تالاغا تويغان ئەر 126-قىسىم

126.قىسىم

ئۇ شۇنداق دېگەچ خاتىرە كومپيۇتېرنى يېپىپ سورىدى.

-ئاققۇ كۆلىدىكى ياتاق بىناسىغا بېرىپ مەن بىلەن پاراڭلىشىدىغان ئىش بار دېگەنغۇ؟

ئەلفىرەنىڭ كاللىسى بىر پەس توختاپ قالغاندىن كېيىن، ئاخىرى ئۆزىنىڭ ئاققۇ كۆلىگە قايتىش يولىدا ئۇخلاپ قالغانلىقىنى ئېسىگە ئالدى،ئاندىن چوڭقۇر بىر نەپەس ئالغاندىن كېيىن،بەدىنىدىن تۈزلىگىنىدە بولسا،ئۇچىسىدىكى چاپان يەرگە چۈشۈپ كەتتى.ئۇ شۇندىلا ئۆزىنىڭ ئۈستىگە ئىزچىل يېپىنىۋالغىنى ئەنزەرنىڭ چاپىنى ئىكەنلىكىنى بايقىدى.ئەنزەر يەرگە چۈشۈپ كەتكەن چاپىنىغا قىيا باققىنىچە، قارا قاشلىرى سەل-پەل ئۈستىگە ئېتىلغان شۇ دەقىقىدە،ئۇنىڭ گەپ قىلىشىنى كۈتمەيلا، ئەلفىرە دەرھال ھېلىقى چاپاننى ئېلىپ، ئېغىز ئاچتى.

-مەن پاكىز يۇيۇپ سىزگە قايتۇرۇپ بېرىمەن.

ئۇ گېپىنى تۈگىتىپ، دەرھال چاپاننى قۇچاقلاپ ماشىنىدىن چۈشتى.

ئۇنىڭ ئالاقزادە بولۇپ كەتكەن قارىسىنى كۆرۈپ، ئەنزەرمۇ يېنىك كۈلۈپ قويۇپ، ئەگىشىپ ماشىنىدىن چۈشتى،ئىككىيلەن بىرلىكتە لىفىتقا ئولتۇرۇپ بىناغا چىقىۋاتقاندا، ئەلفىرە ئەنزەرنىڭ چاپىنىنى قۇچاقلاپ ئالدىدا،ئەنزەر كەينىدە تۇرغانىدى. ئەلفىرە ئۇنىڭغا كەينىنى قىلىپ تۇرسىمۇ، بىراق ئەنزەرنىڭ ئاشۇ ئۆتكۈر كۆزلىرىنىڭ ئۆزىنىڭ دۈمبىسىگە چۈشكەنلىكىنى ھېس قىلىۋاتاتتى.

شۇنىڭ بىلەن ئۇ دۈمبىسىنى ناھايىتى تۈز قىلغىنىچە،ئۆزىنى تەمكىن تۇتۇشقا تىرىشتى،شۇ پەيىتتە لىفىت ئىچىدىكى ھاۋا جىمجىتلىقىدىن ئادەمنى تۇنجۇقتۇرۇپ قوياتتى،ھىلىمۇ ياخشى بۇ خىل تۇنجۇقۇش بەك ئۇزۇن داۋاملاشمىدى،ناھايىتى تېزلا، لىفىت ئەلفىرەنىڭ ئۆيى بار قەۋەتكە چىقتى.

- ئەلفىرە ؟

لىفىتنىڭ ئىشىكى ئېچىلىشى بىلەن، سىرتتا يادىكارنىڭ ھاڭ-تاڭ قالغان ئاۋازى ئاڭلاندى، ئەلفىرە ئىختىيارسىز بېشىنى كۆتۈردى.لىفىتنىڭ ئىشىكى ئالدىدا يادىكار ھەيرانلىق ئىچىدە ئۇنىڭغا قاراپ تۇراتتى.

-سىز يەنە بىر شەھەردە ئىدىڭىزغۇ، نېمىشقا بۇنچە تېز قايتىپ كەلدىڭىز؟

ئەلفىرە ھەيران قېلىپ سورىدى.

-سىز قاچان قايتىپ كەلدىڭىز؟

ئۆتكەندە ئۇ تۇتقۇن قىلىنغان ئاخشىمى يادىكار ئۇنىڭ ھالىدىن تاڭ ئاتقۇچە خەۋەر ئالغان.ئەسلىدە يادىكار ئۇلار بىلەن بىللە بۇ شەھەرگە قايتىپ كەتمەكچى ئىدى، نەتىجىدە يادىكار ئۇ شەھەردە بىر تەرەپ قىلىدىغان يەنە بەزى ئىشلىرىنىڭ بارلىقىنى ئېيتىپ،قىپ قالغانىدى.ئەمدى بىركۈن كۆرۈشمەيلا ئىككىلىسىلا بۇ شەھەرگە كەپ بوپتۇ.

-مەن بۈگۈن ئەتىگەن قايتىپ كەلدىم.

يادىكار شۇنداق دىگىنىچە يېنىك يۆتىلىپ سورىدى.

-سىزچۇ؟نېمىشقا بۇنچە تېز قايتىپ كەلدىڭىز؟ئاڭلىسام نەرگىزەگە كىلىشمەسلىك بوپتۇ، تېخى سىزنى ئۇ شەھەردە بىر نەچچە كۈن ئارتۇق تۇرۇپ قالارمىكىن دەپتىمەن.

ئەلفىرە بىردەم تۇرۇۋالغاندىن كېيىن، ئىختىيارسىز لىفىتتىكى ئەنزەرگە قاراپ قويدى.ئەنزەر يەنىلا چىرايى تۇتۇق ھالدا كەينىدە تۇراتتى.

ئۇ كۆپ گەپ قىلماي، پەقەت كۈلۈپ قويۇپ چۈشەنچە بەردى.

-شىركەتتىكى خىزمەتلەر سەل ئالدىراش، شۇڭا قايتىپ كەلدىم.

يادىكار شۇندىلا ئۇنىڭ كەينىدىكى ئەنزەرگە دىققەت قىلدى.ئۇ بىردەم تۇرۇۋالغاندىن كېيىن،ئېغىز ئاچتى.

-ئىشىڭىز بولسا، كېيىن پاراڭلىشايلى!

ئۇ گېپىنى تۈگىتىپ، ئۇنى ئايلىنىپ ئۆتۈپ، لىفىتقا چىقىشىغا،لىفىت ئىشىكىمۇ يېپىلدى.

ئەنزەر يادىكار ئولتۇرغان لىفىتنىڭ ئايرىلغانلىقىنى كۆرۈپ قوشۇمىسىنى سەل تۈرگىنىچە سورىدى.

-سىز ئۇنىڭ بىلەن...يەنە بىر شەھەردىن ئايرىلغاندىن كېيىن، ئىزچىل ئالاقىلاشمىدىڭىزمۇ؟

ئەلفىرە ئۇنىڭغا بىر قاراپ قويۇپ، بۇرۇلۇپلا ئاچقۇچنى چىقىرىپ ئىشىكنى ئاچقاچ تەنە ئارلاش جاۋاپ بەردى.

-ئاڭلىدىڭىزغۇ؟

ئەنزەرنىڭ كۆزلىرى يىنىك قىسىلىپ كەتتى،دېمەك، ئۇ تۈنۈگۈن كەچتە يادىكار بىلەن كېچىچە پاراڭلاشمىدىمۇ؟

ئۇ ئۇنى خاتا چۈشىنىپ قاپتۇمۇ نىمە.....

ئەلفىرە ئىشكىنى ئاچقاندىن كىيىنمۇ،ئەنزەرنىڭ يەنىلا جايىدا ئۆزىگە قاراپ قىتىپ قالغانلىقىنى كۆرۈپ،قوشۇمىسىنى تۈرگىنىچە ئەسكەرتتى.

-كىرىڭە!

ئەنزەر سىرلىق نەزىرى بىلەن ئۇنىڭغا قاراپ ئېغىز ئاچتى.

-تۈنۈگۈن كەچ.....

-توختاڭ!

ئەلفىرە كۆزلىرىنى باشقا ياققا قارىتىۋالغىنىچە،سوغۇقلا ئۇنىڭ گېپىنى ئۈزىۋەتتى.

-ئەنزەر،تۈنۈگۈن مەيلى نىمە ئىش بولسۇن،سىزنىڭ ئېسىڭىزدە قالسۇن قالمىسۇن،مېنىڭ ئەمدى بۇ تىما توغۇرسىدا پاراڭلاشقۇم يوق.

ئۇ شۇنداق دەپلا،چوڭ قەدەملەر بىلەن ساپاغا كىلىپ ئولتۇرۇپ،خاتىرە كومپىيوتىرىنى ئاچقاچ گېپىنى داۋام قىلدى.

-مېنىڭ سىز بىلەن پاراڭلىشىدىغان ئىشىم بار.

ئەنزەر كۆزلىرىنى قىسقىنىچە،ئىشكنى يېپىپ ئۇنىڭ قىشىغا كىلىپ ئولتۇردى.

-بۇ سىزنىڭ قول ئاستىڭىزدىكى ئادەملەردۇ.

ئەلفىرە كومپيوتىرىدىن ھېلىقى ھۆججەتلەرنى تېپىپ چىقىپ،ھېلىقى شەھىدەنى قوغداۋاتقان قوغدۇغۇچىلارنىڭ سۈرئىتىنى ئەنزەرگە بىر بىرلەپ كۆرسەتتى.

ئەنزەر قوشۇمىسىنى چىڭ تۈرگىنىچە ئىنكاس بىلدۈردى.

-شۇنداق.

بىراق بۇ بىرنەچچەيلەننى تاھىر ئەپەندى قايىتىپ كەلگەندىن كىيىن،ئەنزەر ئۇنى قوغداشقا ئايرىپ بەرگەنلەر ئىدى.ئۇ ۋەتەنگە قايتىپ كەلگەندىن كىيىن،ئۆزىگە ئىش بىجىرىپ بىرىدىغان ئادەم لازىملىقىنى ئېيتىقان،چۈنكى ئۇ ئەنزەرنىڭ دادىسى بولغاچ،چوڭ بولغاچ،ئەنزەرمۇ ئارتۇق سورىمايلا،ئۇدۇللا ئۇنىڭغا بۇ بىرنەچچەيلەننى بەرگەن،بۈگۈنكى كۈندە ئۇ ئەلفىرەنىڭ بۇ بىرنەچچەيلەننىڭ سۈرئىتىنى كۆتۈرۈپ چىقىپ ئۆزىدىن سورىشىنى ئويلاپمۇ باقمىغان.

ئۇ يەنە بىرقىتىم ئىكرانغا سىنچىلاپ قاراپ،بۇ بىرنەچچەيلەننىڭ ئېنىقلا تاھىر ئەپەندىگە بەرگەن قوغدۇغۇچىلار ئىكەنلىكىنى جەزىملەشتۈرگەندىن كىيىن سورىدى.

-بۇ بىرنەچچەيلەن،نىمە بوپتۇ؟

ئەلفىرە چوڭقۇر بىرنى تىنىۋىتىپ،ئەستايىدىللىق بىلەن ئەنزەرنىڭ چىرايىغا قاراپ سۆزلەشكە باشلىدى.

-سىزمۇ بىلىسىز،مەن بۇ يىللاردا ئىزچىل چەتئەلدە،ئۆزۈم يالغۇز بالىلارنى چوڭ قىلدىم،نىجات مېنىڭ دوستۇم،ھەم شاھزاد ۋە شاھنازلار بىلەنمۇ مۇناسىۋىتى يامانئەمەس،شەھىدە نەچچە قىتىم شاھزاد شاھنازلارغا زىيانكەشلىك قىلغان ئىشىنى نىجاتمۇ بىلىپتۇ.

ئەنزەر قوشۇمىسىنى تۈرگىنىچە،گەپ قىلماي ئولتۇراتتى.

-بۇ قىتىم،نىجاتنىڭ سىز بىلەن تىركىششىمۇ،شاھزاد بىلەن شاھنازنىڭ ئاچچىقىنى چىقرىپ بىرىش ئۈچۈن.

ئەنزەر قېشنى ئاتقىنىچە سورىدى.

-مېنىڭ بالامنىڭ ئاچچىقىنى چىقىرىپ بىرىش ئۈچۈن،ماڭا تاقابىل تۇردىمۇ؟

ئەلفىرە بېشىنى لىڭىشتتى.

-شۇنداق،چۈنكى ئۇ بۇ بىر نەچچە سىزنىڭ قول ئاستىڭىزدىكى ئادەملەرنىڭ يۇشۇرۇنچە شەھىدەنى قوغداۋاتقانلىقىنى بايقاپتۇ.

ئەنزەرنىڭ بەدىنى قىتىپلا قالدى،ئۇ ئىشەنمىگەن ھالدا ئەلفىرەگە قاراپ كۈلۈپ كەتتى.

-بۇ قانداقمۇ مۇمكىن بولسۇن؟

ئەينى چاغدا ئۇ گۈزەلنۇرنىڭ گېپىنى ئاڭلاپ،شەھىدەنى چەتئەلگە چىقىرىشتىكى مەقسىتى،شەھىدەنىڭ سىرتتا ئۆزىنى ئۆزى نابۇت قىلىشتەك نەتىجىسىنى كۆرۈش ئۈچۈن ئىدى.بىر نەچچە قېتىم ئۆزىنىڭ بالىسىنى ئۆلتۈرمەكچى بولغان بۇنداق ئايالنىڭ ئۆلۈپ تىرىلىشىغا ئۇ ھەرگىزمۇ كۆڭۈل بۆلمەيدۇ.

-لېكىن بۇ ئەمەلىيەت.

ئەلفىرە سوغۇق كۈلۈپ قويۇپ،ئەنزەر ئائىلىسىنىڭ قوغدىغۇچىلىرىنىڭ شەھىدەنى ئاستىرتىن قوغداۋاتقان، ھەتتا نىجاتنىڭ ئادەملىرى بىلەن ئۇرۇشۇپ كەتكەن سۈرىتىنى قويۇپ بەردى.

-شەھىدە بارغان دۆلەت دەل نىجاتنىڭ يىرى،ئەسلىدە ئۇ شاھناز بىلەن شاھزادنىڭ ئاچچىقىنى چىقىرىپ بەرمەكچى بوپتىكەن،بىراق بۇ قوغدۇغۇچىلار تەرىپىدىن توسقۇنلۇققا ئۇچراپتۇ.ئەنزەر ئەپەندى بايام ئۆزىڭىزمۇ بۇلارنى سىزنىڭ قول ئاستىڭىزدىكى ئادەملەر ئىكەنلىكىنى ئىتراپ قىلدىڭىزغۇ؟

كومپيۇتېر ئېكرانىدىكى رەسىملەرنى بىر پارچە بىر پارچىدىن ۋاراقلاپ كۆرگەندىن كىيىن،ئەنزەرنىڭ قوشۇمىلىرى تېخىمۇ چىڭ تۈرۈلۈپ كەتتى.تاھىر ئەپەندى باشقىلارنىڭ ئۆزىنىڭ ياردەم قىلىپ ئىش قىلىپ بېرىشىگە مۇھتاج ئىكەنلىكىنى ئېيتقان، نەتىجىدە مۇشۇنداق ئىش قىلدىمۇ؟

ئەنزەرنىڭ چىرايىنىڭ تاتىرىپ كەتكەنلىكىنى كۆرۈپ، ئەلفىرەنىڭ چىرايىدا مەسخرە پەيدا بولدى.

- قارىغاندا ئەنزەر ئەپەندى سىزمۇ ئۆزىڭىز دېگەندەك ئوغلىڭىز بىلەن قىزىڭىزغا كۆڭۈل بۆلمەيدىكەنسىز،قاراشقا شەھىدەنى چەتئەلگە چىقىرىۋىتىپ،ئۆزىنى ئۆزى نابۇت قىلسۇن دىگەن بىلەن،كەينىدىن يۇشۇرۇنچە قوغداپ،ئۇنىڭ چەتئەلدە غەم ئەندىشىسىز ياشىشىغا شارائىت يارىتىپ بىرىپسىز،بۇ نەدىمۇ شەھىدەگە بېرىلگەن جازا بولسۇن، بۇ ئۇنىڭ سىرتقا چىقىپ دەم ئېلىشىغا يول قويغانلىق.

ئەلفىرە ئولتۇرۇش ھالىتىنى ئۆزگەرتىپ، ئۇنىڭغا سوغۇق نەزەردە قارىغىنىچە گېپىنى داۋام قىلدى.

-نىجات ئەنزەر ئەپەندىنىڭ شەھىدەنى بۇنداق قوغدىشىغا ئاچچىقى كىلىپ،شۇڭا ئۆزىنىڭ قانچىلىك خەتەرگە ،زىيانغا يولۇقىشغا پەرۋا قىلماي،سىز بىلەن قاراشلاشماقچى بولغان،بىراق مېنىچە بۇنىڭ ھاجىتى يوق.

ئەلفىرە چوڭقۇر بىر نەپەس ئالغاندىن كېيىن قېشىنى ئاتقىنىچە گېپىنى داۋاملاشتۇردى.

-ئەگەر ئەنزەر ئەپەندىنىڭ نەزىرىدە شاھزاد بىلە شاھنازنىڭ تەقدىرى سىزنىڭ بۇرۇنقى بولغۇسى ئايالىڭىزدەك مۇھىم بولمىسا.... ئۇنداقتا يەنىلا بالىلارنى ماڭا بىرۋىتىڭ،مەن ئۇلارنى ئەكىتەي،ئۇلار مەن بىلەن بۇرۇنقىدە ئۆزئارا ياريۆلۈك بولۇپ ياشىسا ياخشى ئەمەسمۇ؟

ئەنزەر بىردەم تۇرۇۋالغاندىن كېيىن كۈلۈپ كەتتى.ئۇ ئولتۇرۇش ھالىتىنى ئۆزگەرتىپ،ئۇنىڭغا قاراشقىمۇ ئىرىنگەندەك،چوڭچىلىق بىلەن ئېغىز ئاچتى.

-بىرمۇنچە گەپ قىلدىڭىز،ئاخرىدىكى مەقستىڭىز شۇ بالىلارنى تەلەپ قىلماقچىكەنسىزغۇ؟ئۇنتۇپ قالماڭ، گەرچە شاھناز بىلەن شاھزاد سىزنى ئاپا دەپ چاقىرسىمۇ، لېكىن گۈزەلنۇر ئىككىمىز ئۇلارنىڭ ئۆز ئاتا-ئانىسى.

ھۇجرا ئىچىدىكى ھاۋا بىر پەس جىمىپ كەتتى. ئەلفىرە چوڭقۇر بىرنى تىنىۋىتىپ،يىنىك كۈلۈپ جاۋاپ قىلدى.

-ئەگەر ئۆز ئاتا-ئانىسى ئۇلارغا كۆڭۈل بۆلەلمىگەنىكەن،ئۇنداقتا ئۇلارنىڭ ئۆز ئاتا-ئانىسنىڭ يىنىدا تۇرغىنىنىڭ نىمە ئەھمىيتى؟

ئەنزەر قاپىقىنى تۈرۈپ، بېشىنى بۇراپ،تېگى كۆرۈنمەيدىغان كۆزلىرى بىلەن ئەلفىرەگە بىرھازاغىچە قاراپ كەتتى.

ئەلفىرەنىڭ سەل تىت-تىت بولۇۋاتقانلىقىنى كۆرۈپ،ئەنزەر سۇسلا ئىنكاس بىلدۈردى.

-مەن بالىلىرىمغا شۇنداق كۆڭۈل بۆلىمەن،ھەم شەھىدەنى قوغداشقا ئادەممۇ ئەۋەتمىدىم.

-ئۇنداقتا بۇ ئادەملەر قانداق چۈشەندۈرىسىز؟

ئەلفىرە چىشىنى چىشلىگنىچە ئۆزىنى ئاران بېسۋالدى، قەلبىدىكى غەزەپ ئوتى ئېتىلىپ چىقايلا دەپ قالدى.مۇشۇنداق ھەممە ئىسپات تولۇق تۇرسىمۇ ئەنزەر يەنە مۇتتەھەملىك قىلامدۇ!

ئۇ راستىنلا قانداشلىق مۇناسىۋىتى بولسىلا، بالىلارغا ھەرقانچە ئاشۇرۋىتىدىغان ئىش قىلسىمۇ ھېچقىسى يوق دەپ قارامدۇ؟

-بالىنىڭ ھايات-ماماتىغا پىسەنت قىلمايدىغان ئاتا-ئانىنىڭ ئاتا-ئانا بولۇش سالاھىيىتى يوق !

ئەنزەر مېيىقىدا كۈلۈپ قويغىنىچە نەپىس ھەركىتى بىلەن تېلېفوننى ئېلىپ بىر نومۇرغا تېلېفون قىلدى.

-ئۈستىگە چىق.

بەش مىنۇتتىن كېيىن،ئەركىن ئالدىراپ-تېنەپ ئىشىكنى چېكىپ كىرىپ كەلدى.

-ئەپەندىم، مېنى ئىزدىگەنمىدىڭىز؟

قامەتلىك ئەنزەر ھورۇنلۇق بىلەن سافاغا يۆلىنىپ، بەدىنىنى ئارقىغا قىلىپ، ئېڭىكىنى خاتىرە كومپىيوتىرنىڭ ئىكرانىغا قارىتىپ ئىشارەت قىلدى.ئەركىن تەئەججۈپلەنگەن ھالدا بېرىپ، كومپيۇتېر ئېكرانىغا قارغىنىچە ئېغىز ئاچتى.

-بۇ باتۇر بىرنەچچىسى ئەمەسمۇ؟

ئەركىن گېپىنى تۈگىتىپ يەنە مائۇسنى ئېلىپ، باشقا رەسىملەرنى چەكتى.

-ئارقا كۆرۈنۈشى چەتئەلدە قىلىدىغۇ؟سىز يېقىندا ئۇلارنى دادىڭىزنىڭ ئىشلىتىشىگە بەرگەن ئىدىڭىزغۇ؟ ئەپەندىم ئۇلارنى چەتئەلگە ئەۋەتتىمۇ؟

ئەركىن گاڭگىراپ قالغان ھالدا بېشىنى تاتىلاپ قويۇپ، بېشىنى بۇراپ تەئەججۈپلەنگەن ھالدا ئەنزەرگە قاراپ سورىدى.

-ماڭا ئۇلارنىڭ سۈرىتىنى كۆرسىتىشىڭىز....ئۇلار بىرەر خاتالىق ئۆتكۈزدىمۇ؟

ئۇنىڭ گەپلىرىدىن ئەلفىرەنىڭ قوشۇمىسى غەزەپ بىلەن تۈرۈلۈپ كەتتى،ئۇ ئىشەنگۈسى كەلمىگەن ھالدا ئەركىنگە قاراپ سورىدى.

-سىز ...بۇ ئادەملەرنى....ھازىر كىمنىڭ بۇيرۇقىنى ئاڭلايدۇ دىدىڭىز؟

ئەركىن غەلىتە نەزەر بىلەن ئەلفىرەگە قارىغنىچە جاۋاپ بەردى.

-ئەلۋەتتە تاھىر ئەپەندىنىڭ بۇيرۇقىنى ئاڭلايدۇ.

ئۇ گاڭگىراپ قالغان ھالدا ئەلفىرەگە قاراپ سورىدى.

-زادى نېمە بولدى؟

ئەلفىرە لېۋىنى چىشلەپ، ھاڭۋېقىپ تۇرۇپ قالغىنىچە گەپ قىلالماي قالدى.ئۇ ئادەملەرنى تاھىر ئورۇنلاشتۇرغانمىدۇ؟ئەنزەر بىلەن مۇناسىۋىتى يوقمۇ؟ئەلفىرەنىڭ چىرايىغا قاراپ،ئەنزەر لېۋىنى پۈرۈشتۈرگىنىچە،ئەركىنگە سۇسلا قاراپ بۇيرۇق قىلدى.

-چۈشۈپ كەتسەڭ بولىدۇ.

ئەركىن ئەنزەرگە قاراپ بىرنىمە سورىماقچى بولۇپ ئېغىز ئاچتى.

- ئەپەندىم...

گەپ تېخى تۈگىمەي تۇرۇپلا، ئەنزەرنىڭ بىر قارىشى بىلەن،ئۇ دەرھال ئاغزىنى يۇمۇپ، ئۇچقاندەك چىقىپ كەتتى.ئىشىك ئالدىغا كەلگەندە، ئىشىكنى ئاۋايلاپ تاقاشنىمۇ ئۇنتۇپ قالمىدى.شۇ پەيىتتە ئۆينىڭ ئىچى يىڭنە چۈشۈپ كەتسىمۇ ئاڭلانغۇدەك جىمىپ كەتتى.

ئەلفىرە پەقەت ئۆزىنىڭ يۈزىنى ئوتتەك قىزىپ كەتكەندەك ھېس قىلدى.سافادىكى ئەنزەر يەنىلا سالاپەت بىلەن ئولتۇرغىنىچە،ئاشۇ ھاكاۋۇرلۇق،سوغۇقلۇق چىقىپ تۇرىدىغان كۆزلىرى بىلەن ئەلفىرەگە تىكىلىپ تۇراتتى.

بىر ھازادىن كېيىن ئەلفىرە تەسلىكتە ئېغىزىنى ئېچىپ سورىدى.

-تاھىر ئەپەندى نېمە ئۈچۈن شەھىدەنى قوغدايدۇ؟

-دادامنىڭ قىلغان ئىشلىرىنى مەن تەكشۈرىمەن. ئەلفىرە!

ئەنزەر زىلۋا ئىككى پۇتىنى نەپىس ئالماپ ئولتۇرغىنىچە سورىدى.

-ھازىر مېنىڭ شاھزاد بىلەن شاھنازنىڭ دادىسى بولۇشقا سالاھىيىتىم توشتىمۇ؟

مېھمانخانىنىڭ ھاۋاسى ئوڭايسىزلىقتىن ئادەمنىڭ نەپەس ئېلىشىمۇ قىيىنلىشىپ كەتتى. ئەلفىرە چوڭقۇر بىر نەپەس ئېلىۋالغاندىن كېيىن، ئەنزەرگە قاراپ خاتالىقىنى تونۇغان كىچىك بالىدەك يىنىك ئاۋازدا ئېغىز ئاچتى.

-مەن سىزنى خاتا چۈشىنىپ قالغانلىقىمنى ئېتىراپ قىلىمەن،لېكىن... بۇنىڭدا مەندىن ئاغرىنسىڭىزمۇ بولمايدۇ،بۇ بىر نەچچەيلەن ئىلگىرى ھەقىقەتەن ئەنزەر ئەپەندى، سىزنىڭ قول ئاستىڭىزدىكىلەر ئىدى، شۇنداق ئەمەسمۇ؟

ئەنزەر بېشىنى لىڭشىتتى.

-ئەلۋەتتە،لېكىن ئەلفىرە ، مېنىڭ دېمەكچى بولغىنىم، بۇ ئەمەس.

ئەنزەر قاپقارا كۆزلىرىنى ئۇنىڭغا تىككىنىچە ئەسكەرتتى.

-سىز شاھزاد بىلەن شاھنازنىڭ باققان ئانىسى، بالىلىرىڭىزغا كۆڭۈل بۆلگىنىڭىزدىن مەنمۇ بەك خۇشال،لېكىن ئېسىڭدە بولسۇن، بالا گۈزەلنۇر ئىككىمىزنىڭ،سىزنىڭ بىزنىڭ ئاتا-ئانا بولۇش سالاھىيىتىمىز يوق دەيدىغان ھوقۇقىڭىز يوق، سالاھىيىتىڭىزمۇ يوق.

مەسىلەن، بۇ قېتىمقى ئۇقۇشماسلىقتا،شەھىدەنى قوغدايدىغان بۇ ئادەملەرنى مەن ئورۇنلاشتۇرمىغان، مەن ئورۇنلاشتۇرغان تەقدىردىمۇ، نىجات ئىككىڭلارنىڭ ئوغلۇم، قىزىمغا ياخشى مۇئامىلە قىلىش بايرىقىنى كۆتۈرۈۋېلىپ، ماڭا تاقابىل تۇرۇشقا نېمە سالاھىيىتىڭلار بار؟

ئەلفىرە تۇرۇپلا قالدى،ئۇ پۈتۈن بەدىنىدىكى بوغۇملىرىلا ئەمەس،ئېقىۋاتقان قانلىرىمۇ قىتىپ قالغاندەك تۇيغۇغا كەپ قالدى.

ئەنزەرنىڭ ھەر بىر سۆزى خۇددى ئۆتكۈر يىڭنىدەك ئۇنىڭ يۈرىكىگە قاتتىق سانجىلدى،شاھزاد بىلەن شاھناز ئۇنىڭ بالىسى،ئۇنىڭ بەدىنىدىن چۈشكەن گۆش،ئەمما ھازىر ئەنزەر تەرىپىدىن ئۆزى بۇ بالىلارغا ئازراقمۇ قارار چىقىرالمايدىغان يات ئادەم قارىلىۋاتىدۇ.

«سىزنىڭ بىزنىڭ ئاتا-ئانا بولۇش سالاھىيىتىمىز يوق دەيدىغان ھوقۇقىڭىز يوق، سالاھىيىتىڭىزمۇ يوق. »شۇنداق.باشقىلارنىڭ نەزىرىدە،ئۆزى بالىلىرنى ئوغۇرلاپ باققان ئانىسى،ئۇنىڭ بالىلارنىڭ ئۆز ئاتا-ئانىسىدىن گۇمانلىنىشقا قانداق ھوقۇقى بولسۇن.....

ئەلفىرەنىڭ كۆز قارىچۇقى بارا-بارا خىرەلەشتى، چىرايىمۇ بارا-بارا تاتىرىپ كەتتى.ئۇنىڭ ئۈمىدسىزلەنگەن ھەم ئازاپلانغانن تۇرقىدىن ئەنزەرنىڭ قوشۇمىلىرى چىڭڭىدە تۈرۈلۈپ كەتتى.ئۇ كۆزلىرى ئېغىرلىشىپ،يەنىلا چىدىمىغان ھالدا سۇسلا ئۇھسىنىغىچە،ئېغىز ئاچتى.

-مەنمۇ سىزنىڭ بالىلار ئۈچۈن شۇنداق قىلغانلىقىڭىزنى بىلىمەن،شۇڭا بۇنىڭدىن كيىن بۇنداق دىمەڭ.

ئەلفىرە كۆزىنى يۇمۇپ، ئاچچىق بېشىنى لىڭشىتتى.ئۇنىڭ بۇ ھالىتىنى كۆرۈپ،ئەنزەرمۇ بۇ تېمىنى داۋاملاشتۇرۇشقا چىدىمىدى.

ئۇ مۇشتۇمىنى تۈگۈپ ئېڭىكىگە يىقىن ئەكەلگىنىچە يىنىك يۆتۈلۈپ،گەپنى بۇرۇدى.

-سىز بۈگۈن چۈشتىن بۇرۇن رەتلىگەن ماتېرىياللارنى مەن كۆرۈپ بولدۇم،گەرچە مىجەزىڭىز يوق بولسىمۇ، لېكىن خىزمەت قىلغاندا تەرتىپنى ئېنىق،ئىددىيەنى روشەن ئوتتۇرىغا قويۇپسىز،سىز ناھايىتى ياخشى خىزمەتچى.خوجايىن بولۇش سۈپىتىم بىلەن، سىزنىڭ بۇ مەزگىلدە زېھنىڭىزنى خىزمەتكە قارىتىشىڭىزنى ئۈمىد قىلىمەن.

ئۇ كۆزلىرىنى كۆتۈرۈپ ئۇنىڭغا قاراپ قويغاچ گېپىنى داۋام قىلدى.

-بۇ مەزگىلدە شاھزاد بىلەن شاھناز كۆك ئاسمان داچىسىغا كۆچۈپ كىتىدۇ،ئەگەر ئۇلارنى سېغىنسىڭىز، داچىغا بېرىپ ئۇلارنى يوقلىسىڭىز بولىدۇ.

ئەلفىرەنىڭ بەدىنى سەل-پەل تىتىرەپ كەتتى.ئۇ لىۋىنى چىشلىگىنىچە بىر نېمە دېمەكچى بولدى-يۇ، ئاخىرىدا يەنىلا ھېچنېمە دېمىدى،ئاندىن ئاچچىق كۈلۈپ قويۇپ،جاۋاپ بەردى.

-ماقۇل.

ئۇ شۇنداق دېگەن تۇرسا، ئۇ يەنە نېمە دېيەلەيدۇ؟ئۇنىڭ بىلەن داۋاملىق تالاش-تارتىش قىلسا، ئۇ پەقەت گۈزەلنۇرنىڭ ئۇلارنىڭ ئۆز ئانىسى ئىكەنلىكىنى ئېيتىپ ھەممىنى بېسىقتۇرۋىتە ھەقىچان!

ئەنزەر ئۇنىڭ بۇنداق ئاسانلا ماقۇل بولدىغانلىقىنى ئويلاپمۇ باقمىغان ئىدى.ئۇ بىردەم سۈكۈتتە تۇرغاندىن كېيىن ئورنىدىن تۇرغىنىچە ئەسكەرتىپ قويدى.

-بۈگۈنكى يىغىنىڭىزنى ئەتىگە سۈردۈم،كەچتە بالدۇرراق ئۇخلاڭ، كېلەر قېتىم سىزنىڭ خىزمەت ئورنىڭىزدا يىقىلىپ قالغىنىڭىزنى كۆرۈشنى خالىمايمەن.

ئۇ گېپىنى تۈگىتىپ بۇرۇلۇپلا كېتىپ قالدى.«پاق» قىلغان ئاۋاز بىلەن تەڭ ئىشىكمۇ يېپىلدى.

ئەلفىرە ساپادا ئولتۇرغىنىچە چىڭڭىدە يىپىلغان ئىشىككە قاراپ،كۆڭلى گادىرماچ خىياللارغا تولدى،ئەنزەر بولسا ئاققۇ كۆلىدىكى ياتاق بىناسىدىن چىقىپ ئۇدۇل ئۆيگە قايتمىدى.ئۇ ئەركىن ئارقىلىق تاھىر ئەپەندىنى ئۇچرىشىشقا تەكلىپ قىلدى، ئاتا-بالا ئىككىسى بۇ شەھەردىكى ئەڭ ئالىي دەرىجىلىك رېستۇراندا كەچلىك تاماق يېيىشكە ئورۇنلاشتۇرۇلدى.

-سېنىڭ تەشەببۇسكارلىق بىلەن مېنى تەكلىپ قىلىشىڭنى ئويلىماپتىكەنمەن.

تاھىر ئەپەندى ئايرىمخانىدا ئولتۇرۇپ، كەيپىياتى ياخشى ھالدا رومكىنى قولىغا ئېلىپ يېنىك بىر يۇتۇم ئىچكەچ قېتىپ قويدى.

-ئاخىرى ئوغلۇمدەك ئىش قىلدىڭ.

ئەنزەر كۈلۈپ تۇرۇپ ئەسكەرتتى.

-مېنى ماختاشقا ئالدىرىماڭ!

ئۇ شۇنداق دىگىنىچە نىجاتنىڭ ئادەملىرى تارتقان بىر نەچچە پارچە سۈرەتنى ئۈستەلگە تاشلاپ گېپىنى داۋام قىلدى.

- ئېسىمدە خاتا تۇتۇۋالمىغان بولسام، ئەينى چاغدا سىز ماڭا بۇ بىر نەچچە ئادەمنى تەلەپ قىلغاندا، ماڭا ئۇلارنىڭ سىز ئۈچۈن ئىش قىلىپ بېرىشىنى ئېيتقانىدىڭىز،ئۇنداقتا دەپ بەرسىڭىز،بۇلارنى سىز نىمە ئىش قىلىشقا سالدىڭىز؟

تاھىر ئەپەندى قوشۇمىسىنى تۈرگىنىچە ھېلىقى بىرنەچچە پارچە رەسىمنى قولىغا ئېلىپ قارىدى،بۇ سۈرەتتىكى ئادەملەر راستىنلا ئۇ ئەنزەردىن سورىۋالغان قوغدۇغۇچىلار ئىدى،بىراق.....

-مەنمۇ بىلمەيمەن.

تاھىر ئەپەندى سۈرەتلەرنى جايىغا قويۇپ قويغاچ گېپىنى داۋام قىلدى.

-مەن راستىنلا بۇ ئادەملەرنى سەندىن سورىۋالغان،بىراق بۇلارنى ماڭا بەرگەنكەنسەن،مېنىڭ بىر تەرەپ قىلىشىمغا قوشۇلغانلىقنى بىلدۈرمەمدۇ.

ئۇ ئولتۇرۇش ھالىتى ئۆزگەرتىپ،سوغۇقلا ئەنزەرگە قاراپ سورىدى.

-مېنىڭ دوستۇم ياردىمىمگە مۇھتاجكەن،شۇڭا مەن بۇ بىرنەچچەيلەننى ئۇنىڭغا ئارىيەت بېرىپ تۇردۇم،قانداق مەسىلە بارمىكەن؟

aziza

ئەڭ يېڭى ئاۋازلىق رومان، پوۋېست ھىكايىلەر يوللىنىدۇ قوشىۋېلىڭ