作者：柯兆银
沪语改写：边秦翌
讲述： 陈飞
文字、语音审核：丁迪蒙
编辑：王乙其
往期回顾：
我去养老院了 第四章：入驻养老院（一）
……
又一个夜到来临了，陶依嘉没勒室友拉睏着之前睏着，没办法，只好听满房间个打昏涂声音。
烫伤个风波过去了，陶依嘉个养老院生活恢复了常态。开始养伤个辰光，儿子囡儿侪来望过伊，新妇女婿也来过，阿明来得最勤。周琴心搭叶璐也来过，还有其他同事、朋友。伊几乎每天要接待一批客人，有辰光一日天要接待好几批。一只只笑面孔，一句句老暖心个问候，还有带仔浓厚个情意个礼物，让伊觉着人世间是搿能个温暖，伊暂时忘记勒勒养老院拨遗弃个孤独感。现在，康复已经有得几个礼拜了，看望伊个全部消失了，阿霖、阿珍自从上趟会议之后没任何消息，阿明只来过一趟，伊重新回到了寂寞。
伊邪气悲哀个想：“唉，寂寞像无底个深渊，我沉勒底部，抬头看天，每日天夜到搭阿明个视频通话就是一束亮光。但是现在，视频闲话少多了，常庄也就是三两就结束了，迭只世界覅我了呀！”
陶直到半夜里再睏着，醒转来天已经亮了。起来刷牙齿揩面，叠毯子、刷床、吃温开水。李莉来了，忙勒海开窗门、透空气，泡开水，为宋搭关整理床铺，揩夜壶箱。黄红梅出去搭老乡聚会了，李莉来顶半天。
“陶老师，打针。”李莉拿仔针筒走到陶面前。“我自家来。”陶咪咪个讲。“今朝就我来伐。”李莉讲。
陶依嘉拿上衣撩起来露出腹部，李莉先用酒精棉花勒打针部位揩揩，等仔一歇让酒精挥发，再伸手轻轻叫拿陶肚皮浪个皮肤捏起来，胰岛素慢慢叫打进皮下，小心个抽回针头，再拿棉球揩干打针个部位讲：“好了。”
走廊里餐车来了，李莉奔出去拿餐盘捧进来摆好，再拿了三双筷子、头朝外摆勒吃饭台子浪。“看呶，李莉拿筷子头朝勒阿拉坐个位置摆，阿拉拿起来就邪气方便。侬做事体可以个。天天到此地来就好了。”陶赞赏伊，
“人搭人就是勿一样。”宋讲。“李莉讨人欢喜。”关赞赏个讲。
“李莉，我要送侬面锦旗。”陶讲。“侬客气唻，搿侪是我应该做个呀。”李莉讲，“做工作总归要对得起工钿呀。”
“陶老师个想法好。”宋讲。“好是好，必过可能要得罪黄红梅了。”关提醒。宋勿满个瞄了关一眼，冷冷叫讲：“侬也好送黄红梅面锦旗呀。”
“搿倒可以考虑个。”关笑了。“黄红梅礼拜天侪勒加班。”陶问：“伊礼拜天加班有钞票伐？”“200块。”关讲“伊拉每礼拜做六休一, 只要愿意，就可以放弃休息加班，补贴200块。黄红梅每个礼拜天加班，每个号头好多拿 800块 ,也是辛苦铜钿。”
早饭之后，宋躺勒床浪向闭目养神，关坐勒床浪向看手机，像煞勒看啥个电视剧。陶从大橱里拿出三只信壳，每只里向装了廿张照片，是伊三个小囡从一岁到廿岁个生日，侪要搭伊拉合影个。伊邪气感慨，小囡从婴儿到成年，伊从年轻个母亲到老，辰光过得真快啊。
作者：柯兆银
讲述：金丽萍
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
