. 40تىن چىقىش ھەققىنىڭمۇ مەن بىلەن مۇناسىۋىتى يوق..لېكىن مەن بۇ خاتا ھەق قوشسام بولمايدۇ..شۇڭا پۇلۇمنى ماڭا قايتۇرۇپ بېرىڭ..

_ بۇنداق قىلسىڭىز قاملاشمايدۇ ھەدە..قىلىپ بولغان ياردەمنى قايتۇرىۋالسىڭىز بولمايدۇ..

_ مەن پۇل بېرىپ خائىندىن بىرنى تەربىيلەپ چىقىپتىمەن.. بۇ پۇلغا رازى ئەمەس.. ماڭا قايتۇرۇپ بېرىڭ..

_ مەندە پۇل يوق ھەدە.. بۇنداق قىلسىڭىز بولمايدۇ..

_ ماقۇل. ئەمىسە مەن بۇ ئىشنى دېرىكتورنىڭ ئايالىغا دەي..

_ سىلەر ھازىر يېقىن دوست ئەمەسقۇ..دېرىكتور ماڭا بولغان ئىشنىڭ ھەممىنى دېدى..

_ شۇنداق. بىز ھازىر يېقىن دوست ئەمەس..لېكىن ئۇنىڭ تېلىفون نومۇرىنى يۇيىۋەتكىنىم يوق..بۇ ئىشنى ئۇنىڭغا دېيىشىمنىڭ دوستلىقىمىز بىلەن مۇناسىۋىتى يوق..

كاتىپ قىز ماڭا نەپرەت كۆزلىرىنى تىكتى.

_ ماڭا بۇنداق قارىماڭ..سىزنى تىللاپ يولغا سالمىغانغا خوش بولۇڭ..

كاتىپ قىز ئامالسىز تېلىفوننى قولىغا ئالدى-دە، ئۈندىدارىمغا 15مىڭنى يوللىدى.

_ ئەمدى بۇ ئۆيگە كەلگۈچى بولماڭ..سىزنى قارشى ئالمايمەن..

_ مەنمۇ قايتا كېلىشنى ئويلاپ باقمىدىم. سىزنىڭ بۇنداق قىلىدىغانلىقىڭىزنى ئويلاپ باقماپتىكەنمەن..سىز ئويلىغىنىمدەك ياخشى ئەمەسكەنسىز.. قېيىن ئاپىڭىز بىلەن يولدىشىڭىز سىزنى قىينىغاندا ئىچىم ئاغرىغانتى، ئەمدى قارىسام ئۇلارنىڭ قىلغىنى ھەقلىقكەن..

_ ھاھا..پۇل بەرگەندە ياخشى ھەدىڭىزتىم، ئەمدى گەپلىرىڭىز ئۆزگەرگىلى تۇردىغۇ..

_ شۇنداق. چۈنكى سىزگە قەرزىم قالمىدى..

_ سىزنىڭ قېيىن ئاپىڭىز بىلەن يولدىشىڭىزنىڭ تۇغۇتىڭىزغا قارىمىغىنىنى توغرا چۈشىنىپ قالدىم. ئەسلى ھەممە خاتالىق ئۇلاردا ئەمەسكەن..

_ سىز مېنى زاڭلىق قىلغۇدەك يەردە ئەمەس، ئۆزىڭىزمۇ ئۇنچە ياخشى ياشاپ كەتكىنىڭىز يوق..

_ شۇنداق. مەن ياخشى ياشاپ كەتمىدىم، لېكىن ھازىرغىچە باشقىلارنىڭ چاپىنىدا تەرلەپ باقمىدىم. باشقىلارنىڭ ئۆيىنى بۇزۇپ، ئاجرىشىپ مېنى ئېلىشىنى كۈتۈپ باقمىدىم..مەن سىزدەك بىچارە ئەمەس..

_ دېرىكتور ئەينى ۋاقىتتا سىزنى ئەكەلمىگەن بولسا سىز ئۆي خىزمەتچىسى بولۇپ ئۆتەتتىڭىز..ئۆزىڭىزنى ئۇنچە چوڭ تۇتۇپ كەتمەڭ..سىزنى بۇ كۈنگە ئېرىشتۈرگىنى مېنىڭ يىگىتىم..

_ يىگىتىم؟ ھاھا..ئۇ سىزنى قىز دوستۇم دەپ ئېتىراپ قىلمايدۇ..سىز پەقەت ئۇنىڭ كۆڭۈل ئېچىش قۇرالى خالاس..ئۆزىڭىزگە ئۇنچە چوڭ باھا بەرمەڭ..

_ مەيلى قانداقلا بولمىسۇن، ئۇ شىركەتكە مەن سىزدىن بۇرۇن كەلگەن. شىركەت سىزنى قوينىغا ئالغاچقا مۇشۇ كۈنگە ئۇلاشتىڭىز..

_ شۇنداق. لېكىن شىركەتكە مەن خېلى كۆپ كىرىم يارىتىپ بەردىم..دېرىكتورنىڭ دادىسى بىلەن ئوغلىنى تېپىشىغا ياردەم قىلدىم..شۇڭا مەن شىركەتكە قەرزدار ئەمەس..

_ سىز دېرىكتورنىڭ ئوغلى بىلەن دادىسىنى تېپىپ بەرمىگەن بولسىڭىز ئۇ ئايالى بىلەن ياراشمىغان، مەن بىلەن توي قىلغان بولاتتى..

_ شۇنداقمۇ، ئەمىسە سىزدىن كەچۈرۈم سورىسام بولىدىكەندە..ئۇنىڭ بىلەن ئارلاشقىنىڭىزنى شىركەتكە كەلگەندە دېيىشىڭىز كېرەكتى..دېمەي نېمىش قىلغان..بۇ خاتالىق ئۆزىڭىزدە..

_ نېمە دېسىڭىز مەيلى.. ئىشقىلىپ سىز ئۇلارنىڭ رىقابەتچىسى بولالمايسىز.. ئۇلارنىڭ پۇلى سىزدىن كۆپ، يولى سىزدىن ئوچۇق..

_ سىز تېخىمۇ شۇنداق..سىز ئۇنىڭ ئايالىنىڭ رىقابەتچىسى بولۇشقا يارىمايسىز، ئۇنىڭ ھەم شۇنداق..ئۇ پۇل تاپسا سىزنى ئالمايدۇ..خاتىرجەم بولۇڭ.. ئەسلى سىزنى يېنىمدا ئەپ قېلىپ بىللە تەرەققىي قىلاي دېگەن. بۇمۇ ياخشى بولدى. قارانىيەت ئادەم كەتسە ئىشلىرىم ئىزىغا چۈشىدۇ..

_ سىز شۇنداق بىچارە ئايال، پۇل تاپسىڭىزمۇ يەنىلا باشقىلارنىڭ ئېتىراپ قىلىشىغا ئېرىشەلمەيسىز..ھاھا..

_ ھۇ بەدنىيەت. مەيدەڭدىن ئىتتىرىشتىن بۇرۇن ئۆزۈڭنى بىلىپ بۇ ئۆيدىن كەت..

سىڭلىم ئىشىكتىن كىردى.

_ نېمىش قىلىۋاتىسىلەر، بەك ئۇزاق پاراڭلاشتىڭلارغۇ..يۈرۈڭ چىقىپ مەھسۇلاتلارنى يىغۇشتۇرايلى،_ سىڭلىم كاتىپنىڭ قولىنى تۇتتى.كاتىپ سىڭلىمنىڭ قولىنى سىلكىۋېتىپ سافادىكى بالىسىنى كۆتۈردى-دە چىقىپ كەتتى.

_ ئەمدى قايتا كۆزۈمگە كۆرۈنگۈچى بولما،_ دېدىم دەرۋازىنى تاقاپ.

_ ئاچا، نېمىش بولدى؟ بىلەلمەيلا قالدىمغۇ؟! چىرايلىق كىرىپ كەتكەنتىڭلار، ئۇرۇشۇپ قايتىپ چىقتىڭلارغۇ..

_ ئۇ بەدنىيەت، بىزنىڭ پىلانلىرىمىزنى دېرىكتورغا يەتكۈزۈپتۇ..

_ ھە؟! بۇ..بۇ..قانداقسىگە؟!زادى نېمىش بولدى؟

_ ئىسكىلاتقا مال ئالغىلى بارسام دېرىكتور ئايالى بىلەن مېنىڭ ماللىرىمنى تەكشۈرۈپ ئادرىسنى كۆچۈرگىلى تۇرۇپتۇ.. نەچچە كۈندىن كېيىن بۇ قىزنى دېرىكتور بىلەن كۆردۈم..

_ ئۇ شىركەتتىن كەتتىم دەۋاتقانتىغۇ..

_ ياق، ئەسلى شىركەتتىن كەتمەپتىكەن. پەقەت مېنىڭ يېنىمغا ئەھۋال ئىگەللىگىلى كەپتۇ..

_ بۇ قانداق گەپ، سەن بۇ قىزنىڭ تۇغۇتىغا قاراپ شۇنچە قانات ئاستىڭغا ئالساڭ ساڭا قىلغان جاۋابى مۇشۇمىكەن..ئاجايىپلا ئادەملەر بولىدىكەن دېسە..

_ مەن باشقىلارغا ياردەم قىلغاچقا تويدۇم..راستىنلا..بۇرۇنقى خىزمەتدىشىمگە ياردەم قىلسام مېنى خىزمەتتىن ھەيدىدى، بۇ خىزمەتدىشىمگە ياردەم قىلسام سىرىمنى ئېلىپ باشقىلارغا بەردى..مەن ئادەملەردىن قورقۇپ كەتتىم..

_ خىزمەت مەيدانىدا دوستلۇق يوق دېگىنى راست گەپ ئوخشايدۇ..

_ ئادەملەردىن ئۈمىدىم ئۈزۈلۈپ كەتتى..

تۇيۇقسىز دەرۋازا قوڭغىرىقى بېسىلدى. كۆرسىتىش ئەينىكىدىن قاراپ ناتونۇش بىر ياش قىزنى كۆردۈم.

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ