- بولدى، گىپىڭلار تۈگىگەن بولسا ئادىلە بىزمۇ قايتايلى .
بەختىيار ئۇلارنىڭ يەنە پاراڭلىشىپ تۇرىشىغا سەۋرى قالمىغاندەك ئورنىدىن تۇردى ، ئادىلە ئۇنى يۆلەپ :
- ماقۇل، سىزنى يۆلىۋالاي .
- بەختىيار ئەپەندى، قاھارنىڭ ئورنىدا سىزدىن كەچۈرۈم سورايمەن، داۋالىنىش ھەققىڭىزنى بىز چىقىرىمىز، يەنە قانداق تەلىۋىڭىز بولسا بىز سىز رازى بولغۇدەك ئورۇنداشقا رازى .
- ھاجىتى يوق، ھىلىقى ئىنىڭىزغا ئىيتىپ قويۇڭ، كىلەر قىتىم ئادىلە ئىككىمىزنى يەنە پاراكەندە قىلسا مەن ئەمدى يۈز خاتىرە قىلىپ ئولتۇرمايمەن .
- بولىدۇ، مەن ئۇنى ئايرىم ۋاقىت چىقىرىپ ئىككىڭلاردىن يۈز تۇرانە ئەپۇ سوراتقۇزىمەن، ئەمسە ئاۋايلاپ مېڭىڭ .
جەۋلان ئادىلەگە تىكىلدى، ئادىلە بەختىيارنى يۆلىگەچ جەۋلانغا كۆزىنىڭ قۇيرىقىدا قاراپ قويدىدە چىقىپ كەتتى، جەۋلان بىر ھازا جىمجىتلىقتىن كىيىن ساقچى بىلەن رەسمىيەتلەرنى بىجىرىپ قاھارنى ئىلىپ بۇ يەردىن ئايرىلدى .
بەختىيارنىڭ شوپۇرى ماشىنىنى بىر خىل رىتىمدا ھەيدەپ كىتىۋاتاتتى، ئادىلە دىرىزە سىرتىغا قاراپ جەۋلاننىڭ بايىقى ھالىتىنى خىيال قىلىۋاتقان بولۇپ، ئۆزىنى جەۋلانغا يۈز كىلەلمەيدىغاندەك كۆڭلى پەرىشان ئىدى .
- نىمە ئويلاۋاتسىز ؟ بايىقى جەۋلان ئىسىملىك يىگىتنى ئويلاۋاتىسىزغۇ دەيمەن ؟ بەختىيارنىڭ سىرلىق قاراشلىرى ئادىلەنى سەل ھودۇقتۇرىۋەتتى :
- يا ياق، مەن شۇ سىزنىڭ تۇيۇقسىز يەنە ئۇ قاھار بىلەن دوقىرىشىپ قالغانلىقىڭىزنى ئويلاۋاتىمەن، ئۇ نىمىشقا سىزگە مۇشت ئاتىدۇ ؟
- ئۇ بەكلا تەنتەك يىگىتكەن، جەۋلان ئىسىملىك يىگىتكە زادىلا ئوخشىمايدىكەن، ئەنقەر بۇ ئوغلىنى راستىنلا ياخشى تەربىيلىيەلمەپتۇ، ئەگەر بۈگۈن ئەنقەر بىلەن بولغان كونا دوستلۇقنىڭ يۈزىنى قىلمىغان بولسام ئۇ قاھار دىگەننى بۇنداق ئاسان بوش قويىۋەتمىگەن بولاتتىم .
- بولدى، ھەممە ئىشلار ئۆتۈپ كەتتى، ئۇ ئەمدى سىزنى يەنە ئاۋارە قىلىشقا پىتىنالمايدۇ .
- ئەللىۋەتتە، مەن ئۇنىڭغا كىملىكىمنى تىخى تىتىتىپ قويغىدەك بولمىدىم ، ئەگەر ئۇ…
تۇيۇقسىز ئادىلەنىڭ تىلفۇنى سايراپ كەتتى، بەختىيار ئادىلەگە تىكىلدى ، ئادىلە ھودۇقۇپ تىلفۇنغا قارىدى :
- ھە، ئاپامكەن .
- ئەمسە ئىلىڭە ؟
ئادىلە تىلفۇننىڭ قوڭغۇرىقىنى ئۆچۈرۈپ تىلفۇننى سومكىسىغا سالدى .
- نىمىشقا ئالمايسىز ؟ بەختىيار گۇمان ئىچىدە ئادىلەگە تىكىلدى .
- ھە، سىزنىڭ يىنىڭىزدا ئاپام بىلەن كۆرۈشسەم بولمايدۇ، يەنىلا ئۆيگە بىرىپ ئۇنىڭغا تىلفۇن ياندۇراي .
بەختىيار بىشىنى لىڭشىتىپ قويدى ، بىراق ئۇنىڭ ئادىلەگە بولغان گۇمانى بۇنداقلا توختاپ قالمىغان ئىدى .
- ھە راست، سىزگە بىرىدىغان سوۋغام بار ئىدى . بەختىيار پەلتۇيىنىڭ يانچۇقىدىن بىر جۈپ ئۈزۈك كورۇپكىسىنى ئىلىپ ئادىلەگە كۆرسەتتى :
- بۇ تويلۇق ئۈزۈك، ئەسلى سىزنى ئىلىپ بىرىپ بىللە تاللاشنى ئويلىغان ، بىراق سىزنىڭ سالامەتلىكىڭىزدىن ئەنسىرەپ ئۆزۈم ئىلىۋەردىم . بەختىيار ئۈزۈك قىپىنى ئىچىپ ئادىلەگە كۆرسەتتى :
- قانداق ؟ چىرايلىقمىكەن ؟ سىزگە يارىدىمۇ ؟ دىدى كۈلۈمسىرەپ .
ئادىلە ئۈزۈكلەرگە قاراپ چىرايىغا زۇرىغا كۈلكە يۈگۈرتتى :
- ھە بولىدىكەن، ھەقىقەتەن چىرايلىقكەن، بەك ياقتۇردۇم .
بەختىيار بىر تال ئۈزۈكنى ئىلىپ ئادىلەنىڭ بارمىقىغا سالدى :
- ۋاھ بەكلا ياراشتى، كۆزۈم راستىنلا مال تونۇيدىكەن جۇمۇ !
بەختىيار ئادىلەنىڭ بارماقلىرىنى سىقىمداپ كۈلۈپ قويدى ، ئۇ ئادىلەنىڭ قورۇسىغا كەلگەندە ئۈزۈكنى قىپىغا سىلىپ بىر جۈپ ئۈزۈكنى ئادىلەنىڭ قولىغا تۇتقۇزدى :
- بۇنى ئوبدان ساقلاڭ، توي كۈنى بىر-بىرىمىزگە تاقاپ قويىمىز .
ئادىلە خىجىل بولۇپ يەرگە قارىۋالدى ، ئۇلار ماشىنىدىن چۈشۈپ قورۇنىڭ ئالدىدا بىر-بىرىگە قارىشىپ :
- كىرىپ ياخشى ئارام ئىلىڭ ، ئەتە سىزنى توي زىياپەت زالىنى كۆرۈشكە ئاپىرىمەن .
- نىمە ؟ شۇنچە تىز ئورۇنلاشتۇرۇپ بولدىڭىزما ؟
- ئەللىۋەتتە، مەن بۇ ئىشنى بۇرۇنلا ئورۇنلاشتۇرۇپ قويغان، ھەممە ئىشلار ئۆز جايىدا پۈتۈپتۇ .
- بىراق بىز تىخى توي خىتى ئالمىغان تۇرساق ؟
- ھىچقىسى يوق، توي خىتىنى مۇراسىمدىن كىيىن بىجىرسەكمۇ بولىدۇ، مەن دىگەندەك ئادۋۇكات ئارقىلىق قانۇنىي رەسمىيەتلىك توي خىتى بىجىرىش سەل تەسكە توختىغۇدەك، مەن ئامالىنى قىلىۋاتىمەن، بۇ ئىشلارمۇ تىزلا پۈتىدۇ، سىز خاتىرجەم بولۇڭ .
- ماقۇل، ئەمسە مەن كىرىپ كىتەي، ھە راست، يۈزىڭىزگە دورا سۈرىۋىلىڭ .
- ماقۇل، سىز بەك ئوماق جۇمۇ ، تىز كىرىپ كىتىڭ . ئادىلە قورۇ ئىچىگە كىرىپ كىتىشى بىلەن بەختىيارمۇ ماشىنىسىغا چىقىپ بىردەمدە كۆزدىن غايىپ بولدى .
جەۋلان ئاچچىقتىن توختىماي ۋالاقشىۋاتقان قاھارغا قاراپ :
- بولدى قىلساڭچۇ ؟ ھىلىمۇ سىنىڭ جىدىلىڭنى بىسىقتۇرىمەن دەپ يەنە ئۇ كۆرۈشنى خالىمايدىغان ئادەمنى كۆردۈم .
- سەنمۇ تازا بىركەنسە، ئۇ لايىقىڭنى تارتىۋالسا ئۇنىڭدىن يەنە نىمىشقا ئەپۇ سورايسەن ؟
- شۇ سىنى دەپ بولمامدۇ ؟ سەن يەنە چاتاق تىرىساڭ مەن يەنە نىمە ئىشلارغا يولۇقىمەن بۇنىڭغا بىر نىمە دىمەك تەس .
- كەچۈرگىن، بۈگۈن سىنى يەنە ئاۋارە قىلدىم، ئالدىنقى قىتىم جاھانتاي تاغام بىلەن نادىرەنى سەن قايىل قىلىپ ئاران بۇ ئىشنى ئوڭشىغاندا مەن يەنە ئىشنى بۇزۇپ قويدۇم . جەۋلاننىڭ كۆڭلى پاراكەندە بولغاچقا قاھارغا ئارتۇقچە كايىمىدى :
- قاھار، تاغام ئاران تۇرىدۇ، ئەمدى ئىشلار ئوڭشىلىۋاتقاندا سەن يەنە جىدەل چىقاردىڭ، نادىرەنىڭ ئىشىنى ئەمدى كىم بىر تەرەپ قىلىدۇ ؟ ئۇنىڭ بەلكىم سىنىڭ بۇ تەنتەكلىكىڭدىن بىزار بولۇپ توي ئىشىدىن يالتىيىپ قالغانلىقىنىمۇ نەزەردىن ساقىت قىلىشقا بولمايدۇ، ئەمدى بۇنداق يىنىكلىك قىلما .
- ماقۇل، نادىرەنىڭ ئىشىنى ئۆزۈم بىر تەرەپ قىلاي، ئۇ مىنى ياخشى كۆرىدۇ ، ئۆيگە قايتىپ تىلفۇن قىلىپ ئازراق ھىيلە ئىشلەتسەملا ئۇ ئەيۋەشكە كىلىدۇ . قاھار سەت ھىجايدى .
- سىنىڭ يەنە كۈلۈشكە رايىڭ بار ئىكەن ھە !
ماشىنا قاھارلارنىڭ داچىسى ئەتراپىغا كىلەي دەپ قالغان ئىدى .
- كەلدۇق، ھە راست، بۈگۈنكى ئىشنى تاغامغا ئىيتما ، كەچ قاپسەن دىسە، جەۋلان بىلەن خىزمەت توغىرلىق پاراڭلاشقان دىسەڭ بولىدۇ .
- بىلدىم، خوش ئەمسە !
جەۋلان قاھار داچىغا كىرىپ كۆزدىن غايىپ بولغانغا قەدەر قاراپ تۇردى، ئۇ قايتماقچى بولۇپ تۇيۇقسىز ئادىلەنى يادىغا ئالدى، ئق تىلفۇن خاتىرىسىدىكى ئادىلەنىڭ نۇمۇرىغا قاراپ ئۇرۇش-ئۇرماسلىق توغرىسىدا ئازراق ئىككىلىنىپ تىلفۇننى باستى، بىراق ئادىلە تىلفۇننى ئالمىغان ئىدى، جەۋلان سۇلغۇن كەيپىياتتا ماشىنىسىنى بۇراپ ئۆيى تەرەپكە يول ئالدى .
شاھيار بىردەمدىلا شەھەردىن چىقىپ ياردەمچى ئەۋەتكەن يول لىنىيەسى بويىنچە غەرپ تەرەپكە قاراپ ئىلگىرلىدى، سائەت ئون بىردىن ئاشقاندا شاھيار شەھەر سىرتىدىكى شىمالى يولغا جايلاشقان مەخپىي يولغا كىردى ، ئۇ ئۇزۇن ماڭمايلا ئالدى تەرەپتىن كىلىۋاتقان بىر ماشىنىنى كۆردى، ئەتراپ قاراڭغۇ، يول چىراقلىرىمۇ بولمىغاچقا قارشى تەرەپتىكى ماشىنىنىڭ رەڭگى ۋە باشقا تەرەپتىكى ئالاھىدىلىكلىرىنى كۆرگىلى بولمايتى، شاھيار بىردىنلا تىلفۇندىكى يول لىنىيىسىدە ئىككى چىكىتنىڭ ئۆزى تەرەپكە يىقىنلاپ كىلىۋاتقانلىقىنى كۆردى :
- قارىغاندا ئۇ ھىلىقى سىرىق چاچنىڭ ماشىنىسى بولسا كىرەك ؟
ماشىنا ئارلىقىغا يىگىرمە مىتىرمۇ قالمىغان بولۇپ، شاھيار ماشىنىنىڭ سۈرئىتىنى سەل ئاستىلاتتى، ئالدى تەرەپتىكى ماشىنىنىڭ سۈرئىتىمۇ بىردىنلا ئاستىلاپ ئىككى ماشىنا ئۇچىراشقاندا توختىدى، شاھيار ھەيران بولۇپ تۇرىشىغا ئالدى تەرەپتىكى ماشىنىنىڭ كەينىدىكى ماشىنىدىن ئۈچ ئەر چۈشۈپ ئالدىدىكى ماشىنىغا يىپىشتى، تۇيۇقسىز بايىقى ماشىنا قوزغىلىپ ماڭماقچى بولىۋىدى، شاھيار چاققانلىق بىلەن ئالدىنى توستى .
- قارىغاندا بۇ ھىلىقى سىرىق چاچ شۇكەن . شاھيار ماشىنىدىن چۈشۈپ ئالدىدىكى ماشىنىغا يىقىن كەلدى .
- شاھيار ئاكا ! قاراڭغۇلۇق ئىچىدە ئۈچ يىگىت شاھيارنىڭ يىنىدا پەيدا بولۇپ بايىقى ماشىنىنى ئورىۋالدى .
- ئۇ يالغۇزمۇ ياكى يىنىدا ئادەم بارمۇ ؟
- ئۇ يالغۇز، بايا ھىلىقى ئەرنى ئىسكىلات تەرەپكە تاشلاپ قويۇپ يالغۇز ماڭغان، قارىغاندا ئەگەشكىنىمىزنىمۇ سەزمىگەن چىغى .
- بۇ ئۆلگۈر سىرىق چاچ بەكمۇ ھىيلىگەر ، ئۇنىڭ سىلەرنى سىزەلمەسلىكى مۇمكىن ئەمەس ، بەلكىم ئۇ بىر ھىيلە ئىشلىتىۋاتقاندۇ ؟
- ئىشىكنى ئاچ !
ئارقىمۇ-ئارقا ئۇرۇلغان قاتتىق مۇشتتىن ماشىنىنىڭ دىرىزىللىرى چاك كىتىشكە ئاز قالدى ، ھايال قالماي ماشىنىنىڭ ئىشىكى ئىچىلىپ سىرىق چاچلىق قىسماق كۆز پەسكە چۈشتى، شاھيارنىڭ ياردەمچىللىرى ئۇنى تۇتىۋىلىپ يەرگە باستى .
- مىنى قويىۋىتىش ! مىنىڭ ساڭا گىپىم بار ! شاھيار يەرگە بىشى بىسىلغان ھالەتتە تۇرغان سىرىق چاچقا ئىڭىشىپ سورىدى :
- ئۆلگۈر ! سەن مىنى تونۇمسەن ؟ قارىغاندا بۈگۈن سىنى تۇتىشىمىزدىن خەۋىرىڭ بار ئوخشىمامدۇ ؟
- شۇنداق . سىرىق چاچ خىرقىراپ ئاۋازى تەستە چىقتى :
- مەن بايا ئەگىشىۋالغىنىڭلارنى بىلگەن ، خوجايىن مىنى سەن بىلەن كۆرۈشۈپ، سىنى يىنىغا باشلاپ كىلىشكە ئەۋەتكەن .
- نى نىمە ؟ خوجايىنىڭ كىم ؟ ئۇ مىنى قانداق تونۇيدىكەن ؟ بۈگۈن ماڭا ھىيلە ئىشلىتىمەن دىمە !
- ياق ياق، ھىيلە ئىشلەتمىدىم ، مەن خىلى بۇرۇنلا سىنىڭ ئادەملىرىڭنىڭ ئارقامغا چۈشكەنلىكىنى بىلگەن، بۈگۈن قەستەن قاۋاقخانىدىكى بىرى ئارقىلىق ئۇلارنى شەھەر سىرتىغا باشلاپ چىقتىم ، مەقسىدىم سىنىڭ كىملىكىڭنى ھەم مەقسىدىڭنى بىلىش ئىدى .
- ئۇنداقتا خوجايىنىڭ قانداقسىگە مەن بىلەن كۆرىشىمەن دەيدۇ ؟ سەن ماڭا قاپقان قۇرماقچىما ؟
- خوجايىنغا مەن بۇ ئىشنى ئىيتقان، ئۇ ماڭا سىنىڭ كىملىكىڭنى بىلگەن چاغدا، سىنى ئۇنىڭ بىلەن كۆرۈشتۈرۈشكە ئورۇنلاشتۇرۇشۇمنى ئىيتقان ، شۇڭا بايا ئىسكىلاتتىن يالغۇز ئايرىلدىم . شاھيار دىمىقىدا كۈلدى :
- شۇنداقمۇ ؟ ئەمسە ئىيتە، خوجايىنىڭ كىم ؟
- خوجايىنىم ، ئۇ، ئۇ ئەلى…
- ئەلى ؟ شاھيار قىياسىنىڭ توغرىلىقىنى ھىس قىلىپ :
- ئەلى سىرىق چاچنىڭ خوجايىنى بولسا ئەينى چاغدا مىنى ئۆلتۈرۈشكە ئەلى ئادەم ئورۇنلاشتۇردى دىگەن گەپ، بىراق مىنىڭ ئۇنىڭ بىلەن زادى قانداق ئاداۋىتىم بار ؟ بۇنىسى نامەلۇم .
شاھيار سىرىق چاچقا ئاچچىق نەزەردە تىكىلدى :
- خوجايىنىڭ ھازىر قەيەردە ؟
- ئۇ، ئۇ شەھەر سىرتىدىكى ئارامگاھتا سىنى باشلاپ كىلىشىمنى ساقلاپ تۇرىۋاتىدۇ .
- ئەمسە ئۇ بۈگۈن ھەرىكەت قوللىنىدىغىنىمنى بىلىپ تۇرۇپ نىمىشقا سىنى قۇتقۇزۇشقا ئادەم ئەۋەتمەيدۇ ؟
- خوجايىن سىنىڭ ئۆزى بىلەن كۆرىشىدىغانلىقىڭغا ئىشىنىدىكەن ، قارىغاندا ئۇ سىنى تونىسا كىرەك .
- نىمە ؟ مىنى تونۇمدىكەن ؟ شاھيار بارغانسىرى ھەيران بولۇپ :
- قارىغاندا بۇ قىرى تۈلكە مىنىڭ ئارقامغىمۇ ئادەم سىلىپ بەزى ئىشلىرىمدىن خەۋەردار بولغان بولسا كىرەك ؟ ئۇنىڭ بىلەن كۆرۈشمىسەم بەرىبىر ئۆزۈم ئىرىشمەكچى بولغان جاۋاپقا ئىرىشەلمەيمەن . شاھيار ئازراق ئويلىنىپ ياردەمچىسىگە قاراپ ئىيتتى :
- ئۇنى ماشىنىغا ئىپ چىقىڭلار !
- ماقۇل ئاكا .
ئۈچ يىگىت سىرىق چاچنى ئارقىدىكى ماشىنىغا سىلىپ شاھيارنىڭ ماشىنىسىغا ئالدىدا يول باشلاپ ماڭدى . قاپقاراڭغۇ تار يوللاردا ئىككى چەتتىكى يىڭى بىخلانغان دەرەخلەرنىڭ يوغان ساڭگىلاپ تۇرغان غوللىرى گوياكى ئالۋاستىنىڭ قوللىرىدەك يول تەرەپكە بويۇنداپ تۇراتتى، يول شۇ قەدەر جىمجىت . شاھيار ئالدىدا كىتىۋاتقان ماشىنىغا قاراپ ئويلاپ قالدى :
- ئەگەر بۇ سىرىق چاچنىڭ ھىيلىسى بولسىچۇ ؟ ھىلىقى ئەلى ئۇنىڭ خوجايىنى، ئۇ دىلمۇراتنى ئۆلتۈرگەن ھەقىقىي قاتىل، ئۇنداقتا ئەلىنىڭ مەقسىدى نىمە ؟ ئۇ مىنىڭ دىلمۇرات ئىكەنلىكىمنى تەكشۈرۈپمۇ ئىنىقلىيالمايدۇ، بەلكىم ئادىل تاغام بىلەن لالەنى ئىزدىگەن ئادەم شۇ بولىشى مۇمكىن، ئۇ چوقۇم مىنىڭ ئارقا كۆرۈنۈشۈمنى تەكشۈردى ، بىراق دوختۇرلار تەكشۈرگەن بارلىق داۋالاش خاتىرىلىرى يوق، دىمەك ئۇ پەقەت مىنىڭ نىمىگە ئىرىشمەكچى ئىكەنلىكىمنى بىلمەكچى .
شاھيار سىنجى كۆزلىرىنى قاراڭغۇلۇق ئىچىدە سۇس يۇرۇغلۇق چىقىرىپ كىتىۋاتقان ماشىنىغا تىكىپ يەنە خىيالغا پاتتى :
- مىنىڭچە ئەلىنىڭ مىنى چاقىرىشىدا بىرەر مەقسىدى بار، بەرىبىر مەن باشقا كىملىكتىكى ئادەم، ئەڭ ياخشىسى ئۇنىڭ مۇددىئاسىنى بىلىپ بىقىشىم كىرەك . شاھيار بايىقى جىددىيلىكىنى پەسەيتىپ تەمكىن ھالدا ئالدىغا قاراپ ئىلگىرلىدى .
ماشىنا خاس ساراي ئارامگاھىغا يىتىپ كەلدى ، شاھيار ماشىنىدىن چۈشۈپ ئالدىدىكى ماشىنىنىڭ يىنىغا كەلدىدە، دىرىزىنى بوشقىنە چەكتى، ئەتراپ جىمجىت بولۇپ خاس ساراي ئارامگاھىنىڭ دەرۋازا چىراقلىرىدىن تارتىپ ئۆچۈرۈلگەن ئىدى، بايىقى ئۈچەيلەن سىرىق چاچنى تارتقۇشلاپ پەسكە ئىلىپ چۈشتى، شاھيار بوشىقىنە ئاۋازدا :
- ئىيتە ؟! بىزگە بىرەر قىلتاق قۇرماقچىمۇ سەن ؟ ئەگەر مىنى ئالدىساڭ سىنىڭ بارلىق جىنايىتىڭ، شۇنداقلا خوجايىنىڭنىڭ ئاقىۋىتى ھەرگىز ياخشى بولمايدۇ ، مەندە سەنلەرنىڭ جىنايىتىنى ئىسپاتلايدىغان مۇھىم پاكىت بار، ئەگەر مىنى ئالدىساڭ تۈگەشكىنىڭ شۇ .
- ياق ياق، سىنى ئالداشقا ھەددىم ئەمەس ، مەن پەقەت بۇيرۇق بويىنچە ئىش قىلىمەن ، سەن خوجايىن بىلەن كۆرۈشسەڭلا نۇرغۇن ئىشلارغا جاۋاپ تاپالايسەن .
- نىمە ؟ سەن قايسى ئىشلارنى كۆزدە تۇتىۋاتىسەن ؟ ئەجەبا سەن مىنىڭ ئىزچىل سىنى ئىزدەۋاتقىنىمنى بىلەمسەن ؟ سىرىق چاچ بىشىنى چايقىدى :
- مەن بەزى ئىشلارنى تولۇق بىلمەيمەن ، بىراق خوجايىن سىنىڭ ئۆزىنى ئىزدەيدىغانلىقىڭنى ئىنىق بىلىدىكەن . سىرىق چاچ بىشىنى كۆتۈرۈپ شاھيارغا قاراپ سەت ھىجايدى :
- مەن خوجايىنغا تىلفۇن قىلاي ، ئۇ بەلكىم بىزنى ساقلاپ تاقىتى-تاق بولغاندۇ ؟ شاھيار ئۇنىڭ كۆزلىرىگە نەپرەت بىلەن تىكىلدى :
- ماقۇل ، تىلفۇن قىل ، بىراق ھىيلە ئىشلىتىمەن دىمە ، بولمىسا سەنمۇ ساق قالمايسەن !
- ھە ھە…
سىرىق چاچ قولى بوشانغاندىن كىيىن تىلفۇننى چىقىرىپ ئەلىگە تىلفۇن قىلدى ، تىلفۇن ئۇلىنىپ ئۇزۇن ئۆتمەيلا ئىلىندى :
- ۋەي ، قانداق بولدى ؟
- خوجايىن بىز كەلدۇق .
- ماقۇل، ئالدىڭلارغا ئادەم چىقارتاي .
تىلفۇن ئۈزۈلگەندىن كىيىن شاھيار سىرىق چاچنىڭ ئالا، شالاڭ ساپسىرىق چىچىنى چۈجىنى يۇڭدىغاندەك تارتىپ كۆزلىرىگە تىكىلدى :
- سەن!…
تۇيۇقسىز ئارامگاھنىڭ ئىشىك چوڭ چىرىقى ياندى ، شاھيار سىرىق چاچنى قويىۋىتىپ دەرۋازا تەرەپكە تىكىلدى .
- سەل تۇرۇپ ئەلىنىڭ ئادەملىرى چىققاندا ماۋۇ ئەبلەخنى قويىۋەتمەڭلار، ھەر ھالدا دىققەت قىلايلى .
- ماقۇل ئاكا !
دەرۋازا تاراقشىپ ئىچىلىپ بىر يىگىت چىقتى ، بۇ يىگىت بۇ يەردىكى باش مۇلازىمەتچى ئىدى ، ئۇ ئاستا قەدەملەر بىلەن شاھيار تۇرغان يەرگە كىلىپ ئەتراپتىكىلەرگە ئەيمىنىپ قارىغاچ :
- خوجايىن ئىچىدە ساقلاۋاتىدۇ، مەن بىلەن مىڭىڭلار !
شاھيار بۇرادەرلىرىگە ئىشارە قىلىپ سىرىق چاچنى يالاپ ئىچىگە ئىلىپ كىردى ، ئۇلار تاش پەلەمپەيسىمان راۋاقلاردىن ئۆتۈپ بىر ئايرىمخانىنىڭ ئالدىغا كەلگەندە بايىقى مۇلازىمەتچى يىگىت توختاپ شاھيارغا تىكىلدى :
- كەلدۇق ، خوجايىن مۇشۇ ئۆيدە سىلەرنى ساقلاۋاتىدۇ ، قىنى مەرھەمەت !
شاھيار ئەتراپقا بىرەر قۇر نەزەر سىلىپ ھىچقانداق تىۋىش ئاڭلىمىغاندىن كىيىن ئادەملىرىگە ئىشارە قىلىپ ئايرىمخانىغا كىردى ، دەرۋەقە چىرايلىق ياسالغان ئازادە ئايرىمخانىنىڭ ئوتتۇرىسىدىكى يۇمشاق كىرىسلودا ئەلى ھاراق ئىچكىنىچە جىمجىت ئولتۇرغان ئىدى ، ئەلى شاھيار ۋە ئۇنىڭ بۇرادەرلىرى تۇتۇپ تۇرغان سىرىق چاچقا بىرەر قۇر نەزەر سالغاندىن كىيىن سۇس كۈلۈمسىرەپ ئىغىز ئاچتى :
- ئوھۇي، بۇ كىم ئەمدى ؟ كاتتا مىھمان شاھيار ئەپەندى، ئادەتتە سىزنى چىللاپمۇ ئەكىلەلمەيمەن ، قارىغاندا بۈگۈن مۇشۇنداق ھالەتتە ئۇچىرىشىش پىشانىمىزگە پۈتۈلگەن چىغى ، قىنى، قىنى مەرھەمەت !
ئەلى شاھيارنى ياندىكى كىرىسلوغا تەكلىپ قىلدى ، شاھيار ئەلىنىڭ ھىيلىگەرلىك چىقىپ تۇرغان كۆزلىرىگە قاراپ سورىدى :
- ئەلى ئەپەندى ، قارىغاندا بۈگۈنكى ئويۇننى خىلى قاملاشتۇرۇپ ئوينىغاندەك قىلىسىز، ئادىمىڭىزنىڭ قولۇمدا ئىكەنلىكىنى كۆرۈپ قىلچە ئەيمەنمەستىن مىنى ئولتۇرۇشقا تەكلىپ قىلىۋاتىسىز ، دىمەك ئالدىن تەييارلىقىڭىز باركەندە ؟
- ھەي، قارىڭە سىزنى ، بىز ھەممىمىز ھەر كەسىپنىڭ ئادەملىرى ، قىلىۋاتقان ئىشىمىزمۇ ئوخشىمايدۇ ، ئەللىۋەتتە سىزدەك قابىل كارخانىچىغا بىھۆرمەتلىك قىلسام بولمايدۇدە ؟ شاھيار زەھەرخەندىلىك بىلەن ئۆزىگە قاراپ توختىماي پىخىلداپ كۈلىۋاتقان ئەلىگە قاراپ :
- ئەلى ئەپەندى ، بۈگۈن سىزنى نىمىشقا ئىزدەپ كەلگەنلىكىمنىڭ سەۋەبىنى بىلىسىزغۇ دەيمەن ؟ ئەمسە نەق گەپنىلا دىيىشەيلى .
- ھەي، ياشلار بەكلا ئالدىراڭغۇ جۇمۇ، ئاۋۋال ئولتۇرۇڭ، بىرەر رومكىدىن ئىچىشكەچ پاراڭلىشارمىز . شاھيار ئۇنىڭغا قارشى ئورۇندىكى كىرىسلوغا كىلىپ ئولتۇردى :
- ئىيتىڭە، بۈگۈن سىرىق چاچ ئارقىلىق بىزنى بۇ يەرگە ئالداپ ئەكىلىشىڭىزنىڭ سەۋەبى نىمە ؟ ئەلى پىخلىداپ كۈلدى :
- ئەمسە مەنمۇ ۋاقىتنى ئىسراپ قىلماي سىزدىن شۇنى سوراپ باقاي ، سىز نىمىشقا مىنىڭ ئادىمىمنى يۇشۇرۇن تەكشۈرىسىز ؟ قارىغاندا مەن بىلەن بىرەر ئاداۋىتىڭىز بارمۇ-قانداق ؟ شاھيار سىرىق چاچقا بىر قاراپ قويدى :
- ماقۇل، نەق گەپنى قىلىشايلى ، مەن بىر دوستۇم ئۈچۈن ئادالەتنى ياقىلىماقچى، ئۇ ئىككى يىلنىڭ ئالدىدا قاتناش ھادىسسىدە ئۆلۈپ كەتكەن، ئىسمى دىلمۇرات ، ئۇ ئۆلۈشتىن بۇرۇن، ئۆزىنىڭ قەستكە ئۇچراپ قالسا مىنىڭ ئۆزى ئۈچۈن قىساس ئىلىشىمنى ئىيتقان ، مەن تەكشۈرۈپ بۇ سىرىق چاچنىڭ ئەينى چاغدا ئۇنى ئۆلتۈرگەن قاتىل ئىكەنلىكىنى بىلدىم ، شۇڭا ئۇنى يۇشۇرۇن كۈزەتكەن . شاھيار ئەلىگە ئاچچىق كۈلۈمسىرەپ قارىدى :
- قارىغاندا ئۇنىڭ ئارقىسىدا سىزدەك يول كۆرسەتكۈچىسى بار ئىكەن، ئىيتىڭە ؟ نىمىشقا دىلمۇراتنى ئۆلتۈرىسىز ؟ ئەلى شاھيارغا خىلى ئۇزۇن جىمجىت تىكىلگەندىن كىيىن :
- سىز راستىنلا دىلمۇراتنىڭ دوستىما ؟ مەن ئۇ يىگىتنىڭ سىزدەك دوستى بارلىقىنى ئەجەپ بىلمەيدىكەنمەن ، بىلىشىمچە، سىز يىقىندا ئىچكىرىدىن قايتىپ كەپسىز، بۇ ئىشتا يالغان سۆزلەۋاتىسىزغۇ دەيمەن ؟
- توغرا ، ئۇنىڭ بىلەن ئالىي مەكتەپتە ئوقىۋاتقان چاغدا تونۇشقان ، مەن بىلىم ئاشۇرۇش ئۈچۈن گۇاڭجۇغا چىقىپ كىتىپ شۇ يەردە تۇرغان ، دىلمۇرات ئىككىمىزنىڭ ئالاقىسى ئۈزۈلۈپ قالغىنى يوق…
- ھاھاھا… ئەلى قاقاھلاپ كۈلدى :
- ھى، كىچىك بالا ، بۇ گەپلىرىڭىز پەقەتلا چەك باسمىدىغۇ دەيمەن ؟ سىز گۇاڭجۇدا ئۇزۇن تۇرمىغان ، بىلىشىمچە، ئىككى يىلنىڭ ئالدىدا سىزمۇ قاتناش ھادىسسىگە يولۇقۇپ ئادىل ئەپەندى ۋە قىزى بىلەن تونۇشۇپتىكەنسىز، ئىيتىڭە، بۇ قانداق تاساددىبىيلىق ؟ ئەگەر ماڭا راست گەپنى قىلسىڭىز، دىلمۇراتنى ئۆلتۈرگەن ھەقىقىي قاتىلنى ئىيتىپ بىرىمەن ، ئەللىۋەتتە، بارلىق ئىشلارنىڭ سەۋەبىمۇ شۇنىڭ ئىچىدە .
قارىماققا ئەلىنىڭ كۆزلىرىدىن شاھيارنى سىناۋاتقاندەك بىر ئىپادە چىقىپ تۇراتتى، شاھيار ئۆزىنىڭ ئاشكارلىنىپ قىلىشىدىن ئەنسىرەپ :
- قارىغاندا ئادەملىرىڭىز سىزگە خاتا مەلۇمات يوللىغان ئوخشايدۇ ، مەن ئادىل تاغامنىڭ ئۆلۈپ كەتكەن چوڭ ئاكىسىنىڭ ئوغلى ، دادام ئۆلۈپ كەتكەندىن كىيىن تاغام مىنى گۇاڭجۇغا ئىلىپ چىقىپ كەتكەن ، قاتناش ھادىسسىگە ئۇچىرىغىنىم راست، ئەگەر گىپىمگە ئىشەنمىسىڭىز تاغامدىن ياكى لالەدىن سوراپ باقسىڭىز بولىدۇ .
- بولدى ، مەيلى سىز كىم بولۇڭ ياكى بولماڭ ، مەقسىدىڭىز دوستىڭىز ئۈچۈن قىساس ئىلىش بولغانكەن، دىمەك نىيتىمىزمۇ بىر دىگەن گەپ . شاھيار ئەلىنىڭ نىمە دىمەكچى ئىكەنلىكىنى چۈشىنەلمەي :
- دىلمۇراتنى ئۆلتۈرگەن قاتىل ئۆزى تۇرۇپ قەستەن گەپ يورغىلىتىۋاتقىنىنى، دىدى ئىچىدە .
- ئەلى ئاكا، گىپىڭىزنى تازا چۈشىنەلمىدىمغۇ ؟ شاھيار سىرىق چاچنى كۆرسىتىپ :
- بۇ ئادەم سىزنىڭ قول ئاستىڭىزدا ئىشلەيدۇ، دىمەك دىلمۇراتنى ئۆلتۈرگەن قاتىل سىز ، زادى نىمە مۇددىئايىڭىز بار ؟
- خاتالاشتىڭىز، مەنمۇ پەقەت باشقىلارنىڭ ھاۋالىسى بىلەن شۇنداق قىلغان ، بولمىسا ئۆزۈم بىلەن قىلچە ئالاقىسى بولمىغان بىر ناتونۇش يىگىتنى ئۆلتۈرۈپ قانداق قىلاتتىم ؟ ئەلى ئىككى ئىستاكانغا ھاراق قۇيدى :
- قىنى، بىر رومكىدىن ئىچىۋىتەيلى ! مىنى سەل مۈگە بىسىۋاتىدۇ ، ھاراق بىلەن ئۇيقۇمنى كىسىشىم كىرەك .
ئەلى تەڭلىگەن ھاراقنى شاھيار ئامالسىز قولىغا ئالدى .
- ھە قىنى، ئىچىۋىتەيلى !
شاھيار قولىدىكى قان كەبى ھاراققا قاراپ :
- بۇ قىرى ھىيلە ئىشلەتمىسىلا بولاتتىغۇ ؟ ئەگەر ئۇ ھاراققا بىھۇشلاندۇرۇش ياكى زەھەر سىلىپ…
- نىمە ؟ ھاراقتا زەھەر بارمىكىن دەپ قالدىڭىزما ؟ قاراڭ، مەنمۇ ئىچىپ بولدۇم . ئۇ قولىدىكى قۇرۇپ ئىستاكاننى كۆرسىتىپ :
- ھازىر قانۇن شۇنچىلىك چىڭ تۇرسا ئادەم ئۆلتۈرۈشكە پىتىنالايتىممۇ ؟ قىنى ئىچىۋىتىڭ !
شاھيار ئامالسىز قولىدىكى ھاراقنى ئىچىۋەتتى.
- ھە ياخشى بولدى، ئەمدى نەق گەپكە كەلسەك، مەن دىلمۇراتنى ماۋۇ ئادەم ئارقىلىق ئۆلتۈرگەن، سەۋەبىنى بىلەمسىز ؟
