作者：柯兆银
沪语改写：边秦翌
讲述：邵名和
文字、语音审核：丁迪蒙
编辑：王乙其
往期回顾：
我去养老院了 第四章：入驻养老院（一）
阿珍为阿霖个问话叫好，伊假装白相手机，迓迓叫拿录音键揿下去了。
“我来回答大阿哥个问题。”季芳芳挺身而出，“老房子个户主变成功阿明个名字，是姆妈主动提出来个；阿明并呒没作出任何承诺。另外，阿拉买新房子缺钞票，寻朋友借了勿少，后来要还，阿拉钞票勿够，乃末阿明再想到卖房子，前楼卖脱，后楼留下来。”季看看阿霖搭阿珍，“我作为旁观者认为，姆妈拿老房子过户拨勒阿明，完全是体现了母爱。据我晓得，姆妈要拿老房子过户拨勒阿明，伊开始是坚决勿肯要个，当时我也讲勿合适，因为姆妈并勿是只有阿明一个儿子。姆妈讲，阿霖、阿珍个房子侪老大个，侪是一百六十多平米，就是阿明房子小。姆妈还讲㑚胸襟宽阔，勿会计较个。我个闲话可能让㑚勿适意，我表示抱歉，必过搿是真实个情况。”伊拿了几串葡萄摆到大家面前，“来，吃葡萄。”
“我屋里个房子是公司买个，我贴过钞票，阿拉没拿娘一分洋钿。”阿霖讲。
“我屋里房子是大点，是用自家钞票买个，没问娘要过一分洋钿。”阿珍弦外有音个讲，又阴阳怪气个讲，“大阿哥啊，姆妈个两间房间侪拨阿明拿脱了，侬覅生气，阿拉已经有得大房子住唻。”
“侬搿勿是存心挑拨嘛。”阿明勿开心“姆妈主动拿房子过户拨我，我买房子个钞票勿够，卖脱前楼补贴，姆妈也是支持个。”
“侬没回答我个问题，是侬承诺了啥娘再拿老房子过户拨侬呢？是娘同意了侬再卖脱前楼个，还是侬卖脱了前楼再告诉伊个？”啊霖盯牢仔问，口气勿大好，“还有，姆妈是啥辰光拿老宅过户拨㑚个？是勒㑚买新房子之前呢还是之后啊？”
“其实搿些问题没实际意义，房子过户拨了阿明，伊就有处置权。必过大阿哥既然问，我就汇报一下。阿拉搬进新房子，过了段辰光，姆妈再拿房子过户拨阿明个，应该是奖励阿明个孝顺伐。”季笑咪咪个讲，“大阿哥，对于姆妈个帮助，阿拉是深深个铭记在心个，买了新房子就请伊住过来，伊有电梯可以享用，勿要水泥楼梯跑上跑下了。”
“覅讲得比唱个还要好听，”阿珍面孔沉下来了，质问伊，“姆妈单位分配个两室户，㑚占了；阿拉从小居住个老房子，㑚占了，还拿前楼卖脱了；㑚买新房子钞票勿够，姆妈拿出积蓄，伊个养老钞票㑚又占了。”“我是拿卖脱旧房子个钞票买新房子个，原来个旧房子是我买下来个。”阿明理直气壮。
“侬还好意思讲啊，侬卖脱个旧房子是姆妈单位分配个租赁房，侬用了一万五千块就买下来了，后首来到市场浪卖脱了多少钞票？我查过个，市场价每平方7万，总共56平方，侬卖了392万，加上老房子150万，侬总共拿到了542万。” 阿珍眼乌珠瞪得滚滚圆，“我搭阿霖得到多少钞票呢？啊？零。”
“侬搿能介吵相骂勿讲道理，阿拉就没办法谈下去了。”阿明面孔涨得通通红，“阿珍，侬囡儿申佳小辰光是姆妈带大个伐？阿霖个囡儿张婕小辰光姆妈也带过个。㑚结婚，姆妈也拨过㑚钞票个。姆妈对屋里任何人侪是有贡献个，或者讲，阿拉侪享受到了姆妈个阳光雨露。”
作者：柯兆银
讲述：邵名和
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
