作者：施蛰存
沪语改写、讲述：张娅佳（十九）、 王静（二十）
文字、语音审核：丁迪蒙
编辑：王乙其
往期回顾：春阳（一）（二）
伊拨伊看勒海。伊勒勒等待。伊有点尴尬，但是欢喜。伊会得哪能呢？伊老亲切个讲： 放心好唻，就是勿锁，也覅紧的，太太。
啥个？太太？太太！伊叫伊太太！
愤怒搭仔拨侮辱个感情勒伊个眼框里奔涌，伊要哭了，伊装勒海苦笑。
当然，伊是勿会得发觉个，伊作兴认为伊是难为情。伊别转身，走了。
勒库门外头，伊看到一个着得老跳老艳个女人。
——啊，密司陈，开保管箱啊？钥匙拿了伐？
伊听见伊勒背后头问，更加亲切个问。
伊刚好走勒搿女人个身边。伊看了伊一眼。密司陈，密司！
乃末，伊走出了上海银行个大门。一阵个冷。眼门前阴丝丝个，天色又变坏了。西北风。好像还要落雨，伊迟疑了一下，终于拿围巾披好了：
——黄包车，北站！
勒车子浪，伊拿出怀表来看，两点十分，还赶得上三点钟个快车。勒拿怀表囥起来个辰光，冠生园个发票拨伊从衣裳袋袋里带出来了。伊蛮困难个，但是老专心个勒勒算：菜，茶，白饭，堂彩，付脱两块洋钿，找了六角，还有几只铜板呢？
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
