作者：施蛰存
沪语改写、讲述：金加修（十三）、姚佳樑（十四）
文字、语音审核：丁迪蒙
编辑：王乙其
但是，勿晓得今朝有啥好看个戏，等歇还要去买张报纸。伊现在勒看啥呢？影戏个广告？我可以去借过来看看伐，
假使伊坐了搿搭，假使伊坐了搿搭看……
——先生，借张有得影戏广告个报纸，可以伐？
——噢，可以个，可以个，小姐想去看影戏啊？……
小姐尊姓啊？
——哦，我姓张，我是勒上海银行做生活个……
迭能介末，一切侪会得老好个进行了。勒上海搿能介好个天气。伊没碰到一个熟人。婵阿姨勒勒瞎想八想，有个新交个男朋友陪仔伊勒马路浪向走，手搀牢仔手，暖热个太阳照勒伊拉相并排个肩胛浪，让伊觉着浑身上下个轻松。
讲述：金加修（十三）
但是，为啥伊勒上海银行做生活呢？婵阿姨又偷偷叫看了伊一记，勿对，伊确实勿是伊个管理保管库个行员。伊个行员还要年纪轻，面相还要和气，比较下来，风度也洒落得多，伊勿是伊个人。
一想起伊个年轻个行员，婵阿姨就特别清晰个看见了伊立勒保管库个门边浪盯牢仔伊看个神情。伊个是一道好像要讲闲话出来个眼光，一只动发动发个嘴唇皮，一副充满勒热情个面孔。伊老是勒勒门边浪向看勒海，搿让伊有眼烦燥，伊曾经觉着勿好意思磨磨蹭蹭个多费辰光，所以急匆匆个锁好抽斗，就出来了。伊记得上趟来开保管箱个辰光，伊个年纪大个行员并勿是搿能样子仔仔细细个看牢仔伊个。
讲述：姚佳樑（十四）
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
