作者：柯兆银
沪语改写：边秦翌
讲述：朱枫
文字、语音审核：丁迪蒙
编辑：王乙其
往期回顾：
我去养老院了 第四章：入驻养老院（一）
“有趟单位联欢，侬上台朗诵泰戈尔个散文诗《如果真是分离个辰光》，伊个情景我现在还记得。”周琴心讲。
“侬还记得啊？”陶个眼睛亮了，伊激动个大声朗诵：如果真是分离个辰光，请赐予我最后一吻。往后我勒梦中吟唱着追寻侬远方个踪影。情人啊，侬要常常来光顾我个窗口，冷清个窗口。”陶停下来讲：“下半段忘记脱了。”
“啊，对个对个，侬就是搿种抑扬顿挫个腔调。”周琴心笑了。
“陶老师个记忆力真好！”叶璐拍手称赞。
陶老开心个笑了。
一阵阵歌声传过来，陶听到充满激情个歌声，熬勿牢走回去了。人们高唱《我的祖国》，有人挥手臂指挥，有人伴奏，所有围观者侪勒唱，陶跟勒一道唱。
“今朝依嘉邪气开心，真好！下趟再来，阿拉走伐。” 周琴心催伊走了。
陶离开唱歌个人群，时勿时回头张望。啊，天介蓝，白云飘飘，阳光遍地，照得人暖洋洋个，让人感受到一种生命个活力；一阵阵凉风吹过来，像煞是是婴儿个手勒勒温柔个抚摸，让人邪气适意；就像翡翠玉石一样个绿颜色梧桐树叶子，发出一阵阵哗啦啦个声音，像煞是动听个音乐；最让人留恋个、是伊些唱歌个人，男女老少侪勒唱，充满活力，热情澎湃，可亲可爱……
“陶老师，阿拉下趟再来伐。”叶璐邪气温柔“去吃中饭伐。”“好个好个，走伐。”陶勿好意思了，还是一面走一面回过去看伊些歌唱个人。
伊拉走到公园对过个虹口龙之梦购物中心，到 B 座二层个外婆家餐厅，看到门口头有长长个等候队伍排勒海。“生意介好啊。”陶邪气惊讶。
叶璐搭服务员报了姓名、手机号，领位小姐讲“请跟我来”，带伊拉走到只安静个卡座。伊拉隔仔小台子坐下来。叶璐看菜谱，搭陶依嘉、周琴心报菜名，问是否合适，伊拉讲让叶璐定，伊就直接点菜了。上菜邪气快，茶香鸡、糖醋里脊、红烧肉、酸菜鱼、麻婆豆腐、冷拌海草，摆仔满满一台子；每个人面前还有瓶酸梅汤。
周琴心从包里拿了瓶红酒出来，叶璐接过，先搭陶依嘉、母亲，再搭自家倒。“让阿拉敬敬陶老师，”周琴心举起酒杯搭叶璐讲“祝陶老师安康幸福！”“祝陶老师身体健康，生活幸福！”叶璐举起酒杯。“谢谢㑚噢，希望搿种机会多一点。”陶依嘉举起酒杯。三个人轻轻叫碰了碰，各自拿一杯酒吃光。
叶璐搛了块茶香鸡摆到陶依嘉个碗里，伊谢了一声就吃起来了，老开心个。叶璐又搛块鸡拨勒娘，还伊拉搛红烧肉，讲“搿是招牌菜，味道蛮好个。”陶个手机响了，伊一看，讲“阿明个”就接了。
“刚刚路过养老院来看侬，没想到侬拨周老师接出去了。”张孝明讲。“阿拉勒虹口龙之梦吃饭。”陶依嘉讲。“谢谢伊拉噢。”
伊讲，“我最近勿过来了，书展要开始了，特别忙。姆妈，今朝买单我来，侬要张发票。我勿打扰了，再会。噢，帮我问伊拉好。”伊蛮急个拿对电话挂脱了。
作者：柯兆银
讲述：朱枫
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
