作者：褚福海
沪语改写、讲述：朱友好
文字、语音审核：丁迪蒙
编辑：王乙其
天刚刚开始热个辰光，我冷陌生头想去看看荷花个景色。下半日个天气邪气热，老天爷像煞晓得我个心思，开始落毛毛雨了，我冒雨跑到拙政园去看荷花。
走进拙政园，远远叫看过去，亭榭假山、花草树木，勒雨个冲刷下头，清新亮丽。尤其吸引我眼球个，是挺拔清秀怒放个粉红色荷花，勒雨水个浇灌下头，娇滴滴、羞答答，袅娜多姿，风情万种。正勒我看得津津有味个辰光，树丫枝浪传来清脆个鸟叫声，打破了园内个安静。
迭个辰光个拙政园没啥人，更加显得清幽，整只园子里照仔层薄纱一样个水雾，悬挂勒空中，像煞有、像煞又呒没。
“嘈嘈切切错杂弹，大珠小珠落玉盘。”碧幽个荷花池里，瘦骨伶仃个荷花梗子撑起荷盘立勒微风薄雨当中，细小个雨滴落勒荷盘浪向，马上就变成了交关细小个水珠，邪气快个朝荷盘个底部围拢过来。一粒粒纯净个水珠，晶莹透亮，生机勃勃。迭个辰光，勿晓得从啥地方飞过来一只金黄颜色、又大又调皮个蜻蜓，伊轻巧个飞到了荷花个边浪，荷盘轻轻叫一抖，水珠就滚到荷花池里了，迓迓叫荡开了一圈圈个涟漪。蜻蜓停脱仔一歇，觉着没啥意思，就飞脱了。
雨，一直勒落，越落越大，荷花池里个水慢慢叫涨起来了，有个叶子已经勿需要荷花个梗子支撑了，慢慢叫浮勒水面浪，改变了之前个形状，原来围拢勒盘子当中个雨水像玉珠一样滚到了荷池里，发出哗啦啦个声音。我马上用鼻头去闻了闻，像煞勒欣赏一幅珍贵个艺术品。“青荷盖绿水，芙蓉披红鲜。”我撑仔阳伞，笃悠悠个冒雨兜了一圈。
莲，出淤泥而不染，濯青莲而不妖。伊从两千年之前走来，一直有诗一样个安静之心，与世无争，通身变宝，默默奉献自家，让世人警醒搭仔赞叹！
现实当中个我，为啥勿做一朵风尘当中最美个莲花，勿拨名利诱惑，勿让自家庸俗，纯洁透明，秉持原来个品性呢！
作者：褚福海
讲述：朱友好
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
