作者：巴金
沪语改写、朗读：罗国燕
文字、语音审核：丁迪蒙
编辑：王乙其
前言
多年前，我常去香港参加各类文学、语言研讨会。大陆学者用普通话发表，香港、澳门学者都使用粤语。从交际交流来看，外地学者听不懂粤语，但是香港的学者却个个神情专注，时不时点头，可知，他们是完全是理解的。
做学术报告可以，那么，用地方语言来朗读高雅的文学作品，是否也可以呢？
2017年开始，我把文学作品改写成上海话来朗读，并在公众号里发表，至今已经八年了，基本上每天发布两篇。至今已累积几千篇了。越来越多的朋友参与进来朗读。听众越来越多。
地方语言承载着地域文化，是地方文化的根脉啊！用地方语言朗读文学作品，全中国只有上海有！
6月16号是父亲节。我策划了由浦东海派旗袍文化联谊会主办的《巴金作品沪语朗读会》。我认为，巴金，是世界个，是中国个，也是上海个。用沪语来朗读他的作品，是完全可以，也是应该的。
从今天开始，陆续发表用沪语朗读的巴金散文。
往期回顾：
船舱外睏了一个船工，伊像煞安静个睏着了，我个脚步声并勿曾踏破伊个梦。船浮勒平静个水面浪，水清白个发微光，四周侪是淡墨色个山，像屏风一样护牢仔搿一江水搭仔两三只睏着个木船。
我陔了船舱个门立勒海。江水碰着船底，一直勒低声私语。一阵一阵个风迎面吹过，船篷也轻轻地叫起来。我觉着呼吸畅快一点。不过跟牢仔昏涂声，从舱里又送出来个"火"字。
我打了只激灵，搿是我自家个声音，我自家梦里向个"火"！
四年了，伊跟牢仔我四年了！
四年前上海沦陷个搿一天，我曾经隔仔河浜望过对岸个火景，我像勒看燃烧个罗马城。房屋成了灰烬，生命遭受摧残，土地遭蹂躏。勒我个眼门前沸腾一片火海，我从来呒没看到过介大个火，火烧毁了一切：生命，心血，财富搭仔希望。不过迭搭我并勿是没关系个。燃烧个土地是我居住个地方；受难个人们是我个同胞，我个弟兄；被摧毁个是我个希望，我个理想。搿个民族个理想正受仔熬煎。我望牢仔满天个红光，我觉着有一把刀勒割我个心，我想起一位西方哲人个名言，伊讲："迭能个几分钟会激起十年个憎恨，一生个复仇。"我咬紧牙齿勒心里发誓：我伲有一天一定要抬起头回到搿个地方来。我伲要勒火场浪辟出美丽个家园。我离开河岸辰光勒咽眼泪，我像煞看见了火中新生的凤凰。
四年了。今朝夜到勒从阳朔回来个木船浪我又做了搿可怕个火个梦，勒平静个江面浪重见了四年前上海个火景。四年来我呒没一个辰光忘记过迭能个一天，也呒没一个辰光勿想到要抬起头回来个日脚。难道胜利个日脚逼近了么？或者是我个热情开始消退，需要烈火来帮助我重新燃烧？朋友睏梦头里讲出个"火"字对我是一个警告，还是一个预言？……
我惶恐个回头朝船舱里张了张，朋友侪睏得邪起熟，呒没人拨我一个答复。我刚刚拿头掉转辰光，突然看见一个亮个影子从我个头浪飞过，朝仔前面欸座马鞍似个山头飞走了。搿正是火中个凤凰。
我个眼光追随勒我脑中个幻影。我想到我伲个苦难中个土地搭仔人民，我不觉含仔眼泪笑了。我一记头觉着整个江，整个天空，搭仔无数个山头侪亮起来了。
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
